كل مرة الدنيا بتعلمنا درس جديد،، بس بعد تدينا بالشلوت ونتعذب،، اسوء درس في الدنيا انه نخسر ناس في حياتنا.. قواعد البشر صعبة شديد يعني ماف زول بيجي في حياتنا الا وراه قصة ودرس ماف زول بيمر عبثاً،،في ناس عبارة عن محطات بنقيف ناخد الدرس على مهل وبعدين بنرحل،، في كل الحالات احنا ما خسرانين أبداً.. بس التعويدة حارة،، لما نتعود على وجود أي زول مهما كانت علاقتنا بيه وفجاة يختفي مننا بنموت قبل ما ننساه ونتجاوزه،، بنحس الساعة واقفة وما عايزة تمر،، ده البحصل مع سارة اختي حالياً مهما اتظاهرت بالقوة والتجاوز فاا هي بتتألم وبتعيش اسوء فترات حياتها، خذلان صداقة وحب مرة واحدة وزي ما بقولوا خبطتين على الراس بتوجع.. ده اليوم التاني اليوم وانا نايمة معاها في الاوضة،، او الاتنين بنكضب على بعض وعاملين فيها نايمين،، بجيني صوت سارة وهي بتحاول ما تظهر لي انها بتبكي،، صوت العبرة والبكا المكتوم حقها عشان انا قاعدة بخليني عايزة اقوم افتح النور واحضنها ونبكي سوا،، انا قررت اخليها تعيش الفترة دي براها قررت اخليها تتألم وتحس بالوجع عشان تتعافى بسرعة وتتعلم انه في ناس كعبين في الدنيا مهما كانوا قريبين لينا،، وواثقة من انها حتتجاوز.
نمت بدون ما احس وشكلي خليتها غرقانة في دموعها..
الصباح صحيت لقيتها ماف لبست وطلعت المستشفى..
وانا كمان لبست ومشيت الجامعة،، وصلت الساعة 9،،ومقررة امشي الجريدة لي يومين ما مشيت..
مشيت ل مريم وريم اتونسنا كده.. وبدينا نذاكر الفاينل قرب والسنة حتخلص وانا لسه بعيدة من المنهج وغايتو بس موقفي صعب شديد😔💔،، جات بت سنيرتنا كده اسمها امنة قالت لي يا فطوم المقال ال كتبيهو اخر مرة مولع نار،، بتقصد المقال حق قاسم تاج الدين وسالم،، قالت لي رئيس القسم تحت تحت كده شكله مبسوط منك بس الله يعلم ناداك لشنو،، اسي رسلني لقيت معاهو واحد كدهه انا مشيت عندي اوراق عايزة يمضي لي عليها.. قال لي افتشك من السما للارض..
لما امنة قالت لي كده انا بقيت متاكدة انه المرة دي مرفوضة مرفوضة،، بس بحاول اقنع في نفسي واتصبر واقول لا عادي عايز يتكلم معي في اي موضوع غير الجريدة،، مريم برضو بتقول لي يابت اهدي ماف يشيء حيحصل،، اتشجعت ومشيت المكتب،، قدر ما حاولت اوقف الخوف الجواي ما قدرت،، قدر ما حاولت ابقى قوية وما عرفت.. مشيت دقيت الباب ودخلت،، لقيت رئيس القسم زاتو نفس الراجل اتذكرت استفزاز المرة الفاتت والتهديد،، قلتهه السلام عليكم وكان قاعد معاه واحد.. رد لي السلام وقال لي رئيس القسم.. استاذة فاطمة الف مبروك على مقالك ال طلع امس😊،، احب اهنيك انه المقال وصل لكل الناس وكل الصحف اتداولته والمواقع،، بس للاسف في مشكلة واحدة.. انتي اتفصلتي من الجامعة نهائياً.. انا ما بيدي شيء اعمله ليك،، حذرتك قبل كده وانتي ما. سمعتي.. قلت ليهو شكراً ليك يا استاذ على كلماتك،، كنت متاكدة انه المقال حقي حينجح ما عشان انا صحفية شاطرة بس عشان هو كلمة حق وبينصف زول مظلوم..
أنا مبسوطة من نفسي شديد رغم صغر سني عملت اللي اكبر مني في المكانة والسن ما قدروا يعملوا.. ما. ندمانة على المقال ده حتى لو مستقبلي ضاع.. الأهم اني ما. بمشي بالرشوة،، فلت كده وطلعت مادام هي أصلاً خربانة فاا خليها تخرب للنهاية كان قلبي حاسي اني ح اتفصلت،، مريم وريم اتلموا فيني اها قال ليك شنو...قلت ليهم ولا شيء اتفصلت بس من الجامعة،، قعدوا يبكوا وزعلانين😂💔.. انا بتفرج فيهم بقلب ميت😂💔.. وبقول ليهم خلوني اودع الجامعة.. اتصل لي مؤمن قال لي تعالي الجريدة.. قلت ليه اصلاً جاية عندي ليك موضوع..قفلت منه وطلعت على الجريدة..
