سيلين بجديه:انا عارفه كويس عواقب اللي بعمله وكان عندك حق كل المشاكل بدايتها كانت من عندي وانا لازم احلها وانت مش هتقدر توقفني ياادهم
ادهم:واضح ان مفيش امل من الكلام معاكي
سيلين بجديه:انت كنت جاي ليه ياادهم
ادهم بجديه:كنت جاي اقولك ياسيلين اني قررت قرار مهم ولازم تعرفيه
سيلين:وايه هو القرار ده
ادهم بجديه:قررت انهي الفوضي والمشاكل اللي حصلت الفتره اللي فاتت واكمل حياتي ياسيلين انا وانتي قصتنا انتهت لحد كده ومعدش فيه امل من علاقتنا
سيلين بصدمه:انت بتهزر صح انت وعدتني انك مش هتتخلي عني ياادهم انت بتقول ايه
ادهم بجديه:كنت بكدب عليكي ياسيلين وغير اني قررت اتخلي عنك فيه خبر كمان انا قررت اني ارتبط انا ومها
سيلين بدموع:لاااامستحيل ادهم متسبنيش صحيت من النوم مخضوضه مش قادره اخد نفسي
ادهم بقلق:قومت مفزوع علي صوتها وكانت شهقات بكائها مع اضطراب شديد في نفسها خدتها في حضني سيلين اهدي ده كان مجرد كابوس اهدي ومسحت علي خصلات شعرها سبتها وقومت اجيب كوبايه مايه وشربتهالها بهدوء بقيتي احسن
سيلين بتعب واضطراب في ضربات قلبها ونفسها:انت جيت هنا ازاي انا بتخيل صح
ادهم بجديه:لامبتتخيليش انا فعلا موجود ياسيلين حاولت اوصلك كتير ومعرفتش لان موبيلك مغلق ومعرفتش انام غير لمااتكلم معاكي فجيت هنا عن طريق شرفه اوضتك ولما جيت لقيتك نايمه فمحبتش ازعجك وقلت انام جنبك والصبح نبقي نتكلم،انتي كويسه
سيلين:اه انا كويسه جيت اقوم اقف فدوخت وكنت هقع وهولحقني
ادهم بجديه:ممكن ترتاحي لانك تعبانه وحاولي تهدي عشان متتعبيش اكتر انا هروح اعملك حاجه تشربيها
سيلين بنبره غريبه:لامش عايزه حاجه افضل معايا وبس ومتروحش في حته
ادهم بنبره مطمئنه:سيلين انا مش هروح في حته ولاهسيبك بس اهدي
سيلين:ادهم انت مش هتتخلي عني في يوم وتسيبني صح مهما حصل
ادهم بتنهد:سيلين كل ده كان كابوس وانتهي واناعارف اني غلطت معاكي امبارح ومكنتش المفروض اتعصب عليكي يعني ياسيلين انتي عارفه اني عصبي ومكنش قصدي،مسكتها من ايديها براحه وجذبتها لحضني سيلين انا عارف ان بسبب الظروف اللي احنا فيها انتي خايفه بس انا مستحيل اتخلي عنك ثقي في ده
..................
مازن بابتسامه:قاعده لوحدك ليه ياملك
ملك بتنهد:حبيت اقعد في الهواء شويه الجو هنا حلو
مازن بعفويه:امممم هو فعلا حلو بس عارفه انا مبسوط انهارده جدا
ملك:عشان شوفت ادم صحبك يعني
مازن بعفويه:اممم هو اه ده السبب الاول والسبب التاني انو وبعد فتره لقيتك بتكلمي وبتضحكي وكاني شوفت ملك اختي رجعت تاني والسبب كان ادم برضو
ملك:مجرد صدفه مش اكتر يعني وبعدين صاحبك اتغير كتير امكن عقل شويه عن الاول بس مش اوي
مازن بضحك:لاهو معقلش لدرجه كبيره وبعدين نظرتك ليه من الاول كانت غلط يعني مش معني انو هو عفوي ومرح في كلامه واسلوبه يبقي اهبل يعني اومجنون هو مر بظروف مش حلوه نهائيا الفتره اللي فاتت بس رغم كده مخلهاش تاثر عليه وتغيره حته لوده ظاهريا وانو اتغير من جواه شويه
ملك بتنهد:انا مقولتش انو اهبل اومجنون يامازن بس هو ايه اللي خلاه رجع بعد السنين ديه غير انو انفصل هو ومراته
مازن بجديه:بسبب باباه وكلامه علي اللي حصل وهو حابب ينسي وهو طول الوقت بيفكره او بيرمي عليه اللوم انها سبته بس فحب يرجع يقعد هنا تاني ويشغل نفسه في شغله بجد هو شخص كويس ميستاهلش كل ده بس تقولي ايه ده قدره
ملك بعفويه:ياريت نقدر نغير قدرنا عمتا هو ملهوش غير باباه يعني ملهوش اخوات
مازن:لأادم وحيد باباه اتجوز بعد موت مامته اه بس مجبش غيره لانه كان حابب يعيش حياته وميتحملش مسئوليه تاني عمتا هو ممكن الفتره ديه تلقيه بيجي كتير يقعد معايا لوهيضايقك وجوده انا ممكن اتصرف وهو هيتفهم
ملك:هضايق من وجوده ليه هو معمليش حاجه بالعكس كان بيتكلم معايا بكل هدوء وامكن انا اللي ضايقته مش هو وغير كده ده بيتك يامازن مقدرش اعترض
مازن بجديه:مين قال كده ده بيتك انتي ومن حقك تعترضي زي مانتي عايزه ياملك يلاانا هدخل انام عشان ورايا شغل تصبحي علي خير
ملك بابتسامه:وانت من اهلو بعد ماسبني شردت شويه بس فوقت علي رنين هاتفي فلقيته ادم فرديت الو خير فيه حاجه
ادم بصدمه:سمعت صوت ملك ينهار ازرق انا اسف جدا ياملك معلش قلقتك كنت هرن علي حد تاني ورنيت عليكي بالغلط انا اسف اني قلقتك وازعجتك
ملك بعفويه:ولايهمك مش محتاجه كل ده اعتذار انا كنت صاحيه اصلا
ادم:يعني انتي مش مضايقه
ملك بضحك:لاياادم هضايق من ايه عادي بتحصل انت ايه اللي مصحيك لدالوقتي
ادم:ياه ريحتيني،كنت قاعد بستمتع بالجو الصراحه وكنت المفروض هكلم واحد صاحبي عشان اقوله مش هبتدي من بكره الشغل بس رنيت عليكي بالغلط ومخدتش بالي وانتي بتعملي ايه
ملك بابتسامه:قاعده بستمتع بالجو برضو ومش جيلي نوم فقاعده
ادم بعفويه:ليه متفكريش مثلا ترجعي تشغلي نفسك بهوايتك اللي كنتي بتحبيها وهي الكتابه
ملك:ياه لسه فاكر لاسف انا سايبه الموضوع بقاله اكتر من خمس سنين وبصراحه علي قد ماكنت بحب الكتابه بس فقدت الشغف ليها نسيت ازاي اكتب
ادم بجديه:ليه ماتعتبريش انك فاكره ده او واهمه نفسك بيه وانتي منستيش حاولي مش هتخسري حاجه ممكن تساعدك تتحسني
ملك:واضح يادكتور ادم انك بتعاملني كاني مريضه عندك وبتدورلها علي حلول
ادم:لامقصدتش كده ياملك انتي فهمتيني غلط عمتا انا اسف لوضايقتك
قطعتني بضحك:استني بس كنت بهزر معاك مش اكتر متخدش كل كلامي جد ياادم انا فعلا محتاجه حد يساعدني اخرج من الحاله اللي انا فيها،لاني معدتش عارفه اعمل ايه امكن انت اول شخص اتكلم معاه كده ياادم معرفش ليه
.................
سيلين:بعد ماهديت نمت في حضنه من غير مااحس وفضلت لكده لحد ماصحيت علي شعاع الشمس الخافت الاتي من الشرفه ببص جنبي لقيته دافن وجه في عنقي ومحاوط خصري بزراعه حاولت اني اقوم من غير مايحس
ادهم:عايزه ايه ياسيلين نامي لسه بدري
سيلين بعفويه:لاورايا شغل مهم ولازم اقوم
ادهم بجديه:سيلين انتي تعبانه ولازمك راحه منمتيش عدل وشكلك تعبان وعايزه تروحي شغلك برضو
سيلين بعتاب:شغلي مش هيسبب تعب ليا بس كلامك وعصبيتك عليا ممكن تكون السبب في ده
ادهم بتنهد:افهم من كده انك لسه مضايقه مني انا بجد مقصدتش اتعصب عليكي ياسيلين بس هي جت فيكي من غير مااقصد انا عارف انك مش مضطره تتحملي عصبيتي فوق اللي انتي متحملاه
سيلين بابتسامه وعفويه:علفكره انا سامحتك وعارفه انك مكنتش قاصد بس حبيت اغلس عليك شويه عشان تهدي عصبيتك لقيته شدني من ايدي فبقيت علي السرير وهو بيعتليني انت بتعمل ايه
ادهم بغيظ:بقي انا بحاول اصالحك وانتي في الاخر بتضحكي عليا ياسيلين ناويه تشليني صح
سيلين بضحك:حاوطت عنقه بزراعي حبيت ازهقك شويه مش من حقي ولاايه
ادهم بعفويه:اممم بس علفكره هاخد حق اللي عملتيه ده
سيلين باستنكار:واللي هو ايه لقيته احتضن شفتاي في قبله وبعد شويه بعد عني ودفن وجهه في عنقي لاحس بانفاسه الحاره تلفح عنقي،ادهم فيه حاجه لازم تعرفها هي ان المفروض بعد ساعتين اروح اقابل احمد في شركته
ادهم بصدمه:اعتدلت وبعدت عنها انتي بتهزري صح ياسيلين
سيلين بتنهد:لأ وحكتله اللي حصل معايا من يومين انا لازم اروح واعرف هو عايز ايه
ادهم بانفعال:احمد ده شخص مجنون انا مش ضامن ممكن يكون بيفكر في ايه وكمان عايزه تروحيله برجليكي ياسيلين علي اساس اني هوافقك وكمان الزفت ايمن ده ازاي يتجرأ ويقرب منك ويعمل كده انا مش هرحمه لو وقع بين ايدي
سيلين بتنهد:ادهم من غير عصبيه انا لازم اعمل ده واكيد مش هيبقي عايز يعمل حاجه او يأذيني وهيطلب اني اروحله الشركه انا لازم اروح لاني مش ضامنه لوعندت معاه ومرحتش هيعمل ايه،الحاجه التانيه ياادهم عصبيتك ديه هي اللي بتخليني متكلمش وترجع تقولي بخبي ليه عصبيتك ديه هتودينا في مشاكل لماانت تخلص علي ايمن انا هستفاد ايه غير اني هخسرك انت كمان ياادهم الفتره ديه محتاجه هدوء في تصرفتنا مش عصبيه افهم ده ياادهم
ادهم بجديه:هوافق انك تروحي ياسيلين علي شرط هتنفذيه ولو رفضتي مش هتروحي
...............
عمر باستغراب:يعني غريبه انا اعرف انك عايزه تخلصي مني في البيت ولسه كنت معاكي وقولتي انك رايحه شغلك ايه اللي جابك علي الشركه يالارا معقول لحقت وحشتك
لارا بجديه:لامتتعشمش اوي كده،فيه حاجه عرفتها ومكنش ينفع اقولهالك في البيت ده سبب اني جيت
عمر بتنهد:ايه فيه مصيبه حصلت
لارا بجديه:انا كنت ببحث ورا ايمن واكتشفت انو يطلع قريب احمد من ناحيه مامته
عمر بصدمه:ايه
لارا بجديه:ومش بس كده اللي قدرت اوصله من ناس تعرفه انو كان يعرف مها من قبل مايقابل سيلين
عمر بجديه:معني كده ان ممكن تكون كانت خطه بينهم عشان يوقعوا سيلين ومنها احمد ياخد الفلوس والاملاك عن طريق ايمن بالاتفاق معاه بس اي سبب عداوه مها لسيلين
لارا بجديه:فعلا هي كانت خطه بس موضوع مها ده اللي لسه موصلتلوش بس هي ليها هدف تاني غير الفلوس وانها تسيطر علي كل حاجه احنا لازم نعرف ماضيها لوقتها لازم سيلين تعرف بموضوع ايمن ده لان كده الموضوع بقي خطر عليها احنا مش عارفين هما بيخططوا يوصلوا لأيه
...............
سيلين بجديه:اتجهت لشركه ووصلت علي المعاد اللي حددته ورحت ناحيه السكرتيره بتاعته وقبل مااتكلم
السكرتيره"اتفضلي يامدام سيلين استاذ احمد منتظرك جوه
سيلين بجمود:تمام اتجهت لداخل المكتب فلقيته قاعد وايمن قاعد علي الكرسي قدامه
احمد بابتسامه:ياه لسه مواعيدك مظبوطه ياسيلين افتكرت وجودك مع ادهم الفتره اللي فاتت غيرك بس فيه حاجات ثابته اقعدي
سيلين بجديه:ممكن افهم ايه سبب وجودي هنا معتقدش ان بينا حاجه حته ولما تبقي تحب توصلي رساله ياريت متبقاش تبعتها مع ايمن عشان المره اللي فاتت سكت علي تصرفه لكن المره الجايه الله اعلم ممكن اعمل ايه
ايمن بعصبيه:لمي لسانك ياسيلين وبعدين انتي متقدريش تعملي حاجه اصلا
سيلين بجمود:معتقدش حابب تشوف لما القطه بتخربش بتعمل ايه
احمد بجديه:بس انتوا الاتنين،ادهم اللي كنتي بتحبيه وبتثقي فيه غدر بيكي وخدعك وانتي فضلتي ساكته ومعملتيش حاجه وجايه تتشطري علي ايمن
سيلين بجمود:يعني عايزني اعمله ايه كلكم زي بعض متفرقوش عن بعض حاجه ولواطول انتقم منه علي اهانته ليا
احمد باعجاب:خطوه حلوه وانا اخوكي ومن واجبي اني اساعدك
سيلين بسخريه:من امتي ده انشاء الله اخويا اللي اتخلي عني
احمد بجديه:سيبنا من القصص القديمه وبعدين عدو عدوك صديقك ولاايه انا حابب ادمر ادهم واوريه انو اللي يتحداني مستحيل يكسب اتحداني زمان وكنت السبب في اللي وصلتله ملك اخته واي حد هيقف في طريقي مش هرحمه
سيلين بجمود:عايز ايه من الاخر يااحمد وايه اللي يخليني اثق فيك وانك متغدرش بيا بعد ماتاخد مصلحتك
احمد بجديه:هتجسسي علي ادهم عن طريق عايلته لانهم قريبين منك وبالذات لارا ودينا وتقوليلي كل حاجه بيعملها وحاجه كمان اكيد هما عارفين فين ملك انا عايز مكانها
سيلين:وايه هدفك من انك تعرف كل حاجه عن تحركاته وكمان مكان ملك اخته يااحمد وايه اللي هيخليني اوافق علي اللي انت عايزه
احمد بجديه:ده مش اختياري ياسيلين عندك اختيارين تقومي بيه ومعتقدش انك هتقدري تعملي الاول والتاني اللي انا قولتهولك هتعرفي كل حاجه بيعملها وتقوليلي
سيلين بتردد:وايه هو الاول
ايمن بابتسامه:انك تدخلي البيت وتحطي سم في اكله هو مش هيموته علطول بس هياثر عليه ويضعفه وده هيسهل علينا وعلي المدي الطويل بينهي الحياه كنت ناوي اقوم بالخطه ديه بس فيه ممرضه غبيه انقذته من ايدي بس ده مش كل مره
سيلين بصدمه وتماسك:ولوموافقتش علي الاختيارين يااحمد لاني صعب اثق في كلامك وانك مش هتخدعني
احمد بابتسامه:لموافقتيش ياسيلين هتلخيني اضطر اعمل اللي كنت هعمله من فتره ورحت مطلعه من جيبي ووجهته لوجهها رفضك هيساوي حياتك ياسيلين لانك عارفه معلومات وممكن تضريني ولاايه مبتسمه كده ليه مش خايفه اخلص عليكي
سيلين بابتسامه وتماسك:معدش فيه حاجه بتخوفني يااحمد لاني معدتش سيلين اللي كنت تعرفها فنزل المسدس ده احسن انا موافقه علي اللي انت عايزه وفي مقابل ده هاخد فلوس قولت ايه
احمد بدهشه:من امتي بتهمتي بالفلوس ياسيلين
سيلين باستخفاف:من ساعت ماتغيرت بسبب خداعكم ليا اكتشفت ان الشخص الطماع ولامبيشوفش قدامه غير مصلحته هو الللي بيفوز يااحمد
...............
لارا بتنهد:رجعت البيت لاني مكنتش قادره اطلع علي المكتب فقابلت طنط نهال
نهال باستخفاف:ياه تتحسدي انك موجوده في البيت بدري يالارا من ساعت جوازك من عمر وانتي اليوم كله بره البيت وبترجعي متاخر بحجه الشغل
لارا بابتسامه:عشان ديه ظروف شغلي ياطنط مش بمزاجي وانهارده اخدته اجازه عشان تعبانه
مها بسخريه:بتقولك ظروف شغلها ياعمتي اقولك حاجه كنت اتجوزي شغلك احسن يالارا
لارا بتمالك اعصاب:معتقدش ان ديه حاجه تخصك يامها خليكي في حالك احسن وبعيده عني عشان انتي متعرفيش ممكن اعمل ايه لسه كنت همشي بس كلامها وقفني
مها باستخفاف:هتعملي ايه يعني هتبقي مجنونه زي قربتك ومسيرك تحصليها قريب لانكم زي بعض معندكمش احترام لنفسكم كنتي المفروض بعد اللي حصل مع سيلين متفكريش تكملي وتدخلي البيت بس واضح انك وراكي مصلحه وحابه تنفذيها
لارا بعصبيه:مسكت ايديها ولويتها لورا مش انا يامها اللي يتقلي كده ومتجبيش سيره سيلين احسنلك تمام لانك متسويش شعره منها اصلا انتي اللي ولاحاجه ومعندكيش احترام لنفسك ولاكرامه حته عارفه ليه لان بالرغم ان ادهم رفضك وهانك قبل كده لسه بتجري وراه
نهال.........
يكمل
أنت تقرأ
احببت عدوتي
Ficção Geralمااصعب ان ندرك حقيقه الامور وان نري الحقيقه التي مر اعوام ونحن نظن غيرها،ويمكن ان نظن ان صله القرابه او الدم هي من انقي العلاقات واخلصها ولكن عندما نكتشف العكس وان اقرب شخص الينا او مانعتبره كذلك هو مجرد خدعه يطعن الذي امامه في ظهره،وتختلف ايضا بعض...
