بنات حواء

١٠

ما قدرت انوم وبقيت أفكر في تلميحات البنات وكلامهم،، بالجد انا ظلمت مرين وريم معي؟!،، ومعقولة الناس تفكر انه انا في يوم ممكن استغل علاقة اياً كانت عشان مصلحتي الشخصية🤦‍♀️💔.. اول مرهه يكون في انتقاد بالشكل ده علينا انا وريم ومريم..
ما عارفة غفيت متين من التفكير ونمت😴💜..
الصباح صحيت الساعة9..
لقيت ماف زول في البيت وامي ختت لي مفاتيح البيت جمبي،، عشان لو طلعت اقفل البيت..
مشيت الحمام عاينت في المراية لقيت غيوني وارمة من البكا والسهر والأرق.
طلعت وعملت لي قهوة لاني حرفياً كنت مصدعة،، شوية كدهه باب بيتنا بدا يضرب.. مشيت فتحت لقيت دي جارتنا ام ياسر..🤦‍♀️
انا ما عندي اي اخلاق اقابل بيها جيران واجاملهم،، بس قعدت معاها..
قعدت تكشف للبيت جبت ليها موية وقهوة..
اهلين خالتو ام ياسر نورتي..اتفضلي القهوة..
تسلمي حبيبتي.. مالن عيونك ديل وارمات كدهه زي ال كنتي بتبكي ولا حاجهه،، قلت ليها لا بس دهه من السهر انتي عارفة شباب وكدهه بنوم متاخر😏💔.. اهاااا اسي والله يا بتي لو كان عندكم اخو اكبر منكن يا بنات حواء ما كان بتساهرن لنص الليالي في التلفونات😁.. ولا كان بتطلعن وبتمرقن بي راحتكن..
اسي والله. ولدي ياسر دهه الله يحفظو لي اسد اخواتو يا يمة.. واحده عندها تلفون وبتتكلم بيهو ماف..
ولافي واحدهه بتمرق من البيت بالليل..
قلت ليها..
قالوا ليك بناات حواء عديمات تربيهه يا ام ياسر؟!..ولا قالوا ليك احنا لافين وحايمين نصّ الليالي؟!..
دهه كلام شنو والله عيب عليك عديل تقولي كلام زي دهه لو ما انتي اكبر مني وانا اتعلمت احترم الكبير كان يكون لينا كلام تاني..
وبعدين قصة انه ما عندنا اخو واحنا بنات بس فاا دي من ربنا واحنا رضيانين💜🙏..

احنا عايشين جيرانك هنا من كم سنهه؟!..
حصل شوفتينا حايمين في بيوت الحلة؟!،، انتي جارتنا دي لحدي الان ما بنعرف بيتك من جوهه عامل كيف🙄💔..
وبعد دهه كله الكلام لاحقنا؟!..

والله يابت حواء وعبدالله ما بتقصري احترمتيني تب.. ياهو ال بقولوا الناس😏💔..
انتو زااتكم جيتو من كم سنهه هنا ما بنعرفكم جايين من وين قعدتوا بس وبقيتو في حالكم اجيي الناس مت بتدخل في بعض؟!..
وبعدين حكاية التلفونات دي الحلة كلها عارفهه😁
قلت ليها:عارفين شنو؟!
ههه عارفين انو اختك الصغيرهه امك لقت عندها تلفون وبتتكلم بيهو مع ولد جمب الحمام.. كلمتني بتي ترتيل بتقرا مع اختك في الفصل😏💔.. والله ياسر ولدي قال لي ترتيل انا كان لميت فيها اخليها تتادب😎.. وحزر ترتيل ما تصاحبها..
كلمي ولدك ياسر اللي احنا بنات حواء ارجل منو..
قولي ليهو فاطمة بت عبدالله قالت ليك..
ارجل شوية وبطل امور الخساسة والمشاطات ال بتسوي فيهو دهه.. ماف راجل بحرس البنات الصغار جمب الدكاكين يشوف دي ماشه وين ودي جايهه من وين😏💔..
لو قايله نفسك ولدتي وجبتي ولد والله منه العوض واليه العوض..
احنا الحمد لله طالعين من بيت راجل وواحدة اصيلهه لا حامت بالبيوت ولا مسكت سيرهه فلان وعلان🙏💜.. امي وابوي يشهدوا ليهم ناس الحلة كلهم بالاحترام والاخلاق.
قهوتك بقت باردهه اشربيها عشان انا عندي جامعهه ماشة ليها😊💜..