#
_معالي..
=استاذ أمجـد كيفك..
_أنا تمـام الحمدلله عندك كم محاضـرة الليلة،، عايز اتكلم معاك شوية برا الجامعهه لو زمنَك يسمح يعني..
قلت ليهو برا الجامعهه؟!،، معليش يا استاذ بس ما ظنيت ممكن يكون في حاجهه بتخليني اتكلم معاك وبرا الجامعهه كمان،، كل البينا محاضرات جوة الجامعه غير كدا ماف شيء.
ابستم كدهه وعاين لي وهو مربع يديهو وقال لي ماشاء الله عليك،، ربنا يكملك بعقلك.. بس ما دام رفضتي ح اضطر اتكلم معاك فالموضوع هنا.. مع اني ما كنت عايز يكون النظر عليك وانه بينا كلام انتي طالبة وأنا استاذ.. خصوصاً انه اخر مرهه كنا سوا قدام الناس كنا في مشكلهه مع الطالب محمود،،فاا ما تفهمي غلط يعني،،ما حنطلع برا الجامعة في موعد غرامي.. كل الموضوع انه قبل فترة استاذ عبدالباسط اللي أنا ماسك ليهو المادة دي مؤقتاً اتصل بي من فترهه وقاال انك قبل كدهه قلتي ليهو عايزة تشتغلي وانتي بتقري يعني عشان يكون عندك خبرهه في مجالك..
وأنا كنت بحاول اخد بطاقتك من فترهه عشان شوية بيانات متعلقهه بالشغل..
عشان تكوني على نور الشغل هيكون في موقع شركهه جديدهه حتتبني.. الموقع حتكوني فيه يومين فالاسبوع.. تقدري تختاري الجمعه والسبت عشان بتكوني اوف هنا ف الجامعه..
مكتبك حيكون فالشركة قريب للموقع.
دي تقريباً كل المعلومات.. لو عايزة الشغل لسه عشان احنا عندنا فالشركهه في نقص فالكوادر.
فجأة جاهو اتصال وقال لي دقيقه يا معالي..
وقفت متنحهه وفاتحهه خشمي😂.. بين مبسوطة وعايزة اطير من الفرحهه وبين مصدومة يعني دا شنو دهه،،
أنا أخت صاحبتي مرهه قالت لي انها بتقرا هندسهه مدنية واشتغلت في موقع قبل ما تتخرج.. فاا حبيت الفكرهه دي.. يوم جيت لي استاذ عبدالباسط قلت ليهو يا استاذ انا عايزة اشتغل وانا بقرا ممكن؟!.
قال لي خليك متمسكة بالفكرهه دي وأنا معاكي💜🙏.. كان أول مشجع.. وقال لي بفتش ليك شغل،، بس نسيت الفكرهه يعني الموضوع دهه طوول شديد..
ما كنتهه متوقعة تحصل لي بالجد والفرصهه تجيني😭🙏💜.
جا تاني أمجد لقاني واقفهه لسه😂،، قال لي أديني بطاقتك..
طولي بدون تردد أنا فتحت شنطتي وطلعت ليهو. البطاقهه وأديتها ليهو.
قبل ما يشيلها مني رفع لي حاجبو كدهه باستنكار وقال لي جاك وحيّ الليلهه قال ليك يا معالي جيبي معاك بطاقتك وما تنسيها فالبيت؟!.
قلت ليهو آسفة بس كنت مستغربهه اصرارك وطلبك كل مرهه لبطاقتي.. فاا كنت بكذب عليك واقول ليك اني نسيتها فالبيت.
قال لي كويس انك معترفهه بالكذب..
شال مني البطاقهه وقال لي بكرا عندي محاضرة هنا الصباح الساعهه 12 حنطلع من الجامعهه للشركهه.. عندك معاينة أول..
قلت ليهو معاينة؟! بس انا ما جاهزة😭💔.
قال لي ما تخافي حيسالوك من حاجات مرت عليك وانتي شاطرهه حتجاوبي..
