The President's Girl

Chapter 28: Twins' Birthday

Stephanie's POV

FRIDAY NGAYON. Kaya maaga kaming makakauwi sa hapon. I've been avoiding Lenz's peers for a couple of days na dahil ayaw ko na ng gulo. Lumalayo na rin ako sa chismis at nangako rin ako kay Ame na hindi na ako magpapakatanga pa ulit sa kaniya. I've already learned my lesson --the hard way.

Hinanap ko si Ame sa campus kaso wala siya. Sabay na sana kami ngayon pauwi. Mabuti naman at nakita ko si Rowss.

"Rowss, kasama mo ba si Ame ngayon?" Tanong ko.

"We already parted ways Stephanie dahil may importante lang akong aasikasuhin ngayon, sa tingin ko papasakay na iyon pauwi baka maabutan mo pa sa bus stop," tugon niya.

"Ah sige Rowss, maraming salamat," ako.

Dali-dali akong pumunta sa bus stop para hanapin si Amaranthe, pero noong nasa malayo pa ako, nakita ko siyang busy sa kaniyang cellphone habang nakikinig sa airpods niya.

Nanlaki naman ang mga mata ko nang biglang may humintong puting van sa harap niya at pinapapasok siya sa loob ng dalawang naka-itim na manong.

OMG! AME'S BEING KIDNAPPED!

Agad akong tumakbo papalapit sa kanila at tinatawag si Ame kaso hindi nila ako narinig at umalis na ang van. Ang malas naman dahil walang ibang tao sa bus stop na pwede ko mahingian ng tulong.

OH NO? ANONG GAGAWIN KO?!

Sinagip ako ni Ame sa kamay ni Lenz kaya ako dapat ang gagawa ng paraan para sagipin siya ngayon. Ame, please be safe! I'll come and save you!

Agad akong tumawag ng taxi at naisipang sundan sila pero na-realize ko na empty-handed lang ako ngayon kaya umuwi nalang muna ako para sabihin kay lola ang nangyari, hindi ko rin nakuha ang plate number na dapat iyon ang importante kapag may kidnapping eh. Gaga, ang tanga ko talaga!

Pagkarating ko sa subdivision namin. Agad akong bumaba ng taxi.

"Miss! Pamasahe mo?" Tawag ng driver sa akin.

"Ah, oo nga, sorry manong driver kailangan ko lang kasi magmadali dahil nakidnap po yung pinsan ko," tugon ko at nag-abot sa kaniya ng pera. "Keep the change nalang po!"

Agad akong pumunta sa loob ng bahay ni lola. "LOLA! LOLA! TULONG! SI-SI-SI AME, SI AME, SI AME---!" Nagsisigaw ako nang makita ko si lola.

"Ano bang problema mo Pinsan? Anong tungkol sa akin?" Tanong ng papalapit na si Ame sa akin na may dala-dalang isang pitsel ng orange juice.

"AME?! OH THANK GOODNESS! YOU'RE SAFE!" react ko at hindi napigilang yakapin siya. Pero nag abot ang dalawang kilay ko sa pagtataka. Akala ko ba nakidnap siya?

"Ame? Sino yung sumundo sa'yo kanina na puting van? Akala ko tuloy nakidnap ka na," ako.

Tumingin siya kay lola na parang naguguluhan sa sinabi ko. But I am not wrong, sigurado akong si Ame talaga yung nakita ko kanina. May kamukha ba siya?