بعد مرور اسبوعين في كافيه،لارا بضحك:بجد مش قادره كفايه ياسراج انا لومنها كنت سبتك من زمان
سراج بابتسامه:اهو بقي تقولي ايه سعات بنتخانق وبعدين نتصالح لاننا بنحب بعض عقبال لما اشوفك واقعه يالارا
لارا بضحك:ليه كده ياعم وبعدين انا مفيش حد هيتحملني اصلا وانا مش مضطره اتحمل حد في حياتي انا بؤمن بوجود الحب وانه شئ كويس واحساس حلو بس زي ماهو بيدينا امل بيضعفنا كمان وسعات بيجبلنا الالم وانا مش حابه يحصل معايا كده بس بجد من قلبي فرحنالك ياسراج وبعدين مين هيزهق بابا ويونسه غيري معنديش حاجه اهم منه هو اه عايز يخلص مني بس مش هيعرف برضو😂
سراج بملامح حزينه حاول اخفائها:لارا هو بيحبك بجد وعايز مصلحتك مش اكتر اكيد مش عايز يخلص منك متعرفيش هيفرح اقد ايه لما توافقي ترتبطي ويبقي مطمن عليكي
لارا باستغراب:انت اكتر شخص فاهمني انا رافضه ليه فليه بتكلم زي بابا هيبقي مطمن لما ارتبط غصب عني عمره ماكان بيجبرني علي حاجه بس مش عارفه ليه الموضوع ده شاغل دماغه
سراج بعفويه:طيب ليه متفكريش تحاولي عشانه وتخلي الكدبه حقيقه وترتبطي انتي وعمر
لارا بصدمه:كنت بشرب عصير فشرقت انت بتقول ايه انت اتجننت صح ياسراج انا وعمر ده شئ مستحيل انا مش بقول كده لان مثلا هو وحش عمر شخص كويس جدا واي بنت تتمني ترتبط بيه بس انا مش حابه ارتبط بأي حد وبعدين انا بكره هنهي الكدبه ديه وارتاح واريح الكل ومتنساش انك انت اللي حطتني في الوضع ده وخلتني اضطر اكدب ياسراج وقومت وطلعت بعصبيه من المكان اللي كنت فيه فلقيته لحقني
سراج بجديه:اسمعيني يالارا انا عارف اني انا اللي ابتديت كل ده بس كان عشان اطلعك من مشكله تانيه انتي اللي مش حابه تدي نفسك فرصه تحبي حد من ساعت موت مرات عمي وانتي اتغيرتي كتير لغيتي قلبك وبقيتي ماشيه بعقلك وبس فكرك كده هتبعدي عن الالم فتبقي غلطانه يالارا مش كل حاجه بتتحسب بالعقل ماامكن حد بيحبك او بيحس بمشاعر ناحيتك بس بسبب غرورك وانك محكمه عقلك في كل حاجه مش قادره تشوفي ده
لارا بعصبيه ممزوجه بدموع:انا متطلبتش حد يحبني ولاانا عايزه احب حد ولااتجوز وفعلا انا مستحيل افتح قلبي لحد ويجي يوم اخسره مش هتحمل ده تاني فيبقي الاحسن ان افضل كده عارف ان الموت ممكن يخطف الانسان في لحظه حته لوكان كويس مش هقدر اربط نفسي وحياتي بشخص ممكن يجي يوم ويجرحني انا محاميه وشوفت مشاكل كتير ملهاش اخر وعلاقات بتنتهي بطلاق لمجرد ان معدش الطرفين متحملين بعض برغم ان كانوا بيحبوا بعض شوف ايه اللي وصلهم لكده،وانا عارفه مين الشخص اللي بتكلم عليه قصدك عمر صح
................
مازن باستغراب:رحتلها مكتبها افتكرتك مش هتيجي الفتره ديه ياسيلين وهتفضلي هناك
سيلين بتنهد:هقعد اليوم كله اعمل ايه زهقت ادهم معظم الوقت مشغول في شغله وغالبا عمر بيجي ويشتغلوا الاتنين في البيت وملك معظم الوقت في اوضتها فانا قولت اجي اشوف شغلي اخبار الكل ايه وبالذات مها
مازن باستغراب:كويسين بس اشمعني مها يعني
سيلين بعفويه:عشان مبرتحلهاش عملت مشاكل كتير الفتره اللي فاتت وقربت لماما بدرجه كبيره فحبيت اعرف بتعمل ايه دالوقتي
مازن بجديه:انا اغلب الوقت هنا فمعرفش ايه اللي بيحصل
الممرضه"دكتوره سيلين فيه واحده جت ومصممه تشوفك وجت قبل كده كذه مره تسأل عليكي
سيلين باستغراب:بجد لسه هتكلم لقيتها دخلت فاتصدمت لماشوفتهاانتي بتعملي ايه هنا
هايدي بعصبيه:هكون بعمل ايه يعني خرجي ايمن من السجن ياسيلين احسن ميحصلش خير
مازن بجديه:مين ديه ياسيلين وليه بتكلمك كده ومين ايمن
هايدي بانفعال:واضح انك من عائله جوزها يادكتور فخليني انا اجاوبك واعرفك علي نفسي انا ابقي امها
وايمن ده جوزي اللي هي من اسبوعين دخلته السجن ظلم ومش عايزين يطلعوه غير لما تتنازل عن الشكوي وبصعوبه حاولت اخرجه بكفاله بس المبلغ كان كبير
سيلين بجديه:ممكن متدخلهوش في الموضوع وخليني اقولك اننا في مستشفي مينفعش اللي بتعمليه ده انا قولتلكم ابعدوا عن طريقي بس جوزك مفهمش الكلام ده فخليه يتعلم الدرس شويه
هايدي بحده:اقصدك انك بتحاولي تنتقمي ياسيلين منه لانه سابك زمان واختارني انا،عايزه ترضي غرورك،بس مش عايزه تنسي الماضي حته بعد مااتجوزتي لسه بتحبيه لما حاولتي تتقربي منه وترجعي علاقتك القديمه معاه وهو رفض قولتي تلبسيه حاجه معملهاش كنتي دايما بتكلمي عن الاخلاق والمبادئ هي فين دالوقتي يامدام سيلين
سيلين بغضب مكتوم:انا مستحيل افكر فيه حته مش احبه يامدام هايدي روحي اعرفي الحقيقه قبل ماتغلطي في حقي واطلعي من هنا احسن كفايه اللي عملتيه بدل ماهطلب الامن فاطلعي باحترام افضل بعد ماطلعت من المكتب قعدت علي الكرسي وحطيت راسي بين كفي حاولت احافظ علي هدوئي ممكن ادهم ميعرفش بكل ده يامازن
مازن بجديه:مش هقول علي اللي حصل بس ايه معني كلامها ياسيلين جاوبيني
سيلين بجديه:معنديش مشكله بس مش هنا كفايه اللي حصل خرجنا وقعدنا في الكافيه اللي جنب المستشفي
مازن بجديه:ها ياسيلين مين ايمن وليه مامتك بتكلمك كده
سيلين بضيق:ايمن ده كان خطيبي قبل مايكون جوز ماما وحكتله علي اللي حصل بس مش كل حاجه انت مصدق اني ممكن اكون لسه بحبه واني اخون ادهم كمان
مازن بجديه:لامش مصدق الكلام عشان كده سألتك بس ليه خبيتي علي ادهم انك روحتي شوفتيه وليه خايفه من تهديده
سيلين:خبيت عليه عشان عارفه رده فعله وانا مش عايزه ادخل ادهم في المشاكل ديه كمان انا قادره اسيطر عليها وبالنسبه لتهديده لونفذه هيعمل مشاكل كتير لحد دالوقتي ماما متعرفش غير اني كنت مخطوبه وخطيبي خاني وانفصلنا وسمعت كلام كتير مابالك لوعرفت كماله الحقيقه لذلك ياريت ادهم ميعرفش انها جت ولاكل ده في الوقت المناسب هقوله
................
سيلين بتنهد:رجعت بليل علي البيت واتجهت لغرفه اللي قاعدين فيها فلقيته مش موجود فقلت اروح اخد شاور واغير هدومي وبعدين اشوفه فين وفجاءه وانا في الحمام لقيت النور قطع فابتلعت ريقي بصعوبه ادهم اتجهت ناحيه المنشفه بدور علي الهدوم ملقتهاش اووف نسيتها لفيت المنشفه حول جسدي وطلعت ادهم انت هنا كانت الاوضه ضلمه جدا فمكنتش شايفه حاجه ادهم لقيت فاجئه انوار زينه خافته نورت الاوضه بأضاءه خافته بس شكلها كان حلو لقيته بيتجه نحوي فحضنته ولفيت زراعي حول عنقه حرام عليك ياادهم كنت هموت من الخوف
ادهم بابتسامه:لأمتقلقيش مش هسيبك تموتي بالسهوله ديه يعني
سيلين بعفويه:بعدت عنه شويه بس قولي ايه سر المفاجئه ديه عيد ميلادي مش انهارده يعني
ادهم بضحك:هو لازم يكون عيد ميلادك ياسيلين مسكت ايديها بصي انهارده يعتبر كملنا 6شهور مع بعض و....
قطعتني بعفويه:فيه ايه سكت ليه ياادهم
ادهم بعفويه:هو بصراحه من الافضل انك تروحي تغيري هدومك لان لوفضلتي كده مش هعرف اسيطر علي نفسي وهأجل الموضوع اللي عايز اقوله وقربت منها وحاوطت خصرها وانا معنديش مشكله فده
سيلين:لسه هتكلم لقيته قطع كلامي بقبله وابتعد بعد شويه
ادهم بجديه:روحي غيري هدومك وتعالي ياسيلين
سيلين بتنهد:تمام روحت خدت هدومي ودخلت الحمام غيرت هدومي ورجعت تاني فلقيته قاعد علي الكنبه وساند راسه لورا ادهم انت كويس
ادهم بتعب:اه كويس متشغليش بالك تعالي وخلتها تقعد جنبي ومسكت ايديها سيلين قبل كده سألتيني كتير ايه اللي انا مخبيه ومكنتش بجاوبك وده لسبب اني مكنتش عايزك تعرفي الموضوع ده ومش عارف ممكن تكون رده فعلك ايه حاولت الفتره اللي فاتت كتير اقولك بس معرفتش
سيلين بجديه:وايه اللي اتغير دالوقتي ياادهم عشان تقولي وبعدين لوالموضوع مضايقك كده انا مش حابه اعرفه وقومت من جنبه بس قبل ماامشي مسك ايدي
ادهم بضيق:هقولك لاني تعبت ياسيلين من كتر التفكير وان ممكن تعرفي في اي وقت ومعرفش ايه هتكون رده فعلك سعتها انا عارف ان ده مجرد ماضي ياتتخطيه يأما هتقرري تمشي وده هيبقي اختيارك انتي،انا كدبت عليكي في حاجتين اول حاجه اني اعرفك من اكتر من 5سنين ساعت الحادثه مكنتش اول مره نتقابل اوبالمعني مكنتش مجرد صدفه زي ماقولتلك انا نفس الشخص اللي كنتي تعرفيه وانتي طفله وكنا اصدقاء واختفيت لفتره بسبب ظروف ومرجعتش تاني بس كنت براقبك من بعيد كنت عارف عنك كل تفصيله في حياتك والحاجه التانيه اللي كدبت فيها لما سألتيني ليه فيه بعض حاجات كلامي قريب لباباكي وكنت بقولك صدف انا ابقي ابن صديق باباكي ماجد
سيلين بصدمه:سحبت ايدي اللي كان ماسكها وبعدت عنه انت اكيد بتهزر ياادهم صح هااا رد عليا سكت ليه
ادهم بجديه عكس مايشعر به:ديه الحقيقه ياسيلين انا ابقي ابنه بس صدقيني اني كنت بعتبر عمي طارق قدوتي واب ليا قبل مايموت وعدته اني افضل احميكي لحد اخر نفس ليا
قطعتني بعصبيه:بسبب باباك بابا ادمر هو كان السبب في تعبه انت متخيل انك كدبت عليا في حقيقه زي ديه ولاكمان معتقد اني هفضل معاك بعد ماعرفت الحقيقه انا مستحيل افضل معاك طلقني ياادهم وانا بعفيك من وعدك ده ومش عايزه اشوف وشك تاني
ادهم بصدمه:لأ ياسيلين استني قومت مخضوض فلقيتها قاعده جنبي
سيلين بنبره هادئه:اهدي ياادهم ده مجرد كابوس لقيته حضني جامد فمسحت علي خصلات شعره
ادهم في نفسه:مستحيل اخليها تعرف الحقيقه حته لواضطريت اعمل ايه لان مش هستحمل اني اخسرك ياسيلين
................
مازن بابتسامه:بعد مارجعت من المستشفي رحت اطمنت علي يوسف ونور كانوا نايمين واتجهت لغرفتي كان الوقت متاخر فلقيت دينا نايمه علي الكنبه فاقتربت منها بهدوء وحملتها بس هي صحيت من امتي وبقي نومك خفيف يادينا ديه كانت الدنيا تتقلب وانتي عادي في سابع نومه😂
دينا بابتسامه:امممم كان زمان بقي وبعدين اتغيرت وبقي نومي خفيف ومن فتره بقيت مبعرفش انام عدل غير وانا في حضنك
مازن بعفويه:قعدتها علي السرير وداعبت وجنتيها واضح ان فيه ناس اتغيرت وبقت جريئه حبتين
دينا بضحك:مش انا من الناس ديه علفكره😂، وبعدين انا قررت اني اشتغل معاك عشان بقيت بتوحشني وكمان بقعد لوحدي كتير وانت بتيجي متاخر😕لقيته بيتحسس جبهتي في ايه
مازن باستغراب:لأمش سخنه يبقي اكيد شاربه حاجه صح يادينا
دينا بغيظ:لأواللهي طالما كده روح شوفلك مكان تاني تنام فيه ولااقولك روح نام مع نور ويوسف هيفرحوا بيك🙄
مازن بضحك:لأخلاص اهدي بس كنت بسأل مش اكتر بتتعصبي بسرعه ليه بس😂
دينا بعفويه:امكن عشان انت مستفز يامازن حلو الرد ده تصبح علي خير لسه كنت هزيح الغطا عشان انام لقيته مسك ايدي وقرب مني في ايه
مازن بابتسامه:مش انا كنت واحشك برضو يادينا ولاغيرتي رأيك، حته يعني بعد يوم طويل وجيت متاخر مفيش ترحيب ليا مثلا
دينا بعفويه:مين قالك انك كنت واحشني انا كنت بضحك عليك هتوحشني ليه انشاء الله
مازن باستنكار:لاولاحاجه انا كده اطمنت انك رجعتي لطبيعتك ياحبيبتي وان مفكيش حاجه😒
دينا:حسيته انو اضايق فقبل مايقوم حاوطت عنقه من الخلف كنت بهزر معاك وطبعت قبله علي خده بحبك وبعدين مش كل حاجه تاخدها جد وتضايق
مازن بعفويه:وانا كمان بحبك،وعارف انك بتهزري وانا مضايقتش بس حبيتك تصالحيني مش اكتر
دينا:بتشتغلني يامازن وبتستغل عواطفي ماشي ابقي قابلني لوخدت حاجه تاني بعد ماكنت بعدت عنه لسه هقفل النور عشان انام لقيته قرب مني واحتضن شفتاي في قبله فبادلته اياها مستسلمه لرغبه قلبي متناسيه كل ماممرت به خلال تلك السنوات
...............
تاني يوم الصبح،لارا بتنهد:كنت عايزني في ايه يابابا وكمان فيه حاجه مهمه عايزه اقولهالك بس ابتدي انت الاول
مصطفي بجديه:تمام هتسمعيني لأخر من غير اعتراض وبعدين الخبر حلو ولازم تفرحي عمر طلب ايدك مني امبارح واكيد انتي موافقه ومعندكيش اعتراض لان انتوا بتحبوا بعض صح يالارا
لارا بصدمه:ايه بابا انت عارف اني مش جهزه لده دالوقتي وانا وعمر متفقين علي ده
مصطفي بتعب:لارا انا مش قادر اتخانق معاكي وتعبان فياريت تعملي حساب ده وبعدين ايه وجه اعتراضك مش فاهم انا مقولتش ان فرحك بكره ممكن تبقي فتره خطوبه مش اكتر
لارا بجديه:بس انا مش موافقه يابابا قبل مايبقي فيه حاجه رسمي لازم نكون عارفيين بعض كويس وانا معرفش عمر غير من كام شهر
مصطفي بجديه:ديه مش حجه انتوا تعرفوا بعض من6شهور يالارا وهو شخص كويس واصدقاء وبتحبوا بعض وبعدين اتعرفوا علي بعض اكتر في فتره الخطوبه مفهاش مشكله والأ لوموفقتيش يالارا اعتبري نفسك ولابنتي ولااعرفك قولتي ايه
لارا بصدمه:بابا انت بتقول ايه هتتبري مني عشان هرفض ارتبط بيه
مصطفي بجمود عكس مايشعر به:اه يالارا وده اخر كلام عندي وافقتي هنحدد الخطوبه اخر الاسبوع وكتب كتاب اخر الشهر ده من دالوقتي ياتختاري عنادك يالارا ياانا هااا
لارا:........
أنت تقرأ
احببت عدوتي
Ficción Generalمااصعب ان ندرك حقيقه الامور وان نري الحقيقه التي مر اعوام ونحن نظن غيرها،ويمكن ان نظن ان صله القرابه او الدم هي من انقي العلاقات واخلصها ولكن عندما نكتشف العكس وان اقرب شخص الينا او مانعتبره كذلك هو مجرد خدعه يطعن الذي امامه في ظهره،وتختلف ايضا بعض...
