لقدام حتعرفوا تفاصيل عن ناس حبوبة وتعاملهم معانا..خليني اعرفكم بعد سنين تعب وشقا بيت حواء وعبدالله بقى كيف..
نسيت أقول ليكم.. إحنا بنات حواء😍💙..
نغمة الصباح وكل صباح😂❤️ صوت العظيمة السيدة الأولى😂💙 وهي بتنادي لينا..قووووومن يا بنات بطلن كسل خلاص أي واحدة تقوم تتوضى وتصلى❤️..أبوي عبدالله بيطلع المسجد..
ودور أمي تلف على الغرف تصحينا للصلاة😍❤️..
نفس الكلام كل يوم😭💔.. سسارة قوومي على شغلك يلا..فاطمة اتخارجي جامعتك..يابنات الصلاة يابنات النوم كفاااية..
الكسلانة معالي بتصحى تصلى الصبح وترجع تنوم😅..
اخخ يا اميي كل يوم نفس القصهه احنا بقينا كبار والله😪💔..وبنصحى برانا😏..
صباح الخير .. أعرفكم بينا
أنا فاطمة بت عبدالله وحواء😍❤️ البت الوسطانية مع أربعة تانيين
. خمسة بنات؟!😳
أيووة خمسة بنات نعمة والحمد لله .. الكبيرة اسمها سارة اتخرجت من كلية طب وشغالهه في مستشفى ايوة ابوي بنادوهو ابو الدكتورة 😋💛..
التانية اسمها معالي بندلعها عُلا رابعة هندسة مدنية .
التالتة أنا(فاطمة) تالتة صحافة وإعلام .. صحفية بكتب في جريدة مشهورة 😎عندي عمود من زمان .. يعني كده كاتبة تحت التدريب نظراً لمقالاتي اللي مولعة الجريدة.. أخدت كورسات ومع حُبي للصحافة والإعلام..وسعيت جداً عشان اوصل للشغل دهه.
الرابعة .. أسمهان تالتة علمي هندسية.
وآخر العنقود ليّنا تامنة اساس شاطرة شديد😍❤️ لينا صرعتنا بي احلامها الوردية لما تجي الأولى ويذيعوها😂❤️.
احنا ما اتدلعنا زي بنات جيلنا وصاحباتنا بس اتربينا صح رغم الظروف،،ما لقينا اخ ولد كبير يكون لينا سند زي ما بقولوا،،بس فعلياً كنا بنات نسد عين الشمس،،
،،،،،،
غايتو صحي هم البنات للممات! امي ما بتمل وهي بتقول في الجملة دي😂
والله يا حواءانتي عارفة براك الفيها💔 غير بنياتي ما باقي لي حاجة،، عمري ما اعتبرتهن هم أنا بحمد ربنا انه رزقني بنات خمسة كل واحدهه بمية راجل أدبتهن وعملتهن .. وما عندي غالي غير بناتي..طيب وانا يا عبدالله بسوي في شنو؟!.ولا البنات شالن الريدة خلاص شالن الريدة والله..لكن القلب لسه بدق باسمك..
هههه اكل بعقلي حلاوة😂❤️..وأحلى حلاوة!،،
احنا الاتنين حاربنا الدنيا كلها عشان نكون مع بعض،،حاربت اهلي واستحملتي حياتي والفقر والسفر والجوع لا كليتي ولا مليتي،، حواء الأصيلة..
أثبتي للناس إنك ما طمعانهه في المال.
انا ما خايف غير على البنات..
انا خايف اموت واخليهن بدون سند..لسه البنات ما عرفن الدنيا دي كعبة كيف..ما عارفات اهلهم حتى!..بناتي يا حواء يمشوا وين؟!.
اسي يا عبدالله قلت بناتي بمية راجل وتجي تقول خايف عليهن؟! وتقول البنات ما هم؟
البنات كبرن يا عبدالله قادرات يواجهن الدنيا.
نسيت فاطمة لما بتاخد حق اخواتها الصغار؟! ما خلت ولد ما ضربتو😂😂💔.
=اهو فاطمة دي أحنّ واحدة فيهن..صحي ظاهر عليها حجر وراسها قوي بس لسه طفلة وبتسامح بسرعة.
