#انتقامي_من_اريمار هدولة الجزانسية

39

#انتقامي_من_اريمار الحلقة : 39
#ممنوع_النقل_بلا_اذن
#H_B
طلع النهار حلت عينيها دخلت عملت دوش لبست لي جا قدامها ليوم مكانش خدمة خرجت فاتت لبيت آدم ما لقاتوش هبطت فالدروج و تغني
براءة : صباح لخير سحر وينو آدم
سحر : خرج هو و سي ليام عالصباح براءة : ما قالش وين ماشيين
سحر : لا مقالش
براءة : بابا ما جاش ؟
سحر: لا .. تحب نجيبلك فطورك
براءة : لا ما تعبش روحك تو نفطر فالكوزينة مشات راحت للكوزينة
براءة :صباح لخير خالتي فاطمة
فاطمة : صباح لخير بنتي
كملت فطرت و طلعت لبيتها تخدم شوي نوقز تليفونها
فروزان : صباح الخير
براءة : صباح لخير
فروزان: حلي الباب
براءة : دق تو يفتحو
فروزان : لا حل انتي
براءة : تهنا مش هوني خرج هههه
فروزان : باهي
دق باب بيتها
براءة : شبيك حاشمة منو
فروزان : مش قتلك ما تقولوش بلي سألت عليه
براءة : ههه مكانش في مخو يا بنتي حتى ما ثبتش فلي قلتو
فروزان : علااه شبيه
براءة : باز متقابض مع صحبتو
فروزان : شنياااا وحلت عنيها على وسعهم
براءة : هههههه نفدلك نفدلك
فروزان : يعيشك ما تتفدلكش هك
براءة : تغير عليه ؟ ههه
فروزان : علاش بش نغير
براءة : امم يعني !!
فروزان : قوم قوم يزي من الهدرة الزايدا
براءة : وين! 
فروزان : ماخلتنيش حتا نخبرك  كاين اجتماع متاع الجمعية قوم نحضرو رواحنا
براءة : بربي لتو باش تحكي!! 
فروزان : مشا من بالي قوم مزال الحال
حضرو رواحم و نزلو
براءة : سحر راني طالعة كي يجي ادم شربلو دواه
سحر : باهي
براءة : يعيشك
خرجو ركبو في كرهبت براءة  و مشاو وصلو دخلو كانو شوي نساء
فايزة : نحب نعرفكم ب براءة وفيق بعيدا على انها اصغر مليونيرة ..انا حبيتها تكون عضو معانا خاطرها بنت من أقوى مساندين جمعيتنا "المرحومة صوفيا وفيق " لهذا ما حبيتش تعبها الكل يروح نحب نخلد ذكرها ب بنتها و لاني انا رئيسة الجمعية نرا انو نرد معروفها علينا
الكل رحب بيها و قعدو فالطابل بعد ما هدرو....