أول مرة أحس المستشفى دي مضايقاني كدهه عارفة إنه ده وجود عمتي وصوتها اللي ملا المكان كله،،غريبة إني لسه بقول ليها عمتي..بس دي أمي هي ال فضلت سنين تقول لي كده كلما أسالها واقول ليها يا أمي ليه ما عايزة توريني ليه عماتي كانوا بيتعاملوا معاك كعب كده؟! وليه أبوي برضو ما بحبوهو؟!.كانت بتقول لي شوفي يا سارة مهما حصل في السنين الجاية دي غير الإحترام لعماتك ما تختي في قلبك حاجة مفهوم؟!..وبتقفل السيرة على كده..
ما حصل جاني شك إنه أمي غلطانة وهم عندهم حق..دايماً المظلوم ربنا حياخد حقه في النهاية،،
فاا اتذكرت كلامها ده واتنهدت كدهه.. وكنت عايزة اطلع..
جاتني عمتي قالت لي تعالي هنا ماشة وين؟! المستشفى دي ما فيها نظام ولا شنو امشي طلعي لي من ولدي الدرب واكتبي لي اذن خروج يلا..
قلت ليها دوامي خلصّ بعد يجي الدكتور المناوب امشي ليهو..
طلعت ومشيت الاستراحة قعدت هناك،،كنت عايزة ابكي بس أنا من النوع اللي ما بقدر ابكي قدام الناس بحبس الدموع وما بتكلم في اللحظة دي حرفياً حسيت بإنه في سكين بتتطعن في حلقي دي ما دموع دي حاجة من حديد ومحاوطة رقبتي بس مخنوقة،،يعني مواقف حصلت معي من سنين كنت بشوف بعيوني أمي كل يوم بتنهار وبتبكي بتكون معزولة أنا وهي واخواتي ما بناكل مع عماتي وحبوبة ولا في زول بتكلم معانا..
قررت ما اكلم أمي ولا اخواتي بموضوع عمتي دهه واتكتم على الحكاية،، نمت وكانه لي سنين ما نمت،، صحيت بصوت الممرضة ولقيت كمية من المكالمات تقريباً 35 مكالمة من رقم مجهول...
_________________________________________
معالي..
طردني من المحاضرة وطلعت عفاريت الدنيا بتنطط في وشي،،
ليه بس هو طلعني انا من المحاضرة مع انه هبة كانت معاي وبتتكلم بس خلاني أطلع أنا🙂،،فاكر نفسه شنو يعني،،بس بصراحة أنا زودتها شوية😂،،مشيت الكافتريا أكلت وطلعت مشيت المسجد صليت ونمت هناك،،ساعتين منتظرة هبة تطلع بس مت طلعت،،الحمد لله إنه طردني من المحاضرة كنت هقعد ساعتين كدهه،،زهجت ومشيت بيتنا هي كانت اخر محاضرة،،مشيت البيت لأنه أمي اتصلت لي كتير وتلفوني كان في الشنطة لما نمت،،رجعت ليها قالت لي لو خلصتي تعالي..
مشيت وكنت عايزة أعرف امي مالا الليلة ما من عوايدها تتصل لي،،وصلت البيت لقيت امي بتعمل في الغدا،،قلت ليها خير يا أمي في شنو؟!
قالت لي ماف شيء امشي استحمي وانتظري ابوك واخواتك يجوا للغدا.
عملت زي ما قالت لي،،مشيت استحميت وعندي رواية كده طلعتها وبقيت أقرا فيها..
جات سارة سمعت صوت لينا بتنادي ليها سارة اديني هدية الليلة،،مشيت على سارة قالت لي اطلعي مع لينا السوبر ماركت خليها تشتري اي شيء ما جبت ليها حاجة معي.. قلت ليها ياخ ما ضروري يعني شنو لينا الليلة ما جبتي ليها معاك حاجة من برا دلعتوها انتي وفاطمة بتعاملوها زي الطفلة خليها الليلة تقعد كده وبعدين لينا كبيرة في تامن يعني ما بيبي صغيرونة،،سارة قالت لي براحتكم،،انا مصدعة وداخلة جوة،،جات لينا وقعدت نزن لي في راسي معالي قومي معاي السوبر ماركت وعليك الله انا مش اختك وووو...لينا دي أشطر واحدة في الزن والكلام الكتير،،قلت ليها حاضر جاية معاك راسك القوي دهه،،لبست لي عباية وطلعنا السوبر ماركت مشاور يعني ما قريب،،طول الطريق لين بتتكلم ما خلت موضوع حايم ما اتكلمت فيه،،قلت ليها أسكتي يا لينة إحنا في الشارع شنو ما بتعرفي تسكتي؟!..قالت لي ما وريتك الليلة أمي واسمهان جوا سوا من المدرسة😁.
قلت ليها عادي يعني شنو ما أمي استاذة في مدرسة أسمهان طبيعي يجوا مع بعض،،قالت لي لا..شكله أسمهان عاملة مصيبة لانه أمي ضربتها.
لينة مصدر موثوق طبعاً بس حاولت أبعدها من الموضوع ده عشان لو في مشكلة بالجد هي لسانها خفيف،،قلت ليها بتكون ما جابت درجة كويسة في الامتحانات،،مشينا اشترينا لي لينة شيبس وحاجات عبيطة كدهه وانا بالي مشغول مع اسمهان امي ما بتمد يدها علينا في عمر اسمهان دهه أبداً،،ياربي الحاصل شنو ده غير مكالمة أمي لي قبيل،،رجعنا البيت.
ما حبيت أتدخل وأسال أمي،،مشيت أوضة أسمهان فتحتها ولقيت أسمهان نايمة او عاملة فيها نايمة ما بعرف،،طلعت المطبخ لقيت فاطمة جات.
وواقفة مع أمي..
أي حاجة بتحكيها أمي لي فاطمة عشان هي حكيمة وبتعرف تتصرف عكسي انا وسارة متهورين.
لقيت امي وفاطمة بتودودوا😂عملت نفسي عايزة اشرب موية،،شربت وطلعت..
اتلمينا ساعة الغدا،،ابوي قال وين اسمهان؟!!،،لينة عاينت لي حمرت ليها كدهه سكتت كانت حتتكلم😂،،امي قالت ليهو أسوم دي نايمة الايام دي هلكانة من الامتحانات،،امي بتكذب على ابوي اسي،،وانا لسه ما عارفة الموضوع شنو بس شكله في مصيبة والله.
اتغدينا واتونسنا مع أبوي شوية وكالعادة شاي بعد الغدا امي وابوي بقعدوا يحكوا لينا مواقفهم الزمان وحبهم وكفاح امي وقصص حفظناها حفظ😂بس لازم نضحك كل مرة ما عشان نجاملهم عشان إحنا مبسوطين بلمتنا حواليهم،،قعدتي مع امي وابوي واخواتي دي بالدنيا كلها،،بنحل فيها المشاكل وبنقرب لبعض كل يوم،،احنا كبرنا بالقعدة دي،،سارة ما كانت مبسوطة زي كل يوم،،واسمهان ماف،،وامي بتضحك من ورا قلبها،،اول مرة احس انه قعدنا ولمتنا حوالين ابوي دي مزيفة وما حقيقية..
فاطمة قالت لينا معالي وسارة تعالوا اختاروا معي فستان عندي عرس بت خالة ريم صحبتي،،شكلها عايزانا ف موضوع،، لينة نطت قالت ليها أنا بفهم فالزوق برضو سوقيني!! أمي قالت ليها خشي يا لينا جوة عندك امتحانات وبطي كلام فارغ..
مشينا مع فاطمة،،سارة قالت ليها أنا ما بقدر اقعد معاكم مزاجي متعكر شوية،،عن اذنكم وقفتها فاطمة وقالت ليها انا جبتكم هنا عشان اقول ليكم حاجة بخصوص اسمهان،،انا قلبي عمل ششح لانه لينا كلمتني بس وقالت امي ضربتها وعقلي بقى يجيب اخماس في اسداس،،قالت يبنات امي ضربت اسمهان عشان لقتها منتظرة صاحبتها جمب الحمام وصاحبتها عندها تلفون وبتتكلم مع أولاد،،المهم عاقبوهم في المدرسة وحالياً أمي خايفة يكون لاسمهان يد في حكاية التلفون دي!،،عايزين نتكلم مع اسمهان ونوريها غلطها،،سارة قالت ليها:غلطها؟! هي غلطت في شنو اسي!!اسمهان ما عملت حاجة أمي كيف تضربها!.
وانا قلت ليهم يا جماعة أمي ليها حق تضربها عشان تحرم تتابع الشلة دي تاني!.
فاطمة قالت ياجماعة عليكم الله بغض النظر عن الغلطان منو،، ح نمشي نتكلم مع اسمهان لو خليناها براها اسي حتموت💔حتحس انه كلنا ضددها..
فعلاً مشينا لأسمهان،،فتحنا باب الأوضة حقتها هي وبقينا نتهابل،،فاطمة جات نطت ليها في السرير وبقت تصحي فيها اسسوم قوومي ارح نتونس ياخ،،وسارة جات جمب راسها وبقت تلمس ليها في شعرها،،وانا طلعت في السرير معاهم..
سارة قالت ليها يا جضووم الليلة فقدناك في الغدا،، من قالت ليها كده اسمهان اتفقعت في البكا قعدت تبكي وغطت وشها مننا بالملاية،،إحنا بقينا نعاين لبعض عايزين نخليها تهدأ بقينا احنا كمان بنبكي😭😭،،موقف لا نحسد عليه😭 طيب حتقتنع لينا كيف انه مفروض جاين ننصحها..
فاطمة رفعت ليها وشها وقالت ليها،،يابت في شنو؟!..
عايني احنا جمبك وما جاين عشان نشوف دموعك دي،،جاين نضحك ونتونس مع اختنا الصغيرونة،،كل جملة مننا كانت بتخلي اسمهان تبكي أكتر كانت حاضنة مخدة ومغطية وشها،،سارة قالت ليها:شوفي يا اسوم حندخل ليك في الموضوع،،ما بمنعك تبكي بس اسمعينا اول،، إنتي في مرحلة حرجة وفي عمر ما بتقدري تتحكمي في تصرفاتك كلنا مرينا بالفترة دي فاا ماف داعي تبكي ولا تندبي حظك كده،،تمام؟!.
فاطمة قالت ليها اسوم كدي احكي لي الحاصل شنو؟! وامي ضربتك ليه عايزة اسمع منك.
فاطمة كانت مصمصة إنه اسمهان تتكلم،،اسوم قالت ليها أنا ما عندي علاقة بالتلفون والله ما عندي زول بتكلم معاه بس شوفت ليلى بتتكلم وقالت لي تعالي اقيفي لي جمب الحمام عشان ماف زول يشوفني من الاستاذات.
وقعدت تبكي أكتر قالت لينا انتوا ما حتصدقوني ما بتحبوني أصلاّ،،
طيب اسمهان عندها فكرة في راسها إنه ممكن إحزا ما بنحبها!.
قلت ليها:يا هبلة😂💙وضربتها ضربة خفيفة في راسها وحضنتها علي قلت ليها شوفي يا اسوم😍إحنا خمسة بنات حواء في البيت ده لينا سنين بنبني فيه ما بنيان طوب وحاجات زي دي لا،،بنيان معنوي،،يعني لو عندي انا فاطمة مشكلة بمشي لي أمي ونتناقش،،لو حسيت انه امي ممكن تنفعل وما تفهمني بمشي ابوي ولا سارة ولا بجي لي معالي،،عشان ديل أكتر ناس بسندوني وأكتر ناس بزعلوا لو انا وقعت ولا حصلت مصيبة فاكرني بلاقي منو غير أخواتي ولا امي وابوي؟! والله ما بلقى زول قلبو علي أكتر من اخواتي،،هو فعلياً ما كل يوم بسمع من أمي واخواتي كلمة انا بحبك يا فاطمة ولا تعالي ناخد سيلفي عشان نوثق الحب بصورة واستوري في الواتس،،ولا اخواتي ديل كل يوم بقولوا لي انتي سمحة يا فطوم وشوفي فلان مكسر فيك وعلان عايزك،،لا ده ما حب الحب لما تحصل لي مصيبة أول ناس بفكر فيهم هم اللي في البيت ده❤إنتي هتشلي همي اكتر من أجدع صاحبة صح؟!.
قالت لي أنا ما عندي صحبات لكن💔،،سارة قالت ليها اسوم إنتي زيي😂 وضحك كده قالت ليها تخيلي انا لحدي ما دخلت الجامعة ما كان عندي صاحبة،،لكن صاحبت يسرا وبالجد جدعة💙.
ومعالي كمان قالت ليها يابت صاحبات الثانوي اسي وينهم ماف زاتو،،انا برضو صاحبت في الجامعة،،
قلت ليها ما تستعجلي في الصحبات،،وكل اللي ربنا ببعدهم منك لخير..اسي ركزي على حلمك قرايتك واخواتك واقري كتير وعيشي حياتك،،إنتي لسه صغيرة وقدامك دنيا ومواقف وحياة واااسعة وكبيرة يا ما حتشوفي فيها😍💙،،وياستي كل موقف بحصل لينا بقربنا لبعض اهو عايني اسي قعدنا واتكلمنا واتونسنا😂،،حكينا ليها مواقف وضحكنا ومعالي مشت جابت ليها اكل بس اسوم قالت ما عايزة تاكل.
سارة قالت خلاص عازماكم عشا في مطعم قريب مننا بس عندي شرط😎💔.
قلنا ليها بصوت واحد هااااا قولي الشرط!!.
قالت اسوم تقول لي اللي في قلبها اسي وما تدس مننا حاجة،،تقول اتحسنت بعد كلامنا؟! وتقول لو في يوم حصلت ليها مشكلة حتجينا ولا لا!.
اسمهان قالت،،ماف حاجة بس امي زعلانة مني شديد،،قلنا ليها امي هي ال قالت لينا لو اختكم ما بطلت بكا ما تطلعوا منها،،تقريباً هي عارفة إنه امي عصبية بس حنينة💙..
المهم لبسنا ومشيت لي ابوي قلت عشان اقنعه😂دايماً مهمة الإقناع بدوني ليها أنا فاطمة امشي حنسي لينا واقنعيهم🙂💔،،مشيت لي ابوي وانا لابسة قلت ليهو يا ابوي احنا ماشين المعطم القريب دهه عايزين ناكل بيتزا🙈،،قال لي بسم الله اسي مش اكلتوا هنا قدامي يا بنات😂،،وبعدين لو جاية تستاذني بتجيني وانتي لابسة؟! دهه اسمو عُلم يا ابوي ما اسمو عن إذنك🙂،،ماف طلعة ليكم شوفوا الليل جا والساعة كم😔،،حرفياً انا قربتهه ابكي قلت ليهو يا ابوي الساعة 6 ياداب عليك الله خلينا نمشي😭😭💔والله المحل قريب يا ابوي💔💔،،قلت لا يعني لا..
قعدت جمبه وبقيت خاتة يدي في وشي نظام زعلانهه،،جات امي قلت ليها تعالي شوفي ابوي ما خلانا نطلع ناكل في المطعم😔💔،،قالت لي والله دي طلعهه بالليل دهه يابت امشي نومي نومك،،
غايتو بس ليه حابسننا كدههه خليناهوو،،مشيت جبت البنات وقعدنا لابسين وقاعدين جمب أبوي،،بعد زن وكلام كتيير حتى خلانا نطلع😂،،
مشينا أكلنا واتصورنا واسمهان نفسيتها اتحسنت شوية💙💙..
#نتلاقهه.
