#انتقامي_من_اريمار هدولة الجزانسية

الحلقة 30

💕الحلقة30💕
كملت فوتت خرجت تستنا في فروزان قعدت في الكرسي حتا حست بحد قعد معاها
براءة : انت! 
👤: امم انا ستنيت بش تعيطلي اما هاو تقريب شهرين
براءة : علاه نطلبك بربي وش يضمنلي مكش تكذب ديجا علاه راني نكلم فيك تو وقفت بش تمشي
👤: عمرك لا سألت علاش امك جامي حكاتلك علي عايلتها علاش ما تعرفهمش ولا عمرك ريتهم
براءة : وش معرفك انها جامي حكاتلي ولا ريتهم
👤: نعرف خطرني......  قتلك مش انا لي راح نحكيلك لحقيقة نهار تحب انت تعرفها اطلبني و ناض خلاها
بقات تخمم في كلامو كلو صحيح امها عمزها حكاتلها على عايلتها و عمرهم ما جاو زاروهم فيقتها من سرحتها فروزان
فروزان : اوووه كملنا ... شبيك ما خدمتش ؟ ما يسالش ما تقلقش روحك هاك خدمت فالخرين وإذا على ليام مانخبروهش وتوفا وايذا فاق خليه عليا..
براءة : اسكت خدمت وش ترحي فالهدرة من قبيل ما حبستيش
فروزان : مدامك خدمت شبيها حالتك هك ما تقوليش توترت خاطرك بش تبدا خدمتك يا ليدي ههه
براءة : فروزاااان
فروزان : باهي باهي ما قلت شي هيا قوم نروحو ناكلو شي حاجة

قاعد في بيروه رجع بيه لوقت نهار الحادثة
كان يهدر معاها فالتيليفون
آسر : روحي شتعمل ثفا ؟
رمال : حبي تاعبة عللخر ماهو امي وامك مشاوني السوق الكل خوذ هاذي ما تاخذش هاذي والله رجليا يسطرو من كترت ما مشيت ليوم
آسر : ههههه امم شنعمل فيهم تعبولي مريتي المزيانة
رمال : اما كي تشوف شريت برشا حوايج مزيانين و كي نتذكر بلي مبقاش ونعرسو كل التعب يروحلي
آسر : وأنا نستنا فيه ذاك النهار بالريق الناشف بش ناكلك فيه ماكلة
رمال : آسر احشم
آسر : يومين و تولي مرتي بالفم ولملا علاش نحشم
رمال : مسوفج هيا تو خليني نحضر روحي
آسر : وين ماشيا
رمال : عند الخياط بش نقيس الروب متاعي
آسر : مانيش صابر بش نشوفك فيها متحبش نجي!! 
رمال : لااا مش باهي تشوفني بيها قبل لعرس
آسر : هههه اوكي رد بالك على روحك
رمال : آسر نحبك
آسر : وانا نحبك يا عمري
سكر الخط و يسمع في الخدامة تعيط مشااا يجري لقاها عند بيت اختو تعيط
آسر :  شفما 
دزها و دخل يلقا اختو وسط دمها مضروبة بكرتوش في نص قلبها
آسر : هيف هييييف امان  عيطووووو للاسعاف
فيروز :  شفما شف......  شافتها فالمنظر هذااك هييييييف بنتيييي هييييي و طيح فلرض
آسر سيب اختو و مشا عند امو ما فهم عند شكون يبقا
آسر : اميييي فيق اميييييييي
وصلو الإسعاف طلعو الفوق
آسر : امااانكم عاونوهم امانك
تفحصو هيف لي كانت ميتة من شي ساعة حطوها فالساشي تاع الضحايا سكرو بيتها للتحقيق و هزو فيروز لي صراتلها جلطة دماغية و توفات داخل العملية
انهار آسر بعد ما خسر امو واختو فنفس اليوم حتا حالتو تحزن بعد سمانة من دفينتهم جاه خبر من فراس وهو يبكي انو رمال وهي في طريقها للخياط فاليوم لي صرات فيه الكارثة اغتصبوها و ما تحملتش ليوم فرطت في حياتها و انتحرت ....
فاق كي دق باب بيروه مسح دمعتو لي هبطت على خدو
آسر : تفضل
سكريتار: سي  آسر فما وراقي لازم توقعم و يوقعم سي سليم
آسر : امم باهي هات عليك جبد سنياهم تو ابعثهم لسي سليم
سكرتار: اما سي آسر سي سليم مش هو شريكك تو
آسر :؟؟ شقصدك
سكريتار :  كل شيء صار باسم مدموزال براءة هي لي بش توقعهم
آسر : ايي مشا من بالي تو نفوت عليها و نخليها توقعم ما يسالش تقدر تروحي
هز الاوراق و مشا عيط لسليم تلفونو مسكر هز عيط
آسر : الو سماعيل فما خبار وينها تو
سماعيل : من شي ساعة خرجت من الفاك هي تو في دار صحبتها
آسر : اوكي
سماعيل : سي آسر فما حاجة
آسر : شفما تكلم حد زعجها ولا ؟
سماعيل : لا لا اما الراجل لي قتلك عليه جا قعد معاها شي 5 دقايق ومشا و ما قدرت نعرف عليه شي
آسر : لازمك تعرف يا سماعيل لاااازمك سكر ركب كرهبتو وطاار بيها

فروزان : ابقا ليلة هوني انا عديت شهر عندكم
فايزة : ما تضغتش عليها بنتي انتو ما تشبعوش من بعضكم
براءة : تحب لحقيقة طاطا انا شبعت منها هههه
فروزان : اااا فيسع بعتني
براءة : لاا اما تعرف لي ادم وحدو وسمعت ليام شنو قالي لي بابا سافر يومين ويرجع و ثاني
فروزان : ثاني شنو ؟
براءة : غدوة بش نمشي لشريكة
فروزان : هههه باهي برا برا روح ارتاح غدوا عندك خدمة
براءة : طاطا شوف لبنتك ههههه
فايزة : فروزان ما تفرحش ياسر غدوا تروح معايا للاتوليي عالصباح نوجدو لعرض تاع الموسم
براءة: ههههه فروزان ربي يعينك يا ليدي ههه
فروزان : ما تهنيتي كان كي عملتي لي فراسك
براءة اممم
نوقز تليفونها هزت
براءة : وي سحر آدم صراتلو حاجة
سحر: لا اما جا سي آسر قالي بش نطلبك
براءة : آسر ؟؟
فروزان حلت عينيها فرحانة هههه
سحر : اي قال فما وراق لازم توقعيهم
براءة : باهي ضيفو شي حاجة تو نجي انا
فروزان : شفما
براءة : يضهرلي بدات خدمتي من ضرك مستناتنيش لغدوة
الكل ضحكو
براءة : انا بش نمشي باااي
ركبت كرهبتها و مشااات للفيلا وقفت نزلت منها فاتت ديراكت للصالون دوب ما شافها آسر تبسم و وقف
براءة : سمحني بطيت عليك
آسر : ما يسالش انا لي جيت بلا ما نخبرك
براءة : ما يسالش
آسر : فما ورق لازم تمضي عليهم
براءة : امم اوكي كنت بش نجي لشريكة غدوا
آسر : بالحق ؟ متوقعتش بهالسرعة
براءة : اممم قلت نتعلم لخدمة فيسع ما عندي حتا فكرة عليها
آسر : نجم توا نمدلك فكرة ونفهمك
براءة : بالحق؟؟
اسر :تبسم امم ايجا اقعد هوني
جبد الاوراق و بداو يتناااقشو و يتكلمو فالمحتوا فاتت شي ساعة هوما هكاك آسر مرة على مرة يبقا سارح فيها..