#انتقامي_من_اريمار هدولة الجزانسية

38

الحلقة 38
تعدا هاذ النهار الكل و براءة مشات تخدم على الصباح ليام ما بانش عليه خبر فروزان خرجت من الدار عيطت لبراءة 
فروزان :براءة وينك! 
براءة : تو خارجة من الشريكة
فروزان : مالا نتقابلو في بوتيك امي
براءة: باهي
ركبو كراهلهم و مشاو  وصلو في نفس الوقت نزلو سلمو على بعض
براءة : شفما
فروزان : ادخل تو امي تفهمك
دخلو قابلتهم فايزة مع كليونت
فايزة : روحو لبيرويا تو نجي
ما طولتش و لحقتهم
براءة : شفما طاطا
فايزة : الصباح شفت فالجرائد
براءة : امم حتا انا شفتهم مزيا ما حطوش شي مش مليح
فايزة :اي الحمد لله

فايزة: براءة بنتي تعرف لي امك كانت اكبر داعمة لجمعيتنا
براءة : امم الله يرحمها كانت تهتم برشا للامور هاذي
فايزة :  الله يرحمها
براءة : امين
فروزان : امي ادخللها فالموضوع
فايزة : كان يساعدك يا بنتي حكاتلي فروزان انك حابة تشاركينا تنجم تدعمنا وتكون عضو معانا فالجمعية
براءة : بالطبيعة طاطا  يساعدني وجدو برنامج وعطيني خبر بش نحضر فاللقاء الجاي
فايزة : باهي تو نكلم الاعضاء لخرين بش يفرحو
تبسمو الكل
براءة : انا لازم نمشي تو
خرجت هي و فروزان
فروزان : شيعمل ليام
براءة : ههه منعرف كلمو سقسي عليه
فروزان : علاش بش نكلمو يكلمني هو
براءة : تو نقلو يكلمك ههه
فروزان : بربي لااا خلاص أنسى لي انا سالتك
براءة : هههه باهي
خرجت ركبت كرهبتها وروحت لدار

نزلت طيارتو مشا ركب مع الشوفار جبد تيليفونو شعلو يلقا برشا مكالمات من هند جا بش يطلبها نوقز في يدو
سليم : شفما هند
هند :(( تبكي) سليم اجريلي بلسان تاعبت البارح وانا هزيتها لكلينيك
سليم : شنوااا باهي وش من كلينيك###  اوكي هاني جاي
وصل لكلينيك نزل سقسا عليها نعتولو وينها مشا لبيتها حلها شافتو هند و ترمات في حملتو
هند : (تبكي) سليم جييت
سليم : اي شصارلها وش قال الطبيب
هند : منعرفش عملولها تحاليل مزال ما خرجتش
سليم : يمسحلها في خدها ما تخافش بش تشفا خلاص ما تبكيش
دخلت الفرملية : مدام هند الطبيب يستنا فيك في بيروه
هند : هاني جاية
سليم : حكم وجها بزوز يدين : ما تخافش يا روحي
مشاو لبيرو الطبيب دقو الباب و دخلو قعدو
الطبيب : تفضلو اقعدو...  سمحني اما انت شكون لمريضة
سليم : بوها نكون بوها شبيها بنتي
دارت هند شافت فيه
هند : التحاليل خرجت هي ڤريب مش هكا
الطبيب : اوكي... وي خرجت اما مش ڤريب كهو لي بش نقولهولكم صعيب بش تتقبلوه اما لازم تعرفو نتمنا انو تكونو صابرين بنتكم عندها لوكيمييا LAA ( سرطان الدم اللمفاوي الحاد)
هند : لاااا لااا باز التحاليل مش قد قد بنتي صغيرا برشا مستحيل تكون مريضة لا انا حطيتها في  عيني حطيتها فالقطن مستحيل تمرض لااا و دموعها ينزو هبطت للرض تبكي مشا ليها سليم يحضن فيها وهي منهارا
الدكتور :   نقدر ردت فعلكم ونعرف لي بنتكم صغيرة اما المرض هذا يحكم الصغار زادا و بنتكم فمراحلها الأولى
سليم : يعني وكتاه تنجم تبدا الدواء نجم نهزها للخارج زادا؟!!
الطبيب : لي راح يعملوه فالخارج بش نعملوه احنا  و طريقة العلاج نفسها بحكم بنتكم عندها 3 سنين ونص راح تكون عندها 3 مراحل للعلاج المرحلة الاولية بش نبداولها خمس اسابيع الأولى بالعلاج الكيماوي
سليم : بعدها ؟
الطبيب : راح تكون هاذ الفترة الصعيبة فالعلاج راح نعملو فحص النخاع بش نشوفو ايذا الطفلة استجابت للعلاج ولا لا بعدها ننتاقلو للمرحلة الثانية راح تكون فترت علاج مكثفة منعرش قداه بش تبقا اما.. 
هند : اما شنية انطق
الطبيب : ممكن في اي وقت بش نحتاجو لزراعة نخاع العضم بش نجريو تاست على العايلة الكل وخاصتا ايذا فما عندكم صغار خرين
هند شافت في سليم
هند : حتى اذا مش اخوة حقيقين
الطبيب : هك بش تقل نسبة التطابق اما ممكن يطابقو
الطبيب :  و المرحلة الاخيرة راح تكون بسيطة راح تاخز شوي دوايات انا بش نقلكم اصبرو المرض هذا ما عندوش وقت معين بش يطيب
خرجت هند مهدودة علي بنتها الصغيرة سليم حالتو مش احسن منها رغم لي حد ما علبالو بلي بنتو اما هو يحبها كيف آدم و براءة هي قطعة من روحو زادا
سليم : هند انتي لازم تكون قوية في خاطر بنتنا ايذا ضعفت انتي هي زادا بش تضعف تقوا يعيش حبي بنتنا بش الطيب 
كلي عطاها جرعة من الامل حضناتو بكل قوة مسحت دموعها و دخلو لبيت بنتهم  نوقز تيليفونو خرج
ليام : وينك
سليم : فالكلينيك
ليام : جراتلك حاجة عملولك حاجة
سليم : لا  بلسان
ليام : شبيها؟
سليم : عندها لوكيميا
ليام : شويا ؟؟؟ وينكم تو نجي
سليم : لا انت امشي ما تخليش لولاد وحدهم
ليام : باهي عيطلي كان جرات حاجة
كمل الاجراءات و خرج هو وهند هازين بنتهم ...