#انتقامي_من_اريمار هدولة الجزانسية

الحلقة 31

#انتقامي_من_اريمار الحلقة : 31
#ممنوع_النقل_بلا_اذن
#H_B
دخل لدار لقاهم يوجدو فالطابل
ليام : سحر براءة جات
سحر : اي جات تو في بيتها مع آدم  ليام : وحدهم
سحر : اي من شوي كان هوني سي آسر و روح
ليام : آسر!! 
سحر : اي
ليام : باهي كملو وجدو تو نعيطلهم و نهبذو
سحر : تحب نمشي انا نعيطلهم
ليام: لا مايسالش برا كمل انت
طلع مشا جيهت بيتها
آدم : براءة وين جات الجنة
براءة : امم لفوق فالسماء
آدم : يعني ماما لفوق فالسماء تشوفنا هي؟
براءة : امم تشوفنا ديما واحنا باش نبقاو نتذكروها ديما خاطرها هوني
وحطت يد جيهت قلبها و يد جيهة قلبو
آدم : وكتاش بش نمشيولها احنا توحشتها برشا
قاطعهم ليام
ليام : عالسلامة
براءة : عالسلامة
راح آدم يجري وتلاح في حملتو
عمو ليام تعرف لي امي تشوف فينا من السماء و بش نبقا حاملها هوني ونتذكرها طول حياتي
ليام : امم صحيتك هي راح تبقا في قلوبنا الكل ونبقو متذكريتها الكل
براءة : ليام مفماش خبر على مامي ليلى مش باش تجي ؟
ليام : الصباح كلمتها تسلم عليكم وقاتلي بوسلي آدم  و مش بش تجي تعرف امي و طبعها
براءة : نعرف
ليلى هي مرا فالخمسين في عمرها اصلها روسي تزوجت من اب سليم وهي صغيرة اكبر من سليم بشوي هي مرت بوه وام ليام كانت قريبة برشا من صوفيا خاطرها بنت اختها  وتعتبرها كيف ليام بالضبط ديما تحامي عليها وواقفا في صفها خاطر  تحس قصتها وقصت اختها تعاودت في بنت اختها صوفيا ...اما صوفيا مكانتش قوية بش تتحمل لي تحملوه هوما صوفيا كانت اضعف من انها تعيش لي فات عليها الكل
ليام : هيا نهبطو لعشا جهز 
هز ادم من جيهة و بيد حاوط بيها براءة من كتفها وهبطو يتعشاو
براءة : وين مشا بابا
ليام : خدمة برا لبلاد يومين و يجي
ايه ماقتليش علاش جا آسر 
براءة : مش انا وليت المسؤولة جاب شوي ورق بش نمضيهم و فهمني شوي فامور كهو
ليام :  باهي ايذا ما فهمت شي حاجة قلي تو نعلمك
براءة : اوكي
كملو عشاهم فالساكت و كل واحد طلع بش يرقد
ليام : تصبحو على خير ودخل بيتو
وهي فاتت مع آدم لبيتو عملتلو الانسلين غطاتو ومشات لبيتها ستسلمت لنوم باش غدوا تبدا نهار جديد
بعد ما طلع من عندها وصلو خبر انو السلعة لي وصلت مش كاملة  مشا لديپو لي فيه السلعة حرق الكياس مخلي وراه لعجاج وصل جبد فران عمل صوت رجالو الكل ثم بالكوستيم النوار متفرعين في كل بلاصة السلاح في يديهم ( تحس في روحك في مسلسل واد الذئاب)  باشارة منو تجمعو الكل في فرد بلاصة دخل كشاكشو يصيح عليهم
آسر : فسرولي كفاه تجيبو السلعة ناقصة !!! كيفاه ياخي حيوانات انتو ؟ ميليارات مدفوعة  فهالسلعة كيفاه يعديوها عليكم اه نخدم في بهايم ؟!
👤: سي آسر 
آسر : اسكت حتى كلمة بلع *** نحبكم تلقاوه طلعوه من سابع ارض من كرش الحوتة ما يهمنيش حكمو من خناقتو ولز على سنيه بش تجيبوه  مشا ركب كرهبتو و خبر فراس بالشي لي صرا
آسر : نص ساعة نكون عندك و ديمارا بش يمشيلو
حبس عند دار فراس دق فيسع ما حللو مشا لصالون
فراس : شبش نعملو
آسر : مش بش نعملو شي حب يلعب معانا اما مش بش نعمل شي المرة هاذي انا قريب نوصل وين نحب مشا هز كادر فيه هيف ورمال في خطبتهم
آسر : وصلت يا فراس بش نجيب حقهم و حق امي زادة مش بش تتعدالهم بالساهل تفهم
فراش : نتفهمك وجيعتك مش بعيدة على وجيعتي حتا انا خسرت زوز عباد غالين على قلبي
آسر : فما شي خبر على البوس
فراس : لا اما قال بش نستناو لين يعيطلنا
آسر : باهي اذا صرا شي عيطلي
فراس : ماشي بش تسهر ؟
آسر : لا تاعب بش نروح
فراس : اوكي
خرج آسر مشا فراس هز الكادر وثبت معاه
فراس : اي مش بش تتعدا بالساهل
وصل لقصرو مشا لبيروه قعد يتذكر فيها طريقت كلامها و تبسيمتها عينيها لي كيف لبحر و ضحكتها لي تسحر لي جاست لي تعملهم وقت تبدا مركزة في حاجة كيف ترد شعرها ورا وذنها وتبدا تحكي بيديها بش توصل الفكرة ولا تسأل شي حاجة تبسم و جبد الپيسي بقا يخدم لين تملكو النوم وطلع وغطس في نومة.