#انتقامي_من_اريمار هدولة الجزانسية

32

#انتقامي_من_اريمار الحلقة : 32
#ممنوع_النقل_بلا_اذن
#H_B
نهار جديد على ابطالنا  فاقت على آدم ينوض فيها
براءة : شفما آدم خليني نرقد
آدم : قوم بش توثلني ( توصلني) 
براءة : برا عم احمد يوصلك
آدم : مث هوني
براءة : وليام!
آدم : راقد قالي برا براءة توثلك 
ناضت قعدت شافت الساعة 7:20
براءة : باهي فطرت ؟
آدم : اي
براءة : عملت الانسلين ؟
آدم : عملتهالي خالتي فاطمة
براءة : تو نلبس و نوصلك
قمت مشات لدوش ريقلت روحا عملت غلوس وشوي ماسكارا ملقاتش وش تلبس في اول يوم خدمة ليها هزت تيليفونها تعيط لفروزان
فروزان : صباح الخير
براءة : ما فماش خير
فروزان: شبيك عالصباح
براءة : وش بش نلبس
فروزان : شافتك تحمست للخدمة
براءة : تحمست للخدمة لا شي
فروزان : مالة تحمست لآسر ههه
براءة : فروزااان انا لي ما نسوا شي لي طلباتك بش تعوني
فروزان : باهي باهي البس حاجة كلاسيك هك
براءة: ما عنديش كل شي سپور
فروزان : البس اي حاجة ليوم تو لعشية نخلط عليك نشريولك دبش جديد ههه
براءة : باهي باي
راحت لبست سروال بوي فراند مع خلعة غوز دارتها داخل السروال لبست سنكرز بلون بالغوز و صاكادو هزت تليفونها ومفتاح كرهبتها و نزلت تفطر
براءة : صباح الخير
فاطمة: صباح لخير بنتي وجهك منور ليوم
سحر : بش تبدا الخدمة ليوم
براءة :ههه اي
فاطمة: ربي يسعدك ويسرلك طريقك يا بنتي
براءة : آمين خالتي فاطمة كملت فطرت هزت ادم للكراش متاعو و ديريكسيون الشريكة

فاق على ضوء الشمس لي ضرب في عينيه ناض عمل درش فات لدريسينغ لبس كوستيم جا على لحمو قدقد لبس ساعة في يدو ريقل شعرو بصباع يديه عمل پرفانتو لي تميزو على غيرو مخدومة ليه  هز تليفونو وهبط يفطر  شاف الخدامة فالطريق
آسر : صباح الخير
استغربت مش من عوايدو يهدر معاها ويصبحها على خير دارت شافت وراها بلكشي مع يهدر مع حد آخر ما فما حتى حد و عملتلو اشارة بصبعها تاع تقصدني انا تبسم
آسر : بالطبيعة بش تستغربي
حسنة: صباح الخير سي آسر فطورك واجد
مشا قعد فطر و خرج مشا للشريكة مورالو كان في محلو ليوم هو في ذاتو موش فاهم علاش