احببت عدوتي

الفصل الخامس وعشرون

مصطفي بجمود عكس مايشعر به:اه يالارا وده اخر كلام عندي وافقتي هنحدد الخطوبه اخر الاسبوع وكتب كتاب اخر شهر ده من دالوقتي ياتختاري عنادك يالارا ياانا هااا
لارا:موافقه يابابا وده لانك خيرتني بين حاجتين صعب اختار مابينهم بس اكيد حبي ليك اكتر من عندي اللي انت شايفه بس انا مش مسئوله عن اي حاجه ممكن تحصل في المستقبل وسبته وخرجت من البيت وانا متعصبه بعتله رساله ان يقابلني قدام البحر وبعد فتره كان جيه ممكن افهم انت عملت كده ليه ده مكنش اتفاقنا ياعمر
عمر بجديه:لارا ممكن تهدي ونتكلم
لارا بعصبيه:نتكلم في ايه ان كنت فعلا بتحس بمشاعر ناحيتي ياعمر وانا محترمه ده بس انا مش ببادلك اي حاجه تخيل انو انا مضطره اتجوزك بعد تلت اسابيع الأكام يوم وبعد يومين خطوبتنا وخلينا متفقين من دالوقتي اني وافقت بسبب بابا وانو خيرني بين اني اوافق وهو وده سبب موافقتي بس ممكن اعرف ايه اللي خلاك تعمل كده حته من غير ماتقولي غير انك اناني وبتفكر في نفسك وبس
عمر بجديه:اولا انا مش اناني انتي عندك مشكله مع انك تجوزي وابتديتي التمثيليه ديه وانا حذرتك منها وعايلتي كمان عرفت بسبب مها لما شافتني معاكي كذه مره واتنصتت علينا واحنا بنتكلم ونقلت كله لعمتي ولعيله وكان قدامي خيارين اني انسحب من كل ده واقول الحقيقه واني كنت بساعدك وبس وسعتها معرفش هيفكروا فيكي ازاي وممكن يوصل لباباكي ويتعب انك كدبتي عليه والحاجه التانيه ان اضطر اوافق باختيار عمتي واني اتجوز مها وده انا مش موافق عليه،اه انا بحس بمشاعر اتجاهك يالارا وعارف انك ضد ده بس الظروف جت كده لوحابه تتحملي المسئوليه وتقولي لكل الحقيقه وتستحملي اللي ممكن يجرا وبالذات لعمي انا معنديش مشكله وهتصرف في المشكله اللي عندي
لارا بضيق:اوووف مش هقدر اقول لبابا الحقيقه واني كنت بكدب عليه لوجراله حاجه بسببي مش هسامح نفسي طول عمري وواضح من دالوقتي ان مفيش حل وهضطر استحمل الفتره ديه بس موافقتي ليها شروط
عمر بنفاذ صبر:وياترا ايه هي الشروط
لارا بجديه:كل اللي هيحصل الفتره الجايه مش هيأثر علي حياتي ولاهيغير حاجه فيها بمعني كل واحد في حاله يعيش زي ماهو عايز ملوش دعوه بالتاني فين اوبيعمل ايه وملوش ان يدخل في حياه الطرف التاني وفيما بعد جوازنا هيبقي علي الورق وقدام الناس وبس وهفضل مع بابا ومش هعيش معاك
عمر بنفاذ صبر:ماشي يالارا خلي بالك من حاجه اه هحترم اللي انتي عايزاه واعمله بس فيه ليا شروط برضو هتحترميها وتنفذيها واولها اه جوازنا هيبقي شكلي بس تحترمي علاقتنا قدام الكل واي مشاكل هتحصل هتبقي بينا مدخليش اي حد من عيلتنا وقدام الكل احنا مبسوطين وبنحب بعض كأي اتنين طبيعين وبالنسبه لانك حابه نعيش منفصلين كل واحد في بيته فممكن نتحجج باننا هنعيش مع بعض بعد الفرح
لارا بدهشه:فرح مين ياعم ده انا راضيه بكتب الكتاب بالعافيه تقولي فرح احلامك راحت بعيد اوي ياعمر
عمر بجديه:لارا حابب اقولك حاجه ان محدش هيعجبه ان نعيش كده واولهم باباكي وهيشك ففيه حل افضل وهو ان اجي اعيش معاكي فتره في بيتك وبعدها هتيجي انتي بيتي فتره ايه رأيك
                       .................
سيلين:صحيت الصبح اثر شعاع الشمس ببص جنبي لقيت ادهم لسه نايم من امبارح علي نفس الوضعيه حاولت اقوم بس معرفتش حاضني وكانه خايف اهرب ادهم حبيبي ناوي تصحي امتي
ادهم بنعاس:موريش حاجه سبيني انا ياسيلين منمتش عدل امبارح
سيلين بجديه:بس انا ورايا حاجات ياادهم هروح اشوف ملك واديها دواها وبعدين كمان لازم ارجع البيت كام يوم
ادهم بصدمه:رفعت راسي هتروحي ليه ياسيلين وبعدين هتسبيني يعني
سيلين بتنهد:بقالي يومين عايزه اقولك بس انت معظم الوقت مشغول انا لازم ارجع البيت فيه حاجات كتير لازم اظبطها وكمان فيه لسه خطوبه لارا وعمر لازم فيه حاجات اجهزها ياادهم
ادهم باستنكار:واضح انك مقرره ياسيلين مش بتاخدي رأي انك ترجعي البيت عمتا اعملي اللي يريحك
سيلين بضحكه خافته:اممم لأكنت بقولك وبعدين انت عارف ان الدنيا متلغبطه بيني وبين ماما ومها قايمه بالواجب فانا حابه ارجع البيت عشان متفتكرش اني ماصدقت انت سافرت وانا قولت اقعد عند خالوا هم برضو عيلتي وكمان يوسف ونور وحشوني🤗
ادهم بغيظ:بس انا اهم من كل ده ياسيلين وبعدين يعني هما وحشوكي ولما تسبيني مش هوحشك يعني
سيلين بضحك:لأمش هتوحشني لقيت ملامحه اتغيرت هاجي اقعد معاك بعد شغلي وبعدين ارجع علي بيت حلو كده ورحت نكشتله شعره عشان مش توحشني وهبقي اكلمك طبعت قبله علي خده ورحت ماشيه بسرعه غيرت هدومي واتجهت لغرفتها فكانت قاعده انتي كمان هتوحشيني عارفه ان كل مااشوفك بفتكر نور لان فيها شبه كبير منك ياملك انا متاكده انك هترجعي احسن من الاول بكتير اديتها الدوا وخرجت من الغرفه واتجهت لخارج بدل مااروح علي المستشفي اتصلت بالارا فعرفت انها في المكتب فروحتلها بعد فتره كنت وصلت بقي فيه واحده خطوبتها بعد يومين وتروح شغلها جبتي الفستان طيب
لارا بعدم اهتمام:هلبس اي فستان مش فاضيه انزل ادور علي فستان ورايا شغل كتير وكفايه اوي ان هاخد اجازه يوم الخطوبه وكمان هاخد نص اليوم بس
سيلين بدهشه:وعلي ايه يالارا تاخدي نص اليوم اجازه يابنتي انتي مجنونه ديه خطوبتك ولازم تاخدي يومها اجازه وتختاري كمان الفستان
لارا بتنهد:سيلين انا بشتغل علي قضيه مهمه ومش فاضيه اضيع وقت واروح اجيب فستان اقولك جبيه انتي علي ذوقك حلو
سيلين بجديه:لارا انتي موافقه بجد علي خطوبه ديه لاني اعرفك كويس وتصرفاتك بتاكد تفكيري انتي مجبوره علي العلاقه ديه
لارا بضيق:مش هيفرق ياسيلين بابا عايز كده وده اللي هيريحه ويفرحه وانا معنديش مشكله اتنازل شويه ووافق
سيلين بجديه:بس ده غلط يالارا ان تبني علاقه علي اساس ده او عشان ترضي اللي حواليكي
لارا باستخفاف:سيلين اعتقد قبل ماتنصحيني بده افتكري ايه كان بدايه علاقتك باادهم وانك برضو وافقتي وانتي مجبره عشان حد تاني بس الفرق ان علاقتكم اتغيرت مع الوقت وده مستحيل اسمح انو يحصل معايا
سيلين بضيق:فكره جوازي من ادهم كانت مختلفه يالارا مكنش قدامي اختيار وقتها غير اني اوافق لكن انتي موافقه بارادتك
لارا بجمود:زي ماكان مكنش قدامك اختيار ياسيلين وقتها واضطريتي توافقي انا نفس الحكايه بابا حطتني في اختيار صعب وده الصح وكلها فتره وننفصل انا وعمر وكل حاجه ترجع زي ماكانت
                           .............
عمر باستغراب:فيه حاجه ياسيلين بعتيلي رساله ان اجيلك علي المستشفي عايزاني في موضوع ضروري انتي كويسه
سيلين بتنهد:اه كويسه اقعد هسألك سؤال انت بتعتبرني بالنسبالك ايه اختك او مرات اخوك او صديقه ليك ورد بصراحه
عمر بعدم فهم:انا مش فاهم ايه سبب سؤالك ياسيلين بس ممكن تعتبري انك بالنسبالي التلت حاجات اللي قولتيهم بس بعتبرك اختي اكتر من انك صديقتي ومرات اخويا الكبير
سيلين بعفويه:تمام بمأنك بتعتبرني كده فعلا فممكن اعرف ايه اللي انت ناوي عليه بالنسبه لعلاقتك انت ولارا وليه موافق ان تبقي علاقتكم متعقده بالشكل ده لوانت بتحبها هيبقي صعب
عمر بجديه:صعب انها تحبني ده اللي انتي عايزه تقوليه صح بصي ياسيلين انا عارف ايه نهايه العلاقه ديه ومش ماشي فيها لمجرد امل عندي بالعكس انا عارف انها بتكره الجواز وفكره الحب اصلا وقلتلها سبب ارتباطنا بمجرد مايخلص كل ده او يعدي وقت هننفصل
سيلين بنبره خافته:هتنفصلوا وانت ياعمر هتبقي قادر تعمل ده وقتها وجودكم مع بعض بالمنظر ده هتجرحوا بعض كتير اه لارا اختي بس عنيده وعندها زاد اكتر بعد موت مرات خالي ومش بقولك انك متحاولش بس خد حذرك
عمر بجديه:مش عارف بس علاقتنا هتبقي لمجرد اننا نريح اللي حوالينا وده هيبقي لفتره وخلاص انا وعدتها بده وهنفذه حته لومكنتش عايزه ياسيلين وبالنسبه اني مش فاهم وجهه نظرها اوكرها لحب بالرغم من كده دعمتك انتي ودينا في انكم تعترفوا بمشاعركم مش قادر افهم تناقضها
سيلين بابتسامه متفهمه:لارا مش معقده زي مانت شايفها ياعمر او اغلب الناس كده هي اكتر واحده ممكن تقف معاك وقت ماتحتاج وتساعدك وتدعمك هي فعلا ساعدتني فاني علاقتي انا وادهم تتحسن وامكن هي اللي خلتني اعترف بمشاعري وارجع لادهم بعد مامشيت بس هي عندها مشكله صغيره وهي ان مامتها وباباها كانوا بيحبوا بعض ومتعلقين ببعض بطريقه حلوه جدا كأي عيله سعيده اتربطت في عيله مليانه حب مش كل الناس محظوظه انها تتربي كده بس مامتها ماتت فاجأه حته مكنتش تعبانه دخلت الاوضه لقيتها ميته وخالوا قاعد منهار جنبها ومن وقتها وخالوا شبه ادمر وصحته ادهورت شويه
عمر بعدم فهم:طيب مش فاهم المشكله برضو
سيلين بجديه:لارا عندها عقده وخوف انها تحب حد ويجي يوم وتخسره زي مامتها وهي مش هتقدر تتحمل الالم ده تاني فقررت تقفل قلبها ومتفكرش في حاجه اسمها حب وارتباط عشان ميجيش يوم وتتألم اوتجرح بس انا حاسه انك تقدر تغير ده ياعمر
                         .............
مها بعصبيه:ممكن تقولي بقي هنعمل ايه احنا بدل ماكنا عايزين نفرقهم حستهم قربوا لبعض اكتر وان سيلين مع ادهم مش عند خالها
احمد بجديه:انا قادر ان افرقهم بس في ها حاجات اهم دالوقتي وهي اني القي ملك اللي ادهم خباها هي ديه نقطه ضعفه اكتر من سيلين
مها بعدم فهم:ملك مين
احمد بابتسامه:معقول متعرفيش ان ملك لسه عايشه وادهم كان مخبيها طول السنين ديه بس هي في غيبوبه من اربع سنين
مها بصدمه:ازاي قدرت تعيش بعد الحادثه انا عرفت انها كانت جامده ممكن تقتل اي حد حته السواق مات ومحدش وقتها عرف اللي خبتها
احمد بابتسامه خبيثه:مش معقول متعرفيش اني انا اللي كنت ورا الحادثه يعني وادهم عارف رغم كده حب سيلين واتجوزها بس مقلش لأي حد عن حقيقتها وبالذات مامته وده اللي هشتغل عليه ياترا هيختار امه ولاسيلين بمجرد ان سيلين تبعد عنه هترجع ضعيفه زي ماكانت وهاخد اللي انا عايزه دمارك قريب جدا ياسيلين انتي وادهم
                       ..............
بعد يومين وكان انتهي الجميع من تحضير الخطوبه التي ستنعقد الليله،في بيت لارا،سيلين بنفاذ صبر:لارا ارحميني وارجعي علي البيت المفروض تكوني جاهزه علي الساعه6واحنا دالوقتي الساعه3
لارا بعدم اهتمام:حاضر ياسيلين هخلص اللي في ايدي ده واجي علي علطول يلابقي باي عشان ورايا اجتماع ورحت قفلت
سراج بضحك:معلش ياسيلين هدي نفسك انتي عارفه انها مجنونه من الاول😂
سيلين بانفعال:فيه حد يروح شغله ويحضر اجتماع يوم خطوبته انت عارف لوخالوا عرف انها لسه مرجعتش هيتعب يارب مايصحي عقبال ماتيجي هي هتموتني اصلا😒
ميرا بابتسامه:لوفيه حاجه ممكن اساعدك فيها ياسيلين عقبال مالارا ترجع
سيلين بعفويه:تعال نجهز نفسنا عقبال مالاستاذه تيجي بعد ساعتين كنا خلصنا وعمالين نحاول نكلمها ومبتردش اووف
ميرا بجديه:اهدي زمانها في الطريق سمعنا الجرس فاتجهنا لباب فكانت هيا
سيلين بعصبيه:مابدري يااستاذه
لارا بتنهد:الطريق كان واقف اعمل ايه امشي علي رجلي مثلا وبعدين احنا لسه الساعه5قدامنا ساعه وبعدين ممكن اروح بلبسي ده وخلاص
سيلين:خدتها ودخلنا الاوضه وقفلنا الباب عشان اتكلم براحتي بزمتك فيه حد بيروح خطوبته ببلوزه وبنطلون هتشليني صح ورحت مطلعه الفستان روحي اجهزي بسرعه يالارا كنا المفروض ننزل دالوقتي بعد شويه انتي موتي يابنتي جوه
لارا بجديه:طلعت من الحمام انا مش مرتاحه الفستان حلو ومقاسي بس هو طويل وانا مابعرفش امشي بالفساتين الطويله
سيلين:اووف نسيت الموضوع ده هنعمل ايه
ميرا بتفكير:اممم عندي حل ممكن تبدل فستانها مع اي واحده فينا هاايه رأيك خلينا نعدي اليوم ده علي خير
سيلين بجديه:فكره حلوه انا هروح اغير هدومي ونبدل فستاني بفستانك عندك مشكله تاني
لارا بعفويه:لأبعد شويه كنا بدلت فستاني بفستان سيلين وجهزنا وكانت حوالي6ونص
سيلين بجديه:اشوف فيكي يوم يالارا ده انا بعد عذاب خليت خالوا يروح مع سراج وعلي ان ادهم هيجي ياخدنا وبعد ماركبنا العربيه لسه همشي بالعربيه لقيت ادهم بيرن عليا ينهار ازرق بعد تردد رديت الو ياادهم
ادهم بقلق:انتو فين لحد دالوقتي سراج وعمي جم من فتره ايه اللي اخركم
سيلين بتردد:احنا لسه قدامنا شويه متقلقش هنتاخر شويه عقبال مانيجي
ادهم بانفعال:انتي لسه عندك ياسيلين صح انتي عارفه ان المسافه طويله وانا بسببك وبعد اصرارك وافقت ان افضل وانكم هتيجوا مع سراج وعمي بس ده محصلش
سيلين بجديه:ادهم مش وقته لما نبقي نوصل نبقي نتكلم وقفلت
عمر بجديه:هما فين دالوقتي ياادهم
ادهم بنفاذ صبر:لسه نازلين من شويه انا قولت لسيلين تراعي مواعيدها وكل حاجه اتفقنا عليها معملتهاش وعملت عكسها
عمر بجديه:لامش هي السبب ياادهم هتلقيها لارا هي اللي اخرتهم لانها مسمعتش الكلام واصرت تروح شغلها انهارده لسه بلف لقيت عمتي نهال وقفه ورايا وشكلها سمعتنا
نهال بعصبيه:........
يكمل