فاطمة متوترهه ومنتظرة تعرف رئيس القسم عايز منها شنو..
انا متوترهه شديد وقلبي حيطلع من القفص الصدري😭💔..بيني وبين نفسي اهدي يا فاطمة شوية بس نشوف الاستاذ عايز مننا شنو.. المنديل اللي في يدي خلاص اتقطع💔.. هو بس تقولي قاعد في مكتب تحقيق الكلمة يطلعها بعد سنهه..قربت اقول ليهو قول سريع عايز شنو بس اتمالكت نفسي وهو شكلهه قاصد يوترني.
الاستاذ:..،،كيف الجامعهه معاك يا استاذة فاطمة..
(سألني وهو قاعد في كرسيهه وبحرك في القلم يمين وشمال ونزل النضارة شوية من عيونهه.. بالرغم من عمرهه الكبير والشيب بس لسهه عندهه طاقهه يستفز الناس).
حاولت ألطف الجو شوية وقلت ليهو..ههه استاذة شنو حضرتك أنا طالبهه ياداب🙊..
(عاين لي باستفزاز كده وقال لي هه،،ايي هه الواحدهه دي.)
قال لي:
المهم قريت المقال الاخير حقك..انا حقيقهه يسعدني جداً إنهه تكون عندي طالبهه طموحة زيك إنتي فعلياً يا استاذة فاطمهه مثال للبت الطموحهه الزيك حالياً لو ربنا وهب ليها نعمهه الكتابهه حتكون بتكتب عن مذكرات مراهقة مثلاً.
اما إنتي فاا عقلك كبير ماشاء الله،،بصراحهه جاتني تهديدات كتيرة عشان يتم توقيفك من العمل والجريدهه،،التوصيات دي من رجال أعمال ومن مدير الجامعهه شخصياً☺️💔،،إنتي بتكتبي عن مواضيع أكبر من سنك يابتي والله الصحافهه دي خطر شديد مهنة مهلكة وإنتي عندك احلام كتيرهه ودنيا ما عشتيها لسهه صح؟!.
(كل التوتر اللي كنتهه حاسهه بيهو قبيل اتبخر حرفياً..صدمني الكلام..وبكل شموخ اتنهدت)،، وقلت ليه:
شكراً ليك كتير يا دكتور لأنك خايف نوعاً ما على مصلحتي وعايزني ما أقع في مشاكل،،بس أنا طالما ربنا أداني عين بتشوف محل الورقهه وين وقلم يخط الحقيقهه على الورق مستحيل أوقف كتابهه،،ما اتعودتهه اتراجع عن حاجهه مقتنعهه انها غلط عشان بس في ناس أقوى مني😊💔،،وطالما أنا صحفيهه وعندي عمود ما هكتب غير الحقيقهه اللي انتو عايزين تنكروها،،مهما كان التمن.
قال لي بصيغهه تهديد مهما كان التمن؟!
وقلت ليهو بدون تردد: مهما كان التمن!.
قال لي كدهه حتعرضي حياتك لخطر وجامعتك برضو انتي باقي ليك سنهه وتتخرجي فااا خليك هادية السنهه دي بالذات عشان تعدي.
شكراً ليك على النصيحة وبتمنى تدعي لي ربنا يوفقني ويقويني بكون شاكرهه ليك شديد.
ضحك كدهه قال لي: الله يوفقك بس أنا لو جاني في يوم قرار إني أفصلك من الجامعهه ما حتكون في بينا مقابلهه تحذير تاني..واعتبريهه انذار ليك..وقد أعذر من أنذر..بتمنى تكوني متفهمة موقفي.
قلت ليه تمام متفهمة شكراً ليك مد لي يده سلمت عليهو وقلت ليهو عن إذنك.
وطلعتهه من المكتب وانا حاسة إني وصلت خلاص وصلت للمكانهه اللي كان نفسي أكون فيها،،حسيت إني عملت أثر وإنه الحقيقهه لازم تكون قدامها غيوم وحاجات مخيمة عليها،، لازم نتعب عشان نطلعها❤️.
وعلى قول أبوي:يابتي عمرك ما تخافي من الحق وكلمهه الحقيقة،،الطريق الصحيح ما بيأذي مهما لاقاك الشوك حتشوفي النور❤️،،
كان مكتب رئيس القسم فوق نزلتهه تحت لقيت مريم وريم واقفين لي تحت😂،،الاتنين جاريين عليّاا وبصوت واحد اهااا قال ليك شنوو يا فاطمة؟؟!.
أنا حرفياً ما كنت قادرة أتكلم ولا أرد على أسالتهم ديه كنت سرحانهه وبفكر كتير،،وماشهه وهم جارين مع خطواتي عايزين يعرفوا الحاصل..مريم بطبيعتها مت بتهدأ الا تطمن وريم ممكن تديني مساحهه شوية اهدا وارجع براي😂،،بس الليلة كتروها شديد،،متخيلين معاي إنهم ماشين وراي الجامعهه كلها؟!..في النهاية مشيت قعدت تحت شجرهه كده وجوا قعدوا حواليني..بعد اصرار منهم حكيت ليهم الحصل،،ولاموني عشان انا ممكن اتفصل من الجامعهه في أي وقت وانا عندي لا مبالاهه ما طبيعية.
بس فهموني في النهاية وقعدنا نضحك😂💔.
________________________________________
اسمهان في المدرسهه..
كنت منتظرة ليلى تخلص مكالمة وتطلع من الحمام طبعاً زينا زي أيّ مدرسهه حكومية ممنوع وبشدة تجيبي تلفون في المدرسهه غايتو أنا اتكلمت مع ليلى في الموضوع دهه بس هي لسهه مصمصة تجيب تلفونها💔..
أمي جات لقتني واقفة جمب باب الحمام منتظرة ليلى وقفت بدون ما تتكلم عاينت لي جوهه عيوني ما بتتخيلوا بس نظرات حواء كيف💔أمي دي أصعب كائن في الدنيا صارمة في البيت وكمان في المدرسة قصهه تانية😪💔..
أنا في اللحظهه دي بقيت اتمتم وقبل ما أفتح خشمي بحرف ليلى الغبية طلعت وشايلة التلفون في وشها وبترقص نظام خجلانهه ومبسوطة يعني🙂💔ما عارفة انه أمي واقفه فتحت عيونا ولقت امي والتلفون وقع منها😂بقت شغالة ليها أستاذة حواء أناااا أناا..
أمي شالت التلفون وقالت لينا قدامي المكتب انتو الاتنين.
ساقتنا مكتب المديرة وخلت معانا استاذتين ماسكين التلفون وبفتشوا فيهو😭💔..وامي ومعاها المديرة والوكيلة مشوا فصلنا وعملوا تفتيش للبنات وطلعوا بي بلااااوي.. شيء تلفونات وشي جوابات وميكب اب وحركات غايتو البنات ما كانوا متخيلين انه تحصل كبسة مفاجئة كدهه.
انا شنطتي ما فيها حاجهه وما عندي سوابق بس امي ما قادرة تصدق.
دهه كان اصعب يوم في حياتي كلها😪💔.
امي جات راجعهه المكتب بعد التفتيش وكانت منزلة راسها بس ما عايزة تعاين فيني وانا ببكي المديرة قالت لي انا متأكدهه انك ما بتعملي غلط وشكله في سوء تفاهم..وشكلك كنتي واقفه جمب الحمام ساي..
ليلى اتغاظت شديد وقالت ليهم ليه عشان هي بت استاذة حواء لا هي كانت بالجد واقفة وعارفهه انه عندي تلفون وعارفاني بتكلم.
ما فارق معي كلام ليلى انا عارفهه انه أمي في اللحظة دي مصدومة شدديد وما كانت متخيلة دهه يحصل مني!..
بعد تحقيق ومشاكل كتيرة شالوا التلفون من ليلى وقالوا ليها جيبي ولي أمرك وفصلونا اسبوع من المدرسهه انا وهي وحرمونا من الامتحانات الباقيهه كان باقي امتحانين قالوا حيدونا فيهم صفر💔.
دهه كله هين البحصل لي شنو بعد ارجع البييت😭💔،،امي مسكت نفسها هنا قدام الاستاذات،،بس شكلهه كدهه حتتصرف معاي تصرف تاني بعد نرجع البيت شوفت شكل عيونها وغضبها💔..
جاتني قالت لي ما تطلعي البيت الليلة بنطلع سوا خليك قاعدة لحدي اخر اليوم وحسابك معاي بعدين.
#نتلاقهه_ بعدين👏.
