وفوقت علي رنين الهاتف بعد ماقفلت رن تاني فرديت مجرد ماسمعت الصوت الصوره وقعت من ايدي بالغلط واتكسر الاطار بتاعها انت
ايمن بابتسامه:مش معقول ياسيلين لسه فاكره صوتي لحد دالوقتي
سيلين بتماسك:عايز ايه ياايمن وبتتصل ليه
ايمن بجديه:عايز اشوفك تحبي فين ممكن في البيت عندك اوعندي ايه رأيك
سيلين بعصبيه:احترم نفسك احسنلك ياايمن ومين قالك اني عايزه اشوف وشك لوكنت اعرف انو رقمك مكنتش رديت كنت لسه هقفل
قطعني بجديه:قبل ماتعملي كل ده اسمعيني كويس هبعتلك المكان والوقت والأ حماتك العزيزه وبيت اهل جوزك هيعرفوا ماضيكي كله ايه رأيك فخليكي عقله ياسيلين
سيلين بغضب مكتوم:ان مخليتك تندم علي تهديدك ده ياايمن
ايمن باستخفاف:ولاهتقدري تعملي حاجه معايا لانك ببساطه ضعيفه ياسيلين وده من زمان اوي ولحد انهارده متغيرش
سيلين بجديه:هبقي في المستشفي بعد بكره نتقابل في الكافيتريا اللي جنبها ورحت قفلت التليفون فصلته خالص وريحت دماغي ونزلت علي الارض اجمع الزجاج المكسور كنت بشيله بعصبيه فجرحت ايدي
..............
ادهم بجديه:دخلت الغرفه بتاعته فلقيته قاعد علي طرف السرير ممكن نتكلم يامازن ولاهتتخانق معايا برضو
مازن:هي اللي اشتكتلك صح بس اكيد مش هتخانق معك ياادهم
ادهم بتنهد:لادينا مشتكتليش هي قالتلي بس اقنعك تاكل وتاخد الدوا امكن توافق بص يامازن انا معرفش ايه اللي حصل وانت حر عايز تكلم ولالأ
مازن:حكتله علي اللي حصل انا عارف اني زودت في الكلام بس ده اللي حصل اعمل ايه يعني
ادهم باستغراب:انا مش فاهم ايه سبب المشكله اللي عملته دينا شئ طبيعي انا لواعرف انك تعبان كنت منعتك من انك تخرج من البيت لانك اخويا وبخاف عليك هي كذلك يامازن انت جرحتها بكلامك من غير ماتفكر حته حاول ماتجبش سيره الماضي عشان الدنيا متخربش يامازن مهما لوكانت ايه المشكله
مازن بتعب:انا عارف اني غلطت ياادهم بس انا الفتره ديه مش عارف اتحكم في اعصابي وسبب اني اتاخرت امبارح مكنش الشغل وهي ان بابا كان متفق معايا نتقابل في النادي وبالصدفه ماما كانت هناك وطبعا هي تسكت ابدا وولعت خناقه وبابا تعب شويه واضطريت افضل معاه شويه في البيت وبعدين في الطريق العربيه عطلت وكملتها مشي لحد هنا
ادهم بابتسامه:الف سلامه علي عمي عامل ايه دالوقتي
مازن بتنهد:كويس بس قولي اصلح اللي عملته ازاي
ادهم بعفويه:اعتقد انك اكتر واحد هتعرف الاجابه انت تعرفها من سنين واكيد عارف تصالحها ازاي بس لازم الاول تاكل وتاخد دواك يلااسيبك ترتاح وتشوف هتعمل ايه وسبته
................
ادهم:بعد ماسبت مازن روحت اطمن علي نور وبعدين اتجهت لغرفتي بالاعلي بفتح الباب فاتصدمت باللي شوفته لقيت زجاج مكسور علي الارض وسيلين قاعده علي الارض وايديها مجروحه قربت منها بحذر سيلين قومي معايا قومتها بهدوء وقعدتها علي طرف السرير وجبت علبه الاسعافات هاتي ايدك
سيلين بالم ممزوج بدموع:لأ هتوجعني اكتر ماهي وجعاني
ادهم بنفاذ صبر:بلاش طفوله ياسيلين انتي دكتوره وعارفه انو لازم نعقم الجرح ده هاتي ايدك
سيلين باستنكار:انا مش طفله ياادهم ومدتله ايدي
ادهم بجديه:مسكت ايديها وشيلت قطعه الزجاج اللي كانت في الجرح وجبت قطنه ومعقم واول ماحطتها كانت هتشد ايديها فشدتها تاني
سيلين بالم:اااه بس كفايه بتوجع
ادهم بتنهد:احسن عشان تاخدي بالك بعد كده بعد ماعقمتلها الجرح لفتلها ايديها بشاش،كان عقلك فين لما جرحتي ايدك ونزلت جمعت قطع الزجاج بحرص ورمتهم بشوف الصوره لقيتها صوره ليها مع باباها فجبتها وادتهالها وحشك
سيلين بابتسامه حزينه:جدا احيانا بتمني لوكان لسه عايش حسه اني محتاجاه حاجات كتير اتغيرت بعد ماسبني بقيت ضعيفه لأسف
ادهم بتنهد:انتي عمرك ماكنتي ضعيفه ياسيلين وبعدين انا عارف ان ممكن تكون ماما ضايقتك انهارده بسبب اللي حصل انا اسف عارف انك مش مضطره تتحملي كل ده وانك لوحابه اننا ننفصل عن هنا ونعيش في البيت التاني معنديش مشكله
سيلين بتنهد:مستحيل اطلب منك كده ياادهم مين انا اللي دخلت علي حياتك من كام شهر عشان اخدك وابعدك عن عايلتك انا عارفه كويس احساس انك تبقي لوحدك بعيد عن عائلتك فاكيد مش هخليك تحس بالاحساس ده وبعدين انا مريت بأسوء من كده ياادهم فمتقلقش انا كويسه لقيته قرب مني فاجئه وقطع كلامي بقبله بعد شويه بعد بس كان مازال قريب مني مسح دموعي
ادهم بابتسامه:اه مش هنقدر نبعد عن المشاكل وكل حاجه بس ممكن نحاول ننسي ده واننا نقضي وقت مع بعض
سيلين بابتسامه:حاوطت عنقه بزراعي علفكره انا فاكره كل حاجه حصلت فاليوم اللي مكنتش في وعي فيه واللي قولته اوعملته كان حقيقه بس معرفتش اعبر عنه وانا في وعي لقيته حاوط خصري ليقربني منه اكثر ليحتضن شفتاي في قبله ولولفتره قررت اسيب قلبي هو اللي يحركني متناسيه كل ما حولي مطلقه العنان لرغبه قلبي بوجودي بقربه
............
مازن بتنهد:كنت بدور عليها لحد مااخير لقتها قاعده بره فاقتربت من المقعد اللي قاعده عليه هتفضلي هنا لصبح يعني
دينا بضيق:اه هفضل لصبح وهنام هنا وملكش دعوه
مازن بعفويه:بمأن كده بقي فقررت انام هنا معاكي حته الجو حلو والجو رومانسي خالص فوقينا السما والنجوم وحوالينا انواع مختلفه من الشجر والورد كمان وقمر بدل مافي السما قاعد جنبي هعوز ايه تاني يعني ورحت زقيتها وقعدت جنبها
دينا بغيظ:خلاص اسيبلك بقي الجو الرومانسي اقعد فيه مع نفسك قومت عشان امشي فراح شدني من ايدي فوقعت في حضنه كنت هقوم بس احكم قبضتيه علي خصري اوعي يامازن
مازن بعفويه:لأ وبعدين انا تعبان وواخد برد مش خايفه اتعب لمااقعد بره كتير
دينا بجمود:وانا مالي صحتك وانت اللي هتبقي حريص عليها اكتر مني فاعمل اللي شايفه صح يادكتور وياريت تسيبني
مازن بجديه:يعني لوجرالي حاجه مش هيهمك يادينا
دينا بجمود مزيف:ولايفرق معايا متهيألي انك كبير بكفايه عشان تعرف ايه اللي في مصلحتك وايه اللي هيضرك
مازن بعفويه:انا اسف يادينا علي اللي قولته عارف اني غلطت وجت فيكي بالغلط انا كنت متعصب من حاجه تانيه وكل اللي قولته مش صح
دينا بجديه:مازن الشخص وهو متعصب بيطلع اللي جواه وانت عملت كده زي مانا معرفش انت عشت ازاي الفتره اللي فاتت انت برضو متعرفش حاجه وعشان منتخانقش اكتر من كده سيبني اروح قومت وبعدت شويه عنه
مازن بجديه:انا سيبتك اهو يادينا ممكن تسمعيني علي الاقل
دينا بجديه:لفيت ورجعت تاني اسمع ايه يامازن ناوي تقول ايه تاني انت اتغيرت كتير لدرجه انك بقيت شخص معرفهوش ولاالشخص اللي كان صديقي واقرب شخص ليا وبيفهمني ولاالشخص اللي حبيته واتجوزته مش انا اللي مش قادره انسي انت اللي مش قادر تنسي ولسه حاطط الذنب عليا في اني كنت سبب معاناتك من ست سنين،قولي غلطت في ايه لما قلقت عليك يامازن مش معني انو لحد دالوقتي جوازنا علي الورق انو انا معنديش اي حق في حياتك وسبته ومشيت
................
تاني يوم الصبح،لارا باستغراب:في ايه ياعمر جايبني علي وش الصبح مش حال انك كنت معايا امبارح
عمر بجديه:منا عايز اتكلم بخصوص امبارح انا حاسس ان باباكي مكنش مصدق او مقتنع بالكدبه ديه في الاخر هو عارفك كويس ومن رأي تقوليله الحقيقه احسن
لارا بتنهد:انا مش عارفه الكدبه ديه اخرتها ايه بالظبط بس متقلقش كله خير وهيعدي ماهو بابا لومكنش مصر بطريقه كبيره انو يخلص مني مكنش حصل كل ده،يعني انت مخاليني سايبه شغلي وهتطرد بسببك عشان الموضوع ده
عمر باستنكار:ده علي اساس اني موريش شغل انا كمان
لارا بضحك:الله اعلم وبعدين يعني اوقات كتير مبتروحش فعادي ديه شركتكم ومشهوره فمش هتجري حاجه لما متروحش
عمر بجديه:وياترا الشركه بقت كده لوحدها ولاتعبت انا وادهم لحد ماوصلت لهنا منطقك غريب يالارا
لارا بعفويه:اممم عندك حق عمتا اكيد عيلتكم فخوره باللي عملتوه او حققتوه
عمر بضحك:امممم مش اوي مضطر امشي بقي عشان عندي اجتماع وبالنسبه
قطعتني بجديه:وبالنسبه لموضوعنا فمتفكرش فيه كتير يلا انا كمان همشي وودعنا بعض واحد فينا مشي طريق عكس التاني
..............
سيلين:صحيت اثر اشعه الشمس اللي داخله من الشرفه رفعت راسي عن صدره العاري فلقيته مستغرق في النوم فارتسمت ابتسامه علي وجهي ورحت مسكت خصله من خصلات شعري وقعدت احركها علي وجهه فلقيته اتحرك فرحت عملت نفسي نايمه وبعدين قومت كررت نفس الحركه ورجعت انام تاني،انا في نفسي:بمانه نومه تقيل فشكلنا هنتسلي علي الصبح😂،اتحركت بهدوء وقبل مالمس وجهه لقيته مسك ايدي واصبح بيعتليني اعاا صحيت امتي
ادهم بنفاذ صبر:من شويه يامزعجه ناويه تعقلي امتي قوليلي
سيلين بضحك:لامفيش امل اني اعقل انسي الموضوع احمدربنا اني مصرختش في ودنك وسرعتك
ادهم بعفويه:اعمليها ومش هيحصلك خير ياسيلين لسه الوقت بدري صاحيه ليه
سيلين بعفويه:عشان انا دكتوره متعوده اصحي بدري عادي ايه المشكله
ادهم بنبره خافته:امممم عارفه كنت بستغرب ليه اخترتي تبقي دكتوره اطفال واكتشفت دالوقتي
سيلين بضحكه خافته:ليه بقي يااستاذ ادهم
ادهم بضحك:لانك طفله اصلا ياسيلين متفرقيش حاجه عنهم
سيلين بغيظ:بقي كده ياادهم انا طفله ماشي كنت لسه هقوم فلقيته رجعني مكاني
ادهم بعفويه:احلي طفله في حياتي ابتسامتك وضحكتك مختلفه غن الباقي مش مصطنعه زي كل الناس اللي حوالينا وعفويه روحك حلوه وخفيفه وامكن ده اللي بنلقيه في الاطفال اكتر عشان كده قولتلك كده انتي بجد احلي حاجه حصلتلي ولوحد بس فكر يقرب منك او يأذيكي فهخليه يندم علي اليوم اللي فكر فيه
.............
تاني يوم الصبح،ادهم باستغراب:رايحه علي فين بدري كده ومستعجله
سيلين بعفويه:ورايا شغل كتير ولازم امشي
ادهم بجديه:طيب استني اغير هدومي واوصلك وبعدين اطلع علي الشركه
سيلين بتوتر خفي:لاهروح لوحدي لانك عارف ان طريق المستشفي عكس طريق شركتك و هربت من قدامه دخلت الحمام خدت شاور ولبست فستان روز بحملات وعليه جاكيت جينز قصير ولميت شعري كحكه وطلعت بسرعه وقربت منه وطبعت قبله علي خده وجريت باي،اتجهت لخارج وقودت العربيه لحد الكافيه فرحت قعدت علي طربيزه وبعد شويه هو جيه
ايمن بابتسامه:اهلا ياسيلين لسه مواعيدك مظبوطه زي ماهي واضح انك مبتتغيريش
سيلين بجديه:شئ ميخصكش ياايمن ليك اني قلت كلمه وجيت رغم اني مش عايزه اشوف وشك
ايمن بضحك:بس مضطره بدل ماتبقي فضيحه حلوه ياترا جوزك العزيز يعرف ولازي الباقي
سيلين بجمود:لأيعرف وللعلم انا مجتش هنا عشان خايفه من تهديدك اللي ملهوش لازمه ده ياايمن لان ببساطه انا معدتش سيلين اللي تعرفها بس جيت عشان اخلص من المواضيع القديمه ديه لازم تنتهي فعايز ايه من الاخر ومشفش وشك تاني
ايمن بدهشه:واوو خليني اعترف انك فعلا اتغيرتي ياسيلين اللي انا عايزه طلب بسيط عايز مليون بس معتقدش ان المبلغ ده صعب علي دكتوره وكمان متجوزه من رجل اعمال هاخد المبلغ وانسحب من حياتك
سيلين بعصبيه:انت مجنون صح انت فاكر ان ممكن اديك مليون عشان ايه انشاء الله انت فاكر عشان مثلا بابا سايبلي املاك وانا دكتوره اني ممكن افرط في مبلغ زي كده عشانك انت
ايمن بجديه:مسكت ايديها جامد وطي صوتك احسنلك ياسيلين عشان متصرفش تصرف ميعجبكيش وهتلقي حقيقتك الحلوه عند عائله جوزك
سيلين بجديه:هندمك علي تهديدك ليا ياايمن عليت صوت شويه لما لمحت الامن اللي واقف بره ومعاه شرطي اااه ايدي اااه
رجل الامن:دكتوره سيلين مالك
سيلين بتمثيل:انا كنت قعده هنا كالعاده وهو جيه قعد معايا وضايقني ولاكمان هددني بانه هيضربني لومسكتش
ايمن بصدمه:لامتصدقهاش محصلش حاجه زي كده هي بتتهمني
الشرطي:لازم تيجي معانا علي مركز الشرطه اتفضل قدامي واتفضلي يامدام علي مركز لوهتقدمي شكوه ضده
سيلين بجديه:تمام روحت لحد مركز الشرطه وكتبت الشكوي ضده وهما كانوا حاطوه في الحجز فقربت نسبيا لقضبان الحبس وارتسمت ابتسامه علي وجهي
ايمن بعصبيه:ارجعي عن الشكوي ديه احسنلك ياسيلين وطلعيني من هنا انتي مش اقدي
سيلين بابتسامه انتصار:كنت غبي اوي لما افتكرت اني هنفذلك اللي انت عايزه وهخاف منك،انت اللي مش قدي ياايمن وجربت تلعب معايا وانا حبيت اخليه تحذير ابعد عني وعن عيلتي احسنلك وابقي شوف بقي مين هيسحب الشكوي او هيقدر يدفع الكفاله عشان تخرج من هنا
ايمن بعصبيه:اطلع من هنا بس ياسيلين وهوريكي ان ماكسرتك ورجعتك زي ماكنتي ضعيفه مبقاش انا سبب قوتك ديه دالوقتي هو ادهم وانا مش هتردد اني اخلص منه وترجعي ولاحاجه تاني ياسيلين
سيلين بحده ممزوجه بوعيد:جرب بس تفكر تلمس شعره منه سعتها انت اللي مش هتفضل عايش ياايمن انت كسرتني مره واعرف كويس انك صعب تكسرني المرادي بالعكس انا اللي هكسرك وهخليك تترجاني اني اسامحك بس
ايمن باستخفاف:ده مجرد كلام ولاتقدري تعملي حاجه لانك مهما وريتي الناس انك قويه فانتي ضعيفه من جوه ياسيلين وعالموم انا بحب التحدي وعمري مابخسر والايام بينا ياسيلين........
يكمل
أنت تقرأ
احببت عدوتي
Художественная прозаمااصعب ان ندرك حقيقه الامور وان نري الحقيقه التي مر اعوام ونحن نظن غيرها،ويمكن ان نظن ان صله القرابه او الدم هي من انقي العلاقات واخلصها ولكن عندما نكتشف العكس وان اقرب شخص الينا او مانعتبره كذلك هو مجرد خدعه يطعن الذي امامه في ظهره،وتختلف ايضا بعض...
