الساعة 2 صباحاً..
أصوات أعمامي وصوت حبوبة عااالي شديد لأول مرة أنا خايفة كده😭💔..سارة أختي حاضنانا أنا ومعالي وبتبكي😭..امي ماف جمبنا😞..ما ممكن ده كله يكون نقاش بس..كلما صوت أبوي مع أعمامي يكون عالي سارة بتمسك فينا قوي أنا ومعالي وبتقول لينا خليكم ما تتحركواا وما تخافوا ودموعها بتجري كانها عارفة حاجة😭..الوضع ماشي أسوء..سمعنا صوت ضربة قوية..فجاة سارة فكت قبضتنا ونزلت تجري واحنا جرينا معاها..
نزلنا تحت لقينا ابوي واقف في النصّ وسط عماتي وأعمامي..وحبوبة بتكورك..قالت ليهم والله عااااال عاااال عبدالله عامل لي فيها العنيد وبمشي بي كلام مرة💔أمي جات جارية سارة سوقي فاطمة اختك واطلعوا فوق معالي براها..
حبوبة جرت أمي من يدها وقالت ليها أسسسمعي يا حواء تطلعي بي وش الباب ده اسي انتي وبناتك ديل ما دايرة أشوف وشك..
ابوي قال ليها ياا امي كيفن يعني حواء والبنات يطلعوا؟! دي مرتي.
حبوبة ضربت ابوي قدامنا ادتوا كف وقدام أعمامي وعماتي..قالت ليهو قلت ليك خيرتك تطلقها ابيت داير فيها شنو لا من توبنا لا دايرنها.
ابوي مسك امي من يدها😕💔 وقال لينا ارح يا بنات الصباح رباح نشيل حاجاتنا ونطلع من هنا😞💔..حبوبة قالت ليهو لاااا تطلع اسسي بي باقي الليل ده تشوف ليك قبلة تصلي عليها الصبح..بيتي ده ما بتقعد فيهو يا عبدالله لا انت لا مرتك😡💔..
امي بقت تترجى في حبوبة وبتكبي😭 عليك الله يا أمي😭😔انا بناتي صغار نمشي وين والدنيا برد بمرضن😭 عليك الله خلينا نبيت هنا بس الليلة دي..
حبوبة ولا حنت ولا حاولت😖..قالت ليها شديييدة وبناتك شديدات غير قوة العين قايلاهن بكبرن في شنو..امشي اطلعي وما تعتبي بيتي ده لحدي ما أموت😢💔..امشي يا حواء يا وش النحس ولد يشيل اسم ابوهو ما جبتيهو يا عرس الندامة💔..ما تقولي لي امي..
ابوي جا ساق أمي وقال ليها كفاية إنتي ما وش إهانة وذلة والله💔..
كتر خيرك يمة..واعفي لي.
مشينا الغرفة ابوي شال الشنط طلعها الشارع وسارة شايلة معالي💔وانا نعسانة وعايزة انووم💔ما حاسة ده شنو الحصل ده..بس وامي بتبكي وشايلة الشنطة.. قالت ليهو ما عندي البمشي عليهو بالليل ده يا عبدالله😭😭 اهلي وين بلدهم😭💔💔 وين اسافر ليهم اسي.. مسك امي وبمسح ليها في دموعها..قال ليها يا حواء الحصل من اخواني وامي صعب عارفك استحملتي سنين واسي فاض بينا خلاص..💔 وعارف انك اصيلة وبتقيفي في الحارة والله..بناتي ديل ما بعيشهم عيشة زلة تاني💔🖤..بس الصبر لحدي ما أقيف على حيلي.. وبتسنديني متأكد.
قعدنا في الشارع..نص ساعة جا بتاع عربية..
ده صاحب ابوي اتصل ليهو عشان يسوقنا نبيت معاه..
ابوي قعد قدام معاه وبدا يتكلم معاه وهو متضايق شديد😔💔..
عمو جلال صاحب ابوي كان بهدي فيه وبقول ليهو اا عبدالله يا ما وقفت معي وجا اليوم ارد ليك دين يوم بس وما بوفيك حقك ياطيب..
مشينا بيت عمو جلال وجاتنا مرتو وسلمت على أمي بالأحضان💜😍..
ودونا غرفة وانا كنت نايمة طول الطريق دخلنا نمنا...
الصباح صحيت على صوت أمي وهي بتقول لي سارة قومي يا سارة وصحي فطومة..
صحيت أنا وقلت لي أمي يا ماما ما حنمشي بيت حبوبة تاني؟!. طيب والمدرسة حقتي وروضة معالي؟!
انا ماشة لي صحباتي..
سارة بنهرة قالت لي يا داب انتي في أولى ممكن نشوف مدرسة غيرها..ومعالي حنشوف ليها روضة تانية..
امي قالت لينا خلاص يابنات بطلوا كلام احنا ضيوف هنا..لحدي ما ربنا يسهل ونمشي بيتنا..
موضوع المدرسة والروضة ده لسه عليهو.
عمو جلال عنده بنات صغار واولاد برضو قدرنا😍❤️..كنا بنلعب سوا قعدنا اسبوع..لحدي ما ابوي جا لي امي يوم وقال ليها جلال لقى لي شغل براا فالسعودية.حنسافر كلنا سنة سنتين لحدي ما اتشتري لي بيت هنا..
