#انتقامي_من_اريمار هدولة الجزانسية

47

💕💕💕الحلقة 47💕💕💕
تخطفت من صوتو
براءة : حتا شيء هاك تليفونك يعيشك و مدتهولو في يدو وخرجت ركبت فالكرهبة وهو ركب و ديمارا يصوق كلاها قلبها تعرف شكون هوما هذوك لبنات طول الطريق ساكتة لين هدرت
براءة : آسر
آسر : وي!! 
براءة : كانت عندك اخت وحدة
عرفها حبت توصل لشكون لي كانت معاه فالفوطو خاطر شافها كي راتهم
آسر : اي اخت وحدة هيف
براءة : كنت تحبها
آسر : كيف ما تحب انتي آدم بالضبط في لحظة خمت كون تصرا حاجة لآدم بش تهبل
براءة رجعت بش تجبد لهدرا منو: يعني انت واختك اكهو في داركم ما كان حتى حد غيرها ؟
آسر : وين تحب توصلي باسألتك!
براءة : لااا لحتا بلاصة أنسى اني سالتك سكت ما جاوبهاش
براءة : مطولين بش نوصلو
آسر : لا تقلقت ؟
براءة: علاش بش نتقلق ديجا اي مقلقة منك علاش ضربت باسل البارح آسر مع نطقت اسمو لعصب ركبووو
آسر : خاطرني شتهيت نضربو
براءة : السبب؟
آسر : انت السبب  و دار شاف معاها
براءة : شعملت انا ما تلصقش غلطتك فيا كيف انا السبب
آسر : مش باش تعرف وش عملت تو اما نوعدك قريب بش تعرف
كملو طريقهم فالسكاات

كان هابط فالدروج نوقز الباب جات بش تحل سحر
ليام : خلي تو نحل انا  مشا حل
ليام : فروزان!! 
فروزان : صباح الخير براءة هوني ؟ صرات حاجة!  مريضة  هي؟ لا آدم لي مريض ! باز صرات حاجة والا كانت بش تهز تليفون عليا
ليام : وش تهدر يا بنتي فوتي
فروزان : ويني براءة في بيتها
ليام : لا فوتي لصالون تو نحكيلك
مشاو لصالون وهي ما حبستش من الهدرة تقول كاسات وشعلتبها
لياام: فروزااان روض خلي نهدر براءة مشات مع آسر عندهم خدمة و تليفونها نساتو في كرهبتها هاذي كل لحكاية شبيك عملت سيناريوات هاذو الكال وحدك
فروزان : يعني ما صرات حتا حاجة
ليام : تسأ (لا)و طلع حواجبو لفوق وهبطهم
فروزان : يعني جيت على الفاضي
ليام : نفهم من كلامك ماكش حابة تشوفيني
فروزان : لا اما
ليام : لا اما ولا شي جيتي في وقتك
فروزان : شفما
ليام : بش نخمو للحفلة
فروزان : حفلة ؟ حفلة شنوا
ليام : راح نتوجو انا وانت وغمزلها
فروزان : شنواا بربي شكون قالك قابلة
ليام : نفدلك انا بعد ما نتزوجش وحدا ما تسكتش كيفك تكسرلي راسي بالهدرا متاعها
فروزان :😠😠 لعصب ركبها بش نروح
ليام : ستنا حفلة عيد ميلاد براءة
فروزان : مزال سمانة
ليام : نعرف 😑 اما بش نبداو نحضرو من ليوم بش تقفل 20 سنة لازم نحضرولها سورپريز مليحة لازم تعجبها
فروزان : امم شبش نعملو
ليام : لازم نختارو بلاصة او شي... و....و...و.. 
فروزان : متفاهمين من غدوا بش نبداو
ليام : اوكي تو نطلبك و نهدرو فالتفاصيل
فروزان : باهي  .....
وصلو للاوتال نزل اسر و وراه براءة  دخلو ومشاو جيهة غرفة الاجتماع متاع الاوتال خبروهم بلي الجامعة تستنا فيهم دخلو سلمو على الكل و قعد آسر بجنبو براءة....  بداو يهدرو على المشروع.... بدا آسر يهدر الهدرا الكل كانت بالانجليزي  .... بعد ها ناضت براءة باش تهدر
آسر : براءة شتعملي....  ما جاوباتوش و بدات تهدر و تشرحلهم بالروسي ....