بنات حواء

٣٠

'' مرحــباً بعـــد الكــثـير مــن الــوجــع.. لم تـــكُن حــكايــتـي أمراً خــيــالــيّ.. أنــجَبــتُ بــنات فقط.
حتى اليــوم أقــول أن بــناتـي أوطــانُ مــن الورد
كنت أستــنشـق عبــيرهُن كلما كَبــرن عام.. خمــسُ بنات والكثير من الأفـــراح''

بنات حواء..

عند فاطمة:

صباح الخير لنفسي بعد تعب ايام وسنين،، الحقيقة هو ما صباح الخير.. انا نمت لحدي الساعة 4 عصر،، كنت مرهقة شديد لاول مرة انوم بالطريقة دي.. مشيت استحميت واكلت بطريقة غريبة كنت جعانة شديد وعايزة اكل لسه.. بعد خلصت مشيت اتونست مع ناس امي،، كنت ناوية من الصباح امشي لي مؤمن بس اتاخرت في النومة.. جريت على تلفوني..
اتصلت ليهو..
رد لي بسرعة كانه كان منتظر تلفوني،،انا كنت مشتاقة ليهو،،بس طبعاً ما ح اقول كده خايفة من الحقيقة انه مؤمن ما عنده لي اي حاجة.. مع انه كل المواقف بتأكد عكس كلامي،،
المهم بعد رد قال لي أهلاً أهلاً بالصغيرونة،، قلت ليهو معليش يا مؤمن انا والله نمت تخيل صحيت قبل ساعة🤷‍♀️.. قال لي اهاا والساعة دي عملتي فيها شنو بكيتي الليلة؟!
قعدت اضحك بي صوت،، قلت ليهو ان شاء الله ماف بكا تاني♥️،، قال لي ضحكتك دي احلى موسيقى سمعتها عمري كله.. ما توقفي ضحك.

سكت✨.
هو اتدارك الموقف بسرعة وقال لي بكرا الصباح تعالي الجريدة عندي ليك اخبار سمحة..
قلت ليهو لا كلمني اسي،، قال لي يلا يا عنيدة امشي نومي يابت..

قفلت منه التلفون.. تاني يووم الصباح صحيت بالمنبه عشان امشي الجريدة..

وصلت الساعة 8صباحا،، قعدت في المكتب بما اني طولت،، بس منتظرة مؤمن يجي،،المرة دي هو اتاخر كتير شديد،، ساعة ساعتين تلاتة وخلاااص انا زهجت.. ما اتصلت ولا هو اتصل مع اني ح اموت بالقلق.. في النهاية غلبني اتصلت ليهو لكن ما رد🙄..
بعد اقل من 5 دقايق جا خاشي المكتب مشيت عليهو وبقيت اتكلم ما اديتو فرصة،،قلت ليهو مؤمن وين انت خوفتيني انا منتظراك من الصباح قلت ما ح اتصل ليك عشان بتكون مشغول بس ليه ما رديت بعد انا اتصلت؟!.. انت كويس؟! والحاصل شنو؟!..
قال لي اهدي اهدي يا صغيرونة♥️،، تاني ما ح اتاخر عليك ولا ببعد منك ثانية.
قلبي بقى يدق بسرعة  وحسيت اللحظة دي حلووة حتى كلمته دي وتعابير وشو ووقفته وكل شيء.. عيونه جوة عيوني،، عيونة بتلمع وابتسامتو ال بحبها منورة وشو🙊،، نزلت راسي،، ومشيت قعدت في الكرسي وما عاينت ليهو تاني بقيت بتكلم وراسي في الأرض،، وبحاول اشغل نفسي بي اي شيء مسكتة جريدة قدامي وبقيت اقلب فيها،، قلت ليهو وانا بعاين في الجريدة،، قلت لي عندك اخبار حلوة..
جا قعد في الكرسي قصادي وقال لي الجريدة ما لاحظتي ليها مقلوبة؟! 😂لاحظت لي نفسي ومنظري قدامه بقى بشششع😂ظاهر اني كنت خجلانة..

ختيتها في الطربيزة وقلت ليهو ما موضوعنا يا مؤمن💁‍♀️،، وريني في شنو..

قال لي على اساس عندك قوة ملاحظة؟! قلت ليهو طبعاً لسه عندي قوة الملاحظة دي انا اشطر واحدة تلاحظ اي شيء يا أستاذ😎هااا..
قال لي ما لاحظتي لي؟! ما بتحسي لما اكون معاك بحصل شنو في قلبي؟! خليك من قلبي عيوني ما بتفضحني!!