لارا بتنهد:عادي هقول اننا اتخانقنا وسبنا بعض مش قصه يعني بس ياريت محدش يعرف يعني عشان الموضوع ميوسعش،قرارك ايه ياعمر في النهايه
عمر:لارا هسألك حاجه نفترض ان الكذبه ديه اتحولت لحقيقه هتعملي ايه هترضي وقتها تترتبطي بيا
لارا بضحك:يبقي وقتها يحلها ربنا ياعمر يعني وبعدين علي الاقل انا اعرفك مش احسن لما ارتبط بشخص معرفهوش
عمر بدهشه:ايه
لارا بضحك:كنت بهزر مش اكتر مش هيحصل حاجه من دي وانا متاكده من ده
...............
ادهم بتنهد:سبتها علي انها نايمه ورحت غيرت هدومي وقلت اخلص شويه شغل ورايا
سيلين بهدوء:قومت من السرير فلقيته مشغول في حاجه فقربت منه وقعدت علي رجله ولفيت زراعي حول عنقه كده تسيبني يادومي وتقعد هنا مش معقول الشغل اهم مني يعني ورحت نكشتله شعره
ادهم بضحك:دومي لاانا اتاكدت انك مش في وعيك فعلا ياسيلين ومن الافضل تنامي
سيلين بابتسامه:بس انا مش جيلي نوم وبعدين مش معقول اسيبك قاعد لوحدك يعني لقيته حملني انت موديني علي فين
ادهم بتنهد:روحي نامي ورايا شغل وانتي معطلاني ورحت حطتها علي السرير بهدوء لسه همشي لقيتها شدتني من القميص اللي كنت لبسه فاتفتح منه كام زرار فكنت قريب منها لدرجه كبيره حاولت السيطره علي نفسي باني ابعد بس معرفتش
سيلين بابتسامه:مش هسمحلك تبعد عني مهما يحصل ومش هسمح لحد يعمل كده لأسف كنت مجنونه قبل كده بس اتغيرت مع الوقت بس انت قدرت ترجعني لطبيعتي وبقيت مجنونه بحبك ياادهم دخلت الحب لقلبي رغم اني حاولت كتير امنع انا ممكن استحمل اي حاجه عشانك حته لوبتجرحني لقيته قرب مني اكتر واحتضن شفتاي في قبله فبادلته اياها ومعرفش امتي الدنيا اتحولت حواليا لسواد وفقدت الوعي
ادهم بابتسامه:شديت الغطا عليها ولسه هقوم لقيته مسكت ايدي واضح انك نويتي اني معملش حاجه انهارده فرحت قفلت الاضاءه الخافته ونمت جنبها
...............
تاني يوم،دينا باستغراب:صحيت الصبح ولقيته لسه نايم هو اه رجع متاخر بس دايما بيصحي قبلي قربت منه بهدوء مازن يامازن انت مش هروح شغلك انهارده
مازن بتعب:لامش هروح هقعد انهارده لاني حاسس نفسي تعبان
دينا بلوم:لازم تحس انك تعبان الجو مكنش حلو وانت كمان راجع غرقان مايه
مازن بنبره متعبه:العربيه عطلت اعملها ايه يعني سبيني انام بقي
دينا بجديه:قربت منه وتحسست جبينه فلقيت حرارته مرتفعه روحت جبت منشفه صغيره وشويه مايه وبليتها وحطتها علي جبهته فلقيته هيشلها انت بتعمل ايه
مازن بتعب:قولتلك سبيني انام يادينا
دينا بنفاذ صبر:لامش هسيبك حرارتك عاليه يامازن ولازم تنزل عن كده ومتهيألي انك دكتور وعارف ده كويس
..............
سيلين بتعب:فتحت جفوني ببطئ وتعب اه يادماغي فضلت فتره عقبال مااتضحت الرؤيه فببص في الساعه لقيتها12الضهر ينهار ازرق طبعا ملقتش ادهم يعني صحي وراح شغله ومفكرش يصحيني
ادهم بجديه:انهارده اجازه علفكره وحطيت كوبايه القهوه جنبها اشربيها هتخفف الصداع شويه
سيلين بتعب:انا مش عارفه راسي وجعاني كده ليه وكمان انا ايه اللي نيمني بالفستان اوف مش فاكره حاجه ايه اللي حصل امبارح ياادهم
ادهم بتنهد:خيبتي املنا كلنا ياسيلين وفضحتينا امبارح قدام الضيوف اللي كانوا هنا
سيلين بصدمه:انت اكيد بتهزر صح ياادهم😐
ادهم بجديه:ومن امتي بهزر ياسيلين انتي امبارح شربتي كوبايه بالغلط ومن بعدها فضلي تشربي ومكنتيش في وعيك نهائيا ده غير تصرفاتك اللي عملتيها تحت قدامهم فضلتي ترقصي وتضحكي
ومكناش عارفيين نسيطر عليكي لقيت دينا عند الباب صح يادينا
دينا باستغراب:دخلت الاوضه فلقيت ادهم بيبتسم في ايه
سيلين:دينا انا خربت الدنيا امبارح ولاادهم بيكدب عليا ردي عليا😓
دينا بجديه:بعد مااستوعبت اللي ادهم عمله مش قادره اقولك ياسيلين انا عمري ماشوفتك بالحاله اللي كنتي فيها امبارح وبعدين ادهم هيكدب عليكي ليه يعني😶
سيلين واوشكت علي البكاء:انا مش فكره حاجه بس ازاي عملت كده😧ببص علي ادهم لقيته بيضحك انتوا كنتوا بتكدبوا عليا
ادهم بضحك:مش قادر الصراحه منظرك فظيع لاوكمان صدقتي😂
سيلين بعصبيه:بقي كده. حسابي معاك ياادهم ولااقولك ابقي شوفلك من دالوقتي اوضه تانيه تنام فيها وانتي يادينا ديه اخرتها تساعديه😤
دينا بضحك:كنا بنهزر معاكي مش اكتر لقيتها متعصبه وده باين من ملامحها طيب استاذن انا بقي وسبتهم ومشيت
ادهم بضحك:اهدي بس نتكلم ياسيلين لقيتها بتحدف عليا المخدات اهدي يامجنونه قربت منها واحتضنتها من الخلف ومسكت ايديها
سيلين بعصبيه:ابعد عني احسنلك ياادهم حاولت الفلات من قبضتيه بس فشلت ايه اللي انت عملته من شويه ملهوش مبرر وفي الاخر تقولي اهدي
ادهم بتنهد:قربت من وجهها يعني مينفعش اهزر مع مراتي حبيبتي
سيلين بغيظ:هزارك كان تقيل ورخم ياادهم اوووف بعدته عني ورحت علي طرف السرير ومسكت كوبايه القهوه علي اني اشربها وانا بشربها ابتديت افتكر بعض الحاجات اللي عملتها امبارح
...............
مها بابتسامه:تحبي اساعدك في حاجه ياطنط نهال
نهال بضيق:لايامها سبيني لوحدي
مها:انا عارفه ان حضرتك مدايقه من اللي حصل امبارح وان سيلين كسرت كلامك ومجتش واتهربت وراحت لادهم الشركه انا مش عارفه هي ازاي عملت كده
نهال بجديه:مش هنسي اللي عملته امبارح وان سودت وشي وحرجتني قدام اصحابي امكن كان موافقتي علي جواز ادهم منها كان غلط كان لازم اعرفها كويس واهي بدأت تبان علي حقيقتها مبتتحملش مسئوليه حاجه انا اسفه يامها علي اللي عملته معاكي زمان
مها بابتسامه مزيفه:متقوليش كده ياطنط وبعدين يعني لوتسمحيلي اقول حاجه
نهال بابتسامه:اكيد قولي
مها بخبث خفي:يعني كنت هقول الوقت لسه مفاتش وان ممكن تعملي اللي انتي عايزاه وفرحهم اللي باظ في اخر لحظه بسبب سيلين حته انك مقبلناش اخوها ولاحد من عيلتها غير خالها وبنته والباقي مبتجبش سيرتهم اكيد مخبيه حاجه
نهال بتفكير:تصدقي معاكي حق يامها انا ابتديت اقلق من ناحيتها ولازم اخد بالي كويس لاني مش هتحمل اخسر ادهم زي ماخسرت ملك
سيلين باستغراب:كنت بدور علي ماما ولما لقيتها لقيت وقفه معاها مها وبيتكلموا فقربت منهم احم ماما ممكن اتكلم معاكي
نهال بجمود:انا مش فاضيه ياسيلين ورايا حاجات
سيلين بجديه:بس ياماما
نهال بعتاب:معتقدش انك تستحقي تناديلي ماما كنت غلطانه لمااعتبرتك زي ملك ديه المره التانيه اللي تحرجيني قدام الناس اول مره كانت في فرحك والتانيه كانت امبارح سمعت كلام كتير من الناس انتي مش قدره تتحملي مسئوليه انك كنه عائله ليها سمعتها واسمها وان المفروض تحسبي تصرفاتك بس انا اللي غلطانه اني وافقت من الاول عليكي من غير مااعرف مين عايلتك
سيلين بصدمه:ماما اسمعيني طيب انا مقدرتش اجي امبارح واللي حصل يوم الفرح مكنش بارادتي وصدقيني اي حاجه حصلت مكنتش اقصدها انا اسفه
مها بسخريه:كل حاجه حصلت مكنتش بارادتك ومكنتيش قصداها ياسيلين
سيلين بعصبيه:ملكيش دعوه انا مش بتكلم معاكي واحسنلك تفضلي في حالك والأ لسه هقرب منها لقيت ماما وقفت قدامها
نهال بنبره تحذير:اوعي تفتكري اني هسمحلك بده ياسيلين اياكي تفكري تتخطي حدودك تاني لان سعتها اللي هعمله مش هيعجبك انا حذرتك وانتي مسمعتيش كلامي ولاخدتي بيه فاستحملي العواقب بقي لان غلطه كمان او لوعرفت انك كنتي السبب في اي اذيه لابني سعتها هتخرجي من البيت ومن حياته لأبد وانا هكون السبب في ده
مها بابتسامه انتصار:بعد مامشيت تؤتؤ مكنش المفروض توصلي لهنا ياسيلين
سيلين بعصبيه:انتي السبب وصدقيني مش هيحصل اللي في بالك يامها انا هصلح كل حاجه انتي خربتيها
مها بابتسامه:معتقدش ان ممكن يحصل ده ياسيلين وانا موجوده زي مااهنتيني قدام الكل ومديتي ايدك عليا هردهالك بالاسوء وافتكري كلامي ان ايامك في البيت ده معدوده بالذات لوعرفت مين اخوكي ياسيلين وسبتها ومشيت
سيلين بصدمه ممزوجه بدموع:شردت في ذكريات كتير مقدرتش اتحكم في دموعي فتساقطت علي وجنتي فوقت علي اثر صوت دينا فمسحت دموعي بسرعه انا اسفه يادينا كنت سرحانه شويه كنتي عايزه حاجه
دينا بقلق:سيلين انتي كويسه
سيلين بابتسامه مزيفه:اه كويسه كنتي عايزه ايه
دينا بتنهد:مازن تعبان شويه وحرارته عاليه فكنت هسألك لوعندك دوا مع الكمادات يبقي احسن
سيلين بجديه:اه عندي تعالي اتجهت لغرفتي وقعدت ادور لحد مالقيت الدوا وادتهولها بس لازم ياكل اي حاجه قبل ماياخده عالموم هيبقي كويس الف سلامه عليه
دينا بابتسامه:الله يسلمك شكرا واسفه علي اللي حصل الصبح كنا بنهزر معاكي مش اكتر
سيلين بتنهد:عارفه انا اللي اسفه اتعصبت حبتين،انا مش مدايقه يادينا متشغليش بالك
............
في الشركه،عمر بجديه:ادهم ممكن اسألك سؤال
ادهم باستغراب:ومن امتي بتستأذن قبل ماتسأل ياعمر عمتا قول
عمر بجديه:حاجات كتير اتغيرت ياادهم حته انت اتغيرت سؤالي هو ان مش المفروض الوقت جيه عشان تقول الحقيقه لسيلين ولاانت لسه مش بتثق فيها لحد دالوقتي لومش حابب تجاوب فده شئ يخصك
ادهم بتنهد:انا متغيرتش ياعمر مش معني اني اتجوزت يبقي فيه حاجه اتغيرت انا زي ماكنت وبالنسبه لسؤالك فالموضوع ملهوش علاقه بالثقه لاني لومكنتش بثق فيها مكنتش هتفضل في البيت كل الوقت ده كانت هتفضل في البيت التاني بعيدا عن كل حاجه بس الفكره اني مش ضامن ايه اللي ممكن يحصل اوايه رده فعلها سايب كل حاجه لوقتها
عمر بعفويه:حاول الموضوع مياخرش عن كده لان لوعرفت من حد تاني مش هيبقي حاجه كويسه في صالحك ابدا ممكن موضوع ملك ميعملش حاجه بس الموضوع التاني
ادهم بضيق:مينفعش اني اصلح حاجه حصلت من اربع سنين ياعمر ولوكنت قولتلها الحقيقه من الاول مستحيل كانت تحبني لاسف العلاقه اللي بتربطنا قديمه اوي بس عارف ان الموضوع مدايقني حاولت كذه مره اتكلم فيه بس رجعت فشلت لما اتخيلت انها ممكن تسيبني
عمر بعفويه:ادهم لو هي بتحبك بجد اه ممكن تدايق فتره وتبعد كرده فعل بس حبها ليك هيرجعها تاني
وفعلا عندك حق سيبها لوقتها ويلابقي انا مضطر امشي بدل مالارا تولع فيا
ادهم باستغراب ممزوج بنظره شك:ايه قصه لارا معاك ياعمر ولاانت
عمر بضحك:لامخك راح بعيد ياادهم احنا اصدقاء وبس وكنا متخانقين واتصالحنا،هي اسوء من سيلين بمراحل فحته لوفيه يبقي الاحسن اني انساه وبعدين انا ايه اللي يخليني اتجنن واعمل زيكم حياه العزوبيه احلي بكتير
.............
مازن بتعب خفيف:لما ابتديت افتح جفوني لقيتها وببص في الموبيل لقيتها7بليل ينهار ازرق
دينا بابتسامه:عامل ايه دالوقتي
مازن بنفعال:ازاي سيباني لحد دالوقتي نايم يادينا كان المفروض ورايا شغل في المستشفي
دينا بجديه:اتصلت بالمستشفي واعتذرت انك مش هتقدر تيجي لانك تعبان يامازن وحته لوكنت صاحي مكنتش هخليك تخرج من البيت لان حرارتك كانت عاليه
مازن بعصبيه:حد قالك يادينا تقرري حاجه تخصني من غير ماتقوليلي
دينا بعصبيه خفيفه:ده كان الصح يامازن اه شغلك مهم وامكن اهم حاجه في حياتك بس مش علي حساب صحتك كنت متجهه لباب ولسه هفتحه لقيته قفله وحاصرني عليه
مازن بعصبيه:انا مخلصتش كلامي عشان تمشي يادينا انا كنت كده بقالي سنين مش هتيجي تغيري ده دالوقتي
دينا بجديه:تمام ديه كانت حياتك قبل ماادخل عليها وانت محتاج راحه يامازن انا مراتك ومن حقي اعمل اللي شيفاه صح ليك
مازن بعصبيه وبدون تفكير:مراتي ومن امتي اعتبرتي نفسك كده من تلت شهور يادينا هااا ردي انتي لحد انهارده معتبره اننا اصدقاء انا قضيت سنين همي كله هو شغلي واني اوصل للي كنت عايزه وكل ده كان بسببك يادينا في نفس الوقت اللي انتي كنتي عايشه حياتك ولحد انهارده انتي لسه عايشه في الماضي ومش قدره تنسي احمد ومتنكريش ده فمتجيش دالوقتي تقوليلي انك مراتي وتحاولي تتدخلي في اللي بعمله
دينا بدموع لم تقدر علي منعها من السقوط:عندك حق انا مش من حقي اتدخل في حياتك يامازن انا كنت خايفه عليك مش اكتر لانك تهمني ولأسف الماضي مش هقدر اغيره مهما عملت بس كنت مستعده احاول انسي الماضي عشانك يامازن بس شكرا انك فكرتني اني ضعيفه ومش هقدر اخرج منه بعدت عنه وقبل مااخرج من الغرفه الدوا جنب السرير والاكل علي المكتب سبته وطلعت من الغرفه متجهه لخارج فاصتدمت بحد فلقيته ادهم انا اسفه
ادهم بتنهد:ولايهمك بس انتي كويسه يادينا
دينا بجديه:اه تمام بس هطلب طلب
ادهم بابتسامه:قولي
دينا بتنهد:مازن كان تعبان من الصبح والمفروض انه ياكل وياخد دواه بس هو رافض يعني لوتعرف تقنعه
ادهم باستغراب:انتوا متخانقين يادينا
دينا بجديه:معرفش اسأل اخوك وهو يجاوبك عن اذنك
...............
سيلين بشرود:كنت قعده علي طرف السرير ومعايا صوره ليا انا وبابا بس افكاري كلها مشوشه معقول اخسر واستسلم بالسهوله ديه ولاديه مجرد البدايه بس وان لازم احاول اتخطاها ليه سبتني لوحدي انا محتاجاك جنبي تنصحني وتقف جنبي حسه اني بقيت مش عارفه ايه الصح من الغلط تحررت دمعه من عيني وفوقت علي رنين الهاتف بعد ماقفلت رن تاني فرديت مجرد ماسمعت الصوت الصوره وقعت من ايدي بالغلط واتكسر الاطار بتاعها انت..........
يكمل
أنت تقرأ
احببت عدوتي
Ficción Generalمااصعب ان ندرك حقيقه الامور وان نري الحقيقه التي مر اعوام ونحن نظن غيرها،ويمكن ان نظن ان صله القرابه او الدم هي من انقي العلاقات واخلصها ولكن عندما نكتشف العكس وان اقرب شخص الينا او مانعتبره كذلك هو مجرد خدعه يطعن الذي امامه في ظهره،وتختلف ايضا بعض...
