#انتقامي_من_اريمار هدولة الجزانسية

الحلقة 13

#انتقامي_من_اريمار الحلقة :13
#ممنوع_النقل_بلا_اذن
#H_B
خرج اسر و قلبو نار هز تيليفون عيط لواحد من رجالو لي يعس على براءة
آسر : شكونو ليام
👤: سمحني مسيو اما منعرفوش
اسر : ***** بيا حاطك باش تجيبلي خبارها وش تعمل انت اه ؟
👤: سي آسر مدمزال براءة ما دور بحتا حد تمشي من الجامعة لدار مع الشوفار سعات دور مع صحبتها لي اسمها فروزان اكهو
آسر : باهي كمل عس عليها و اعرفلي شكونو ليام هذا  وسكر الخط  هز يدو شاف الساعة تقريب 11 متاع ليل هز روحو ديريكسيون لبار كيما كل ليلة
براءة كملت الدوش و خرجت تشيح في شعرها تفكرت آسر  تبسمت هي ما نكرتش انو عجبها عللخر و اي وحدا تشوفو طيح فيه و في شخصيتو و كارزمتو و ضحكتو لي سلبتلها عقلها اما لي مافيبالهاش فيه انو آسر شخصيتو تتبدل بين الثانية واختها و يولي وحش ما يرحمش نار تاكل كل شي قدامها باش تقوا و ما تطفاش...  
سمعت صوت فران قوي طلت تشوف فيه جا ززبت لبست بيجامتها و هبطت تجري باش تلاقيه توحشاتو برشا

جاي يصوق  Lamborghini حارق الطريق وصل عند باب لفيلا جبد فران دار صوت  نزل منها جهامتو تفتق لابس سپور اديداس نواغ خلعة نواغ و سروال دجين طول عمرو خاطيه الكلاسيك يلبسو غير فالمناسبات كهو
احمد: مرحبا ولدي ليام شنو خباك
ليام : الحمد لله  عم احمد ونتا!! 
احمد : لباس لباس
دخل ليام و حلتلو لخدامة لباب دخل يمشي لين وصل لصالون
سليم: اهلا بيك ****
ليام: ههه احشم في مقام بابا راك
سليم: شهرين ما بنتش  من موت المرحومة ما بنتش يا **** ما تحشممش مخليلي لخدمة فوق الراس رايح **** مع ****
ليام: حضنو و خبط على ضهرو تنحا عليك تو كي سبيتني !!  هههه
سليم: تضحك يا ****
ليام: شششت تو يسمعو لولاد .. وينهم ماتقولش رقدو
دخلت براءة
براءة : ادم رقد اما انا لا و راحت تجري تحضن فيه بكل قوتها
براءة : توحشتك برشا وينك نعيطلك كل شي مقفول
ليام: هبط عند وذنها تو كي نقعدو وحدنا نحكيلك كل شي جبد عليها و غمزلها
براءة : باهي
سليم : تو نقول لسحر تسخنلك تتعشا
ليام: لا لا شبعت
و مشاو قعدو فالفوتاي
ليام : هو فالحقيقة كنت باش نجي بعد يومين اما اخر لحظة قررت نجي توحشتكم
براءة : تو باش توحشتنا انتي ؟! ميسالش كنت جيت بعد يومين اصلا احنا اخر همك
سليم:  براءة متغششة منك عاللخر تو ارضيها كان قدرت
ليام: الفرخة متغششة مني صح
براءة : مانيش فرخة كبرت راني و تغششت منك عللخر
ليام : باهي باهي تو بعد يومين يوصل لكادو نتاعك راح يروح غشك مني الكل
براءة : هزت عنيها بكل براءة كادو شنوة
ليام: نعرف توخرت برشا اما تعرف الظروف لي مرينا فيها و ذرك باش نعطيك كادوك تاع لباك
براءة : تحكي بجدك شنو الكادو نحب نعرف تو
ليام : ههه لا سوربريز كي توصل تو تعرف
براءة : امان نحب نعرف
ليام: لا  اصبر اما نعرف لي باش تعجبك برشا
براءة : باهي باهي
سليم : انا نروح نرقد براءة ما طولش فالسهرة يعيش بنتي غدوا تقراي
براءة: باهي تصبح على خير بابا
ليام : تصبح على خير مشا و خلاهم يحكيو فالصالون
ليام : هيا يا فرخة اطلعي ترقدي
براءة : قتلك مانيش فرخة
....................
نلقا تفاعل نكمل نحط 😘😘😘