كيف تحارب كل الظروف عشان حلمك يتحقق.. تالتة ثانوي بداية المشوار.. أو نهايته؟!. وهل في تالتة فعلياً إحنا البنات كلنا بنكون كده في فترة طيش؟!.
أسمهان دي ليه ما صحت لحدي الآن الدلع ده آخره وين..
عبدالله :حواء خلي البنات يرتاحوا ياخ.. اسمهان دي ممتحنة براحهه عليها😔💔..
عبدالله البنات ديل انت دلعتهم زيادةعن اللزوم 😏💔إنت وبعدين أسمهان دي في تالتة عندها شهادة ومستقبل حتبنيهو من السنة دي بس موش مفروض تحس بالمسؤلية؟!.
الله يخليك لينا يارب وتشوفي جديد أيّ واحدة فيهم .. بس يا حواء حبة حبة عليها البنية في عمرها ده الأمور بتختلط عليها بالمناسبة الفترة دي أكتر فترة حساسة ولا ناسية لمن كنتي في تالتة وبتجي تشكي لي من القراية؟!
لسه متذكر إنت!!🙈💙 وأنت من الزمن داك ساندني وشايل همي.
هههه بتذكر كنتي تشبهي اسمهان ريلة وسمحة زيها..ورزينة اسمهان دي عااقلة وحساسة عامليها بالحسنى ..متذكرة بيتنا ده بنيناهو بالحب ما بالكراهية ولا اتعاهدنا نغصب بناتنا على حاجة..قلنا حنربيهم بالحب وشوفي لو في يوم جاتك واحدة في البنات غلطانة في التربية دي💙😍.
انا معاك أنا بس كمان أنا قلبي ما بتطمن وما بقدر أخلي الحرية للدرجة دي والله انت ما شوفت بنات الزمن كيف ولا شوفت المدرسة عاملة كيف..ياخي أنا البنات صاحبات اسمهان ديل غلبوني عديل شيء مكياج وشي طلعات مع سواقيين التراحيل وكل يوم اهلهم بشتكوا لينا من الموضوع ده فاكر يا عبدالله تربية البنات ساهلة؟!. ياخي والله خايفة على أسمهان خايفة عليها البنات يغشنها،ما شوفت بلاوي بنات الثانوي انت .. خليني ياعبدالله عليك الله عشان قلبي يتطمن على بناتي ديل همهن بنخز في قلبي.
طيب ياحواء شوفي البريحك وأعمليه بس ما تقسي عليهن شديد..
_____
أسمهان.. يابت قومي على مدرستك..
صباح الخير يا أمي.. ما ماشة الليلة أنا🙂💔.
صباح النور يختي ما عندي الكلام ده 😐قومي على حيلك يلا وألبسي قبل ما أجيك بالعصا دي يلا الزمن إتأخر..
يا أمي ما عايزة أمشي ياخ اولاً عندي إمتحان رياضيات بكرة وعايزة أقرا ليهو
قلت ليك قومي يلا وأسمعي الكلام ما بزيد كلامي ده تاني وأنا ما امشي المدرسة وألقاكي ماف أنا طالعة تجي وراي الزمن اتأخر.😡
حاضر حاضر ح امشي ياخ الله ياخدني زاتو.
الله يعدي السنة دي على خير بس وامشي الجامعهه ارتاح من الهم ده😭💔..ياخ انا زهجت امي بس مراقبة تحركاتي وكأني ما بتها زي اخواتي الباقيات..والله مرات بجيني وقت بس بكون عايزة ابكي ما عارفة ليه😭💔 انا ما قارية حاجة والمواد غلبتني وضغوطات ناس بيتنا وحلمي وناس المدرسة 😭💔اهو الترحيل جا وفات الا امشي بالمواصلات💔.
مشيت بالمواصلات..هي المسافهه ما بعيدة شديد يعني 10 دقايق كده من بيتنا والمدرسهة دي مواضيع تانية..
أها أسي المديرة حتتكلم معاي متأخرة ليه والكلام ال بكرهو أنا ده🙂.
أسسسسسسسمهااااااااااااااااااان تعاااااااااليييي..( المديرة طبعاً واقفة لي على الهبشة).
وااي دي المديرة... نعم يا أستاذة:
=جاية متأخرة مالك تتقدلي زي العروس كمان.🙄
_ااااا أنااااا اااا🙁😪 نسيت نسيت هناي اسمه شنو نسيت دفتري حق الإنجليزي ورجعت بعد نصّ المسافة جبته.
=طيب أمشي على حصتك يلا وشدي حيلك السنة قربت تنتهي.
حاضر..
==
بعد دخلت الفصل طبعاً أنا اكتر واحدة بريئة شديد.. وصغيرونة ما ذنبي جيت كدهه😂 ودخلت سني صغير.. مع اني قصيرونة بس مت بحب اقعد قدام عشان تركيز الاساتذة كله بيكون معاي😏💔 بت استاذة حواء طبعاً توصيات من فوق😐💔
بحب اقعد مع ليلى صاحبتي ليلى دي عادت معانا بس وناااااسة شديد😂💔 بتنسيني همومي جنها ضحك.
التلات حصص الأوائل ديل مملين ملل ياخ..أنا ما بصدق أطلع للفطور.
=ليلى ياخ أنا مليت.
إحساس أُمك معاك في نفس المدرسة وبتمنع عنك الونسة والضحك وكل شيء بس تكوني مُلزمة بالقراية والأكاديميات بس دي حاجة ما حلوة خالص..
أنا في الثانوي مفروض بقيت زولة واعية وكبيرة😭💔..اسمهان بقيتي تنفسني كتير الايام دي😂💔 مالك يابت زي الشلبوك؟!.
