انت سألتني سرحانه في ايه كنت بفكر مدام هايدي مختفيه فين الفتره ديه
ادهم بجديه:مش صعب اعرف هي فين لوانتي عايزه ده ياسيلين
سيلين:انت فاهمني غلط انا ميفرقش معايا هي فين ياادهم بس اختفائها بعد ماجتلي المستشفي غريب عارف هي ائذتني كتير بس من غير ماتعرف قدرت تكشفلي حقيقه ايمن واني اخرجه من حياتي في الوقت المناسب امكن لومكنش حصل ده كله مكنتش عرفتك ياادهم احيانا نهايه علاقه بتكون اذيه لينا وبنبقي شايفنها نهايه الدنيا بس بالعكس ربنا بيبقي كتابلنا حاجه احسن احنا مش قدرين نشوفها
...............
لارا بعدم فهم:دخلت الاوضه فلقيته قاعد كان مركز في الموبيل وبعد ماشافنيفطس علي نفسك من الضحك بتضحك علي ايه
عمر بضحك:شكلك وانتي ماسكه الجزمه بايدي ورفعه الفستان عشان متقعيش بالايد التانيه منظرك فظيع😂😂
لارا بنفاذ صبر:عادي يعني انا مش متعوده علي الجزمه عشان بكعب عالي وانا مبلبسش حاجات زي كده كتير ومش واخده علي الفساتين الطويله واكيد انت لاحظت ده
عمر بضحك واستفزاز:اه خدت بالي ان ملكيش في الحاجات ديه عارفه ليه عشان ديه تخص البنات وطبعا ده لاينطبق عليكي يالارا لانك مختلفه وملكيش علاقه بيهم
لارا بغيظ:اتلم ياعمر عشان مرتكبش جريمه قتل دالوقتي وبماني مختلفه عن بقيه البنات🙄فانا بريحك من دالوقتي روح اتجوز بنت علي مزاجك وريحني انا ومتقلقش مش هعترض ياعمر😏
عمر بابتسامه:اممممم لاسيبلك انتي الموضوع ده لما تلقي بنت مناسبه قوليلي يالارا وانا هوافق برضو بس لاسف الفتره ديه مليش مزاج اني ارتبط بحد
لارا باستخفاف:ده علي اساس انهم واقفين طابور عليك مثلا عمر نام وريحني عشان ورايا حاجات كتير الصبح ومش فاضيه روحت غيرت هدومي ببجامه حرير لونها روز وخرجت من الحمام واتجهت لسرير ناوي تنام ولاهتصبح لصبح
عمر بجديه:لاهنام
لارا بجديه:خليني اوضح حاجه بس من الاول وحطيت كام مخده بيناهي ان متخرجش عن النص اللي انت نايم فيه شايف نفسك مش هتعرف فممكن تنام علي الكنبه او الارض تصبح علي خير
عمر بنفاذ صبر:ده علي اساس اني ميت عشان انام جنبك يااستاذه لارا بس الكنبه لسف مش هتكفيني وكمان انا متعود علي نومه الارض غير كده كنت سيبتلك السرير اوالاوضه كلها حته
لارا بعفويه:نام زي مانت عايز ياعمر بس متتخطاش المخدات ديه اديته ضهري وطفيت النور عشان انام من غير مااحس غفوت صحيت علي صوت منبه بتاع موبيلي فقفلته وابتديت افوق ببص جنبي ملقتهوش
قومت عشان ادخل الحمام اغسل وجهي عشان افوق لاني شبه مش شايفه كنت مسكت الاكره عشان افتح الباب لقيت الباب اتفتح فجأه فمن عدم اتزاني اتحدفت لجوه وكنت هقع اعاااا وغمضت عيني بس انا موقعتش فابتديت افتح عيني فلقيت عمر مسك ايدي قبل مااقع لما شدني من قوه الدفع تقريبا بقيت في حضنه
عمر بجديه:انتي بتعملي ايه يالارا هنا
لارا باضطراب:بعدت عنه شويه لسه هتكلم لاحظت انه لايرتدي سوي منشفه حول خصره اعاا ورحت اديته ضهري روح البس هدومك
عمر:سبتلها الحمام ولبست هدومي في الاوضه ونزلت تحت فملقيتش غير سيلين كانت قعده بره فاتجهت ناحيتها وقعدت فين الباقي يعني
سيلين بنبره خافته:ادهم رجع البيت ودينا لسه نايمه وتقريبا مازن مش في البيت وسراج وميرا مشيوا بليل وملك ونور ويوسف نايمين مع بعض بس كده امال فين لارا واضح انكم اتخانقتوا كالعاده
عمر بجديه:لاعادي ديه طبيعتنا مش حاجه جديده ياسيلين انتي هترجعي البيت ولاهتعملي ايه
سيلين بابتسامه حزينه:اولاياعمر انت عارف ان مليش مكان في البيت هناك ده غير ان مش هقدر ادخله لان ادهم اتحسن فانا هرجع شغلي وبيت بابا
عمر بجديه:سيلين ديه مجرد ظروف وهتخلص وهترجع كل حاجه زي ماهي وبعدين بدل ماتفضلي لوحدك ماتوجعي علي البيت عمي مصطفي
سيلين بعفويه:لامعلش حابه اقعد هناك وبعدين مش هقعد لوحدي ميرا هتيجي تقضي معايا كام يوم انا ماصدقت اقنعت ادهم وبعدين ياعمر مهما حصل مفيش حاجه هتتغير لامش هقدر اغير الماضي ولاصله القرابه بيني وبين احمد مهما انكرتها فانا لاسف اخته واي حد هيفكر ان طالما اخته يبقي هبقي زيه ومقدرش اتحكم في تفكير الناس لاسف لقيت موبيلي بيرن وكانت ميرا يلا انا همشي دالوقتي سلام وسبته
...............
ميرا بعفويه:اتاخرت عليكي ولاجايه في معادي
سيلين بضحك:لامتاخرتيش انا اللي صحيت بدري
ميرا بابتسامه:قودت السياره باتجاه المكان اللي وصفتهولي وبعد فتره كنا وصلنا ونزلت شنطتي وشنطه سيلين واتجهنا لداخل
سيلين بتنهد:انا عارفه انو محتاج توضيب شويه
ميرا بجديه:امممم مش اوي تعالي نبدا ومش هناخد وقت بس علي شرط لوتعبتي هترتاحي ومش هتعملي حاجه تانيه
سيلين بضحك:لامتقلقيش مش هتعب ابتدينا توضيب وتنظيف بتاع ساعتين وكنا خلصنا انا جعانه تيجي نطلب دليفري اي حاجه
ميرا بابتسامه:تمام هطلب بيتزا ايه رأيك
سيلين بعفويه:امممم كنت بفكر في نفس الفكره بسرعه بقي عشان مفطتسش منك
ميرا بضحك:حاضر وطلبت اوردر من الموبيل وهيجي بعد حوالي نص ساعه لوقتها نقعد نتكلم شويه او نسأل بعض اسأله ونجاوب بصراحه لحد مالوقت يخلص ويجي الاكل انا هبدأ نفسك يبقي البيبي ايه يعني بنت ولاولد
سيلين بابتسامه:مش هتفرق معايا كتير اذا كان ولد ولابنت لاني عمتا بحب الاطفال بس اللي عايزاه بجد انو عقبال مايجي تكون كل حاجه اتصلحت لاني مش حابه يعيش زي ماعشت في خداع وبعدين كره وبعدين توصل بيه ان قلبه يتملي انتقام وحقد حياته هتبقي عباره عن سعاده وحب
ميرا باعجاب:اممم ردك كان حلو اوي علي سؤالي ولاكمان مقنع
سيلين بضحك:شكرا ياباشا😂عايزه تسألي حاجه تانيه انا جاهزه
ميرا بتنهد:هسألك حاجه بماننا بقينا لوحدينا بس اوعديني متدايقيش
سيلين بعفويه:قولي
ميرا بجديه:انتي اتعرفتي ازاي علي ايمن من اربع سنين تقريبا
سيلين باستغراب:هيفرق ايه ياميرا مش فهمه سؤالك
ميرا بجديه:ممكن تكون فيه حاجه انتي ناسيها وتوصلنا لحاجه ابتدت علاقتكم ازاي من اربع سنين
سيلين بجديه:تمام ساعت ماقابلت ايمن كان عندي20سنه وكنت لسه طالبه في الجامعه مكنش مر علي موت بابا الأ كام شهر كنت ضعيفه وقتها وتايهه فاجئه لقيت نفسي لوحدي حته في وجود ماما لانها مكنتش مهتمه غير بنفسها في نفس الوقت قابلت ايمن صدفه فلاش باك
سيلين بشرود:نزلت من عربيتي وقررت اتمشي شويه كنت شارده في افكار كتير في دماغي وبفكر في ذكريات قديمه بتجمعني بابا مخدتش بالي ان في عربيه مسرعه نحوي الا لما ضوئها قرب مني معرفتش اتحرك كان اتشلت حركتي غمضت عيني وحسيت انها نهايتي فعلا بس فيه حد شدني من ايدي وبعدني عن العربيه وناتج الدفعه القويه وقعنا علي الارض ويعتبر كنت في حضنه ومتمسكه بقميصه
ايمن:انتي كويسه حصلك حاجه
سيلين بتوتر:انتبهت لصوته فتحت عيني ببطئ كنت قريبه منه لدرجه كبيره ورحت بعدت عنه انا كويسه شكرا جيت اقوم رحت وقع تاني ااه يارجلي
ايمن بجديه:واضح ان رجلك اتلويت ومن الافضل تروحي المستشفي
سيلين بجديه:تمام شكرا ليك ممكن تروح وانا هتصرف لقيته مدلي ايده بعد فتره طويه وتردد مديت ايدي وساعدني اني اقوم واتجه بالعربيه ناحيه المستشفي الدكتور ربطلي رجلي وقالي ان مضغطش عليه جامد وهي كام يوم وهرجع كويسه شكرا ليك تاني يااا
ايمن بابتسامه:اسمي ايمن ورحت مدتلها ايدي وانتي
سيلين بابتسامه:شكرا ياايمن ورحت مشيت من غير مااقوله اسمي كنت فاكره اننا مش هنتقابل تاني بس يمكن القدر كان مخبي حاجه تانيه انا معرفهاش
نهايه الفلاش باك
سيلين بتنهد:فضل يقابلني صدف واتقربنا لبعض وبعدها جيه خطبني وانا وافقت لاني كنت معجبه بيه وبتمني لوترجع الايام ومكنتش بالغباء والسذاجه اللي كنت فيها هو استغل ده لصالحه ولحد دالوقتي بدفع ثمن الغلطه ديه
ميرا بتفكير:ليه ميكونش مقابلتك لايمن مكنش مجرد صدفه وانو كانت خطه وكل اللي عمله كان عشان يكسبك ويخدعك ياسيلين بس قبل مايكمل خطته انتي كشفتيه
.................
دينا:مازن جيه علي الصبح ورجعنا البيت وملك جت معانا
مازن بتعب:انا هدخل انام شويه عشان مطبق من امبارح وكلامي ليكي انتي بالذات يانور بلاش لعب بصوت عالي
نور ببراءه:كده ياخالوا مازن ده مس بعمل اي حاجه😇
مازن بضحك:اه عارف عفريتك اللي بيعمل يانور العبي انتي ويوسف في اوضيتكم بهدوء بعد ماراحوا علي اوضيتهم طبعا مش محتاج اقولك ان البيت بيتك ياملك
ملك بابتسامه:عارفه بس امال عمو سالم فين
مازن بعفويه:مش مستقر هنا علطول ماصدق خلص مني فمعظم الوقت بيبقي مسافر بس ممكن علي بكره يجي وسبتها ودخلت اوضتي عشان انام
دينا بتردد:تحبي ياملك اعمل اي حاجه
ملك بعفويه:عايزه اتكلم معاكي عندك مشكله
دينا بابتسامه متردده:لامعنديش اتفضلي
ملك بنبره خافته:دينا انا مش عارفه انتي بتفكري ازاي بس بلاحظ التردد اللي بيبقي عليكي لما بتكلميني بصي يادينا انا مش انسانه معقده بالعكس انا معدتش بفكر في الماضي لانه انتهي وانتي بالنسبالي دالوقتي مرات اخويا مازن يعني زي اختي انتي بالنسبالي زيك زي سيلين ولارا يادينا
............
سيلين:خرجت من البيت بليل بعد رساله واتجهت لبحر المكان اللي هنتقابل فيه لما وصلت مكنش لسه جيه فنزلت من العربيه ووقفت استناه وكنت شارده في البحر وامواجه ونسمات الهواء البارده قليلا التي تلفح وجهي وتداعب خصلات شعره احسست بوجوده من رائحه البرفيوم بتاعه ولقيته احتضنني من الخلف علفكره اتاخرت عن معادك يااستاذ ادهم
ادهم بعفويه:هما كلهم نص ساعه ياسيلين يعني متاخرتش اوي الصراحه ماما هي السبب اخرتني وماصدقت هربت وجيت
سيلين بتنهد:بدورلك علي بنت عشان ترتبط بيها ياادهم وتبدأ حياتك صح
ادهم بجديه:صح ياسيلين بس تعمل اللي هي عايزاه انا مفيش حد يقدر يتحكم في حياتي اويخليني اعمل حاجه مش عايزها ولاانتي مبتثقيش فيا ياسيلين ان مستحيل اتخلي عنك
سيلين بنبره خافته:انت عارف كويس اني بثق فيك ياادهم اكتر من نفسي ومن اي حاجه تانيه
ادهم بتنهد:تمام ياسيلين بس اللي مش فهمه ليه طلبتي مني نتقابل هنا بعد ماكنا اتفاقنا اني اجيلك عند البيت واخدك
سيلين بجديه:اولا لان احمد مخلي ناس يرقبوا البيت من غير ماحد يعرف ولوشافوك هيعرفوا ان احنا لسه علي تواصل مع بعض و
قطعني بجديه:منا عارف انو بيراقب بيتك ياسيلين ولما كنت هجيلك كان ليا طريقتي
سيلين باستغراب:اممم وعرفت ازاي ياادهم انت مش حاطط ناس تبعك بيرقبوا البيت صح
ادهم بابتسامه:شطوره اديكي فهمتيها من غير مااقولك انا عملت كده لانك صممتي تنفذي اللي في دماغك وترجعي بيت باباكي وبعيد عني وعشان ابقي مطمن عليكي عملت كده
سيلين بجديه:اه ده علي اساس انك مبتنفذش اللي انت عايزه برضو وبعدين كنت هتيجي ازاي من غير مايشفوك هتدخل من الشباك مثلا
ادهم بجديه:ماقولتلك بقي ليا طريقتي وكل حاجه وليها عندي حل
سيلين بسخريه:اه خدت بالي ده زي ماعملت من شهور لماخطفتني وديه كانت طريقتك وقتها😏
ادهم بعفويه:اممم كان حل حلو معملتوش مع حد غيرك افرحي😎
سيلين باستنكار:انت شايفه كان حلو اللي عملته فيا وقتها مش ندمان لاوكمان بتقولي افرحي معملتش كده مع حد غيرك انت حابب اقتلك صح قولي سبب واحد ميخلنيش ارتكب جريمه قتل دالوقتي🙄
ادهم بابتسامه:اولا لانك مش هتقدري تعمليها والحاجه التانيه اني مش ندمان عشان لولا اللي عملته ده مكنتيش هتبقي جزء من حياتي حته لوكنت غلطت في الطريقه
سيلين بابتسامه:امممم لاسف اقنعتني بس اهم حاجه انك اعترفت ان طريقتك كانت غلط عمتا قبل مانروح لمكان اللي كنا متفقين عليه فيه حاجه مهمه لازم تعرفها حاولت اقولهالك كذه مره بس يحصل حاجه ومعرفش اقولك بس مهما اللي كنت هقوله مش هيغير خطتنا ياادهم اوعدني بده
ادهم باستغراب:تمام ياسيلين اوعدك في ايه بقي
سيلين بنبره خافته:مسكت ايده وحطتها علي بطني انا حامل ياادهم وده كان سبب تعبي الفتره اللي فاتت
ادهم بعفويه:معني كلامك ياسيلين انك كنتي تعرفي من فتره وخبيتي عليا عشان ممنعكيش تكملي خطتك كلامي صح مش كده
سيلين بجديه:انا فعلا كنت هقولك كذه مره وفيه حاجه تحصل وبتنهي حديثنا
ادهم بجديه:سيلين انا مش هستفيد حاجه لما تحققي اللي انتي عايزاه وفي سبيله اخسرك كفايه لحد كده ياسيلين انا مش حابب اكرر نفس اللي عشته مع ملك حسي بيا شويه ياسيلين
سيلين بضيق:وانت مش حاسس بيا ياادهم انا تعبت
مش حابه اقضي طول حياتي خايفه من اللي هيحصل بكره انا عايشه بعيد عنك وبحاول كل يوم اقنع نفسي ان كل حاجه هتتصلح ونرجع لبعض بس ده مش صح انا بقنع نفسي بوهم مامتك مستحيل تتقبل وجودي في حياتك ده غير احمد ومها وايمن اللي مستعدين يعملوا اي حاجه عشان يفرقونا كنت المفروض افرح اني حامل وهبقي ام قريب بس بالعكس مش قدره احس بده مقدرتش امسح دموعي فتساقطت علي خدي
ادهم بنبره هادئه:قربت منها ومسحت دموعها واحتضنت وجهها بين كفي انا اسف اني دايقتك ورحت ضمتها سيلين اهدي لانك عارفه كويس انو غلط عليكي في الفتره ديه صدقيني انا ميهمنيش غير مصلحتك وانك تبقي كويسه انتي وابننا
سيلين بنبره متردده:بعدت عنه شويه ادهم هسألك سؤال وتجاوبني بصراحه لوفرضا بعد ماخلص كل ده ومامتك موفقتش بوجودي معاك وعرفت اني حامل فوقتها هتعمل ايه هتتخلي عني انا وابنك ولاهتقرر انك تاخده بعد مااولد عشان يعيش معاك
ادهم............
يكمل
أنت تقرأ
احببت عدوتي
Tiểu Thuyết Chungمااصعب ان ندرك حقيقه الامور وان نري الحقيقه التي مر اعوام ونحن نظن غيرها،ويمكن ان نظن ان صله القرابه او الدم هي من انقي العلاقات واخلصها ولكن عندما نكتشف العكس وان اقرب شخص الينا او مانعتبره كذلك هو مجرد خدعه يطعن الذي امامه في ظهره،وتختلف ايضا بعض...
