#انتقامي_من_اريمار هدولة الجزانسية

الحلقة 18

#انتقامي_من_اريمار الحلقة :18
#ممنوع_النقل_بلا_اذن
#H_B
كانت الساعة14:30خرجهم الپررف على بكري
فروزان: شباش تعمل تو
براءة : باش نروح شباش نعمل
فروزان : باهي مالة غدوة ونشوفك باي
براءة : باي
فزوزان: تحبي نوصلك في طريقي
براءة : لا ليام قال بش يتعدى ياخذني اما في بالو نخرج على 3 تو نستناه
فوزان : باهي كان مش امي مزروبة نقعد معاك اما هاك ترا فيها جات
براءة ميسالش برا روح انتي
مشات فروزان و براءة مشات قعدت على الكرسي متاع الفاك وقيت و جا قعد معاها نفس الراجل لي جاها قبيل دورت شافت فيه جات راح توقف وهدر
👤: تعرف انك نسخة على صوفيا امك
ركحت و عدلت في قعدتها
براءة : منين تعرف امي انت
👤: حكاية طويلة ايلا تحب كلمني اما مش انا لي راح يحكيلك صافيناز...... ماماتك هي لي راح تحكيلك كلشي
براءة : شنو تخرف انت ونا ماماتي شكونها صافيناز
👤: لا عندك عندها برشا تلوج عليكم تو باش ما نطولش ماني قتلك راك مراقبة اما وين نلقا لفرصة نجي نكلمك ويذا حابة تعرف لحقيقة كلمني في نمرويا
براءة : شكونو لي يراقب فيا
👤: ما نعرف اما يمكن يكون بوك...
مشا وخلاها تبعاتو لين ركب كرهبتو هو مشا و يجي ليام يقاري في بلاصتو فنفس اللحظة شافتو ناضت تززب ركبت
ليام: شفما شبيك ؟!
براءة : شي اما خرجت بكري ليوم و مليت وحدي
ليام : امم شوي و تتفرهد عللخر... طريق كل مرجاتو وهي تسأل فيه اما هو ما حكالها شي حتا وصلو ڨارا عند باب الفيلا
ليام: انزل
براءة : علاش روحنا ويني سورپريز
ليام: انزل تي شبيك مزروبة
نزلو جا من وراها و غمضلها عينيها بيديه
براءة : اما ليام سيبني نخاف نطيح
ليام : امشي ما يصيرلك شي هاني حاكمك
مشاو للجردان و وقفو
براءة :شبينا وقفنا
ليام : باش نحسب من ل 3 و تحل عينك
براءة : باهي
ليام : 1.....2.....3.. و سيبلها عينيها براءة : شونو هذا ؟!!!
ليام : سردوك.... وش ترا فيه يا للا ؟!
براءة : ما تقوليش هاذي ليا
ليام : اممم مالة ليا راح نصوق انا كرهبة حمرة هههه ؟!
تلاحت عليه براءة تبوووس و تحضن فيه: مش مصدقة كنت حابتها عللخر وكنت بش نطلبها من بابا كيف عرفت!
ليام: هههه ما يهمش المهم عرفت و رجعت حضناتو بقا محضنها بفرد يد و مشاو دخلو لدار
ادم جا يجري عند ليام
آدم : حتا انا نحب كلهبة كيف متاع بلاءة
ليام : انت اكبر برك تو كراهب الدنيا كل نجيبهملك
براءة : تو نطلع نبدل دبشي وننزل نعملو بيها دورة
ليام : ما فماش سواقة لين تاخذ الپرمي
براءة : صباح الخير ماني خذيتو و صايي
ليام : باللهي علاش ما فيباليش
براءة : وقت سيادتك مكنتش هوني
ليام : هههه باهي اطلع بدل تو نخرجو نعملو دورة بيها
طلعت لبيتها فيسع بدلت دبشها ونزلت
براءة : هيا راني وجدت
هز روحو و خرجو ركبت و ركب حذاها و ديمارات

اسر بعد ما راح لشريكة متاعو لقا برشا خدمة تستنا فيه ..... شاف الساعة لقاها 5 هز روحو وقرر يكمل خدمة فالدار هز فاستو في يدو و خرج ركب كرهبتو و مشا ديراكت لدار طلع عمل دوش بعد ساعة لبس سروال سورفات و هبط لبيروه مع دخل هز تيليفون لقا لڨارد لي يعس على براءة عيطلو عاود طلبو و قالو باش يجيه ..... دق الباب و تحل
آسر : فوت سماعيل
سماعيل: سي آسر طلبتك ....قبل ما يكمل ...
آسر : شفما شصار نحبك تحكيلي شعملت ليوم بالتفصيل
سماعيل: مشات مع شب صباح يضهرلي من عايلتها خرجو مع بعض من الفيلا وصلها للفاك
آسر : شكونو معرفتش شكون
سماعيل:قالولي لي هو خو سي سليم اما هو صغير برشا عليه
آسر : باهي نحب نعرف شكونو... كمل نسمع فيك
سماعيل : وقت خرجت تتغدا مع صحبتها جا راجل كبير شو قعد جنبها اما ما طولش و مشا و رجعلها بعد ما خرجت حكاو قدام الفاك
آسر : ما عرفتش شكونو ؟
سماعيل : لا
آسر : بعدها شعملت ؟
سماعيل : جاها الراجل لي وصلها مع الصباح و مشاو للفيلا
آسر : امم نحبك تعرفلي شكونهم هاذو الزوز
سماعيل : باهي سي اسر
آسر : برا تو لخدمتك نحب كل شيء بالتفصيل..
خرج و جبد يكمل في خدمتو لي جابها معاه

ليام : تي شبيك تصوق هك راهي bugatti كرهبة سپور ماشي برويطة دوس بنزين ابنتي
براءة : امان شبيه صوقاني ماني نمشي براحتي
ليام : يا بنتي رانا في ساعة ما تحركناش من نفس لبلاصة
براءة : امان ليام خلي نصوق هك تعرفني ما نحبش الڤيتاس
ليام : ردنا تو للفيلا عندي ما نعمل توخر الحال
براءة : شعندك ما تعمل
ليام : باش نمشي نصهر مع صاحبي برشا ما سهرناش مع بعض
براءة : امان خوذني معاااك
ليام : أنسى باش تروح معايا جو مش جوك
براءة : اماان نقلق وحدي فالدار
ليام: هاو معاك ادم
براءة : دموع في عنيها امانك اديني ادم ينام بكري تو نقعد وحدي ونخاف
ليام : باهي امشي روح بينا سع
براءة : تبسمت و مشات تزيد فالفيتاس
ليام : مش تخاف الفيتاس ولا خفت نبدل رايي ههه
براءة : هههه اي.... رجلي كلها تترعد
وصلو قارات عند الباب و هبطت تزرب
ليام : شبيك تزرب
براءة : بش ما تبدلش رايك
ليام : مش باش نبدلو اما لازمك ما تحكيش لبوك ولا راح يدفنا لزوز
براءة : باهي ما نحكيلوش و طلعت لبيتها تلوج على وش تلبس جبدت غوب نواغ قصيرة شوي لبست طالون كحل سيبت شعرها و عملت غلوس و هبطت
ليام : برا البس حاجة تو يبرد الحال فاليل تمشيش تمرض
راحت حلت الپلاكار لي عند الباب جبدت فاست كوير هزتها في يدها و خرجو....
💎💎💎💎💎💎💎💎💎
هي كي دات الباك عمهاا جابلها buggatti انا عمي باركلي بخمسين الف😂😂.... ونتوما وش جابلكم عمكم كي ديتو الباك ؟!