أحببت مريضتي العقليه (مكتملة)

مناقشة بخصوص الأحداث

×✓في اسئلة كتير جات في الاجزاء اللي فاتت منها اللي مش هقدر ارد عليها لانها أحداث هتظهر قدام فمش عاوزة احرقها عليكم...

×اول حاجة بخصوص إن وسيم ليه مخرجش وتين من المستشفى علطول طالما هي كويسة.

✓خطوة زي دي مكنش ينفع يعملها خصوصاً إن هي عندها اضطرابات نفسية كتيير محتاجه علاج ، وكمان وجودها في المستشفى أحسن على الاقل تبدأ تتعامل مع الناس حواليها في المستشفى ، لأنها مستشفى للأمراض النفسية يعني اللي فيها ناس من نفس تشخصيها ومحدش محتكر عليها زي المستشفى التانية ، وفي عائشة اللي هيكون ليها ظهور قوي الأجزاء الجاية ، وكمان هو هيكون معاها علطول إزاي دي هتعرفوها قدام ، فهو بياخد خطوة خطوة ، أحسن ما يطلعها علطول من غير ما يمهدلها ، فتاخد صدمة أكبر من رد فعل اللي حواليها.

✓بالنسبة لنقطة مقالش لأهلة ليه وخدها البيت.

×دة من رابع المستحيلات أصلا ، لأن محدش هيقبلها مهما حصل ، خصوصاً أم وسيم ، وكمان حتى لو أقنعها هيفشل بسبب اللي عملة زمان ودة هتعرفوه بعدين برضو ، وبعدين محدش هيرضي يعيشها معاه اصلاً بحالتها دي ، يعني هيخافوا على نفسهم منها حتى لو أداهم مليون مبرر أنها كويسة، لسه قدام الخطوة دي ومحتاجة وقت لا شهر ولا اتنين ده شهور ، لأن وتين برضو مش هتقبل دة بسهوله.

×بالنسبة لوتين ليه محكتلهوش الماضي طالما اتجوزته.

✓أولاً اللي مرت بيه وتين مستحيل يخطر على بالكم أصلا وده شيئ متأكدة منه ومفروغ منة ، فهغششكوا حتة صغنهه ، أنها مرت بشيئ صعب جداً عليها كبنت صغيرة ، وكمان لما كبرت ، فده مش شيئ سهل أنها تحكية كده ، وكمان اصلا هي عندها هاجس الخوف عموماً وبيزيد كل ما بتفكر في رد فعل وسيم لما يعرف ، وهو عارف ده كويس ، واحدة بتمشي تبص في وشوش الناس تشوفهم باصيلنها ازاي!!!! ... متخيلين صعوبة اللي هي فيه.

×بالنسبة لسؤال إزاي خمس سنوات بتاخد جلسات كهرباء وعقلها متأثرش وخصوصاً إنها من غير مخدر..

✓بصوا النقطة دي هجاوب على حسب اللي درسته في مجالي والله وأعلم الطب النفسي تطور ولا لا 😂😂 ، طبيعي إن جلسات الكهرباء بالمخدر بتنعش المخ وبتعمله زي رفيرش كده اللي هو بتنشط خلايا المخ ، فطبيعي لما شخص ياخد كهرباء من غير مخدر دي ممكن يروح فيها بس منها لله اللي كانت بتديها الجلسة دي 😂 كانت عاملة حسابها و طبيعي بما إنها ممرضة وفاهمة عند اي فولت ممكن تموت فبتوقف وبتعمل حسابها ، أما بالنسبة للضرر هو من الأعراض أصلا سواء بمخدر او بدون ممكن وكتير بيحصل فقدان ذاكرة رجعي وده حصل لوتين ، إنها نسيت حاجات كتير ومع العلاج الصح ليها وتخفيف الجلسات بدأ علقها في الاستنذكار وبدون وعي منها عقلها بيفتكر لأن أصلا الجلسات مكانتش بتنفعها بل أكتر ضرر ليها كان ممكن تنفعها لو في حاله جلسات بطريقة صح وحتى لو صح كان ممكن متنفعهاش برضو لأن دي تعتبر طريقة من الطرق العلاج لكن مش أساسية ، ومن الناحية الجسدية ممكن جلسة تؤدي لتكسير في عظام الجسم وارتفاع ضغط الدم وفي القيئ ودي أعراض بتحصل وهتفهموا وتعرفوا كان بيحصل اي معاها من الحاجات دي قدام.

×نقطة بقا بما إن وسيم صاحب سليم مقالهوش إنه اتجوز ليه.

✓هو أصلا وسيم مش حاكي لأي حد ولولا إن عمار صديقة في الشغل مكانش هيعرفة أصلا ؛ لإنه متأكد إن محدش هيرضى باللي عملة وهيتهاجم من الكل ، فدة برضو من ضمن الحاجات اللي محتاجة ترتيب ، وخصوصاً إن عمار سمع انها كويسة بس كل دة كان من تدبير حد , فهو فاهم ولو قليل عن اللي حصلها عكس الباقي.

×في بقا سؤال استغربته جدا ، وهو أم وسيم ليها علاقة عدوانيه بحد في الماضي أو اي حاجة من الحاجات دي

✓ده طبعا لا وأنا ملمحتش لحاجة بكدة أصلا في الأحداث.

×✓في ناس شايفة مبالغة في وصف شخصية وتين ، دول بقا مقدرش ألومكم عليها حالياً بس لحد ما تعرفوا اللي حصلها عوزاكم تظهرولي كدة اللي هو تعالولي 😂😂.

×نقطة بقا وتين ليها جد واحد ولا اتنين واي علاقتهم بسليم وباسم .

✓دول بقا ابغي أقولك روحوا ناموا ،تدرون ليش لأني مجاوبة على الأسئلة دي في السرد ياللي مبتقروش سرد انتم 😒 ، في حاجات لو عملتلها مشاهد عشان أشرحها هيبقي تطويل وملل على فاشوش ، فياريت نركز في السرد ، وكمان مرة ياريت نركز في السرد 😂⁦🚶🏻‍♀️⁩.
وتين ليها جدين الأول إسمه سليمان ده القعيد وحفيدة سليم دول عيله الشناوي ، والجد التاني إسمه هشام ، وباسم ده عايش معاه بعد ما خسر أهله وبرضو هوضح دة قدام شوية.

✓اعتقد كدة جاوبت بأختصار كل حاجة ، اللي لسة عندوا استفسار عن حاجة ياريت يقول وميكسلش لأني الأحداث الجايه تقيلة حرفياً يعني وتقيلة عليا قووي إني أكتبها وهتحتاج طاقة ومجهود لأن الغلطة بفورة...

واستنوني مع فصل يوم الإثنين إن شاء الله ⁦❤️⁩
وتأكيد المواعيد اتنين وخميس