ملك بابتسامه خافته:اوعدك بده بس عارف انت طلعت شخص مختلف عن اللي كنت واخده فكره عنه
ادم بعفويه:بجد وياترا فكرتك عني كانت ايه ياملك
ملك بتنهد:اممم رغم اني عمري مااتعاملت معاك قبل كده غير بكلام بسيط لاني بصراحه كنت
ادم بجديه:كنتي مبتطقيش وجودي صح
ملك بعفويه:نوعا ما وكنت حساك انك مستهتر بزياده في تصرفاتك ومبتاخدش اي حاجه بجديه مبتعقلش تصرفاتك وكنت بستغرب ازاي انت صديق مازن المقرب وان الي هترتبط بيك الله يكون في عونها سكت لما لاحظت كلامي
ادم بجديه:سكتي ليه امكن نوعا ما في نظر ناس كتير كده بس انك تحكمي علي شخص من الظاهر بس صعب،بس هل انا كنت كده فعلا وان كلامك صح وهي مقدرتش تستحملني عشان كده خانتني وسابتني
ملك بجديه:علفكره مخلتنيش اكمل كلامي ياادم انا فعلا كنت غلطانه في نظرتي ليك وانك مختلف جدا وانا فعلا شوفت الظاهر بس وحكمت عليه وبعدين بنات كتير تتمني انها ترتبط بشاب زيك وانت مغلطتش في حاجه وحته لوكنت غلطت فكانت المفروض تحل الموضوع ده بينكم لوكانت بتحبك بجد لكن بالنسبه لوجهه نظري مفيش اي مبرر لخيانه اوالغدر
ادم بجديه:ياه انتي اول شخص ميحطش اللوم عليا كله واني انا السبب عشان كده لازم ات حم مل النتيجه من غير مااتكلم،وعمتا متهيألي انك اتاخرتي ياملك ولازم اوصلك علي البيت
................
سيلين بتنهد:سندت راسي لورا وشردت في افكاري فضلت مش عارفه انام لحد4الفجر ياترا اللي بعمل صح ولاغلط بس مهما كان لازم انفذه اتجهت لسرير ونمت صحيت الصبح ورحت غيرت هدومي بفستان لبني وعليه جاكت جينز قصير وفردت شعري واتجهت لخارج فلقيت الكل مشغول في التجهيزات فسيبتهم واتجهت لمطبخ وطلعت حاجه من التلاجه برفع راسي لقيت مها قدامي فاتجهالتها
مها بجديه:عايزه توصلي لايه ياسيلين
سيلين بابتسامه ممزوجه بجديه:عايزه اوصل لحقي يامها
مها:بس انتي ملكيش اي حقوق ياسيلين هنا
سيلين بجديه:بمأنك بتكلمي علي الحقوق وانتي اللي يعني ليكي حق فانك تبقي موجوده هنا يامها
مها بعفويه:ايوه عشان انا خطيبه ادهم وهبقي كنه العيله الجديده
سيلين بنبره غريبه:امممم من رأي ماتبنيش افكار وهميه يامها يعني انا مش شايفه دبله في ايدك والخطوبه لسه محصلتش عشان تبقي خطيبه ادهم وتفكري في انك هتبقي مراته كمان وخدت اللي كنت عايزاه ومشيت اتجهت لغرفتي فضلت هناك لحد قرب معاد الحفله فلقيت لارا وعمر اللي كانوا بيخبطوا علي الباب
عمر بجديه:سيلين متاكده من اللي ناويه عليه
سيلين بابتسامه:اكيد اه كان خطتي ان تتم الخطوبه ديه عشان استفاد وقت بس لقيت من الافضل اني اعمل حاجه تانيه خالص كل حاجه جاهزه
عمر بابتسامه:اه كل حاجه جاهزه والكل بره
سيلين بجديه:مفيش ضيوف موجودين بره
لارا:لا الخطه ماشيه زي ماكنتي عايزه
نهال باعجاب:طالعه زي القمر يامها
مها بابتسامه:ميرسي ياعمتي بس فين الضيوف اللي كانوا المفروض يجوا
مها بجديه:مش عارفه هروح اشوف واجي لسه كنت هروح اشوف في ايه بس لقيت الانوار اتفتحت
سيلين بابتسامه:خدت المكرفون عشان الكل يسمعني طبعا انا حابه اقولكم الف مبروك وبالذات ليكي يامها بس انا مش بخيله اوقليله ذوق عشان مجبلكيش هديه بمناسبه خطوبتك انا عارفه انها هديه بسيطه بس اعمل ايه ملقتش احلي منها اقدمها ليكي انهارده اتمني تعجبك ورحت شغلت شاشه كبيره وكان فيها الاول التصرف اللي عملته مع ادهم من فتره واتهمته ولماسرقت الملف من اوضته وحديثها مع حد متسجل ولما حطت دوا في العصير بتاعي يوم اللي كان فيه ضيوف في البيت بعد شويه كان خلص العرض
مها بصدمه وتوتر:عمتي متصدقيش اللي شوفتيه هي عايزه تتهمني وده كله هي اللي عملاه عشان توقعني صدقيني
عمر بجديه:لأمتي هتفضلي تكدبي يامها عمتي كل اللي شوفتيه ديه الحقيقه والكاميرات اللي في البيت هي اللي مصورها
مها بعصبيه:عمتي متصدقهوش سيلين قدرت تاثر عليه انا عمري ماافكر اذي العيله او اعمل حاجه من ديه وقبل مااكمل لقيتها ضربتني كف علي وجهي عمتي انتي ازاي ترفعي ايدك عليا ده مش من حقك ولسه هرفع ايدي لقيت سيلين مسكت ايدي
سيلين بحده:اوعي تفكري حته تعمليها يامها
نهال بصدمه ممزوجه بعصبيه:انا وثقت فيكي واعتبرتك بنتي بس انتي عملتي ايه اذيتي ابني في شغله واتهمتيه بحاجه معملهاش وانا صدقتك وكدبت ابني وحرجتيني قدام الضيوف عشان ايه يامها وكمان عايزه دالوقتي ترفعي ايدك عليا اطلعي بره بيتي حالا بدل مااطلبلك الامن يرموكي بره من انهارده ملكيش انك تدخلي البيت هنا تاني ولااشوف وشك تاني
مها بعصبيه:كنت لسه هخرج من البيت وانا مش طايقه نفسي بس وقفت اثر صوتها
سيلين بابتسامه انتصار:مبروك يامها ايه رأيك في المفاجئه
مها بانفعال:متفرحيش اوي ياسيلين اني خرجتيني من البيت وانتصرتي عليا انهارده عشان انا مش هسيبك وواضح اني استهونت بيكي فعلا
سيلين بجمود:ديه حاجه بسيطه يامها علي اللي عملتيه معايا الفتره اللي فاتت كنتي السبب في دمار علاقتي بماما وخروجي من البيت وانا انهارده خرجتك من البيت لابد،فكرك اني كنت هسكتلك علي اللي عملتيه في حقي واسيبك انهارده تكملي خطوبتك انتي وادهم من غير ماوقفها ياه كنتي غبيه اوي يامها
مها بعصبيه:انا بكرهك ياسيلين وصدقيني مش هعدي اللي عملتيه علي خير وسبتها وخرجت من البيت
نهال بجديه:لقيتها متجهه لداخل اناي بتعملي ليه كده ياسيلين ايه غايتك من اللي عملتيه انهارده تفتكري باني كده هرجع احبك اواتقبلك كمرات ابني تبقي غلطانه ولازم تفوقي
سيلين بعفويه:انا فعلا نفسي في ده عارفه انا عشت معظم حياتي وعمري ماحسيت بحب وحنان الام الأ لما قبلت حضرتك حسيت ان ربنا عوضني عن خسارتي لحاجات كتير بس القدر حته مخلنيش اتمتع بده كتير ورجعت زي ماكنت يتيمه ولوحدي انا معنديش غير هدف واحد بس من وجودي هنا وهو اني هرجع كل حاجه زي ماكانت ووقتها همشي واسيب البيت من غير ماحد يقولي وهرجع بيت بابا
نهال باستغراب:وايه اللي انتي هترجعيه زي ماكان
سيلين بابتسامه:الايام هتعرفك الاجابه ياماما وسبتها واتجهت لغرفتي
...............
لارا بتنهد:طلبت اننا نتكلم فيه حاجه
عمر بجديه:اه هسألك سؤال وتجاوبيني بصراحه يالارا
لارا باستغراب:انت ناديتني عشان تسألني ياعمر عمتا اسأل
عمر بجديه:ممكن اعرف انتي ناويه علي ايه بخصوص علاقتنا يعني لازم تحددي انتي عايزه جوازنا ده يكمل ولاننهيه وانا بديكي الحريه الكامله في اختيارك يالارا سواء انك تفضلي او تقرري تمشي
لارا بدهشه وتساؤل:وده من امتي ياعمر يعني انت عارف جوازنا تم ازاي ومع ذلك كنت متمسك بالعلاقه ديه لانك بتحبني مش ده كلامك ليا
عمر بجديه ممزوجه بانفعال:فعلا ده كان كلامي احنا بقالنا شهر متجوزين وقبلها شهر كنا مخطوبين وقبلها بتاع6شهور كنا اصدقاء انا مازلت لحد انهارده بحبك يالارا بس صعب اخليكي تحبيني اواغير تفكيرك حاولت كتير بس في كل مره بفشل من ساعت خطوبتنا ولما عرفتي اني بحبك اسلوبك اتغير كتير لدرجه انك نسيتي ان كان فيه صداقه بتربطنا بعد ماكنا بنقضي وقت مع بعض بقيت بشوفك بالصدف لانك بتقضي وقتك كله في الشغل بحجه انك خايفه شغلك يتاثر يالارا كلامنا مع بعض بقي نادرا واغلبيته خناق انا اللي من حقي اسأل بتعملي كده ليه
لارا بصدمه:بعمل ايه مش فهماك ياعمر انت فاهم غلط
عمر بسخريه:بتمني انو يكون غلط بس لاسف هو صح يالارا انتي بتعاقبيني لاني قلبي حبك بس لاسف مش كل شخص قادر يتحكم في قلبه ومشاعره زيك يالارا اناحبيتك من كل قلبي وحاولت كتير ان علاقتنا ديه تنجح بس صعب لاني بحاول لوحدي وحبي من طرف واحد مفيش سبب واحد حته بخليني احاول يالارا
لارا بدموع تحاول منعها وتتصنع الجمود:متهيألي ياعمر انك خدت قرارك بنفسك خلاص مش بتاخد رأي انا جرحتك ومستحقش اصلا ياعمر وبماانك خدت قرارك بانك تعبت فانا هريحك وهسيب البيت بكره الصبح
عمر بجديه:انا مطلبتش انك تمشي يالارا انا بديكي وقت تفكري لو علي الاقل بتحسي مشاعر ناحيتي انا مستعد احاول تاني بس انا تعبت من فكره انك هنا غصب عنك وانا عارف انها مجرد ايام وهتمشي وهرجع لوحدي ريحيني لوبكلمه بس يالارا
لارا:معرفش ليه سكت ومقدرتش اتكلم ولااعمل اي حاجه غير السكوت كاني مش عارفه اقول ايه او انا تايهه مش عارفه عايزه ايه ولابحس بايه
عمر بضيق:تمام يالارا مش محتاجه تقولي حاجه سكوتك كان الاجابه عن سؤالي كان عندي امل بس لاسف قلبي كان غبي انو حط امل من العدم ووهمني بحياه عمرها ماهعيشها امكن انا اللي مكنتش استاهل حبك يالارا وسبتها وخرجت من البيت
لارا بدموع:مقدرتش امسك دموعي وقعدت في الارض واحتضنت ساقاي ودفنت وجههي بين كفي
.............
سيلين:لما روحت اوضتي دخلت الحمام غسلت وجههي وخرجت لقيت ادهم قاعد انت جيت هنا امتي
ادهم بجديه:من شويه دخلت الاوضه من غير ماحد ياخد باله
سيلين بتنهد:تمام بس ياريت متسألش علي اللي حصل انهارده ياادهم
ادهم بعفويه:مين قالك اني كنت جاي عشان كده ورحت مسكت ايديها وشدتها لحضني انا جيت هنا لانك وحشتيني ياسيلين وكنت حابب اقعد معاكي بعيد عن الكل وكمان من غير تمثيل اننا متخانقين وهنسيب بعض بس انا معجب باللي عملتيه انهارده ياسيلين
سيلين بتساؤل:بعدت عنه شويه معجب باللي انا عملته ده اناافتكرت انك هتبقي مضايق وهتلومني علي اللي عملته
ادهم بتنهد:معجب لان اللي عملتيه محتاج شجاعه وقوه ياسيلين وانتي مكنتيش كده ساعت ماعرفتك وده ريحني نوعا ما ان لوحصلي حاجه مش هبقي قلقان عليكي لانك هتبقي قادره تحمي نفسك
سيلين بضيق:ادهم بلاش الكلام ده عشان انا مش هسمح لاي حاجه تاخدك اوتبعدك عني
ادهم بضحك:حاوطت خصرها طيب خلاص متضايقيش كنت بتكلم عادي ياسيلين
سيلين بعفويه:يلاتصبح هل لي خير ولازم تمشي دالوقتي قبل ما ماما ماتلقكش في اوضتك وتحصل مشكله
ادهم بابتسامه:اممم لامنا قررت افضل هنا انهارده بس هسألك حاجه اللي عملتيه انهارده ده اعتبره انتقام ولاغيره
سيلين بضحك:اعتبرهم الاتنين مع بعض وحاوطت عنقه وبعدين ده درس صغير عشان متجربش تقرب منك تاني لان وقتها لوحاولت هقتلها لقيته قطع كلامي بقبله اتناسيت كل شئ لولحظات حسيت براحه اثر قربه مني محستهاش بقالي فتره
ادهم بابتسامه:بعدت عنها شويه وازحت خصلات شعرها حابب اقضي وقت معاكي ياسيلين بعيد عن كل المشاكل اللي حصله انا عارف انو مهم انك تبقي بعيده عن التوتر والقلق عشان غلط عليكي بس صدقيني لوكان بايدي كنت بعدتك عن كل ده انا حاولت بس انتي عنيده وحابه تنفذي اللي في دماغك
سيلين بنبره خافته:طول مانت جنبي ياادهم انا كويسه لقيته قرب مني وحملني ادهم بتعمل ايه
لقيته نايمني علي السرير وجذبني لحضنه مجتليش فرصه اسألك السؤال ده قبل كده
ادهم باستغراب:سؤال ايه
سيلين بعفويه:بتتمني ان طفل ده يكون ولد ولابنت ياادهم وبصراحه
ادهم بابتسامه:ولوقولتلك اني مش فارقه معايا ولد ولابنت لان ايا يكن فانا هحب الاتنين ياسيلين بس كل اللي عايزه انك تبقي كويسه انتي والطفل وبس ده كل اللي يهمني
...............
تاني يوم الصبح،لارا بتعب:نمت من غير مااحس ولما صحيت الصبح كان لسه مرجعش برضو فلقيت ادهم في وجههي فسألته عليه
ادهم بجديه:لاالصراحه مشوفتوش من امبارح ممكن يكون في الشركه جربي اتصلي عليه
لارا بتنهد:جربت بس موبيله مغلق لسه هكمل كلامي لقيت موبيلي بيرن فرديت فلقيته عمي اثر كلامه الصدمه احتلت وجهي انا جايه حالا بعد فتره كنت وصلت المستشفي فين بابا ياعمي وحصله ايه لقيته ساكت طيب رد انت عليا ياسراج ماله بابا وبيعمل ايه في المستشفي
سراج بجديه:بصراحه يالارا مقدرتش اقولها،لارا اتكلمي مع الدكتور احسن
لارا بقلق:لقيت الدكتور طالع من الاوضه بابا فيه ايه طمني عليه هو كان كويس
الدكتور"بصراحه يالارا باباكي صحته مش كويسه زي مانتي عارفه هو مريض من فتره واكتشف مرضه متاخر ولاسف ملوش علاج ومكنش فيه حل غير انو ياخد علاج كيماوي بس ده مش هيوقف حاجه كان هيديه كام يوم زياده مش اكتر بس هو رفض انو ياخد عشان يقضي اكبر وقت معاكي يالارا بس لأسف حالته اتدهورت وانا اسف في اللي هقوله بس معدش في ايدينا حاجه نعملها عن اذنكم
لارا بعدم تصديق ودموع:لأانتوا اكيد بتضحكوا عليا بابا كويس ومش هيسبني هو وعدني بده وكمان احنا مبنخبيش علي بعض حاجه فاكيد مش هيخبي عليا مرضه
محمد بانفعال:فوقي يالارا ده الواقع وفكره انو مقلكيش فده عشان مكنش حابب يدايقك او يكون سبب حزنك كان كل مره بيتألم بيخبي ده وتعب كذه مره ونقلناه علي المستشفي بس انتي كنتي بتبقي في شغلك يالارا ولما صمم علي جوازك من عمر فده لانه عارف انه فضله ايام ويسيبك مكنش حابب تفضلي لوحدك لانه عارف انك معرفتيش تتخطي صدمه موت مامتك لحد دالوقتي ولوهو جراله حاجه هتفضلي لوحدك اختار يفضل في البيت مع ذكرياته ومعاكي بس ياريتك حسيتي بده يالارا كل تفكيرك انو ظلمك باجباره ليكي ورغم انو كل شويه بيتعب بس كان بيجي علي نفسه عشانك
لارا بصدمه........
يكمل
أنت تقرأ
احببت عدوتي
Ficción Generalمااصعب ان ندرك حقيقه الامور وان نري الحقيقه التي مر اعوام ونحن نظن غيرها،ويمكن ان نظن ان صله القرابه او الدم هي من انقي العلاقات واخلصها ولكن عندما نكتشف العكس وان اقرب شخص الينا او مانعتبره كذلك هو مجرد خدعه يطعن الذي امامه في ظهره،وتختلف ايضا بعض...
