اول ما دخلت الجامعه ولاقاتني مريم وبدت تحقق معي،، مريم دي لما تبدا في التحقيقات اشطر ظابط شرطة،، كالعاده استلمتني وين انتي يا فطوم ما بتردي على تلفوناتك وامس برسل ليك واتس برضو ما بتفتحي الرسايل خوفتيني يابت،، احكي لي مالك في شنو ياخ،، انا عارفاك بتكوني زعلانهه واتحسستي من موضوع البت ال بترسل كلام عليك وبتقول انتي مصلحجية والله يا فطوم تكوني بتفكري في كلامها تبقي متخلفة بالجد،، يابت احنا البينا اكبر من كلام البنات ديل،، انتي اختي التانية يافطوم،، لو حموت بسببك ما بكون زعلانهه والله،، انا بديك عيوني يا هبلة،،شوية كلام من واحدهه حاقدة حيأثر فيك؟! نسيتي يا بت انا بجي بفتح مطبخكم وباكل وبنوم عندكم في السرير وحافظة بيتكم شبر شبر زي ما انا حافظاك وعارفهه انه حساسة واي كلمة بتأثر فيك،، ياخي يتحرق اي كلام واي زول بيحاول يخش بينا،، انا ما عايزة شيء من الدنيا غير انك تكوني مبسوطة زي ما انتي بتخافي علي وبتتمني لي السمح انا كمان عايزاك احسن واحده وما عايزة اشوفك دموعك لاسباب تافهه مفهوم..
مريم قالت كلامها دهه كلهه مرة واحده وما ادتني اي فرصة ارد ليها..،
قلت ليها براحهه طيب يامريم😂،، والله والله انا عارفة دهه كله وانتي وريم غلاوتكم عندي زي غلاوة بنات حواء،، وكلامها صح أثر فيني بس عارفة انتوا شنو.. بس هحكي ليك انا ليه ما رديت لي مكالماتكم،، الحصل يا ستي انهه انا زهجت فجأة وقلت هخلي اي حاجهه حتى شغلي والجريدهه بس الحمد لله ما خليت الشغل.،
وااي يافاطمة جاادهه؟!هتخلي الشغل لييه يا بت.. قلت ليها والله يا مريم كنتهه غبيهه بس وحمقاء بس ما تخافي غيرت رأيي😂💔،، اها وال غير رايك شنو؟!
تخيلي مؤمن🙈💜..
منووووو؟! مش مؤمن ده الشرير الملاكم والغياط ولا نسيتي كنتي بتقولي شنو😂💔،، كرهتينا بيهو مفروض يكون اكتر واحد مبسوط انك هتخلي الشغل! معقولهه اتغير؟!.
هههه والله يا مريم لسه غياظ🙈😂،، بس طلع ما من قلبهه،، وشكلنا بقينا أصحاب.
مريم قالت لي الله يديم الصحبهه😂،، وقعدت احكي ليهم كيف كنتهه ببكي وما طايقهه الشغل والجريدهه💔..
مريم قالت لي بس انا عايزة اعرف دي منو ال بت اللي ماسكهه سيرتنا الايام دي وما عايزانا نتهنى بي صحبهه أبداً.. ما ممكن انا كمية رسايل بتوصلني من ارقام مجهولهه وكل واحدهه تقول لي ريم وفاطمهه مصاحبنك عشان مصلحتهم..
قلت ليها ما مهم نعرفهاا،، ولا بنستفيد شي خليها كدهه بس هتتعب وتشوف غيرنا😂💜.
مشيت البيت جري اليوم دهه وكلمت ابوي😂💜..
قال لي سبحان مغير الأحوال،، الحمد لله يابتي انك مبسوطهه اي قرار بخليك فرحانهه اخديهو،
بقيت شغالهه امتحانات وزحمة المواد حاجهه كدهه تخلي العاقل مجنون😭💔،، طول الوقت بقيت خايفهه نتيجتي تكون كعبهه واترفض من الكليهه🤦♀️،، وكانهه دهه اختبار لقدرتي كمية ضغوطات ما عاديهه ومشاكل ما بعرف بتجي من وين،، أنا بقيت بعيش فترة صعبهه،، ما بستحمل اي كلمة من اي زول في الدنيا وعلطول بعمل مشكلهه من اقل كلمهه وبقيت حساسهه زياده عن اللزوم.. يعني انا مهددة من كل الجهات ومطلوب عليا أكون ثابتهه الوقت كله عشان انا البحل ال مشاكل وبسمع لكل الاطراف.. مطلوب مني فالبيت اكون عبارهه عن آلة بسمع وبدي رأيي،، الفترة دي كل زول فالبيت عندهه هموم براهو.. أبوي ومشاكل الشغل،، واحساسه بالذنب انهه ما قادر يوفر لينا اكتر من الشغل اللي شغال فيه.. وغير انهه الفترة دي بقى شارد هو وامي وكانهه في مصيبهه هم عارفنها او مشكلة ما بتتحل عمرهم ما حسسونا انهه في مشاكل بينهم..
دهه غير سارة اللي مصممة تسافر وتخلي البلد وكلنا بنقنع فيها وهي رافضة.. ومعالي ومشاكلها براها..
بيتنا بقى عبارهه عن جحيم كل شبر فيه ما بنطاق،، اول فترة تكون كعبهه كدهه لبيت حواء وعبدالله.
