#انتقامي_من_اريمار هدولة الجزانسية

الحلقة 10💕

#انتقامي_من_اريمار الحلقة :10
#ممنوع_النقل_بلا_اذن
#H_B
ناضت شابعة نوم تكسلت في بلاصتها ناضت عملت دوش باش تروح  للفاك و تكمل مسيرتها دراسية لي وعدت بيها امها  راحت لدريسينغ جبدت خلعة نوار كول باطو و سروال دجين لبستهم دارت غلوس في فمها و سنيكرز  و هبطت تفطر
فاطمة: نهارك مبروك بنتي
براءة : صباح لخير خالتي فاطمة بابا هوني
فاطمة: خرج صباح بكري وصاني نقلك تاخذ الشوفار يوصلك و يردك هو
براءة : باهي خالتي فاطمة قوليلهم يوجدو الكرهبة نفطر و نطلع
فاطمة: باهي بنتي
براءة : و ادم وينو
فاطمة: اهوكا فالبيت مع سحر يلعبو براءة : باهي خالتي رد بالك عليه في غيابي
فاطمة: متخافش عليه بنتي انتو زوج من ريحت الغالية الحنينة الله يرحمها
براءة : بصوت ونبرت حزن الله يرحمها 
كملت فطرت هزت صاكودوها و تليفونها  لبست فاست و خرجت ركبت فالكرهبة
........

آسر لم رجالو ليوم يوم كبير سلعة داخلتلهم ولازم ياخذو حذرهم كل لازم العنين كل و لوذنين كل تكون محلولة اي غلطة يروح كلش
فراس : بعد ما حكمنا الخاين لمرة هاذي مش راح يكون مشكل ما تتقلقش
آسر : مشني مقلق كون تصرا غلطة لمرة هاذا لاما **** نقتلهم كلهم ما نخلي فيهم ****
فالجيهة الأخرى
👥: بوس داخلة ليوم سلعة جديدة و آسر نبه الا ما يقتلهم كون تصرا غلطة وش حابنا نعملو
👤: خليه لمرة هاذي يدخلها خلي يحسابنا مش علبالنا و مش فيقينلو كي يعس الضربة لي راح تجيه من ضهرو حنا نضربوها في صدرو.... 

براءة واقفة قدام كلية ادارة الاعمال بقالها خطوات وتدخللها  وقفت عدلت شعرها رداتو ورا وذنها و مشات بخطوات واثقة و بكل انوثة  دخلت باش تبدا نهارها لول  قعدت  و جات  وقفت حذاها
فروزان: براءة انت هوني! 
براءة : فروزاان هه و سلمت عليها
فروزان : مش كنتي في فرنسا ؟
براءة :  رجعنااا بش نبقاو هوني
فروزان :  والله من سنين ما شفتكش
براءة : امم من وقت كنا نروحو مع ماماواتنا للجمعية ههه...  اقعد شبيك واقفاا تي ما صدقت لقيت رفيقت طفولتي هههه
سكتو كي دخل لبروف و بدا  يشرحلهم.... 

محاوط بين لوراقي فالبيرو مفاق غير وقت نوقز تليفونو
هند: الو حبي توحشتك
سليم: يعيش حبي راني فالخدمة تو كي نكمل نكلمك
هند : باهي عيطلك نقلك راني نستنا فيك ليوم محضرتلك روحي
سليم : تبسم باهي نكمل و نجيك

خرجت من الفاك مع فروزان يضحو رجعو ذكراياتهم مع بعض  
براءة  : خلاص فروزان كرشي ضرتني من الضحك امان
فروزان: دايمة الفرحة ليوم فات صعيب برشا ان شاء الله  لايام لجاية نخرجو عليها لقرايا
براءة: اي والله تعبت عللخر  تو نروح نستسلم للنوم
فروزان : امان لي يسمعك يقول مش لي من نص ساعة مكنتش نايمة فالكلاصة هههه
براءة : اماان والله تعبت ما خذيتش بالي جملة هههه
فروزان : باهي باهي يا لالة تو تتعود هيا انا نخليك تو باي كي تروحي كلمني بش نبعثلك دروس فالايمايل
براءة : اوكي  وتفرقو ركبت براءة مع العم احمد و مشاو مروحين للفيلا

عند آسر
قاعد ورا بيروه يخمم فالماضي  في انتقامو حتا وصل يخمم في براءة  من اخر مرة جاو لدارو يشوفها غير من بعيد تو فات شهر اما ديما يحس روحو ضايق يتفكر ضحكتها و براءتها و لي جاست لي عملتها قعد معاها وقيت و شهر ما نجم ينسا حتى انو بعث شكون يراقبها و يجيبلو خبارها  دخل فراس ولقاه سارح في تخمامو و  شطر تبسيمتو ضاهرة
فراس: شكونها
فاق آسر من سرحتو
آسر : وكتا جيت ما فقتش بيك
فراس: وقت كنت تخمم فيها شكونها ؟!
آسر : شكونها شتحك انت !!
فراس: لي كنت تبتاسم ونتا تخمم فيها
آسر :ما*** بيا خير ما نطيحلك قدرك تعرفني نخمم فال**** و نتبسم كي نتفكرهم
فراس : ما قتلكش انا *** يمكن وحدة مش زيهم
آسر : تبلع *** ولا هز روحك ما نحبش نرا**** قدامي
فراس: شبيك ما قلنا شي خلاص سكتنا مش باش نجبدلك لمضوع لين تحكيه وحدك
آسر : شبيه سماك **** بيا انت
فراس: باهي باهي براحتك