سيلين بنبره متردده:بعدت عنه شويه ادهم هسألك سؤال وتجاوبني بصراحه لوفرضا بعد ماخلص كل ده ومامتك موفقتش بوجودي معاك وعرفت اني حامل فوقتها هتعمل ايه هتتخلي عني انا وابنك ولاهتقرر انك تاخده بعد مااولد عشان يعيش معاك
ادهم بصدمه اثر سؤالها:انتي بتقولي ايه ياسيلين
سيلين بجديه:انا عارفه انو مش وقته بس امكن اجابتك تريحني من التفكير الكتير ياادهم
ادهم بجديه:بجد مكنتش متصور ان الموضوع بالنسبالك يوصل لمنظر ده بس احب اريحك انا مستحيل اتخلي عنك او اتخلي عن ابني واخده منك واتخلي عنك عشان ماما مقتنعه بحاجه مش صح زي منا ليا واجبات انفذها اتجاه ماما فانا عندي واجبات برضو المفروض اوفي بيها ناحيتك لانك مراتي لوحصل ده ياسيلين لاسوء الظروف هسيب البيت ونستقر في بيت تاني ومش معني كده اني هقطع صلتي بماما بالعكس هروحلها كل فتره ولواحتجتني هتلقيني جنبها بس مينفعش اخلي حد يقرر عني كفايه اللي بيحصل دالوقتي واهانتها ليكي هي ومها وانا ساكت بسببك ياسيلين انتي اللي وصلتينا للي احنا فيه دالوقتي
سيلين بنفاذ صبر:كل حاجه بسببي انا صح ياادهم ووجودي معاك خطر عليك في الوقت ده اولها كانت الحادثه اللي حصلتلك وانا متاكده ان حد وراها والشخص اللي كان ناوي يسممك في المستشفي ومتاكده انو ايمن ده غير حاجات كتير انا مش هقدر اتحمل اني اخسرك ياادهم وده كان الحل الوحيد قدامي ومتهيألي انك برضو عملته ونفذته من غير ماتقولي بس انا دايما اللي غلطانه سلام وسبته وركبت عربيتي وااتجهت لبيت بعد فتره كنت وصلت فضل يرن عليا بس مكنتش حابه ارد فقفلت الموبيل لسه هفتح الباب لقيت حد شدني من ايدي وكمم فمي امممم فالاول افتكرته ادهم بس لأ ديه مش نفس ريحه البرفيوم بتاعه
ايمن بابتسامه:اهدي ياقطه شويه مش معقول مبتتعبيش هبعد ايدي عن فمك بس لوجربتي تصرخي هتلقي المسدس ده قتلك بعدت ايدي
سيلين بتماسك ظاهري:عايز ايه مني ياايمن
ايمن بجديه:ياه من امتي الشجاعه ده انا قولت ان بعد انفصالك عن ادهم هتكوني هديتي شويه
سيلين بجمود:لااحب اطمنك بقيت اسوء من لما كنت معاه فاحذر مني احسن انت وهو اسوء من بعض وغدرتوا بيا وده اللي وصلني لكده مش متهيألي جاي تسأل عني يعني
ايمن بجديه:اممم ذكيه ياسيلين بس الصراحه مش سبب مجئ هو اني عايز منك حاجه مش انهارده ياقطه
سيلين بنفاذ صبر:انجز وقول عايز ايه
ايمن بجديه:خدي فيه حد عايز يوصلك رساله معينه
سيلين بجمود:خدت الموبيل منه الو
احمد:ازيك ياسيلين بقالي كتير مشوفتكيش عشان كده بفكر انك تجيلي علي مكتبي اخر الاسبوع يعني بعد يومين عايزك في موضوع
سيلين:واناايه اللي هيخليني اوافق اني اجيلك
احمد:طيب ياسيلين عندك اختيارين ياتيجي بنفسك بعد يومين ياابعت ايمن والرجاله يجبوكي بالعافيه تحبي انهي
...............
ادهم بعصبيه:رجعت البيت ورحت قعدت في اوضتي وحاول اكلمها بس لقيت موبيلها مغلق اوووف ماشي لما اشوفك بس ورحت رميت الموبيل بعصبيه
عمر بصدمه:طيب اجيلك في وقت تاني لان شكلك متعصب علي الاخر
ادهم بعصبيه:عايز ايه ياعمر انجز عشان انا مش طايق نفسي
عمر بعفويه:واضح حته الموبيل اللي اتكسر يشهد
اجيلك في وقت تاني عشان مش مستغني عن عمري
ادهم بانفعال:عمر مش ناقص هزارك دالوقتي لوخايف علي عمرك فعلا مستفزنيش دالوقتي كنت عايز ايه
عمر بتنهد:قفلت الباب ورايا طيب ايه اللي حصل سبب عصبيتك ديه كلها انتوا اتخانقتوا
ادهم بجديه:خدته لشرفه بتاعت الغرفه اه اتخانقنا وحاسب علي كلامك عشان مها ودانها اليومين دول معانا
عمر بجديه:تمام انا قفلت الباب بس ايه اللي حصل
ادهم بتنهد:حكتله علي اللي حصل كله بقي اخرتها تسيبني وتمشي واكلمها وهي تقفل الموبيل
عمر بضحك:الصراحه عندها حق لاخلاص متبصليش كده اهدي بس تعال نتكلم جد مش حاسس نفسك غلطان شويه ياادهم
ادهم:مش عارف انا اصلا مش طايق نفسي
عمر بجديه:طيب انا عارف ان الوضع ده صعب بس اكيد كلامك ضايقها ياادهم انت شيلتها ذنب انت عارف كويس انها ملهاش دعوه بيه وبعدين الوضع اللي انتوا فيه ياادهم والظروف اللي مرت بيها قبل كده فشئ طبيعي انها تخاف مش معني كده انها مبتثقش فيك وبعدين هي متوتره ومضايقه وانت كملت عليها وانت عارف كويس انو غلط عليها دالوقتي فاتحكم في تصرفاتك عشان متندمش يااادهم بعدين
ادهم:يعني اعمل انا ايه دالوقتي هو كان من الصح انها تقفل موبيلها
عمر بجديه:بس انت اللي ابتديت ياادهم حل المشكله لانه الموضوع ميستاهلش وبعدين انت ليه مفكرتش انها كانت متوقعه منك رده فعل غير اللي عملتها وده ضايقها اكتر تصبح علي خير
ادهم بتنهد:وانت من اهلو بعد ماسبني قعدت علي الاريكه وفي نفسي انا ايه اللي هببته ده يعني بدل مااهديها واطمنها اتعصبت عليها ولومتها علي اللي بيحصل بدل ماافرح بخبر زي ده انشغلت في حاجه تانيه واتعصبت وفضلت قاعد لحد مانمت من غير مااحس من كتر التفكير
................
عمر باستغراب:لما رجعت اوضتي لقيتها قاعده وحواليها ملفات والاب توب فتحاه قدامها كنت فاكرك نمتي يالارا
لارا:لامنامتش ورايا شغل كتير مش واضح وده بسبب قعدتي من الشغل اسبوع بسبب بابا،اوف هشرب القهوه وبعدين اكمل كنت عايز حاجه ياعمر
عمر باستنكار:لامكنتش عايز حاجه افتكرتك انسانه طبيعيه هتكوني نمتي يالارا مش قاعده وسط الملفات ديه كلها نفسي القيكي بتعملي حاجه غير الشغل
لارا بتنهد:مبعرفش اعمل حاجه غير الشغل هي ديه حياتي ولاسف اضطريت ترتبط بالحياه اللي مش طبيعيه ومتهيألي فاكر اخر مره قررت اعمل حاجه غير شغلي جبست ايدك
عمر بغيظ:طيب انا كنت ناسي فكرتيني ليه،مابتعرفيش يالارا عشان انتي مبتحاوليش تعملي غير شغلك وبس حياتنا مش كلها هنقضيها شغل
لارا بجديه:بس ديه حياتي ياعمر ومش هغيرها انا تعبت كتير عشان اوصل للي وصلتله ومش ناويه اضيعه عشان اي حاجه ملهاش لازمه مجرد كمليات لحياه انا بجبهالك صريحه من دالوقتي عيش حياتك ياعمر لاني مستحيل اكون البنت اللي انت عايزها
عمر بسخريه:ده علي اساس انتي عارفه انا عايز ايه يالارا
لارا:ايوه انت عايز بنت تبقي انت كل حياتها كل ماتخرج تفضل تستناك ترجع وتستقبلك استقبال رومانسي بتهتم بنفسها بزياده ولبسها كله فساتين مغريه وتفضل تقول كلام رومانسي والموضوع بينتهي بعشاء لطيف ورمانسيه بينكم وتحلم باليوم اللي يبقي عندكم فيه اطفال وهتسموهم ايه ونفسك في بنت او ولد وبعد ماتحمل وتولد هتبقي صعب تهتم بنفسها وبابنها هيتهمل ابنها وده هيسبب مشاكل هتوصل لطلاق اوتهمل نفسها وفي الاخر تخونها لانك شوفتها اتغيرت وهتوصل لطلاق برضو
عمر بدهشه:ياه كل طريق عندك بيوصل لطلاق يالارا معني كده بقي ان احنا صعب نفضل مع بعض
لارا:اممم كويس انك استنتجت ده
عمر بجديه:علفكره يالارا كل اللي قولتيه ده مش تفكيري لاسف عارفه ليه لاني بدور علي حاجه انتي نفسك نستيها بمجرد انك فكرتي ان الشكليات كل حاجه يالارا كل شخص بيحلم انو يكون عائله بس مع بنت بيحبها وبتحبه مش لمجرد انها شكلها حلو وحتققله رغباته وده اللي انتي مش قادره تفهميه انا مش هقدر اعيش حياتي زي مابتقولي عارفه ليه ده لاني بحبك وده اللي مش هقدر اعمله تاني مع اي بنت وحاجه تانيه يالارا لما تحبي وتثقي في نفسك هتلقي نفسك جميله بكفايه لدرجه انك مش محتاجه الشكليات اللي بتعملها البنات زي لبس الفساتين والميكب الكتير والجزم اللي بكعب بس انتي مشكلتك انك دايما معتبره نفسك صح يالارا
لارا:امممم فيه سؤال حابه اعرف اجابته ايه اللي خلاك حبتني ياعمر رغم ان فيه بنات كتير احسن مني وانت عارف ان صعب ابادلك المشاعر ديه
عمر بتنهد:معتقدش اجابه السؤال ديه تهمك كتير
لارا:لومكنتش تهمني مكنتش سألت ياعمر
عمر باستخفاف:ومعتقدش انك هتفهميني يالارا تصبحي علي خير.
لارا بضيق:بعد ماراح علي السرير عشان ينام طلعت وقفت في الشرفه وفي نفسي انا غبيه مثلا عشان يقولي مش هفهمه شردت في كلامه ليا اوووف ليه يابابا عملت فيا كده انا صعب اعيش حياتي كده مجبره علي ارتباط وافقت عليه مش بارادتي وانا وهو مختلفين وصعب حته نكمل ليه حملتني فوق طاقتي يابابا
..................
تاني يوم الصبح،دينا بابتسامه:عايزه حاجه ياملك
ملك بتساؤل:ليه انتي رايحه فين
دينا بابتسامه:هروح لماما شويه وبعدين اطلع علي المستشفي لويوسف عمل حاجه قوليلي
ملك بضحك:عايزه افهمك ان يوسف زي نور وبعدين هو اصلا هادي مبيعملش حاجه متقلقيش عليهم ودعتني ومشيت كنت ابتديت اتحرك بس علي عكاز كنوع من اني احرك رجلي ولما بتعب بقعد لقيت جرس الباب بيرن اكيد نسيت حاجه فاتجهت براحه وفتحت الباب كنت لسه هتكلم بس لقيته شخص مين
ادم بعفويه:هو ده مش بيت مازن برضو ولاانا غلطت في العنوان
ملك:لاهو بيت مازن بس هو مش موجود انت مين
ادم بصدمه:انتي ملك اخت مازن صح بس ازاي
ملك باستغراب:انت تعرفني
ادم بضحك:معقول معرفتنيش انا ادم صديق مازن المقرب كنت باجي عندكم البيت كتير بس سافرت من كام سنه افتكرتيني ولالسه
ملك بضحكه خفيفه:اه خلاص افتكرتك انا اسفه بس بقالي فتره مشوفتكش وشكلك اتغير حبتين اتفضل مازن شويه ويجي وهيفرح لما يشوفك
ادم:مش حابب ازعجك فهاجي في وقت تاني
ملك بعفويه:متقولش كده مش هتزعجني ولاحاجه اتفضل بعد مادخل تحب تشرب ايه
ادم بضحك:لامش عايز شكرا ارتاحي لما هحتاج هقول بس ممكن اسألك سؤال
ملك:اسأل
ادم بتردد:انا سمعت انك عملتي حادثه من اربع سنين وان بعد الشر متنقذتيش بس انا فرحان اني شوفتك كويسه ياملك
ملك بتنهد:اه فعلا عملت حادثه من اربع سنين وكنت في غيبوبه الفتره ديه كلها والكل فاكر اني موت في الحادثه فوقت من شهرين بس واهو اتحسنت شويه عن الاول
ادم بعفويه:انتي محظوظه فعلا انك اتحسنتي ووصلتي انك بتكلمي وتتحركي لوعندك اراده كمان اقوي ممكن ترجعي زي الاول واحسن
ملك بابتسامه:وانت اخبار حياتك ايه اتجوزت ولالسه
ادم بجديه:كنت متجوز من حوالي تلت سنين انفصالنا او بالمعني الاصح هي سبتني عشان شخص تاني وطلقتها وبس كده
ملك:انا اسفه مكنتش اعرف وضايقتك من غير مااقصد
ادم بعفويه:لاعادي ولايهمك كنت في الاول بضايق بس بعد كده اتناسيت الموضوع انا مومن ان ربنا هيعوضني بالبنت اللي فعلا من نصيبي
ملك بضيق:ازاي قادر تنسي خيانتها ياادم
ادم بابتسامه:النسيان صعب ياملك بس الحياه مبتقوفش علي حد يعني هي كملت حياتها ولاكأن حاجه حصلت هفضل انا ليه موقف حياتي عليها وهي متستهلش ده،وانتي المفروض تعملي ده انا اعرف ان عندك بنت حاولي تنسي عشانها وكملي حياتك هتفضلي لحد امتي تفكري في الماضي وانتي الوحيده اللي هتاذي نفسك ومحدش هيحس بالتعب غيرك اتمني ترجعي ملك اللي كنت اعرفها اللي الضحكه مبتفرقش وجهها
ملك:اعتقد انو بقي صعب ياادم ملك اللي بتكلم عنها ديه ماتت من فتره طويله انا اتغيرت كتير وصعب ارجع زي ماكنت مش كل شخص قوي عشان يقدر ينسي الماضي والغدر والخيانه ويبتدي حياته من جديد
.................
ميرا باستغراب:رايحه فين بدري كده ياسيلين
سيلين:رايحه المستشفي يلابقي باي عشان متعطلش وسبت البيت من غير مااسمع اللي كانت هتقوله وركبت العربيه ببص في الموبيل لقيت اني نسيت افتحه من امبارح ففتحته فلقيت مكالمات كتير من ادهم اووف اتجهت بتجاه المستشفي بعد شويه كنت وصلت
ممرضه"دكتوره سيلين فيه واحد مستني حضرتك جوه
سيلين بقلق خفي:طيب افتكرت اني هلقيه ايمن لانه اتاخرت علي المعاد اللي اتفقنا عليا امبارح خدت نفس عميق وفتحت الباب متهيالي اني قولتلك اني مش عايزه اشوف وشك تاني بس انت مبتفهمش ده
لما قام وقف واداني وجهه اتصدمت اني لقيته ادهم انااا
ادهم بضيق:كنت فاكرك مضايقه ومتعصبه مني بس مش لدرجه انك مش حابه تشوفي وشي تاني ياسيلين عالموم انا هريحك وامشي
سيلين بتعب:مسكت ايده قبل مايمشي ادهم انا مش حابه اتخانق انا وانت وانا مكنتش اقصدك بالكلام ده كنت فاكره انك شخص تاني فااسفه
ادهم بشك:كنتي فكراني مين ياسيلين او كنتي متوقعه مين اللي تلقيه وكنتي موجه ليه الكلام ده
سيلين بتماسك:ولاحد متشغلش بالك موبيلي رن بصوت رساله لقتها من ايمن لعنت اليوم اللي عرفته فيه في نفسي طيب ياادهم انا مضطره امشي ورايا شغل ضروري سلام وبعد مافتحت الباب وكنت هطلع لقيته قفله وحاصرني عليه في ايه ياادهم
ادهم بعصبيه خفيفه:مش حابب تطلع عصبيتي عليكي ياسيلين مخبيه ايه عليا ومين اللي كنتي قصداه بكلامك ورايحه فين
سيلين بجمود:كلامك يدل انك مبتثقش فيا ياادهم سيبني امشي وبالنسبه رايحه فين فعندي شغل في مستشفي تانيه وانت ماخرني
ادهم بعصبيه خفيفه:سيلين لاخر مره هسألك رايحه فين ومين اللي رايحه تشوفيه اللي قولتيه ده مش الحقيقه،اوعي تقوليلي ان كان كلامك قصده بيه ايمن وده الشخص اللي هتقابليه ياسيلين
سيلين بجمود:ايوه رايحه اقابل ايمن ديه الحقيقه عايز حاجه تانيه مش انا اللي وصلت الكل لهنا وكل ده بسببي سيبني بقي احل كل حاجه علي طريقتي
ادهم:سيلين بلاش جنان انتي عارفه اني كنت متعصب ومقصدتش اللي قولته اللي بتعمليه او ناويه عليه انتي بتخاطري بحياتك
سيلين بجديه:انا عارفه كويس عواقب اللي بعمله وكان عندك حق كل المشاكل بدايتها كانت من عندي وانا لازم احلها وانت مش هتقدر توقفني ياادهم
ادهم:..........
يكمل
أنت تقرأ
احببت عدوتي
Fiksi Umumمااصعب ان ندرك حقيقه الامور وان نري الحقيقه التي مر اعوام ونحن نظن غيرها،ويمكن ان نظن ان صله القرابه او الدم هي من انقي العلاقات واخلصها ولكن عندما نكتشف العكس وان اقرب شخص الينا او مانعتبره كذلك هو مجرد خدعه يطعن الذي امامه في ظهره،وتختلف ايضا بعض...
