لارا بصدمه ودموع:مقدرتش امسك نفسي وكنت هقع فسراج سندني لحد ماقعدت انا كنت شخص اناني زي ماعمي قال
سراج بجديه:لارا بابا كان مضايق عشان عمي واتعصب عليكي بالغلط وانتي مش انانيه
لارا بشهقات بكاء:لاانا كده لاني فضلت الفتره ديه كلها محستش بان بابا بيتألم وبيحاول يعمل اي حاجه عشان يسعدني وفي نفس الوقت انا بفكر في نفسي وبس مقدرتش احس باقرب الناس ليا قعدت فتره علي نفس الوضع لحد ماهديت تدريجيا والدكتور سمحلي ادخله اقتربت من سريره بحذر بابا عامل ايه ايه دالوقتي
مصطفي بتعب:كويس يالارا مسكت ايديها انا عارف ان حالتي ادهورت وان مش فضلي كتير بس انا عارف انك هتضايقي كتير من عدم وجودي بس صدقيني دموعك اللي شايفها ديه بضايقني لاني مقدرتش ابعد عنك الحزن يالارا انااسف يابنتي علي كل حاجه
لارا:متقولش كده انااللي اسفه ان مقدرتش احس انك تعبان وبتيجي علي نفسك عشاني
مصطفي بابتسامه باهته:لارا هطلب منك طلبين ياريت لوتنفذهملي سعتها هموت مرتاح واعتبريها امنيتي الاخيره
لارا بدموع:اطلب يابابا اللي انت عايزه وانا هعمل اوعدك
مصطفي بنبره متعبه:حابب اخرج من المستشفي يالارا وجودي هنا مش هيعملي حاجه حابب اموت في بيتي وسط ذكريات حياتي كلها وعلي سريري مكان ما مامامتك ماتت ده هيريحني وعايز اشوف الكل انهارده
لارا:حاضر هروح اشوف ورق المستشفي ولوقتها ارتاح
مصطفي بجديه:مسكت ايديها لارا انا تعبان ولازم نتكلم في الموضوع ده لان مش ضامن تسمحلي الفرصه تاني صدقيني عمر بيحبك وهو مكنش حابب ياخد فكره جوازكم او يصارحك لانه عارف رأيك وانا اللي اقنعته اني هساعده وهخليكي توافقي اه اجبرتك انك تجوزي عمر بس ده عشان مكنتش حابب اسيبك لوحدك اه حواليكي الكل بس غصب عنهم هينشغلوا في حياتهم وانتي هتفضلي لوحدك انا عارف انك مش زي ماظاهره لكل بان معندكيش مشاعر بس اوعديني ان مهما المشاكل اللي بينكم متفكريش تنفصلوا حلوها وادي لقلبك فرصه انو يحب ويعيش بسعاده متوقفيش حياتك يالارا خليني ارتاح
لارا:حاضريابابا اوعدك اني احاول ورحت قربت منه وحضنته وانا بحاول اسيطر علي دموعي بس معرفتش
.............
سيلين:مر النهار وعرفت بخبر تعب خالو وانو طلب اننا نروحله فروحنا علي بليل وكلنا كنا متجمعين حواليه من بين كلام وضحك
مصطفي بابتسامه متعبه:سيلين عايزك فلقيتها جت وقعدت جنبي خلي بالك من لارا ياسيلين طول السنين ديه اعتبرتيها اختك وياريت علطول تعامليها كده وانتي كمان بتمني ان حياتك تتحسن في اقرب وقت ورحت مطلع حاجه من الدرج اللي جنبي ديه اعتبريها هديه مني بمناسبه حملك وانك قريب هتستقبلي اول طفل ليكي كنت حابب ابقي موجود معاكي واشوفه بس هو اكيد هيطلع حلو ليكي ولادهم
سيلين بدموع:متقولش كده ياخالوا عشان خاطري حضرتك هتستقبل ابني وشكرا علي الهديه فتحتها فلقيته حلق صغير بس رقيق حلوه اوي بس
مصطفي:هتقولي ليه الحلق وان ممكن يكون ولد بس انا عندي احساس كبير انها بنت بس عمتا لوطلع ولد فاعتبريها ذكري مني مش اكتر،طلبي منك ياسيلين انك زي ماقدرتي تشوفي الطريق الصح اللي هتمشي فيه حاولي تساعدي لارا تلقيه
سيلين:حاضر ياخالو لارا اختي اصلا مش محتاجه توصيه
مصطفي بابتسامه:ياه متعرفيش وجودكم وكلامك ريحني اقد ايه ياسيلين
لارا بتنهد:بعد مالكل مشي وبابا لقيت حالته بقت احسن شويه واكل واخد ادويته ونام انا حاولت انام بس فضلت افكر في عمر فحاولت اكلمه وموبيله لسه مغلق رميت الموبيل جنبي وحاولت اغمض عيني شويه فنمت متاخر وصحيت علي صوت جرس الباب فاتجهت ناحيه فلقيته سراج وميرا ادخلوا
سراج:عمي عامل ايه دالوقتي
لارا بعفويه:احسن عن امبارح شويه انا هروح احضرله الفطار واجي لوعايزين تدخلوله لسه هدخل المطبخ سمعت حاجه اتكسرت من ناحيه اوضه بابا فجريت وفتحت الباب ولحقني سراج وميرا فلقيته اطار صوره وقع اقتربت من بابا بهدوء لان تقريبا الاطار كان في ايده ووقع منه فمسكت ايده لقيتها بارده فجسيت النبض ملقتش لأ عشان خاطري متعملش فيا كده يابابا وهزيته بابا رد عليا طيب اديني فرصه واوعدك اني هتغير وهبقي زي مانت عايزني بابا فوق مش معقول هتسيبني لوحدي
ميرا بدموع:قعدت جنبها علي الارض وخدتها في حضني لارا اهدي وادعيله ربنا يرحمه
لارا بعدم تصديق:لأ انت بتقولي ايه بابا مسبنيش هو موجود معايا هونايم بس وهيبقي كويس صح مقدرتش اتحمل فانفجرت فالبكاء
ميرا:بعد فتره كان الكل عرف وجيه حاولنا نهديها كتير بس معرفناش لحد مافقدت الوعي وسيلين اديتها حقنه مهدئه هي هتصحي علي امتي
سيلين بتعب:معرفش ياميرا بس مش قبل بليل انا عارفه انها مش هتهدي بس لوفضلت صاحيه هتتعب كان الكل رجع بعد الجنازه
ادهم بجديه:لارا لسه نايمه
ملك بجديه:اه عايزاك في حاجه ياادهم وخدته بعيد فين عمر بقاله يومين مختفي
ادهم:علي ماعرفته انه سافر حاجه خاصه بالشغل حته مقاليش حاولت اكلمه كتير بس مبيردش عليا وتقريبا هما متخانقين وهو مضايق ومش حابب يكلم حد
ملك بتنهد:تمام هحاول اكلمه انا ومتاكده انو هيرد عليا طلعت وقفت في الشرفه وفضلت اكلمه لحد ما رد
عمر بقلق:انا اسف اول مره اشوف مكالمتك فيكي حاجه انتي كويسه
ملك بجديه:انا كويسه الحمدلله انت فين ياعمر
عمر بتنهد:مسافر كام يوم عشان الشغل وكمان حبيت افضل لوحدي شويه متقلقيش لومردتش علي اي حد اليومين دول اخبارك ايه
ملك بجديه:انا كويسه بس مش ناسي حد تسأل عليه
عمر بتنهد:قصدك علي لارا يعني متقلقيش بالنسبالها هي كويسه طول منا بعيد عنها لانها مش محتاجاني في حياتها
ملك بجديه:واضح انكم متخانقين بس متهيألي انها محتاجاك الفتره ديه ياعمر انا مش متصله بيك عشان اتخانق معاك ولاحاجه بس انهارده الصبح عمو مصطفي مات ولارا منهاره من الصبح وفقدت وعيها ومن وقتها لسه مصحيتش اتمني تيجي علي العزا بكره ياعمر وقفلت معاه واتجهت لداخل سيلين شكلك تعبان روحي نامي منمتيش بقالك يومين
سيلين بتنهد:لامتقلقيش انا كويسه انا هفضل هنا مع لارا روحوا انتوا لانكم تعبتوا
مازن بجديه:تمام انا هروح انا ودينا وملك ونرجع علي الصبح
ملك بعفويه:لأانا هفضل هنا مع لارا وسيلين وانت ياادهم لازم تروح عشان ماما ومتقلقش انا هفضل هنا مع سيلين
ميرا:وانا كمان هفضل
ادهم بجديه:تمام قربت منها وطبعت قبله علي جبينها انا همشي دالوقتي بس هرجع الصبح لوفيه حاجه كلميني
سيلين بابتسامه:حاضر بعد مامشيوا دخلت بصيت علي لارا لقيتها نايمه فخرجت وسبتها نمت من غير مااحس علي الكنبه وقومت علي الصبح دخلت اشوف لارا لقتها صاحيه وقاعده علي السرير فقربت منها وقعدت لارا حبيبتي انتي كويسه
لارا بصوت مبحوح ودموع لم تستطع السيطره عليها:اه كويسه ياسيلين معلش تعبتكم معايا
ملك بعفويه:محدش بيتعب لمايقف مع فرد في عيلته يالارا لما يكون محتاج ده فمتقولهاش تاني
.................
بعد مرور يومين بليل،سيلين بتنهد:روحتلها اقعد معاها شويه لانها مردتش ترجع معايا بعد فتره فتحتلي كل ده يابنتي وقعده في الضلمه ليه مش طلبت منك تجيلي المستشفي
لارا بتنهد:مقدرتش اجي ،هو عمر مجاش صح
سيلين بتردد:اه مجاش لاني عرفت انو مسافر بس اكيد هيجي عشان يقف جنبك
لارا بجديه:معتقدش انو هيجي ياسيلين عمر هرب مني وسافر بس عمتا مقدرش الومه لاني جيت عليه كتير وضايقته لدرجه متتخيلهاش وهو استحملني كتير ومقدرش الومه علي تصرفه
سيلين بعفويه:لارا متفكريش كده عادي مجرد خناقه مش نهايه الدنيا مش معناه انو مش هيجي
لارا بجديه:هسألك سؤال وتجاوبيني بصراحه مهما كانت الاجابه
سيلين:اسألي
لارا بتنهد:انا اسلوبي كان غلط في طريقتي مع غيري وان بهتم بشغلي وبقضي معظم الوقت فيه واني مابديش اهتمام لاي حاجه تانيه واني فعلا معنديش مشاعر ولااحساس متجاوبنيش علي انك اختي ياسيلين لاني بجد تعبت
سيلين بجديه:تمام يالارا هكلمك بصراحه طالما انتي ابتديتي تشوفي نفسك انك ممكن تكوني غلطانه،بصي كل واحد فينا لازم يحب شغله وانه يهتم بيه عشان ينجح في حياته بس الشغل مش كل حاجه يالارا مينفعش حياتنا تبقي مبنيه عليه وبس فيه نفسك يالارا وحاجه كمان ان اسلوبك مع الناس صعب يالارا شغلك علطول خلاكي دايما بتكلمي وتقولي حاجات ممكن تجرح اللي قدامك من غير ماتحسي اه انا عارفه ان خالوا اللي صمم ان يتم جوازك بس فكرتي من ساعت ماتعرفتي علي عمر انك تديه فرصه علي الاقل اكيد بتحسي لوبمشاعر بسيطه ناحيته بس انتي مصممه تدفنيها بانشغالك بشغلك وبحاجات كتير
لارا بدموع:يعني انا السبب في كل المشاكل اللي حصلت بس انا مبقتنعش بالحب والمشاعر تعبت صعب اني اتعلق بحد ويسبني تاني وجع فراق شخص بتحبيه صعب ياسيلين موت ماما خالاني ببعد الناس عني من خلال تصرفاتي لاني مش عايزه اتعلق بحد منعت اي شاب يدخل علي حياتي لنفس الفكره بس عمر مقدرتش امنعه انو يدخل علي حياتي الوحده مبتجبش الالم زي الحب ياسيلين
سيلين بعفويه:بس انك تعيشي بعيده عن اللي حواليكي عشان متتالميش ده مش حل يالارا مينفعش تخربي حياتك بالمنظر ده كلنا لينا عمر وهينتهي في يوم بس لوفكرنا اننا نبعد عن الناس عشان متجيش لحظه الفراق مش هتعرفي تعيشي وتكملي حياتك عيشي حياتك واستمتعي بكل لحظه فيها اه الحياه مش كلها حلوه ومفهاش مشاكل بس علي الاقل انك تبقي موجوده مع شخص بتحبيه وبتبني حياتك وذكرياتك معاه كل يوم اللي هتبقي مصدر سعاده ليكي من غير ماتحسي وجوده معاكي بيحسسك بالامان عارفه رغم ان علاقتي باادهم فيها مشاكل كتير وبدايتها كانت غلط بس رغم كل ده وجوده جنبي ودعمه ليا هو اللي بيخليني اقاوم لحد دالوقتي عشان نرجع مع بعض ادي لعلاقتك انتي وعمر فرصه يالارا حاولي تغيري من نفسك شويه حته عشان نفسك
لارا بتنهد:بعد ماسيلين مشيت قفلت الاضاءه كلها ودخلت انام لاني مليش مزاج اعمل حاجه بس صحيت علي رنين الجرس فلقتها الساعه1جبت جاكت لبسته ورحت اشوف مين فاتفاجئت انو عمر
..................
ملك بعفويه:انت فين مختفي اليومين دول يعني
ادم بضحك:يعني مكلماني الساعه1عشان تسأليني ياملك
ملك بغيظ:انا غلطانه اني بسألك واني اتكلمت باي
قطعني بجديه:استني بس ياملك مقصدتش اضايقك بس بقالي سنين محدش بيفكر يسأل عليا لواختفيت فاستغربت مكالمتك مش اكتر عمتا كنت مشغول في الشغل وكنت تعبان شويه بس كده وكمان انا عارف ان عندكم حاله وفاه فقلت مش حلوه اني اجي
ملك بنبره خافته:خلاص سامحتك بس انا قولتلك هزهقك كتير وعمتا سلامتك واه فعلا كان فيه حاله وفاه يبقي حمي عمر بس عملالك مفاجأه علفكره
ادم بدهشه:الله يسلمك بس ايه هي المفاجاه
ملك بضحك:لوقولتلك دالوقتي متبقاش اسمها مفاجاه ولاايه اشوفك انهارده ومن غير اعتراض لوحابب تعرف هي ايه😁
ادم بعفويه:امممم يعني برضو مش هتقولي هي ايه طيب يعني حرام تسبيني كده ويبقي عندي فضول اعرف ايه المفاجاه لحد مااشوفك لمحيلي طيب😕
ملك بضحك:لأ مش هقولك برضو خلي عندك صبر بقي اتمني تعجبك لما تشوفها😂
ادم بتنهد:ماشي ياملك ليكي يوم هخلي عندك فضول تفطسي بسببه😏
ملك بعفويه:مش هتقدر لاني اقوي منك وعندي صبر كتير😎
ادم بضحك:طيب هنشوف وقتها هيبقي عندك صبر ولالأ ياملك😂
..................
لارا بصدمه:لقيته واقف قدامي وكان غرقان مايه ادخل قفلت الباب واتجهت لداخل وجبتله منشفه وادتهاله هروح اعمل حاجه دافيه عشان متاخدش برد وقبل ماامشي لقيته مسك ايدي
عمر بجديه:انا اسف اني مجتش وقتها بس كان ممنوع الطيران عشان الجو واول رحله لقتها جيت فيها انا حاولت اكلمك كتير بس انتي قافله موبيلك يالارا وبعتذر علي الوقت اللي جاي فيه
لارا بعفويه:لأعادي ولايهمك انا كنت تعبانه وكنت قفلاه لاني مش حابه اكلم اي حد وبعدين تيجي وقت مانت عايز البيت بيتك ياعمر انا هروح اعمل قهوه
عمر بعفويه:لامتتعبيش نفسك انا جيت اطمن عليكي وهرجع البيت عشان..
قطعتني بجديه:الجو مش حلو بره ومتاخر كمان فخليك روحت عملت القهوه ورجعت تاني فكان بيجفف شعره قعدت علي كرسي قدامه انا اسفه ياعمر علي كل اللي حصل
عمر بجديه:انا اللي مفروض اعتذر علي عصبيتي واللي عملته عمتا اخبارك ايه
لارا بتنهد:كويسه ياعمر وانت
عمر بجديه:كويس بس انا مش حاسس اني قاعد مالارا اللي كنت اعرفها انا عارف انك كنتي متعلقه بعمي الله يرحمه وانك مضايقه وتعبانه
لارا بضيق:انا مضايقه لاني مقدرتش احس بالمه ووجعه بسبب شغلي جيت في الفتره الاخيره مكنتش بقضي وقت معاه كتير ودالوقتي بندم علي ده شغلي مش هيقدر يرجعلي بابا ولاالوقت هيقدر يرجع تاني فضلت اعمل تصرفات كتير تضايقه وتتعبه اكتر رغم اني كنت المفروض ادور علي حاجات تسعده نسيت انو هو كمان كان مضايق بسبب انو فقد ماما زي ماكنت انا مضايقه انا معملتش حاجه تريحه زي منا برضو اذيتك ياعمر وجرحتك كتير بسبب تصرفاتي واسلوبي
عمر بجديه:لارا معتقدش ان وقته نتكلم في الموضوع ده لانك لسه تحت تاثير صدمه اي قرار هتاخديه دالوقتي مش هيبقي صح لما تهدي نبقي نتكلم
لارا بجديه:بس انا قصده كل كلمه بقولها انا مش تحت تاثير الصدمه زي مانت متخيل ممكن تعتبرها اني شوفت الحقيقه اللي كنت بنكرها انا عارفه اني اللي هقوله صعب انو...........
يكمل
أنت تقرأ
احببت عدوتي
Ficción Generalمااصعب ان ندرك حقيقه الامور وان نري الحقيقه التي مر اعوام ونحن نظن غيرها،ويمكن ان نظن ان صله القرابه او الدم هي من انقي العلاقات واخلصها ولكن عندما نكتشف العكس وان اقرب شخص الينا او مانعتبره كذلك هو مجرد خدعه يطعن الذي امامه في ظهره،وتختلف ايضا بعض...
