نهال بصدمه ممزوجه بحده:لارا سيبي ايديها هتكسريها زودتيها اوي،كل اللي بتقوليه غلط مش معني اني بتهتم باادهم انها بتحبه مش عشان تحقق مصلحه
مها بالم:سيبي ايدي بقي يامجنونه هتكسريها
لارا باستخفاف:لامتخفيش لوحابه اكسرهالك كنت عملت ده من اول مامسكتها انا حذرتك بس واضح انك مفهمتيش كلامي ورحت زقتها جامد لدرجه انها وقعت علي الارض مخدتش بالي ان عمر كان واقف قدامي من كتر العصبيه،قبل ماتفكري تكلمي عليا او علي سيلين افتكري ان اللي عملته ده مجرد تحذير المره الجايه هرفع عليكي قضيه وشوفي مين بقي اللي يخرجك ياحلوه
نهال بعصبيه:رحت ساعدتها تقوم ماتلم مراتك ياعمر لو مش عارف توقفها عند حدها انا مستعده اعمل ده
عمر بجمود:عمتي قبل ماحضرتك تقولي الم مراتي ووقفها عند حدها المفروض تلمي مها هي ولسانها وتصرفاتها برضو،ووهم انها مظلومه ده مش عارف مصدقاه ومش قدره تشوفي حقيقتها اللي واضحه قدام الكل مراتي مغلطتش ياعمتي لما تبقي تقوليلها تحترم اللي حواليها يبقي اللي حواليها يحترموها ومعتقدش ان ده ممكن يحصل عن اذنك مسكت ايد لارا واتجهت لغرفتنا وقفلت الباب ممكن تتحكمي في اعصابك شويه يالارا مش ناقص مشاكل
لارا بجديه:مانت مشوفتش كلامها ولااهانتها ليا انا وسيلين هي فاكره نفسها مين
عمر بتنهد:لارا انا عارف ان مها لسانها طويل بس حاولي تتحكمي في اعصابك عشان متدخليش في مشاكل مش قدها
لارا بعتاب:انت واقف في صفها ياعمر
عمر بجديه:متهيألي اني مغلطتكيش قدام حد يالارا بالعكس وقفت معاكي ولما خدتك وبكلمك واحنا لوحدنا فده لاني مكنتش حابب اقلل منك قدام حد ودالوقتي انا مش بغلطك بس مها غاويه مشاكل فعشان متاذيش نفسك حاولي تتجنبيها ممكن لولمره تنفذي كلامي يالارا
..................
ادم بابتسامه:الجميل سرحان في ايه
ملك بتنهد:ولاحاجه بس انت بتعاكس ولاايه
ادم بضحك:لامش بعاكس ولاحاجه،هو سؤال هو انتي ليه مبتفكريش تغيري جو وتخرجي مثلا
ملك بجديه:عشان صعب اخرج في الفتره ديه
ادم بعدم فهم:يعني انا شايف انك اتحسنتي وان الموضوع مش هيكون خطر عليكي بالعكس هيساعدك
ملك بعفويه:لامش الموضوع كده هو عشان محدش يعرف اني عايشه اصلا ياادم حته ماما فاكره اني مت في الحادثه من اربع سنين انا عارفه اني فيه مشاكل حصله بسببي بالذات مع ادهم بس هما اللي رافضين اني اظهر قدام الكل
ادم بجديه:وليه هما عملوا كده فيه سبب يعني
ملك بتنهد:اه احمد السبب في كل ده وهو كان السبب في الحادثه اللي حصلتلي واللي انا فيه لحد دالوقتي هو دمرني فعلا هو عرف اني عايشه بس في غيبوبه لسه صعب انك تحب شخص وتثق فيه ويدمر حياتك بالشكل ده وميكتفيش بغدره وخيانته بالعكس حاول يخلص علي حياتك احيانا بتمني الايام ترجع وماخدش قراري بان كنت ارتبط بيه
ادم بجديه:احيانا بنندم علي قرارات كتير لان شيفنها اذتنا بس ممكن يكون ليها سبب في حاجه كويسه في حياتنا بصي ياملك انا حابب اساعدك تخرجي من الحاله اللي انتي فيها وتتحسني وترجعي زي الاول بس محاولتي مش هتنفع غير لوانتي عايزه ده فعلا وانك تتحسني واعتبريني صديق ليكي
ملك بتساؤل:ليه حابب تساعدني ياادم ولاانت بتعمل واجبك كدكتور مثلا
ادم بعفويه:لامش عشان انا دكتور وده واجبي ياملك ده عشان انا مريت بظروف مشابهه لظروفك بس باختلاف بعض الحاجات بس لاسف لقيت نفسي لوحدي مامبشوفش غير لوم الناس ليا حته القريبين ليا فضلت فتره بعيد عن الكل لحد ماخدت قرار باني لازم ارجع لحياتي الطبيعيه وده كان صعب لاني حاولت لوحدي ومن سعتها انا قررت اني لوفي ايدي اساعد اللي حواليا مش هتردد،انا عارف ان امكن ده من زمان انك مش بتتحمليني اوي فعشان كده ليكي حريه الاختيار
ملك بابتسامه:اديك قلت بقي كنت تفكيري كان فيه حاجات غلط كتير منها انك مش شخص وحش لدرجه اللي حطاها في دماغي وانا موافقه علي اللي قولته وهحاول عشان نفسي قبل الكل بس عندي شرط
ادم باستغراب:وده اللي هو ايه
ملك بعفويه:شرطي ان بعد مااتحسن ملقكش اختفيت لانو انا هعتبرك من انهارده صديق ليا ومش بمجرد ماتخلص واجبك تنسحب هاااايه رأيك تقبل انك تكون صديق ليا ياادم
ادم بضحك:موافق ياملك بس مترجعيش تندمي علي كلامك ده بعدين😂
............
سيلين بدهشه:دينا بتعملي ايه هنا في المستشفي
دينا بجديه:لقيتك مبتسأليش فقولت اشوفك مختفيه فين
سيلين بعفويه:انا اسفه بجد بس الفتره ديه كنت مشغوله في حاجات كتير
دينا بجديه:هسامحك بشرط انا جايبه اكل ونتغدي مع بعض
سيلين بتعب:بس انا مش قدره اكل يادينا معلش كلي انتي
دينا بتنهد:بس انتي لازم تاكلي ياسيلين و أنتي عارفه انا بقول كده ليه
سيلين بتعب:مليش مزاج اكل دالقتي شويه كده
دينا بجديه:واضح انا مبينفعش معاكي غير اجبار ادهم ليكي
سيلين بضحك:لامتخفيش سعات مبيقدرش عليا كمان وبعدين يعني هو مشغول والظروف وكده
دينا بعفويه:كله هيبقي خير انشاء الله
سيلين بجديه ممزوجه بحقد:مفيش حاجه هتبقي خير في وجود ايمن واحمد لعبوا عليا لعبه وقعت فيها قبل كده بسبب سذاجتي بس المرادي مش هرتاح غير لما ادمرهم واخد حقي علي كل حاجه عملوها معايا،هدمرهم بالبطئ وهوقع بينهم لان ده هيكون سبب ضعفهم
دينا:ناويه علي ايه ياسيلين
سيلين بابتسامه:مستنيه حاجه اعرفها وبعدها هكمل خطتي
..............
لارا باستغراب:انت هتنام دالوقتي
عمر بجديه:اه يالارا عندك مشكله فده كمان تعبان ومحتاج انام ممكن تقفلي النور
لارا بتنهد:هخلص كام حاجه كده بسرعه وبعدين اقفلوا يعني ممكن تستني مش هيجرالك حاجه يعني
عمر بعفويه:مش معقول حسدتك عشان مروحتيش الشغل قلتي هتعملي الشغل من البيت
لارا بتنهد:عايز ايه ياعمر ماخلصش شغلي يعني
عمر بتساؤل:وياترا قضيه ايه اللي شغاله عليها يالارا دالوقتي
لارا بعفويه:قضيه طلاق
عمر بسخريه:اه طيب كلها فتره والقيكي زي ماقعده سهرانه علي قضيه طلاق اتنين هلقيكي سهرانه علي ورق طلاقنا احنا
لارا باستنكار:واضح انك بتتريق
عمر بجديه:لامش بتريق لاسف ديه الحقيقه اللي هتحصل في اي وقت
لارا بتنهد:عمر انت عارف من الاول ان جوازنا كان غلط وقولتلك متحطش امل ان علاقتنا ديه ههتغير بس انت اللي اتغيرت وانا فعلا مستاهلش انك تعلق نفسك بامل وهمي
عمر بنبره خافته:لارا انا مش اله عشان اتحكم في مشاعري انا اه امكن يكون عندي امل ضعيف انو هيجي يوم وتتغيري شويه يالارا وده مش عايزه عشاني عايز اشوف بتعملي ده عشان نفسك اولا
لارا بضيق:وتفتكر يعني هتغير بسبب كلامك ليا ده دايما ياعمر تبقي غلطان
عمر بابتسامه:عمرك ماتفهميني يالارا وده مش عشان انتي غبيه لأ بس عشان انتي مش حابه تفهمي كلامي هقولك جمله بتمني تفهميها عمر ماكان الشغل والنجاح فيه وان يبقي معاكي فلوس كتير هو السبيل لسعاده الوحيد بالعكس مع الوقت هتكتشفي ان ضيعتي سنين من حياتك وانتي معتقده ده وهو غلط سبيل السعاده وهو ان الانسان يكون راضي عن نفسه مش يرضي اللي حواليه علي حساب نفسه
لارا بجديه:بس انا راضيه عن نفسي وانتوا اللي مش عجبكوا اي حاجه بعملهاومش مضطره اتغير عشان حد او اني اعجب اللي حواليا
عمر بجديه:انتي مش بتحاولي تقنعيني بكلامك ده بالعكس بتحاولي تقنعي نفسك بانك سعيده وراضيه عن حياتك يالارا ترددك في حاجات كتير هو اللي يثبت ده بس ياترا لامتي هتفضلي في الوهم ده
.............
نهال بجديه:ادهم كنت فين طول النهار
ادهم :عادي كنت في الشغل ياماما فيه حاجه
نهال بجديه:بس انا سألت عليك في الشركه قالوا انك مروحتش انهارده فكنت فين
ادهم باستنكار:ماما انتي بتراقبيني افتكري كويس اني معودتش صغير عشان تعملي كده
نهال بجديه:واللهي من بعد جوازك بالبنت ديه وانا بقيت بخاف عليك ومن حقي اطمن وانك تبدأ حياتك من جديد وتختار بنت وتجوزها
ادهم بجمود:ماما ديه حياتي وانا حر اعمل فيها اللي انا عايزه وانا عجباني حياتي علي كده ومش حابب اتجوز عن اذنك لسه همشي لقتها مسكت ايدي
نهال بجديه:عدم موافقتك علي الارتباط والجواز يعني انك لسه بتحبها ياادهم انا مش هاممني اللي حاصل في البيت ده انا عايزاك تجوز انت ومها في اسرع وقت وده يبقي اثبات انها معدتش جزء من حياتك ياادهم لان لوحصل غير كده انت عارف ممكن اعمل ايه
ادهم باستخفاف:مش محتاج اثبت لحد ان سيلين معدتش جزء من حياتي ياماما
نهال بجمود:انا محتاجه اثبات لده لان تصرفاتك ورفضك بيدل انك لسه بتحبها ولواكتشفت ده هيكون واجبي اني اخرج سيلين من قلبك بطريقتي وسعتها محدش هيقدر يمنعني ممكن اعمل اي حاجه عشان ابعدها عنك
ادهم بصدمه:ماما انتي بتقولي ايه
نهال بجديه:انا قولت اللي عندي ياادهم القرار ليك
ادهم بجمود عكس اللي يشعر به:انا موافق ان تتم خطوبتي انا ومها في اقرب وقت عشان اثبتك اني معدتش بحبها بس بالنسبه لجواز فانا مش مستعد لخطوه ديه دالوقتي
نهال بفرحه:ياه فرحتني ياادهم وريحتني ورحت حضناه انا متاكده ان مها هتقدر تسعدك وفي خلال يومين هظبط كل حاجه
ادهم بابتسامه تخفي الكثير:اللي يريحك ياماما عن اذنك
مها بابتسامه انتصار:ياه اخيرا حققتيلي اللي كنت عايزاه ياعمتي من زمان اتجهت ناحيه المطبخ فلقيت لارا هناك
لارا باستغراب وفي نفسها:مالها فرحانه كده ليه لسه كنت همشي بس وقفت اثر صوتها
مها بابتسامه:استني بس يالارا حابه اقولك الاخبار الجديده وهو اني انا وادهم خطوبتنا بعد يومين
لارا بدهشه:ايه بلاش تخترعي قصص ملهاش لازمه يامها
مها باستخفاف:لومش مصدقاني روحي اسألي ادهم ولاهيبقي صعب عليكي عشان هو اتخلي عن اختك خلاص ونسيها وطلعها من قلبه وانا اللي هاخد مكانها بعد فتره وقدام الكل هبقي مراته
لارا بعصبيه:سبتها واتجهت لغرفه ادهم بعد فتره فتحلي الباب ايه اللي انت بتعمله ده بالسهوله ديه خدت قرارك
ادهم بجمود:لارا مش حابب اتكلم دالوقتي اجلي الموضوع لوقت تاني وبعدين القرار اللي انا خدته هو الصح
لارا بعصبيه:انت شايف ان قرارك صح بان تتم خطوبتك انت ومها بعد يومين
ادهم بجمود:ايوه ممكن تسبيني لوحدي بقي بعد مامشيت قفلت الباب وسندت راسي لورا وفي نفسي انا اسف ياسيلين بس انا مضطر اعمل ده
.............
سيلين بشرود وفي نفسها:روحت البيت وحسيت نفسي تعبانه فقعدت شويه فشردت في كل حاجه حصلت الفتره اللي فاتت اتمني يابابا انك كنت تبقي موجود معايا وجنبي محتاجاك في حاجات كتير مش قدره اوصل لاجابه ليها معقول كل حاجه عشتها السنين اللي فاتت كانت مجرد لعبه ووهم وخداع بس انا ماذتش حد عشان يحصلي كل ده اوووف سندت راسي بين كفي فسمعت حاجه وقعت فقومت واتجهت لمصدر الصوت فلقيته جاي من ناحيه المخزن ففتحت النور ونزلت السلم ببص لقيت الشباك اتفتح من الهواء ووقعت ملفات كتير اووف اتجهت ناحيتهم وقفلت الشباك وميلت باتجاهم عشان اجمع الحاجات اللي وقعت شيلت ملفات بس لقيت فيه ورق بعيد فروحت اشوفه لما عدلته لقيت اوراق خاصه بالشركه بتاعت بابا واللي بقت باسم احمد خدت الورق ده والحاجات ديه كلها ورجعت اوضتي قلت اكيد هلاقي فيها حاجه اتخضيت اثر صوت ميرا
ميرا:كنتي فين كنت بدور عليكي وايه الورق ده كله
سيلين بتنهد:ورق قديم يخص الشركه وحاجات تانيه كتير اكيد فيهم حاجه تفيدنا
ميرا بجديه:طيب كنت قاعده بدور معاها في الورق لحد مالقيت ورق صغير تقريبا بتاع مذكرات وكان مقطوع منها سيلين ايه ده
سيلين:خدته منها فلقيت ده خط بابا فافتكرت حاجه استني كده ورحت طلعت مذكراته وفتحتها فلقيته نفس الورق ده مقطوع من مذكرات بابا وبخط ايده انا قريت المذكرات ومكنش فيها حاجه بس ليه الورق ده مقطوع
ميرا بجديه:سيلين لازم تقريه ممكن يكون فيه حاجه مهمه وحد كان عامل كده قصد
سيلين بتنهد:عندك حق مسكت الورق وابتديت اقراه"من اربع سنين كنت انا وماجد بندير شركتين من اكبر الشركات بمساعده بعض كانت حياتنا مختلفه عن بعض بس انا كنت بعزه وبعز ابنه ادهم كنت بعتبره زي سيلين وهما فعلا اتصاحبوا علي بعض كان عندنا امل انو احنا ممكن نجوزهم لبعض لما يكبروا وتبقي اتحولت صداقتنا لعلاقه بتربط العيلتين كانت كل حاجه كويسه لحد مافي يوم اكتشفت ان فيه حسابات غلط في شركتي وانها متاخد منها مبلغ كبير المشكله ان كل الادله كانت ضد اعز صديق ليا وحصلت مشاكل بينا وزادت مع الوقت بسبب ابني احمد واتقطعت الصله بينا قلبي مكنش مصدق انو ممكن يغدر بيا كده بس عقلي كان قدامه ادله صعب انو يكدبها مع الوقت اكتشفت انو الموضوع لسه موجود والشركه خسرت مبالغ كتير في الفتره اللي كنت تعبان وارتحت فيها ولما رجعت الشركه وبدور في الحسابات وبسأل الموظفين كلهم جاوبوا بان احمد هو اللي كان ماسك كل حاجه ليها علاقه بالفلوس ورفض حد يراجع وراه وحته أنو طرد موظفين مكنش ليهم ذنب معقول ابني يعمل كده لما واجهته باللي عرفته كانت اكبر صدمه مرت في حياتي وانو هو اللي عمل كل ده وبسببه خسرت صاحب عمري طردته من الشركه وحذرته بس نظراته كانت مختلفه استحاله ده يكون ابني اللي ربيته اتغير كتير بعدها اتعرضت لحادثه ولاسف ابني كان سببها كان عايز يخلص مني عشان الشركه عشان كده قررت اكتب كل حاجه باسم سيلين حته الشركه فهي من حق سيلين وبس وطلبت من ادهم يجي كنت عارف انو ممكن مفضلش عايش كتير ولاني بثق فيه سلمته مسئوليه انو يحمي بنتي سيلين بس من غير ماهي تعرف ده وفعلا اللي كنت خايف منه حصل.......
يكمل
أنت تقرأ
احببت عدوتي
Ficción Generalمااصعب ان ندرك حقيقه الامور وان نري الحقيقه التي مر اعوام ونحن نظن غيرها،ويمكن ان نظن ان صله القرابه او الدم هي من انقي العلاقات واخلصها ولكن عندما نكتشف العكس وان اقرب شخص الينا او مانعتبره كذلك هو مجرد خدعه يطعن الذي امامه في ظهره،وتختلف ايضا بعض...
