فوقت علي دخول الممرضه بان فيه واحده عايزاني فقلتلها تدخلها بس لما شوفت وجهها تلاشت الابتسامه عن وجهي وتبدلت بصدمه وضيق انتي بتعملي ايه هنا
هايدي بابتسامه:قولت اجي اسلم عليكي بعد طول غياب يعني واباركلك بجوازك ورحت حطيت بوكيه الورد علي المكتب
سيلين بغضب مكتوم:لوسمحتي امشي انتي عارفه كويس اني مبدخلش حياتي الشخصيه فشغلي فخدي معاكي الورد ده وامشي مش عايزه تحصل مشاكل هنا
هايدي بجديه:اممم خلاص نطلع بره المستشفي فيه كافيه جنبه بدل ماتحصل فضايح هنا ولاايه
سيلين بجمود:مش بمزاجك انا مش حابه اتكلم معاكي ولااقعد حته فياريت يامدام هايدي تمشي لان وجودك وكلامك ميفرقش معايا في حاجه
هايدي:واضح انك نسيتي اني امك ياسيلين واجي وقت منا عايزه
سيلين بسخريه:وياترا امي عملت فيا ايه من اربع سنين عملت اللي محدش غريب ممكن يعمله مش ام في بنتها ومن يومها وكل حاجه بينا اتقطعت ومفيش حاجه بينا ولامن حقك تقولي حته اني بنتك
هايدي بجديه:لومش حابه تبقي فضيحه فعلا بعد خمس دقايق قابليني في الكافيه اللي قدام المستشفي وسبتها وطلعت
سيلين بعصبيه:طلعت من المستشفي بعصبيه واتجهت لكافيه ورحت قعدت قدامها خير عايزه ايه تاني فيه تهديد جديد
هايدي:اممم اعتبريه عرض مثلا مش تهديد اكيد الحقيقه يعني مش هتشرف جوزك لما يعرفها ولاايه عمتا انتي معاكي فلوس كتير ولوادتيني اللي انا عايزاه هختفي من حياتك ياسيلين
سيلين بحده:واللي انتي عايزاه ده مش من حقك مش هضيع تعب بابا السنين اللي فاتت وادهولك عشان تتبسطي بيه انتي وجوزك ومش خايفه من تهديدك اعملي اللي انتي عايزاه بس اعرفي ان بعد كده هطلبلك الامن ومش هيهمني حاجه خرجت من غير مااسمعها هتقول ايه فخبطت في شخص كنت همشي بس لقيته مسك ايدي فببص لقيته هو مين سمحلك تمسك ايدي
ايمن بجديه:مش تسلمي عليا ولاايه ولاالاربع سنين غيرتك مش عيب عليكي تسيبي مامتك كده
سيلين بحده:سيب ايدي ياايمن مش من حقك تمسك ايدي ابعدوا عني انتوا الاتنين
هايدي:اتكلمي عدل ياسيلين
سيلين بعصبيه:شديت ايدي وفلتها من بين قبضته انا بحذرك ياايمن انت وهي متظهروش في طريقي تاني
ايمن بسخريه:واضح ان بقي عندك لسان ياسيلين وبتعرفي تعلي صوتك كمان مكنتش اعرف ان الجواز بيعمل كده ولاده تاثير الاربع سنين
سيلين بعصبيه:عندك حق انا معدتش زي ماكنت وقدره اعمل اللي معملتوش زمان وممكن اعمل اسوء من اني اعلي صوتي كمان لقيت موبيلي بيرن فرحت قفلته وسبتهم واتجهت لعربيه
السائق"هتروحي فين يامدام سيلين هترجعي البيت
سيلين بضيق:لا وديني علي الشركه شردت في ذكريات من اربع سنين،فلاش باك
لارا بابتسامه:طيب ماتيجي عليا بدل ماتروحي علي البيت وممكن عمتي متكونش موجوده طالما انك مقولتيش لحد انك رجعتي معرفش ليه
سيلين بضحك:قولت اخليها مفاجأه فمقولتش ولالأيمن ولالماما عمتا هقفل معاكي اهو لاني وصلت وواضح ان ماما صاحيه لان انوار البيت شغاله
لارا:تمام يلاتصبحي علي خير باي وقفلت معاها
سيلين بتنهد:فتحت الباب بالمفاتيح لان خوفت تكون نامت واصحيها كنت لسه هنادي عليها بس سمعت صوت ضحك جاي من اوضتها وان فيه صوت حد معاها اقتربت من الغرفه باضطراب غريب وانا بحاول اكذب اذناي بس لما فتحت الباب احتلت الصدمه ملامحي مما رأيته المنظر الجم لساني
ايمن بصدمه:سيلين
سيلين بصدمه:مقدرتش اتحمل اللي شوفته ولاانطق بكلمه واحده وطلعت من البيت وانا مش قدره اصدق اللي شوفته حسيت باحساس عمري ماحسيته ولاقدره اصرخ ولااعيط حته ولااعبر عن اللي حسه بيه
نهايه الفلاش باك
السائق:مدام سيلين احنا وصلنا الشركه
سيلين بتعب:تمام شكرا نزلت من العربيه واتجهت لداخل وسألت علي مكان مكتبه ودخلتله
ادهم بقلق:كنتي فين ياسيلين رنيت عليكي كتير وانتي مبترديش
سيلين:انا اسفه مخدتش بالي موبيلي كان صامت لقيته مسك ايدي فالمتني بس متكلمتش انا هقعد هناك عشان معطلكش عن شغلك
ادهم:ده علي اساس اني مش هاخد بالي من الجرح اللي في ايدك ده من ايه ياسيلين
سيلين بتوتر:ولاحاجه خبطت جامد في الباب فالاسوره جرحتني
ادهم بنفاذ صبر:انا المفروض اقتنع بالسبب ده مثلا ياسيلين انتي بتكدبي وده واضح من عينيكي انا معرفش انتي مخبيه ايه وبتكدبي كل ده عشانه بس علي الاقل لما تفكري تكدبي دوري علي سبب مقنع روحت ناحيه الدورج وطلعت علبه الاسعافات عشان اعقملها الجرح
سيلين بضيق:انا قابلت ماما جاتلي علي المستشفي هي وجوزها ايمن فاتعصبت وجرحت ايدي بالغلط انا مشفتهمش من اربع سنين
ادهم بتنهد:ده سبب يخليكي تجرحي ايدك ياسيلين
سيلين بصعوبه في الكلام وتردد:انا مكنتش حابه اتكلم في الموضوع ده بس اعتقد انو المفروض تعرفه ايمن ده يبقي اللي كان خطيبي من اربع سنين انا كنت اعرفه من قبل موت بابا بس اتخطبنا بعدها بفتره وبعد موت بابا6شهور كنت مسافره موتمر طبي ورجعت قبل معادي مقولتش لحد غير لارا ولما رجعت البيت ومقدرتش اكمل فسكت للحظات
..............
دينا:طلبتيني ياماما خير كنتي عايزه ايه مفيش حاجه ولقيت مازن جيه هو كمان
مازن باستغراب:خير ياطنط حضرتك كويسه ولارجعتي تعبتي تاني
مريم بتنهد:اهدوا انتوا الاتنين انا كويسه بس حابه اتكلم معاكم في حاجه دينا انتي عندك مشكله او انت يامازن ان دينا تفضل عندك كام يوم
دينا باستنكار:في ايه ياماما انتي عايزه تخلصي مني ولاايه
مريم بنفاذ صبر:انا مش عارفه كلمتك تيجي ليه خالتك جايه بكره وانتي عارفه وجع الدماغ اللي هتعمله هي لسه عارفه بجوازك امبارح فمن الافضل تروحي تقعدي عند مازن لحد ماتمشي لانك مش هتخلصي منها وعشان يوسف كمان كفايه اللي مر بيه الفتره اللي فاتت عندك مشكله يامازن
مازن:لأهيبقي عندي مشكله ليه بيتي هو بيتها بس هي حره برضو
دينا بتنهد:بس انتي تعبانه ياماما ومش حابه اسيبك لوحدك
مريم:انا لوشوفتك كويسه هبقي مرتاحه يادينا متقلقيش عليا
دينا بنبره خافته:تمام هروح احضر حاجتي وسبتهم وطلعت متجهه لغرفتي
مريم بجديه:مازن مش هوصيك علي دينا خلي بالك منها ومن يوسف لان انا جوايا خوف وقلق غريب معرفش سببه
مازن بنبره مطمأنه:ياطنط مفيش حاجه تقلقك وكله كويس وبعدين حته لو انا مش موجود فدينا محدش يخاف عليها اصلا
مريم بجديه:مازن انت عارف كويس ان مفيش حاجه بتنتهي وان الماضي ممكن يرجع في اي وقت
مازن:وايه اللي مخليكي معتقده ان ممكن احمد يرجع اويفكر يعمل حاجه مثلا ايه مصلحته اه احنا عندنا مشاكل معاه وهو يعتبر عدونا بس مشكلته مع ادهم وسيلين اكبر
مريم بتنهد:احمد ممكن يعمل اي حاجه يامازن اللي عمله في سيلين يبين ده افرض فكر ياذي يوسف
مازن بجديه:اللي عمله لسيلين ليه اسباب كتير غير مشاكله معاها
............
ادهم بتنهد:مسكت ايديها سيلين انا مش هاممني غير انك تبقي كويسه فمتضغطيش علي نفسك كنت لسه هقوم بس لقيتها مسكت ايدي
سيلين بتماسك:بس انا لازم اكمل حته لوده صعب عليا لما رجعت البيت كنت فاكره ان مفيش حد اوهي نامت بس سمعت صوت ناحيه اوضتها ولمافتحت الباب لقيتها هي وايمن جوه وفي وضع مش حلو من كتر صدمتي سبت البيت من غير مااقول ولاكلمه فضلت فتره قعده عند لارا ومحدش عرف بالموضوع ده غيرها حاولت اتجاوز الموضوع بس كان صعب عليا بعدت عن الناس كلها مبقيتش قدره اثق في حد لحد مابالصدفه بعد كام شهر عرفت انهم قرروا يتجوزوا كان وقتها بالنسبالي عادي،بابا كان فاتحلي عياده خاصه بيا وكنت دايما بحاول اشغل نفسي فيها وفي يوم بعد ماخلصت شغلي وكانت الممرضه اللي معايا مشيت وكنت هقفل العياده وامشي بس اتصدمت لماشوفته فلاش باك
سيلين بعصبيه:بتعمل ايه هنا اطلع بره ياايمن لقيته شبه قفل الباب وبيقرب مني فضلت ارجع لحد ماحاصرني علي الحائط جيت ازقه معرفتش ابعد عني
ايمن بابتسامه:ليه كده بس ياسيلين ده انا حبيبك وبعدت خصلات شعرها واكيد وحشتك مش كده وميمنعش اننا نقضي وقت مع بعض ولاايه
سيلين بعصبيه:ابعد ايدك عني واطلع بره ياايمن ومشفش وشك تاني لقيته بيقرب اكتر فرحت زقيته وكنت ههرب بس هو شدني فالبلوزه اللي كنت لبساها اتقطعت
ايمن بخبث:هتهربي مني فين ياسيلين مفيش مكان تروحيه ولاحد هينقذك من تحت ايدي ورحت زقيتها فوقعت علي الكنبه
سيلين بخوف:ابعد عني لقيته بيقرب اكتر كنت بدور بايدي علي اي حاجه ابعده بيها عني بس فجاءه لقيت الباب اتفتح وكانت هي فهو بعد عني
هايدي بعصبيه:ايه اللي بيحصل هنا حد يفهمني
ايمن بجديه:متفهمنيش غلط ياحبيبتي انا هقولك علي كل اللي حصل انا جيت هنا عشان اديها دعوه بتاعت فرحنا بس هي فهمت غلط وحاولت انها تتقرب مني باي طريقه ولما رفضت عشان انا بحبك قطعت بلوزتها بالشكل ده وحاولت انها تغريني ولما مستجبتش شدتني من ايدي ففقدت توازني ووقعت عشان تتقرب مني قلتلها ان اللي بينا انتهي واني بحبك وان جاي اديها دعوه فرحنا بس هي فهمتني غلط
سيلين بصدمه ممزوجه بدموع:انت كداب كل ده محصلش انت جيت هنا وكنت بتحاول تتقرب مني وقبل مااكمل جملتي لقيت قلم قوي نزل علي وجههي نزف فمي اثره وفقدت توازني ووقعت في الارض
هايدي:مسكتها من شعرها مش عايزه اشوف وشك تاني ياسيلين وابعدي عن ايمن خالص لانك مش هتعرفي تاخديه مني حته لوعملتي ايه ولاباساليبك الحقيره ديه فاهمه وحبيبي مبيكدبش ابدا انتي اللي كدابه مش كفايه استحملتك وانا مكنتش عايزاكي اصلا واستحملت باباكي كل ده عشان الفلوس بس بعد انهارده هعيش حياتي ومع الشخص اللي بحبه
نهايه الفلاش باك
سيلين بدموع تحاول في السيطره عليها:بعد اليوم ده وانا قطعت صلتي بيهم وفضلت فتره طويله بتعالج نفسي لاني كنت وصلت لمرحله اني بطلت اثق في نفسي حته حاولت اني انسي ولحد مااقنعت نفسي اني نسيت بس لماسمعت صوتها انهارده وشوفتها افتكرت كل حاجه كانها حصلت امبارح مش من اربع سنين لاول مره من السنين ديه كلها اتكلم في الموضوع ده مكنتش قصده اني اكدب عليك ياادهم تحررت الدموع اللي حاولت منعها
ادهم بجديه:مسحت الدموع اللي علي خديها وشدتها لحضني انا اسف ياسيلين اني ضغطت عليكي كده بس كفايه دموع بقي هتغرقينا وانا مبحبش اشوف دموعك ديه فمتخلنيش اعاقب اللي كانوا السبب في انك تدايقي كده الماضي بيفضل ماضي ياسيلين بس مش هيحصلهم خير لوعرفت انهم ائذوكي اوعملولك حاجه
سيلين باضطراب:لحظت قربه الشديد ليا واني بقالي فتره في حضنه ومتمسكه بقميصه احم حاولت ابعد بس معرفتش ادهم احنا في الشركه لقيته مال فاجئه وقطع كلامي بقبله
...........
تاني يوم الصبح،مصطفي:طبعا انا قولتلك يالارا اني عايز اكلمك في موضوع مهم
لارا بضحك:خير يابابا اني استمع اليك
مصطفي بتنهد:انتي عارفه يالارا اني مش هعشلك العمر كله وانك لازم تشوفي حياتك واني عايز احس اني مطمن عليكي
لارا بشك:ربنا يخليك ليا يابابا ويطول في عمرك بس ايه سبب الكلام ده قطع كلامي جرس الباب فرحت افتح لما فتحت لقيته سراج جيت امتي سلمت عليه ودخلته اخبارك ايه
سراج بضحك:كويس وانتي عامله ايه يامجنونه وحشتيني
لارا بعبوس:اه واضح عشان كده كنت مقطع نفسك اتصال ومفكرتش تنزل خلال3سنين اللي فاتوا قلبي مش مسامح
سراج :في ديه عندك حق كنت المفروض اسأل عليكي واشوف المصايب اللي بتعمليها
لارا بغيظ:ماشي ياابن عمي ايه اللي جابك
سراج:عمي اللي طلبني علفكره يعني مش جيلك انتي
لارا بغيظ:بقي كده طيب لينا حساب هصفيه بس مش هنا دخلنا لبابا مش كنت تقولي انو جاي يابابا
مصطفي بضحك:خلتها مفاجأه عامل ايه ياسراج وسلمت عليه اقعد روحي اعملي حاجه يالارا
لارا بتنهد:واعمل ليه حبيب قلبك هنا خليه هو يعمل
مصطفي:لارا
سراج بضحك:انا قولتلك ياعمي مفيش امل منها عمتا بابا قالي انك عايزني في موضوع ايه هو مصطفي بتنهد:انا عارف انكم شبه اتربيتوا مع بعض واصدقاء طفوله غير انكم ولاد عم فانا وباباك فكرنا انو لازم نخلص من جنانكم ونجوزكم لبعض بمأن انتوا عارفين بعض كويس ايه رأيكم قدامكم وقت تفكروا بس انا شايف انكم بتفهموا بعض وهيبقي جوازكم ناجح
لارا بصدمه:...........
يكمل
أنت تقرأ
احببت عدوتي
Genel Kurguمااصعب ان ندرك حقيقه الامور وان نري الحقيقه التي مر اعوام ونحن نظن غيرها،ويمكن ان نظن ان صله القرابه او الدم هي من انقي العلاقات واخلصها ولكن عندما نكتشف العكس وان اقرب شخص الينا او مانعتبره كذلك هو مجرد خدعه يطعن الذي امامه في ظهره،وتختلف ايضا بعض...
