#انتقامي_من_اريمار هدولة الجزانسية

الحلقة 21

#انتقامي_من_اريمار الحلقة :21
#ممنوع_النقل_بلا_اذن
#H_B
كانو خارجين من لوتال و مشبكي يديهم مع بعض حيستلها طاكسيتو نزل لاجون مدلو المفتاح ركبو فالكرهبة و راجعين
هند: سليم حبي وكتاه نعلنو على الغولاصيون نتاعنا
سليم : مزال مش وقتو تو
هند : باهي و دورت وجها تشوف من البلار فالطريق
فاق سليم لي هي تغششت
سليم : ايجا ليلا تتعشا معنا بش حتى لولاد يوالفو وجودك شوي
دورت وجها فرحانة
هند : بالحق
سليم : اممم و غدوا انتي لي باش ترافقيني فالحفلة اما دبر امورك المدة هاذي كونك محاميتي و من بعد يعمللها ربي طريق
هند فرحت عللخر

طول الطريق و هوما ساكتين تيليفونها نوقز برشا مرات تعيطلها فروزان اما محبتش تهز عليها راح تمرجها بالاسئلة و هي ما تنجمش تجاوبها وهي معاه
آسر : هز يلكشي حاجة مهمة من صباح ينوقز
براءة : لا تي هاذي صحبتي راح تسالني علاه ما حضرتش
آسر : انت تقزي ليوم ؟
براءة : اممم
آسر : علاه ما تهدرش تو نوصلك للفاك
براءة : بربي حابني نروح باللبسة هاذي
آسر : كنت تخمم فيها بلي ما تصلحش قبل ما تلبسها
براءة : و انا كان في بالي باش نعدي الليلة عندك!! 
آسر : باهي تو نوصلك لدار تبدل و تروح تحضر ليكور متاوعك
براءة : لا مشني رايحة ليوم راسي يوجع فيا برشا
آسر : كلو من الهم لي سربتو البارح تو خبرني طفلة صغيرة وش مديها لبلايص كيما هكااك اه
قحرتلو
براءة :اول حاجة مشني صغيرة..   والثانية بربي انت  شمدخلك نروح ولا لا اه
العصب ركبو جبد فران و ڨارا عالادروات
آسر : شمدخلني اه....  انزل
براءة : وين ننزل مزلنا ما وصلناش
آسر : شمدخلني فيك شوفار بوك انا شاف فيها عينيه حمر انلعصب....  قتلك انزل
براءة : شبيك تاكل فروحك زعما انا ميتة عالركبة معااك
آسر : لز على سنيه  اننزل
حلت الباب نزلت و خبطت الباب و هو حرق الكياس ما خلا غير لعجاج وراه 
براءة : متكبر شوف كيف خلاني هوني ورااح الله لا تربحك  دورت راسها كشما تشوف طاكسي قعدت شي ربع ساعة بش جات وحدة حبستها ركبت
براءة : تمتم بغل بلا شعور حيوان
شوفور: سمحني مدموزال قلت حاجة
براءة : ما قلت شي وصلني ل *** و مدتلو عنوان دارهم

بعد ما حطها ومشا تفكر وش لابسة و هو خلاها في بلاثة ما يفوتوش منها بزاف لي طاكسي رجع دااار  بش يرجعلها  لقاها واقفا فنفس لبلاصة تاكل في بعضها تبسم وهو يرا فيها هكاك كان بش يروحلها اما جات طاكسي و ركبت فيها بقا متبعها لين وصلت للفيلا و مشا رايح لشريكة متاعو

حبسو حذا عمارة مفخمة فيها بزاف ليطاجات
سليم : ما تنساش لعشية باش تجي حذانا
هند : ما تخافش مش باش ننسا قدمت ليه باستو على شفافو و نزلت تبعها بعينيه لين دخلت و ديمارا مروح

بعد ما حلتلها سحر الباب
براءة : بصوت خافت بابا روح
سحر : لا
براءة : حد فاق بلي ما بتش هوني
سحر : لا هيا ازرب روحك قبل ما تو يفيقو
براءة : باستها على خدها يعيش سحر نحات الطالون و طلعت تجري لبيتها قفلت لباب و تتفكر فالصباح
فلاش باك....  فاقت زاسها يوجع فيها جات بش تتحرك شافت روحا نايمة على صدرو ريحت برفانتو تغلغلت خشمها طلعت يدها فوتتها على لحيتو لين وصلت لشفافو مستهم كبس عليها بيدو عاودت رجعت تكات على صدرو و رقدت تبسمت فيسع تفكرت كيف حاوزها من كرهبتو و قعدت وحدها فالطريق تعصبت عللخر هزت روحا دخلت دوشت شيحت شعرها لبست و هبطت قابلها ليام
ليام: صباح لخير
ما عبراتوش و دخلت لصالون رمات روحا فالفوتاي
ليام : متغششة مني انتي
براءة : ....... قاعدا تشوف في تيليفونها
ليام : سمحني اما انا ما فقتش بروحي شعملت كان الصباح هاذ عيطت لفراس قال لي آسر روح بيك فيسع
براءة :...
ليام : براءة قتلك سامحني
براءة : .. ... مزالت تشوف في تيليفونها
خطفهولها من يدها كي نكلمك ما تحقرنيش قتلك سامحتي ماكنتش في عقلي
براءة : باش نسامحك خاطرك خليتني وحدي مع زوج رجال ولا خاطرك سكرت وهزيت طفلة معاك تعرف ليام كنت حسباتك مش كيف الرجال الكل اما انت ما تفرق عليهم شي
ليام : براءة ما تكبرش تلموضوع غلطت و جيت نطلب السماااح
سليم : فاش غلطت
دارو في زوز
براءة : بابا وكتاه جيت
سليم : تو جيت
مشات تحضن فيه
سليم: فاش غلط هاذ الهم معاك
براءة شافت في ليام خلاص كون يفيق بوها لا ما ترصالهم ميتين
براءة : شي تا ليام جابلي كرهبة كادو و مخلانيش ندير لڤيتاس بيها تزايدنا فالهدرة و تو جا يطلب السماح
سليم : هههه يعني عجبك الكادو
براءة : علاه انتا كان في بالك بيه
سليم : اممم كنت باش نجيبهالك انا اما ليام شد صحيح يجيبها هو
اما ما يعنيش انو مش راح يكونلك كادو من بوك غدوا باش نمدهولك
براءة حضنت بوها بكل قوة
براءة : نحبك بابا كونك انت هو بابا افضل كادو فالدنيا
ليام : احم احنا هوني عبرنا هههه
سليم : غاير ؟ عرس و جيب بنية تو تحبك
براءة حضنتهم لزوز : نحبكم لزوز انتو عايلتي وكل شي وعدوني انكم مش باش تخليوني وحدي
سليم : منين تجيب فيها الهدرة هاذي اتهنا مش باش نخلييكم لا اني ولا خوك انتو عينيا لزوز
ليام : هههه ايجا ايجا  مش باش نخليك اتهنا
سليم : انا رايح لشريكة براءة قول لفاطمة و سحر يوجدو لعشا فما شكون راح يجي بحذانا
فرحت تحسب آسر  لي باش يجي
براءة : شكون باش يجي
سليم : هند
براءة : المحامية متاع الشريكة ؟ وش مجيبها
سليم : عندنا خدمة فالدار قلتلها تجي تتعشا معانا
براءة : امم باهي تو نقول لسحر و خالتي فاطمة و ناضت رايحتلهم
شوفو لكومونتار تااابع للحلقة 😘😘❤