سيلين بصدمه:نعم ليه انشاء الله حد قالك اني كنت موافقه علي ان ابقي مراتك وفرحانه لدرجه انو تقول فرحنا اقولك علي حل حلو انت مش نفذت اللي انت عاوزه وحبستني هنا بالاجبار فدور علي عرسه بقي توافق عليك ويبقي فرحكم بعد شهر وانا صدقني هفرح من قلبي
ادهم بعفويه:مش بحب فكره الجواز لدرجه اني اتجوز تاني ياسيلين وبعدين انا منفذتش اللي انا عايزه كله وبعدين انتي مش شايفه نفسك كفايه يعني
سيلين بضيق:ده علي اساس مين اللي هتقدر تستحمل اسلوبك لمده يومين حته
ادهم بغيظ:فيه ناس هتستحمل وغصب عنها ياسيلين وقصري لسانك شويه عشان متندميش
سيلين باستفزاز:لساني قصير وهو كده اذا كان عاجب مش عجبك طلقني وريح نفسك
ادهم:بعينك ياسيلين مش هيحصل
سيلين بنفاذ صبر:مشيت من قدامه لان حسيت لوفضلت اكتر هخنقه وارتاح دخلت اوضه الضيوف اللي قعده فيها وغيرت هدومي وقعدت علي السرير كنت دايما اقول مستحيل اتجوز بس مكنتش اعرف ان المستحيل هيبقي ممكن بالاجبار وان اتجوز شخص زيه نمت من كتر التفكير
................
تاني يوم الصبح في المستشفى،مازن بجديه:معادنا كان9ودالوقتي9ونص ياريت بعد كده تبقي مواعيدك مظبوطه يادينا
دينا بضيق:اسفه يادكتور مازن فضلت النهار كله معاه بدخل معاه لما بيباشر المرضي بس معرفش ليه ادايقت من كلامه معايا رغم اني انا اللي طلبت منه ان كلامنا يبقي في حدود الشغل ورسمي اتجه هو لمكتبه وانا رحت الكافيتريا اشرب قهوه بعد ماجبتها وكنت هرجع تاني لقيت حد اعترض طريقي
دكتور ايمن بابتسامه:اكيد انتي من المتدربين الجداد بس مش نتعرف علي الجميل وبيشتغل مع مين برضو
دينا بجديه:واضح انك ذكي يادكتور بس انا مش حابه اتعرف ومتهيألي شئ ميهمكش بشتغل مع مين
وسبته ومشيت
ايمن بابتسامه غريبه:هتروحي فين مني مسيرك توقعي تحت ايدي
مازن باستغراب:لقيتها جايه ناحيتي وحطت القهوه وكان باين انها مضايقه فمسكت ايديها قبل ماتمشي انتي كويسه
دينا بتنهد:انا حسه اني زودتها معاك الفتره اللي فاتت فاسفه يامازن انا معرفش ليه انفعلت من غير سبب رغم اني المفروض اكون فرحانه اني شفتك بعد السنين ديه كلها وكمان انك نجحت في تحقيق حلمك اكيد البنت اللي ارتبطت بيها محظوظه
مازن بعفويه:بس انا متجوزتش يادينا وبالنسبه للي حصل بينا الايام اللي فاتت فانا مقدر انك مضايقه بسبب اللي حصل وطلاقك من احمد
دينا بابتسامه:مين قالك اني مضايقه اننا انفصالنا ديه حاجه كنت عايزاها من فتره طويله واخيرا حصلت
مازن باستغراب:دينا انتي في وعيك صح اول مره اشوف واحده فرحانه انها اطلقت
دينا بتنهد:فيه انا وده لأسباب كتير وبعدين هضايق لو كنت مثلا بحبه وده طبعا مش موجود مع الوقت كمان اكتشفت انو كان مجرد اعجاب وقت الجامعه مش حب وبعدين علاقتنا مدمره بقالها خمس سنين ومستحيل تتصلح يامازن بس كده
مازن بجديه:وابنك متقبل انو يبعد عن باباه
دينا بضحك:هو اصلا شبه مكنش بيشوفه كتير عشان يضايق هو عمره مااهتم بيه او اقعد معاه حته ده غير خناقتنا الكتير فده ممكن الحاجه الوحيده اللي كانت عمله مشكله ليوسف بس صدقني من مصلحته ان يبعد عن احمد لانه ممكن يعمل اي حاجه في سبيل مصلحته
.................
نهال بابتسامه:دخلت المطبخ لقتها بتعمل قهوه صباح الخير ياسيلين
سيلين:صباح النور ياماما نهال
نهال بابتسامه:امال فين ادهم مشفتهوش
سيلين في نفسها:ويارب مااشوفه كده احسن رديت عليها لأمشفتوش
نهال بتنهد:يبقي لسه نايم انا هخليهم يحضروا الفطار لوقتها ياسيلين روحي صحي ادهم وانا هروح اشوف نور
سيلين بصدمه ممزوجه بتوتر خفي:لأ انا هروح اصحي نور واجيبها معايا وحضرتك صحي ادهم
نهال بضحك:لأسبيلي نور وروحي انتي صحي جوزك ولامتكونيش خايفه تصحيه
سيلين بتوتر:من قبل مااتكلم كانت سبتني واتجهت لنور ياربي علي اللي انا فيه يعني انا بهرب من وشه وهي خلتني اروحله قال جوزك كان يوم اسود يوم معرفته وامبارح كان اسود يوم في حياتي وصلت لغرفه خبطت بس الباب اتفتح بعد تردد كبير قربت من السرير ادهم مامتك بتقولك قوم عشان الفطار لقيت ولاالهوا فجربت اخبط علي كتفه بس لقيته شدني من ايدي وبقي بيعتليني
ادهم بنفاذ صبر:نعم يامزعجه صحيت اهو خير
سيلين بتوتر:مامتك هي اللي طلبت مني اصحيك عشان الفطار ممكن تبعد عني بقي لقيته بعد عني وقام من السرير ماصدقت ورحت هربت بسرعه
ورحت عشان افطر
نهال:امال فين ادهم ياسيلين
سيلين بعفويه:قام بس هيغير هدومه ويجي امال فين الباقي
نهال بتنهد:عمر خرج عشان وراه حاجه ومازن راح المستشفي ادهم جيه اهو صباح الخير ياحبيبي بعد ماقعد شويه حماتي هتيجي بعد يومين
ادهم بضيق:مش كانت هتيجي بعد اسبوعين هتيجي بدري ليه
نهال بضحك:نصيبك ياادهم بقي وبعدين حفيده اخوها هتيجي معها كمان
ادهم بجديه:وايه اللي هيجيب مها معها ياماما
نهال:معرفش عمتا انتوا وحشتوها فبدرت المعاد وكمان عايزه تتعرف علي سيلين بمناسبه ياسيلين متهيألي المفروض تتنقلي لاوضه ادهم عشان
سيلين بصدمه:لأااا قصدي هتنقل ليه يعني مفيش داعي
نهال بتنهد:اولا عشان الاوض وثانيا يعني ايه مشكلتك انك تتنقلي انتوا متخانقين ولاحاجه
ادهم بجديه:لأياماما احنا كويسين بس سيلين بتحب تسأل كتير وتعترض مش اكتر لقتها قامت طيب هروح اشوف حاجه اخدتها من ايديها لاوضتي وقفلت الباب.
سيلين بالم:ايدي ياادهم ااه
ادهم بعصبيه خفيفه:هتتنقلي لاوضتي هنا ومن غير نقاش ياسيلين
سيلين بجديه:وانا مش حابه اقعد معاك في مكان واحد ولااشوف وشك تقولي اقعد معاك في نفس الاوضه وبعدين انا ممكن ارجع انام مع نور عادي جدا
ادهم بنفاذ صبر:سيلين واضح انك مش عايزه تفهمي انا مبحبش ولامها ولاجدتي وجودهم بيضيقني اصلا وتيته كل امالها ان تخلي مها تتقرب مني
سيلين بعفويه:صدقني مش هيفرق معايا حته لو لقيت مها في اوضتك او معاك حته علي السرير صدقني هفرحلك من كل قلبي وعارف لوكمان تفضل هنا في اوضتك علطول هيبقي افضل بكتير ومتخفش انا هشرف علي فرحك منها انشاء الله
ادهم بضيق عكس مايظهره:لامتتعبيش نفسك انتي اللي هتفضلي معايا وفي اوضتي ياسيلين مش هي
وبعدين مش هتخلصي مني بالسهوله ديه ريحي نفسك
سيلين بجديه:بتمني من كل قلبي اني اخلص من اللي انا فيه ده قريب ومنك كمان ياادهم لاني مستحيل اتقبلك في حياتي اصلا
.................
عمر بابتسامه:روحت كافيه متعود عليه فلقتها قاعده هناك لوحدها ممكن اقعد ولاانتي مستنيه حد
لارا بابتسامه:لاقاعده لوحدي اتفضل عامل ايه ياعمر
عمر بتنهد:تمام مشيتي امبارح بدري ليه وبعدين انتي متعوده تيجي هنا
لارا بعفويه:اه بحب اجي هنا وكمان عشان جنب شغلي ومشيت امبارح بدري عشان بابا تعب شويه وادويته كانت في البيت
عمر بجديه:الف سلامه عليه بس انا اول مره اشوفك هنا
لارا بابتسامه:عشان انا لسه قريب اشتغلت في مكان قريب من هنا
عمر بعفويه:وراكي حاجه ولالأ
لارا بضحك:لافاضيه انهارده شغلي متاخر شويه انتوا تلت اخوات او قاريب بس القطه الصغيره بنت مين فيكوا
عمر بابتسامه:قصدك نور هي فعلا هي اللي عامله حس في البيت بس هي مش بنت حد فينا نور تبقي بنت ملك اختنا رغم انها كانت اكبر مننا بس كانت كل حاجه بالنسبالنا ماتت من اربع سنين في حادثه سعتها كانت حامل في نور قدروا ينقذوا نور بس هي ماتت بعد الولاده بكام ساعه هي شقيقه ادهم
لارا بابتسامه حزينه:انا اسفه مكنتش اعرف انا عارفه شعور انك تخسر حد قريب منك بس ربنا بيعوضنا بحاجه تانيه وديه حاجه انا بمؤمن بيها،عمتا من اكبر صدماتي امبارح هي سيلين لانها كانت بتكره فكره الحب والجواز بس واضح انها وقعت بتمني انها تقدر تلقي السعاده اللي ملقتهاش سواء بسبب مامتها او احمد اخوها
عمر باستغراب:مكنتش مبسوطه ليه مش فاهم
لارا بتنهد:بعد موت باباها عمتي مستنتش كتير وقررت ترتبط رغم رفض سيلين اتجوزت شخص اصغر منها بكذه سنه وبعدها عمتي حصل موقف ولاسف نصرت جوزها علي سيلين وديه كانت صدمه علي سيلين بعدها راحت عاشت مع احمد واتعلقت بمراته و أبنه بس كانت دايما بتشوف خيانته لمراته ده غير معاملته مع سيلين هو عمره ماحبها رغم انها اخته ورغم تصرفاته هي كان عندها امل انو يتغير بس ده محصلش هي ولابتؤمن بالحب ولاالجواز عشان كده استغربت مش اكتر فضلنا نتكلم من غير مانحس بالوقت وبعدين كل واحد فينا مشي في طريق مختلف عن التاني وياترا الصدفه اللي جمعتنا تلت مرات ممكن توصلنا لايه
...........
مازن بدهشه:ياه لسه بتيجي هنا يادينا
دينا بابتسامه:اممم هي اه السنين مرت وانا اه اتغيرت شويه بس مش كل حاجه اتغيرت لاني بحب المكان ده بحس اني بلقي الراحه هنا لينا ذكريات هنا كتير كنت لسه هقول حاجه بس لمحت ان الاسوره اللي كانت في ايدي مش موجوده راحت فين وقعدت ادور عليها
مازن باستغراب:ايه اللي وقع طيب وانا ادور معاكي عليه
دينا بضيق:الاسوره اللي كانت في ايدي معرفش وقعت ازاي بس انا فكره اننا ساعت ماجينا كانت في ايدي انا بحبها
مازن بتنهد:ديه مجرد اسوره يادينا لو ملقنهاش مفيش مشكله اكيد هتلقي غيرها
دينا:ديه مش اي اسوره كانت غاليه عليا اووف معرفش وقعت ازاي
مازن:بعد ماكنت هقعد اهديها لمحت حاجه بتلمع فرحت اشوفها فلقيت الاسوره علي شكل انسيال بس ازداد دهشتي لما دققت فيها هي ديه
دينا بفرحه:ايوه هي ديه وخدتها منه ولبستها كنت هضايق جدا لوكانت ضاعت بتبصلي كده ليه عارفه انك مستغرب تصرفي بس بجد انا بحبها
مازن بعفويه:انا حاسس انها مش غريبه عليا
دينا بابتسامه:ديه اخر هديه جبتهالي بمناسبه عيد ميلادي من ست سنين شبه مبقلعهاش من ايدي هي غاليه عليا لانها كانت منك يامازن قبل ماتختفي ومعرفش اوصلك
مازن في نفسه:ليه دايما بتخليني احتار اكتر بسبب تصرفاتك يادينا وليه مش قادره تفهمي اني مكنش بايدي اني ابعد وانو كان اصعب قرار اخده بس كان هيبقي اصعب لما اشوفك معاه واني اشوف خسارتي بسبب خوفي من اني اعترفلك بمشاعري وتكوني متبادلنيش نفس المشاعر واخسرك كصديقه بس سعتها لاسف خسرت الاتنين
دينا باستغراب:مازن سرحت فين يامازن
مازن بتنهد:معلش سرحت شويه كنتي بتقولي ايه
دينا بابتسامه:كنت بقول يلا نمشي عشان الوقت اتاخر صمم انو يوصلني لحد البيت معرفش ليه حسيت انو كان عايز يقول حاجه واتراجع فيها
...............
سيلين بتنهد:بعد ماطبعا حاجتي اتنقلت اوضته وده بالاجبار زي كل حاجه دخلت الاوضه وقفلت الباب ورايا فلقيته قاعد علي السرير وبيعمل حاجه علي الاب بتاعه احم انا المفروض انام فين
ادهم بعدم اهتمام:انتي حره عندك السرير كبير هيكفينا لومش عايزه وده طبعا لانك مش طايقني ولابثقي فيا عندك بقيه الاوضه نامي مكان مانتي عايزه ياسيلين
سيلين بضيق:فعلا مستحيل انام جنبك لو بموت مش هاجي خدت مخده من جنبه وحطتها علي الكنبه وطلعت غطا من الدولاب واتسطحت علي الكنبه واديته ضهري بعد شويه كان قفل النور ونام حاولت انام كتير بس معرفتش لان الكنبه مش مريحه بس مش مشكله هستحمل احسن ماانام جنبه كملت بقي بان الشباك اوكرته مكسوره ومبيقفلش وشبه اتجمدت بعد محاولات كتير معرفتش فرحت قايمه واتجهت ناحيه السرير وبعد تردد كبير قررت انام بهدوء علي طرف السرير واقوم قبل مايصحي وارجع مكاني
تاني يوم الصبح،ادهم بابتسامه خفيه:صحيت الصبح لقتها نايمه علي السرير عنادك ياسيلين فظيع سيلين لقتها قامت مخضوضه رغم ان كنت بصحيها بهدوء ووقعت من علي السرير الصراحه مقدرتش امسك نفسي وفطست من الضحك
سيلين بالم ممزوج بغيظ:ااه الصراحه وقعت وقعه محترمه منك لله ياادهم بس كفايه ضحك
ادهم بمحاوله السيطره علي نفسه:الصراحه مش قادر شكلك كان فظيع وانتي بتوقعي من السرير مدتلها ايدي خلاص متبصليش كده تعالي
سيلين بغيظ:مش عايزه منك حاجه حاولت اقوم بس فشلت فاضطريت امسك ايده شدني من قوه الدفع مخدتش بالي اني بقيت في حضنه وهو محاوط خصري جيت ابعد بس رجلي عملت من الوقعه وكنت هقع تاني بس هو لحقني وقعدني علي السرير ومشي وبعدين لقيته راجع بعلبه الاسعافات وجايب كريم انت هتعمل ايه
ادهم بتنهد:رجلك لومحطتيش عليها كريم هتوجعك اكتر بعدين
سيلين بالم:مش عايزه منك حاجه وبعدين هي رجلي ولارجلك كنت هقوم بس قعدني غصب عني وعملي رجلي
ادهم بجديه:متحاوليش تتحركي كتير وكملي نوم انا كده كده ورايا شغل
سيلين باستنكار:مكنش هيحصلي كده لوكنت سيبتلي السرير امبارح ياادهم
ادهم بعفويه:انا مقولتلكيش نامي علي الكنبه ده كان اختيارك ياسيلين وانتي اللي عندك مشكله انك تنامي جنبي مش انا فاكره ولالأ
سيلين بغيظ:ماشي ياادهم سابني وراح بدل هدومه واتجه لخارج حاولت انام بس معرفتش من التفكير ياترا مين اللي غلطان فينا انا ولاانت ياادهم.....
يكمل
أنت تقرأ
احببت عدوتي
Ficção Geralمااصعب ان ندرك حقيقه الامور وان نري الحقيقه التي مر اعوام ونحن نظن غيرها،ويمكن ان نظن ان صله القرابه او الدم هي من انقي العلاقات واخلصها ولكن عندما نكتشف العكس وان اقرب شخص الينا او مانعتبره كذلك هو مجرد خدعه يطعن الذي امامه في ظهره،وتختلف ايضا بعض...
