ادهم بجديه:لو اضطريت هروح اقولها الحقيقه كلها واني انا اللي خطفتك في الاول واجبرتك تفضلي معايا ياسيلين لوده يريحك
سيلين بصدمه:بجد عشان حد يسمعك وتتسجن ياادهم انا كده من وجهه نظرك هرتاح يعني سبته واتجهت لخارج وقعدت فلقيته جيه وقعد جنبي ادهم حابه اقعد لوحدي ممكن تسيبني
ادهم بجديه:لامش همشي ياسيلين انا مش قادر افهمك ليه دالوقتي مضايقه
سيلين بعصبيه:مقدرتش اتحكم في اعصابي عارف مضايقه ليه ياادهم عشان انا مكنتش حابه تتخانق مع مامتك بسببي كل كلامها وتصرفتها لانها خايفه عليك مش اكتر مكنتش حابه ان علاقتك بيها توصل لهنا هتقولي انك شايف اللي بتعمله صح وانا بقولك لأ لاني مش حباك تخسر مامتك زي ياادهم احيانا بتمني ان تكون عيلتي مختلفه لان لاسف كل الناس هتحكم عليا من خلالها ليها حق تخاف
ادهم:سيلين اهدي ونتكلم براحه كل ديه اوهام
قطعتني بعصبيه ممزوجه بضيق:لأمش اوهام انا لاول مره من سنين اشوف الحقيقه ويارتني ماشوفتها ياريت لواقدر اغير كل ده مامتك عندها حق ازاي قادر تثق في واحده مامتها غدرت بيها وخانتها واخوها اللي مفروض يحميها ويخاف عليها عايز يخلص منها ويقتلها وهو مجرد مجرم قتل بابا عشان الفلوس والاملاك انا مين في وسط كل دول الاوهام اللي عشت فيها والاكاذيب كانت ارحم بكتير من الحقيقه عمي ماجد مكنش غلطان واحمد كان السبب في كل المشاكل،بانهيار ودموع:انت تستاهل حد يكون احسن مني بكتير ياادهم انا من ساعت مادخلت علي حياتك وانا دخلت عليها المشاكل والمصايب كنت هتموت بسببي هو كان عايز ينتقم مني فيك انا مجرد لعنه دخلت علي حياتك معملتش حاجه غير الخراب ابتديت احس بدوخه شديده لقيته بيقرب مني فرجعت لورا قولتلك ابعد عني
ادهم بصدمه ممزوجه بقلق:مفيش حاجه ولقيتها هتقع فلحقتها بس كانت فقدت وعيها سيلين ردي عليا سيلين حملتها واتجهت لداخل
..............
ادهم بقلق:اتصلت علي مازن وبعد فتره كان رد الو يامازن انت فين دالوقتي
مازن باستغراب:انا في البيت خير فيه حاجه ماله صوتك
ادهم بقلق:حكتله علي اللي حصل انقلها علي المستشفي ولاهي هتبقي كويسه
مازن بجديه:لاخليك انا جايلك غالبا ممكن يكون جالها انهيار عصبي متقلقش خليك جنبها وانا جاي بعد ماقفلت معاه كنت نسيت اني قاعد معاهم فتقريبا سمعوا المكالمه
ملك:من غير اعتراض هاروح معاك يامازن،وافق ورحت معاه لحد هناك بعد فتره لما وصلنا مازن اداهامهدئ وهو راح علي المطبخ وانا قعدت جنب ادهم،انت اتخانقت مع ماما يااادهم
ادهم بضيق:اه اتخانقت معاها وسبت البيت لاني تعبت ياملك وجود سيلين هناك كان غلط مكنتش المفروض اخليها هناك اه ممكن متبينش ان كلام ماما مش فارق وانها اتعودت بس انا متاكد انو العكس سيلين مهما وضحت لحواليها انها قويه فهي لاسف فيه حاجه مكسوره جواها صعب تتصلح
ملك بتنهد:بص ياادهم رغم اني معرفش سيلين من فتره طويله اوي بس هي قدره تتخطي كل ده وكمان هي مش هتهدي غير لماتنفذ اللي في دماغها هي مضايقه وزي ماتقول في صدمه لما تتقبلها كلها هتتحسن صعب علي الانسان انو يتصدم بحاجات عاش عكسها حاول تحس بيها
ادهم بشرود:مكنش المفروض تيجي ياملك افرضي
انو
قطعتني بجديه:انواحمد يعرف اني فوقت من الغيبوبه متقلقش انا بقيت احسن من الاول بكتير وبعدين انا لامتي هفضل مستخبيه عشان خايفه طول مااخواتي معايا وجنبي متاكده انو مش هيقدر يأذيني بس انا لازم اصلح كل حاجه ياادهم وده قرار كنت خدته من فتره بس كنت مستنيه الوقت المناسب
.................
في الليل،نهال باستغراب:مالك يانور قاعده لوحدك ليه حته مرضتيش تيجي تاكلي
نور بحزن:عسان انا زعلانه منك ياتيته اتخانقتي مع خالوا ومع سيلين وخلتيهم يمسوا ويسيبوا البيت
نهال بنفاذ صبر:نفسي اعرف سيلين عملالكم ايه او ايه المميز فيها عشان بدافعوا عنها وبتحبوها كده
نور بطفوله:هي بتحبني وبتلعب معايا ومس بتضايقني هي لطيفه معايا
نهال بضيق:بس سيلين مش زي مانتي شيفاها يانور انتي لسه صغيره ومتقدريش تشوفي اللي شيفاه اناوبعدين خالك سابك ومشي بسببها
خادم:مدام نهال فيه بنت وشاب بره وبيقولوا عايزين حضرتك ومقالوش اساميهم بس بيقولوا حاجه مهمه
نهال بتنهد:طيب هنزل اشوف مين سبت نور واتجهت لصاله مكان مكانوا موجودين لقيت شاب وبنت منتقبه خير مين انتوا الصراحه انا معرفكوش
ادم بابتسامه:مش معقول معرفتنيش ياطنط انا ادم صديق مازن المقرب كنت باجيله كتير هنا
نهال بدهشه:اه افتكرتك انا اسفه يابني شكلك اتغير شويه فمعرفتكش اخبارك ايه ديه مراتك صح
ادم بابتسامه:انا كويس الحمدلله
نهال بعفويه:دايما يابني بس لازم اتعرف علي مراتك اسمها ايه
ملك بعفويه:انا اسمي ملك اتشرفت بمعرفتك
ادم بابتسامه:عمتي بصراحه فيه حاجه بتمني تسمعيني لاخر
نهال باستغراب:اتفضل يابني
ادم بجديه:حضرتك سمعتي قبل كده عن ناس بتعمل حادثه وتدخل في غيبوبه لمده طويله والدكاتره بتفقد الامل في ان الشخص ده يفوق بس ربنا بيكتبله ان يفوق بعد مده حوالي4سنين
نهال بعدم فهم:اه سمعت الموضوع ده بس ديه حالات نادره بس انت ليه بتقولي الكلام ده واشمعنا4سنين
ادم بتنهد:اسمعيني لاخر وهتفهميني تخيلي معايا انك تصحي في يوم وتلقي ملك بنتك واقفه قدامك وانها مماتتش في الحادثه وحصلها حاجه مشابهه للي انا قولته وان ربنا انقذها يومها
نهال بعدم استيعاب:انت بتقول ايه ياادم انا بنتي ماتت من اربع سنين وكام شهر مستحيل ترجع تاني بتمني لوكانت لسه عايشه بس ديه امنيه مستحيل تتحقق حته اني مقدرتش اودعها
ادم بابتسامه:امكن بعض الامنيات صعب تتحقق بس امنيتك ديه اتحققت ملك لسه عايشه ياعمتي
ملك بجديه:رفعت النقاب انا اسفه علي كل دمعه نزلت بسببي ياماما صدقيني كنت حابه اجيلك من زمان بس استنيت صحتي تتحسن وزي مانتي شايفه انا رجعت عشان خاطري متعيطيش ورحت حضنها ياه وحشني حضنك ياماما
نهال بدموع:وانتي كمان وحشتيني ياملك مش مصدقه اني شوفتك وانك كويسه لوده حلم بتمني مقومش منه
ملك بابتسامه:بعدت عنها ومسحت دموعها لامش حلم ياماما ديه حقيقه قعدت جنبها
نهال بعدم فهم:امال كنتي عايشه فين الفتره ديه كلهاو متقوليش ان ادهم كدب عليا كل ده ياملك ازاي قدر يعمل كده مش كفايه اللي عمله بجوازه من سيلين لإوكمان خلاني اتعذب طول السنين ديه علي بنتي انا مش هسامحه وقلبي مش راضي عليه لاخر يوم في حياتي ولاهو ولاعمر ومازن لان اكيد كانوا عارفين ومخبين عليا
ملك بجديه:ماما انا هنا جنبك اهو واللي اخواتي عملوه فعشان كانوا خايفين عليا عمرك مافكرتي ادهم وصل لايه عشان يفضل يحميني طول السنين ديه كان مدمر وانتي دالوقتي ياماما مستكتره عليه انو يعيش حياته ادهم حبه لسيلين صادق ليه حابه تفرقيهم عشان احمد من امتي ياماما وقلبك بقي قاسي مش قادر يشوف طيبه سيلين وانها بتعمل اي حاجه عشان تحمي علاقتها هي وادهم واكيد مش هتفكر في الفلوس لان هي معاها وباباها سايبلها اللي يخليها متحتجش لحد
نهال بضيق:ملك عشان خاطري مش حابه اجيب سيرتها ولاسيره ادهم هو معدش ابني اللي ربيته بلاش تقفي جنبه كالعاده
ملك بعفويه:انا اخته الكبيره ولوكنت شايفاه غلطان كنت بعدته عن الطريق ده بس ادهم لاول مره يمشي في الطريق الصح قراره مش غلط،كلامك اكيد جرح ادهم لانه بيحبك كتير بس ليه حابه تقفي قدام سعادته صدقيني مش هتلاقي احسن من سيلين تكون مرات ابنك
نهال باستنكار:وليه متكونيش انتي الغلط ياملك انتي متعرفيش حاجه عنها وهي قدرت تخدعكم مش اكتر
ملك بجديه:لوفرضنا كده وانها مش كويسه ليه كانت هتنقذ ادهم كذه مره هي عمرها ماشجعت ادهم يبعد عنك واختارت هي تبعد لحد مالمشاكل تخلص لوكانت زي مانتي معتقده كانت بعدت ادهم عنك من زمان
نهال بتنهد:ملك انا حابه اقعد معاكي مش عشان اقعد اتكلم عليها او علي ادهم
قطعتني بعفويه:بس انتي لازم تسمعيني لاخر ياماما بلاش تقولي كلام وتغلطي في حقها عشان متندميش سيلين فعلا كانت تعبانه ساعت مامشيت من هنا وده شئ طبيعي ورغم ده ضغطت علي نفسها وانهارده جالها انهيار عصبي واتخنقت مع ادهم لانه قرر يسيب البيت وانو اتخانق معاكي عشانها والمفروض انها متنفعلش اصلا بس اللي حصل اتحملت اهاناتك ياماما ورجعت البيت عشان تحميكي من مها وتخرجها من البيت لانها كانت عايزه تاخد كل حاجه وبعدها تخلص من ادهم دافعت عنك ديه جزاتها مش في ايديها تغير عيلتها ياماما لوجرالها حاجه او لطفل اللي في بطنها هيكون بسببك ياماما بلاش تتحملي انك تكوني السبب لان لوحصل حاجه من دول فاعرفي انك خسرتي ادهم خالص ياماما
................
سيلين:ابتديت افتح عينيا فلقيت ادهم قاعد جنبي هي الساعه كام او ايه اللي حصل
ادهم بنبره قلق:الساعه4الصبح ياسيلين انتي كويسه
سيلين بنبره خافته:متقلقش انا كويسه بس انا نمت كل ده ازاي
ادهم بعفويه:مازن اداكي مهدئ ففضلتي نايمه من امبارح
سيلين باستغراب:وانت قاعد جنبي كده من امبارح ياادهم
ادهم بابتسامه:مش صعب عليا افضل جنبك كل الوقت ده يعني كل اللي كان هاممني انك تبقي كويسه مش اكتر
سيلين بعفويه:اعتدلت في قعدتي وارجعت خصلات شعري لورا انا اسفه اني اتعصبت وانفعلت لدرجاتي مكنتش قاصده بس انا كنت مضايقه وجت فيك عمتا لازم تنام لانك منمتش من امبارح
ادهم بجديه:لاخليكي قعده انا مش جيلي نوم عمتا بس لقيتها ماسكه الموبيل يعني انا قاعد معاكي وانتي اول ماصحيتي مسكتي موبيلك
سيلين بضحك:عادي ياادهم قولت اشوف فيه رسايل ولالأ
ادهم باستغراب:مش مرتاحلك ياسيلين
سيلين بابتسامه:انا عملت حاجه دايما ظالمني😂،ورحت قربت منه وطبعت قبله علي خده يلاهسيبك تنام تصبح علي خير لسه هقوم من جنبه لقيته شدني من ايدي فرجعت مكاني وهو بقي بيعتليني حاوطت عنقه بزراعي
ادهم بابتسامه:مقولتلك مش جيلي نوم فيه حاجه عايز اوضحالك انتي بالنسبالي ياسيلين كل حاجه في حياتي والاحسن كمان امكن انا اللي مستهلكيش علي اللي عملته معاكي قبل كده مكنتش المفروض اعمل كده انا بحبك انتي وهفضل احبك مهما يكون كلام الناس مش هسكتلهم وكمان انا ميفرقش معايا مين عيلتك ياسيلين ولاهما عملوا ايه فكره انك بنت عمي طارق فالمفروض تفتخري بده الباقي عمرهم مااستاهلوا وجودك في حياتهم ياسيلين متطلبيش مني ابعد عنك تاني لاني مستحيل اعملها
سيلين بعفويه:بس انا خربت حاجات كتير وعملت مشاكل في حياتك ياادهم
ادهم بنبره خافته:سيلين انتي نورتي حياتي بعد ماكانت اتحولت لمجرد ضلمه وحقد وانتقام وبس قدرتي تدخلي الحب علي قلبي انتي مصدر قوتي ودعمي انتي كملتيني ده مش كفايه ياسيلين بالنسبالك من ساعت حادثه ملك وماما اتغيرت وكنا معظم الوقت علي خلاف يعني مش وجودك السبب ياسيلين
سيلين بجديه:بس انا زودت الخلافات وبسببي سبت البيت
ادهم بعفويه:سيلين انتي بتثقي فيا اني اللي عملته ده هو الصح دالوقتي حته لو انتي شايفه العكس بس صدفيني وجودي هناك مش هيحل المشاكل هتزيد وانا مش عايز ده وانتي ملكيش اي علاقه باللي حصل وياريت الفتره ديه لونبطل نتكلم عن الموضوع ده لان الكلام فيه مش هيغير وجهه نظري
سيلين بابتسامه:بعدت عنه شويه انا بثق فيك اكتر من نفسي ياادهم بس من انهارده اوعدك اني مش هنفتح سيره الماضي والمشاكل الاخيره لحد مايجي الوقت المناسب وتتحل كل المشاكل انا حاسه ان ده هيحصل قريب وجيت اقوم فرجعني مكاني تاني
ادهم بابتسامه:وانا كمان عندي احساس ان كل ده هينتهي قريب وترجع كل حاجه لطبيعتها ولكل حاجه وقتها بس انا دالوقتي مش حابب اتكلم في حاجه حابب اقضي وقت معاكي لان اخيرا وبعد فتره قادر اني اكون معاكي بعيد عن كل حاجه وكنت في كل لحظه بيوحشني وجودك جنبي واني اصحي الصبح اشوف ابتسامتك اللي بعشقها ولحد دالوقتي بتوحشيني حته وانتي قدامي
سيلين بابتسامه:وانت كمان وحشتني وقبل مااكمل لقيته احتضن شفتاي في قبله بادلته اياها متناسيه كل ماحولي او كل مامررت به خلال الفتره الاخيره
...........
لارا باستغراب:هي الدنيا هاديه كده ده كان البيت مفهوش حد
عمر بتنهد:معرفش فاجئه لقيت مرات عمي متجه نحوي بس ملامحها متغيره عامله ايه وقبل مااكمل لقيتها ضربتني كف علي وجهي ومسكتني من الجاكيت اللي كنت لبسه
نهال بانفعال:ليه عملتوا معايا كده رد عليا طبعا مستغرب انا عرفت الحقيقه اللي خبتوها عليا طول السنين اللي فاتت وان ملك لسه عايشه هي كانت هنا ومشيت استفدتوا ايه لما كنتوا بتشوفوا قلبي محروق عليها اربع سنين حته مدوتنيش فرصه اشوفها لاخر مره خلتوني وصلت لمرحله معدتش شايفه حاجه قدامي وقلبي بقي كله حقد وانتقام ناحيه احمد وعايلته عشان هو السبب اللي خد بنتي مني واتفاجئ ان كل اللي عشته كان اوهام هاا رد عليا ليه
عمر بجديه:...........
يكمل
أنت تقرأ
احببت عدوتي
Tiểu Thuyết Chungمااصعب ان ندرك حقيقه الامور وان نري الحقيقه التي مر اعوام ونحن نظن غيرها،ويمكن ان نظن ان صله القرابه او الدم هي من انقي العلاقات واخلصها ولكن عندما نكتشف العكس وان اقرب شخص الينا او مانعتبره كذلك هو مجرد خدعه يطعن الذي امامه في ظهره،وتختلف ايضا بعض...
