بنات حواء

١١

يسرا.. ازيك..
اهلين يا دكتور كيفك،،
والله انا تمام الحمد لله ما اتذكرتيني؟!،، انا احمد كنت سنيركم في الجامعهه😎..

يسرا:(انا عملت روحي رااايحهه😂.. قلت ليهو لا ما اتذكرتك..)..قال لي ما مشكله يا ستي تعالي نشرب كباية شاي كدة وبذكرك..
مشيت مع احمد وقعد يذكر فيني بنفسه وانا اصلاً متذكراهو يعني شخصيهه زي احمد ما بتتنسي.. اتنونسنا كدة..
قال لي سارة وين ما. شايفة الليلة!..
انا اتهجمت😂كمان. عارف سارة وحافظ اسمها؟!..
قلت ليهو انت بتعرف سارة يعني متذكرها؟!..
سارة دي كانت ما ظاهرة أبداً في الدفعه الا بمعدلاتها الحلوة،، انا صاحبتها في تالتة🙄💔..
احمد: امممم سارهه دي انا بعرفها من سنين.. احم.. قصدي يعني ملاحظ وجودها..
عايني يا يسرا سارة دي مرتبطة!!
ضحكت. وقلت ليهو والله سارة لما تعرف انك سالت عنها وقلت هي مرتبطة ولا لا حتضضحك😂😂🤦‍♀️..
قال لي يسرا عليك الله ما تكلميها بحاجة أبداً،، انا ح احكي ليك بس عشان تساعديني..
انا بحب سارة وعايزها عايز اعيش معاها باقي عمري سارة اول حب في حياتي والله🙏💜..
انا اتصدمتهه من الكلام دهه😭💜💜.. مبسوطة انه احمد بحب سارة،، قلت ليهو طيب ما تمشي تكلمها عديل..
قال لي..
انا حافظ سارة وعارف حتى بتفكر كيف مع اني ما حصل بيني وبينها كلام كتير..
لو مشيت ليها اسي ما ح. استفيد لانه هي ماعندها حاجة تجاهي فهمتي!!.. والشي ده حيجيب نتيجهه عكسية.. لازم اول شيء اتقرب ليها وتتعود على وجودي..
ما تجيبي ليها سيرهه.. بس ساعديني،،يعني خليها تشوف وجودي عادي،،بما انك بتتكلمي معاي فاا هي حتخليني افتح معاها مواضيع..
تمام؟!..
وافقت وانا مبسوطة😂🙏💜.. أخيراً سارة حتحب وتتحب.. سبحان الله الحب اللي بتجري عليهو عمرك ما بتلقاهوو،، انا بعرف بنات عكس سارة تماماً كل همهم الحب والارتباط.. يعني واحدة أقصى طموحها راجل بس..
اما نموذج سارة دي اكتر شخصية بتمثل الطموح،، بتذكر سارهه لما كنا فالجامعة كانت بتلبس احسن لبس وأكتر واحدة شيك وسمحة في الدفعة ويمكن الجامعة،، بس عمرها ما كانت بتلبس حلو عشان تتشاف حلوة،،كانت بتقول لي عارفة يا يسرا حترتبطي بالبحبك بالجد متين؟!..
لما تحبي نفسك،،أيّ تحبيها بكل تفاصيلها تصحي الصباح تعايني في المراية وتقولي انا حلوة تغرقي نفسك غزل وكلام سمح،، وتكوني على قناعة انه انتي تستاهلي تتحبي بالشكل دهه.. وتتعودي انه ماف واحد يستاهل تغيري من نفسك للأسوأ عشانه،، اقري كل كتاب يقع في يدك وارفعي سقف طموحاتك،، انجزي انجحي اتخرجي بمعدل عالي.. سافري اعملي كل حاجة نفسك فيها..
وما. تسمحي لواحد يكسر فيك ثقتك في نفسك او يحسسك انك صغيرة في عينك.
عارفة الغيرة اللي البنات بتقول دليل المحبة دي؟!
أنا شايفاها انه بتقلل منك.. يعني انتي طول الوقت في هاجس انه حشوف الاسمح. مني واللي عقلها مليان.. ووو..
ما تخشي في علاقات..بتهرق نفسك..

يعني كنت بحس انه سارة عاقلة وبحسب الامور بعقلانية..
وحقيقي يعني احمد ما كان بحب سارة من فراغ،، ولا فضل محافظ على حبهه ليها السنين دي على عبث😍.

بصراحهه المهمة صعبة اني اخلي سارهه تتعود على احمد..
بعد احمد مشى انا مشيت ليها ولقيتها كالعادهه مع خالتو عشة..
قعدت وشربت شاي..
لما مشينا قالت لي مالك جاية لاحقاني😂💔 خوفتيني.. عارفاني وقت الاستراحهه بجي هنا..
قلت ليها اشتقت ليك ياخ🙈💜..
ههه ماشي ح اصَدق انك اشتقتي لي يلا قولي ماالك..
حاولت اتهرب واني بس جيت اشرب شاي،، رجعنا للدوام سارهه مشت الحوادث.. وانا مشيت الاطفال..
بقيت كل مرهه افكر اجيب ليها احمد كيف😭💔فاا قلت ليهو. هي مشت الحوادث امشي اتصرف خلي دوامك معاها..
_______________________________

المحاضرة يا معالي قوومي ياخ..
هبة انا ما ماشة المحاضرة دي😔💔.. امشي انتي وتعالي اشرحي لي..
براحتك.. طيب بعد اجي بشرح ليك..
المحاضرة مع الاستاذ السخيف ده.. انا ما عايزة احضر ليهو لحدي ما السنهه دي تنتهي حتى لو شلت المادة😭💔..
وااي يا معالي ما بصدق يا بت انتي متخلفه ولا حاجة؟!،،يعني عشان شالها معاك وكل مرة بقصدك فالمحاضرة ويطردك😂💔..
اي اي..
هبة ما عارفهه حاجهه😏💔..
المهم قلت لنفسي اقوم احضر محاضراتي وكاني ما بعرفو..
مشيت قعدت وطول المحاضرة كان بعاين لي،، كانه درس خاص🙄..
المهم بعد خلصنا ما طلع طوالي كالعادة،، لما جينا نطلع انا وهبة وقفنا..
قال ل هبة معلش عايز اتكلم مع معالي في حاجة..
وهبة مشت طوالي ولا صَدقت..
القاعهه كان فيها ناس يعني ما برانا..
قال لي كيفك.. والحاصل معاك وكيف المحاضرة فهمتيها ولا لا؟!..
قلت ليهو انا كويسة،،مافهمت ولا حاجة،، قلت ليهو بعفوية😂💜.. المهم. قعد يضحك وانا خجلت حسيت نفسي قلت شيء غلط🙈..
المهم قال لي ما يكون الولد محمود دهه ضايقك تاني؟!..
قلت ليهو..يعني ما كتير،، ياريتني ما اقول كدهه😂صرّ لي وشو وقال لي كيف يعني ما كتير انا حزرته ما خايف يعني ولا شنو🙄،،
حسيتو أووفر كدهه😂.. قلت. ليهو ما. بقدر يعمل شيء.. شكراً ليك ما قصرت

معاي يا أستاذ..
قال لي اسمي أمجد..
ابتسمت ليهو وقلت ليهو،،عن إذنك،،
قال لي معالي..
لو في حاجة وقفت ليك فس الشرح انا موجود..
ومحاضرة الليلة دي ممكن. اشرحها ليك..
قلت ليهو،،لا شكراً ما بتحتاج. شرح،، ح. ارجع اقرا براي وح افهم إن شاء الله..
قال لي كويس بس طلب تاني.. معلش تجيبي لي قائمة بدفعتكم..
قلت. ليهو حاضر ح اخلي واحد من اولاد الدفعه يرسلا ليك،،ومشيت😭💔💔..

هبة استلمتني برا الا تعرف الحصل شنو  و أمجد عايز مني شنو😏💔،،
كلمتها بالحصل كله بالنقطة والفاصله😂..
وبعلي من ال عملتو🤦‍♀️،،
هبه:انتي غبية يا معالي؟! عايني الاستاذ دهه بالواضح كدهه عايز يفتح. معاك مواضيع😭💔واااي اريتني مكانَك يابت،، معالي ما ممكن تكوني بالغباء دهه.. انتي ما. ملاحظة انه أمجد دهه مركز معاك من اول..
قلت ليها هبة عليك الله خلينا نفكر بالعقل عشان انا ما اتعشم على الفاضي،، أولاً هو ما قال اي شيء يعني ما لمح لحاجة ونظراتو دي ما حاجة بتخلينا نحكم انه هو معجب بي،، هو استاذ فاهمة استاذ دي؟!..
يعني انا لو جاريت كلامك ده واتعمشت وبقيت خلاص بسرح معاهو وبتخيل حتعب قلبي بس والله،، وهو. اول حاجة حيقولها لي انه أنا أستاذك وانتي طالبة،،يعني نقفل على السيرة دي والنبي يا هبة عشان اخدت مساحهه اكتر من اللازم.
خلاص خلاص يا معالي قفلنا😭💔..
#نتلاقهه