#انتقامي_من_اريمار هدولة الجزانسية

الحلقة 24

#انتقامي_من_اريمار الحلقة : 24
#ممنوع_النقل_بلا_اذن
#H_B
فاقت الصبااح هزت تيليفان شافت الساعة 07:15 ناضت دخلت عملت دوش  لبست لي جا قدامها و هزت تيليفونها تعيط
فروزان : بصوت كلو نوم : شفما عالصباح
براءة : قوم لازم نمشو
فروزان : وين بش نمشو
براءة : بطلت انتي مكش حابة تتعرف على ليام
فروزان : بدلت رايك بالحق رايحة للحفلة
براءة : امم تو قوم البس باش نمشو نشرو ماعنديش وش نلبس
فروزاان باهي هاني قايمة قبل ما تبدل رايك و سكرت الخط
هبطت لقات ليام و بوها يفطرو
براءة : صباح الخير
ردو عليها : صباح لخير
ليام: خير وين ماشية
براءة : نمشي نختار غوب نلبسها لعشية 
ليام : بش دير في حسابك انتي لي باش ترافقني ليلة
براءة : خممت بش تخلي فروزان ترافقو و هي مع بوها: امم لا بش نرافق بابا
ليام : بوك دبر شكون ترافقو متخافش عليه
دورت راسها لبوها
سليم : وعدت هند ما تتغشش يعيش بنتي
براءة : مايسالش
ليام :ما عندك وين تهرب تو ههههه
براءة: هههه اممم تو لازم نمشي
سليم : ما زلت ما فطرتش
براءة : عادي تو ناخذ قهوة فالطريق
ليام : استنا تو نوصلك
براءة : لا ناخذ كرهبتي و نمشي نهز فروزان
ليام :  فروزان !!
براءة : صحبتي هزت حبا زيتونا ومشات تبسمتلو بخبث و مشاات
سليم : ما تعملش الڤيتاس
حلت الباب و خرجت ركبت كرهبتها و مشات عند  عنوان فروزان
حبست حذا فيلا صغيرة مزيانة جبدت تليفونها من الصاك و عيطت
براءة : اخرج فروزان راني برا
فروزان : ام تو نفتحلك الباب انزل تفطر معايا ..قبل ما تجاوبها كوپات عليها
نزلت من الكرهبة وصلت الباب و تحل سلمو علي بعضهم و دخلتها لصالون
فروزان : امي هاي براءة 
فيازة : مرحبا بيك بنتي
براءة : يعيشك طاطا
فايزة : سبحان الله نسخة على امك المرحومة
براءة : الله يرحمهاا...  سكتو شوي.
براءة : يعيشك ازرب فروزان مزال بش نروحو للكوفاز
فروزان : تو نلبسو من الكولكسيون متاع امي
براءة : مستغربة كولكسيون ؟!
فروزان : ما تتذكرش انت امي مصممة ازياء فايزة امير ههه
براءة : بالحق انا نموت علي الكليكسيونات متاوعك امي كانت ديما تلبس من عندك ؟!!
فايزة : وي امك كانت ديما تاخذ من عندي و انا ليوم عندي قطع خاصة ليكم راح تعجبكم عاللخر
براءة : يعيشك طاطا عملت مزيا والله
فايزة : انتو تو اقعدو  طلبت من لبنات بش يجبوهم  خوذي راحتك بنتي راك في دارك
خرجت و خلاتهم
براءة : علاه ما ذكرتنيش بامك
فروزان: ما جاتش في بالي حسبتك ما نسيتيش هاك عرفت تو ههه
هوما هكاك و يدخلو عليهم لبنات هازين برشا روبات بداو يختارو كل وحدا تقول لاختها انا احسن حتا داو قرار و كل وحدا ختارت لي عجبتها
براءة : هيا تو نمشيو و نعيط للكوافاز تسبقنا للبيت
فروزان : برا انتي تو نريقل روحي بروحي انا لازم نحضر مع امي اجتماع مهم
براءة : امم باهي هاك وليت فامدافار وانا ما فيباليش
فروزان : يزي تبوليد تي انا عضومع امي فمجلس الدفاع على حقوق المراة
براءة : بالحق ؟!!
فروزان : اممم كان تحب ايجا معانا
براءة : ليوم ما نجنمش اما كاش يوم نجي معاك
فروزان : اوكي خوذ راحتك
هبطت فايزة تهدر
فايزة : عجبوك ليغوب براءة! 
براءة : يفتقو طاطا يعطيك الصحة فنانة بالحق
فايزة :وريلي شنو خترت
نعتلها لي خيرتها
فايزة : بش تطلع عليك تفتق 
براءة : طاطا قداش سومتها !!
فايزة : اخر مرة تسألني مدامك صحبت فروزان  و بنت المرحومة اعتابر روحك كيف بنتي بضبط 
براءة : يعيشك طاطا و باستها علي خدها
براءة : تو لازم نمشي وانتي فروزان ما تتوخرش خرجت ركبت كرهبتها و مشات 

فاق على تيليفونو ينوقز هز لقاها سارة
آسر : وي
سارة : صباح لخير
آسر : شفما
سارة : لعشية بش تفوت تاخذني ولا تحب نجي و نروحو كيف كيف
آسر : ايجا لهوني و تلقا وش تلبس هوني
سارة : اوكي تو نجي
حط تيليفون عالطابل و ناض راسو بش يترشق  دخل عمل دوش خرج وجد شنو يلبس لعشية و لبس لي جا قدامو و هبط قالهم يوجدولو قهوة يصحصح بيها نوقز الباب
فراس : صباح الخير
آسر : صباح الخير شمجيبك عالصباح
فراش : تو هذا كلام تقولو لعشيرك
قعد جنبو و هز شرب من فنجالو
آسر :**** **** الف مرة قتلك متزيدش تشرب من كاسي تفهمش
فراش : هههه لا ماك تعرف فهمي ثقيل
آسر : بغل خاطرك في بلاصت لعقل عندك ****
فراس : نحب لبشارة
آسر : شفما!! 
فراس : البوص لكبير بعثلنا مرسول
آسر : ******* تو باش تنطق
فراس : ما خليتنيش ننطق
آسر : وش قال
فراس : ايذا تحقق الربح كثر من لي قبلو المرة هاذي بش تدخل فالمجموعة
تكا آسر رجع راسو على الفوتاي
آسر : قريب نوصل لي نحب عليه قرييب ....