لا لا اكيد غلطانة يا معالي بتقولي في شنو بسم الله.. لينة اختي كويسة ما تهظري يا معالي😭😭.. المكالمة دي خلتني ما سامعة ولا شايفة شيء بحاول اكذب اي احساس جواي السودا والخوف والوجع عارفين احساس لما عزيز ليك يحصل ليهو مكروه💔،، العزيزة دي لينة قطعة من قلبي.. الحاجة الوحيدة النقية في حياتي اختي الصغيرة وبتي وسندي وفرحتي،، كيف يحصل ليها مكروه.. استغفر الله.. انا حرفياً ما متذكرة تفاصيل الحصل بعديها كانه دخلت في غيوبة صحيت وانا داخلة البيت جري عشان اشوف الحصل شنو..
جيت جارية عمياء وفتحت الباب لقيت معالي واسمهان والبيت فاضي بس هم الاتنين وصوت صراخ ملا الدنيا..
بقيت اكورك فيهم بتهظروا صح لينة وين وامي وابوي لينة كويسة؟! كويسة مش!! قولوا لي انها كويسة💔💔معالي مدت لي طرحة مليانة دم.. دي طرحة لينة اختي الكانت نضيفة ومكوية الصباح كان لونها ابيض؟ .. هي زاتها حقت المدرسة،، ليه لونها احمر والدم ده شنو فهموووني اتكلموا💔اسمهان قاعدة في الارض وما عارفاها مالها،،طرحة اسمهان الواقعة منها ومليانة دم ويدها وماسكة اوراق،، جريت عليها وقلت ليها اختك مالها انطقي فهميني وقولي لي اني بحلم.. اسمهان قالت لي لينة اختي قفلت المواد كلهم،، ودي أوراق امتحاناتها،، جات جارية تورينا انا وامي في المدرسة.. بس جابوها لينا مليانة دم وقالو في عربية ضربتها في الظلط.. لينة كانت ماسكة الاوراق في يدها💔لينة اختي يا فاطمة ما حتعيش💔اسمهان بقت تكورك وتضرب في نفسها.. وتقول لي انا جريت عليها حضنتها بي يدي ديل مسحت الدم من وشها انا دي😭😭،، لينة اختي سكتت اول مرة تكون ساكتة انا عايزة لينة اختي تتكلم 💔والله تاني ما بشاكلها ولا بزعلها 😭😭،، بس قولوا لي انه لينة اختي ما حصل ليها شيء.. ياوجعتي عليك يا لينة،، الصباح صحتني للصلاة ياااا فاطمة والله ما قايلاها بتمشي مني وتاني ما بلقاها.. الصباح كوركت فيها وقلت ليها ابعدي مني ما عايزة اصحى😭😭ياريتني كان قمت حضنتها.. ياريتني صحيت قبلها وقفلت عليها الباب زي ما بنتشاكل زمان ياريت الليلة لو حبستها في البيت ياااريتني ما خليتها تمشي😭😭.
لا لا معالي واسمهان بكضبوا علي وتلاقوهم عاملين مقلب😭💔،، جريت على غرفت لينة فتحت دولابها وبفتش في ريحتها..
الدنيا بقت سواد في وشي ما شايفة ولا سامعة حاجة،،لقيت نفسي في المستشفى مؤمن ودانا المستشفى.. انا لسه ما قادرة اصدق وماف دموع بتنزل مني،، انا لسه عندي امل انه لينة تكون كويسة بتخيلها بتضحك وحتجي تحضني.. اسي لما اجي بتجيني جارية تفتح الباب وتحضني،، لا مستحيل لينة تخليني في أيامي الصعبة دي.. انا عايزاها ومحتاجة حنيتها كيف بس يجبوا لي خبر وطرحة مليانة دم وكراساتها ملطخة باللون الاحمر كيف وانا كل يوم بقيف في السوق قدام الف حاجة هي بتحبها بحوم السوق افتش ليها اقلام ودفاتر ومناكيرات
😭😭💔.. لقيت امي قاعدة جمب غرفة العمليات قاعدة في الأرض حواء القوية الأم ال ما بتتهزم.. الاستاذة الصعبة الليلة ربنا إمتحنها في أقرب واحدة لي قلبها،، أمي بتقول لينة دي آخر العنقود والحنينة بتقول بتمشن كلن تعرسن وهي بتقعد معاي تقودني😭💔.. امي خاتة يدها في راسها وبتبكي وبتقول لا إله إلا الله يا الله ألطف بي بتي الحنينة يا الله ما تقطع حشاي على بتي.. انا شوفت امي منهارة💔ياداب صدقت.. بكيت قدرتي،، ماف زول يواسيني بنات حواء الاربعة ببكوا.. احنا كنا زي اليد الواحدة خمسة اصباع واتقطع الصغير،،
