ادهم:انا مبخلفش بوعدي ابدا ياسيلين طول مانتي ملتزمه باتفاقنا مش هقرب لابن اخوكي عقلك صورلك انك تحاولي تعملي حاجه انتي اللي خسرانه الفطار جهز ويلاعشان نفطر
سيلين بتنهد:مش عايزه شكرا لقيته مسك ايدي وشدني
ادهم بجمود:مش باخد رأيك علفكره نزلت لحد تحت وقعدتها علي السفره
مازن بابتسامه:اعرفك بنفسي انا مازن ابقي ابن عمته
ايدك عامله ايه
سيلين بنبره خافته:احسن الحمدلله واتشرفت بمعرفتك يامازن
مازن بضحك:مش لازم تكلميني بالرسميه ديه كلها انا عارف كل حاجه
سيلين بجديه:اقصدك انك موافقه علي بيعمله
مازن بتنهد:مش اوي عمتا مش في ايدي اغير حاجه ياسيلين وهتعرفي ليه مع الوقت
ادهم بتساؤل:امال فين عمر مجاش من امبارح ولالسه نايم
مازن:جيه امبارح متاخر وكان تعبان فلسه نايم لحد دالوقتي
ادهم:لقتها قايمه فمسكت ايديها رايحه فين
سيلين بجديه:رايحه الحمام عندك مشكله مع ده غير كده مش عايزه اكل واكيد مش هتخليني اعمل كل حاجه بالاجبار ورحت فلت ايدي منه
مازن:طيب انا همشي ورايا شغل وهرجع علي بليل عشان اشوف مرات خالي واسلم عليها ونور كمان يلاسلام
................
في المستشفي دكتور چورج"مش مصدق نفسي لما باباكي كلمني والكليه وافقت علي انك تتدربي في المستشفي بتاعتي بس قرارك انك ترجعي يادينا بعد ست سنين ايه سببه
دينا بابتسامه:هو اتاخرت شويه بس حبيت ارجع اكمل حلمي اللي مكملتوش واشتغل بس اكيد حضرتك اللي هتشرف علي تدريبي صح
جورچ:لأ الصراحه مش انا لاني مش فاضي الفتره ديه بس فيه دكتور كويس جدا انا اعرفه كان تلميذي وانا بثق فيه هو شويه ويجي متهيألي ممكن تكوني تعرفيه
دينا بتنهد:طيب هو هيتأخر
جورج:لأهو مواعيده مظبوطه اهو جيه عامل ايه يادكتور مازن
مازن بابتسامه:اديني جيت في معادي اهو يادكتور چورج كنت عايزني في ايه لم انتبه لشخص اللي كان قاعد
جورج:هعرفك علي بنت انا بعزها وعايزك اللي تشرف علي تدريبها هنا في المستشفي وانك تساعدها ومتهيألي انها كانت دفعتك
مازن بدهشه:دينا
دينا بابتسامه:اتشرفت بمعرفتك يادكتور مازن شوف الوقت اللي مناسب ونبتدي فيه عن اذنكم بعد ماطلعت من هناك وكنت متجهه لخارج لقيته بينادي عليا خير يادكتور حددت المعاد
مازن باستغراب:مقولتليش ليه انك ناويه ترجعي متهيألي انك مكملتيش عشان احمد مكنش موافق ايه اللي خلاه وافق دالوقتي يامدام دينا احمد
دينا بجديه:معدش فيه حاجه بينا عشان يمنعني لاننا انفصالنا فمتندليش بالاسم ده تاني يادكتور مازن
مازن بدهشه:دينا انتي بتكلمي معايا برسميه بزياده مش واخده بالك من ده ممكن نقعد نتكلم
دينا بجمود:لأ مش عايزه نتكلم لانو مش بمزاجك وبتكلم كده لان مفيش حاجه تجمعنا الصداقه القويه اللي كانت بينا انت قطعتها من ست سنين
مازن بتنهد:سابتني ومشيت حته من غير ماارد كان عندي شغل خلصته ومشيت كان علي بليل بس كلامها مش عايز يفارق عقلي لحد مالقيت نفسي من غير وعي متجه لبيت مامتها ووقفت قدامه بعد تردد شديد قررت انزل خبطت وبعد فتره فتحتلي مامتها ازيك ياطنط مريم
مريم بابتسامه :ازيك يامازن اخبارك ايه اتفضل يابني انا بشكرك جدا انك وصلت دينا اليوم اللي شوفتها فيه
مازن بتنهد:انا كويس بس حابب اتكلم مع دينا بس هي بتتهرب مني
قطعتني بجديه:انا مبتهربش منك يادكتور لاني مش زيك
مريم:انا اسفه يامازن بس هي مضايقه اليومين دول فمتخدش بكلامها انا هروح اعمل حاجه واجي
مازن بتنهد:اولا انا مش في المستشفي فناديني باسمي وحابب نتكلم بهدوء وهو ايه اللي معصبك كده
دينا بعصبيه:لابسيطه اصلك مجربتش تفضل تكلم شخص وهو حته مش معبرك ياموبيله مغلق واختفي ست سنين من يوم فرحي مجربتش تفكر ان ممكن اكون محتاجه حد اتكلم معاه ليه يامازن اختفيت
مازن بعفويه:متهيألي لانك مكنتيش محتجاني وقتها يادينا احمد بالنسبالك كان كل حاجه حته صديقك وجودي كان هيعمل مشاكل وانتي عارفه كويس اني انا واحمد بينا خلافات ومبنتفقش لما قررت ابعد فده لاني اطمنت لما شوفتك سعيده ولقيتي الشخص المناسب ليكي فكده ابقي غلطان في ايه لو اعرف ان فيه مشاكل حصلت ووصلتكم انكم تنفصلوا كنت ساعدتك تحليها
دينا بتنهد:مازن الاحسن اننا نقفل الموضوع ده لانك فعلا متعرفش حاجه والحاجه التانيه انو عمر احمد ماكان صديق ليا ولااقدر يفهمني انا مكنش ليا صديق غيرك يامازن بس انت سبتني ورجعت لوحدي تاني زي ما كنت قبل ماتعرف عليك في الجامعه
............
ادهم بابتسامه:اعرفك ياماما سيلين متهيألي اني حكتلك عنها وعمر حكالك المشكله وانها هضطر تقعد هنا لان اهلها مسافرين
نهال بنبره هادئه:تمام انا معنديش مشكله ياادهم ده انا ماصدقت انك بتحب بنت وقررت تجوز واخيرا بس صعب انها تفضل هنا معاك في نفس البيت وهي حبيبتك او خطيبتك وانت عارف ان جدتك لو عرفت مش هتسكت وهتعمل مشاكل لسيلين اكتر منك ولاايه رأيك ياسيلين
سيلين بابتسامه:معرفش اللي تشوفيه حضرتك مناسب
نهال بجديه:طيب عندي حل لو يعني نعمل كتب كتاب بموافقه اهلك طبعا ونخلي الفرح لما اهلك يرجعوا ويكون مثلا علي اخر الاسبوع قبل ماجدتك تيجي ونقول ان حصلت ظروف واضطرينا نعمل كل حاجه بسرعه قبل مااهلك يسافروا
سيلين بصدمه:نهايه الاسبوع يعني بعد تلت ايام لقيت ادهم ضغط علي ايدي اقصدي يعني اكيد مش هنلحق نرتب لكل ده في تلت ايام يعني
نهال بابتسامه:اه متقلقيش هنلحق بس ده لوانتي موافقه طبعا ياسيلين
سيلين بتماسك ظاهري:موافقه معنديش مشكله بعد ماقعدوا فتره يتكلموا ويضحكوا ومعظمهم دخلوا يناموا معادا انا وادهم وهي
نهال بابتسامه:معلش ياسيلين هتضطري تنامي انهارده مع نور عشان اوضه الضيوف مش متوضبه سيلين انتي معايا
سيلين بابتسامه:اه مع حضرتك بس سرحت شويه
نهال بتنهد:ادهم ممكن تسيبني مع سيلين شويه متخفش مش هاكلها يعني
ادهم بقلق داخلي:ماشي ياماما تصبحوا علي خير ومشيت وسبتهم
نهال بابتسامه:انا حبيت اقعد معاكي علي راحتنا لو مش موافقه وعايزه تاجلي قوليلي وانا هتصرف لان حساكي فيكي حاجه علطول ساكته ومتكلميش ولاده مجرد خوف من انك تاخدي خطوه جديده بصي اعتبريني زي مامتك وصارحيني
سيلين بتوتر:لأمفيش حاجه بس الفكره اني مش متعوده بس علي الجو وكمان متوتره شويه مش اكتر هبقي كويسه ياطنط
نهال بابتسامه:ناديني ماما نهال انا متاكده انك متعرفيش عننا حاجات كتير عشان ادهم مبيتكلمش كتير عمتا تصبحي علي خير
سيلين بابتسامه:تصبحي علي خير ياماما نهال وسبتها واتجهت لغرفتي بس قبل مااوصل لقيت ادهم شدني من ايدي لغرفته وقفل الباب وحاصرني علي الحيطه ممكن اعرف في ايه تاني
ادهم بجديه:قولتي لماما ايه بعد مامشيت ياسيلين
سيلين بضيق:مقولتش حاجه ياادهم سيبني امشي بقي قبل ماحد يجي
ادهم باستفزاز:متخفيش هسيبك دالوقتي بس بعد تلت ايام الوضع هيختلف وصعب انك تهربي زي دالوقتي ياسيلين
...................
سالم بجديه:مالك يامازن بقالك يومين فيك حاجه ودايما ساكت وسرحان كانك في دنيا تانيه
مازن بتنهد:انا شوفتها بعد ست سنين بالصدفه ومعاها ولد عمره خمس سنين هي واحمد انفصلوا وحكتلوا علي الكلام اللي دار بينا بس كل كلمه قالتها جرحتني يابابا انا مختارتش ابعد بارادتي وهي مستحيل تفهم اني كان صعب عليا اشوفها وهي بتجوز شخص تاني غلطي اني مقدرتش اعبر عن مشاعري
سالم بعفويه:بص يامازن متعرفش ليه اتجمعتوا تاني من جديد بعد ست سنين اكيد فيه سبب ومصير المشاكل ديه تخلص وهي تهدي متنساش انك هتقضوا وقت طويل مع بعض لو ليكوا نصيب يامازن وانكم مكتوبين لبعض مفيش حاجه هتقدر تمنع ده اكيد ربنا هيعوضك عن اللي مريت بيه يامازن بس متعذبش نفسك بالمنظر ده
مازن بجديه:مستحيل نكون لبعض يابابا وده لأسباب كتير اولها ان عمرها ماشفتني غير اني صديق مقرب ليها وحته دالوقتي خسرت ده لانها معتبراني اتخليت عنها انا بقيت دالوقتي مجرد دكتور مشرف علي تدريبها مش اكتر انا خسرت دينا من زمان واستحاله اقدر ارجع الوقت تاني عشان اصلح اللي حصل
...............
نور بفرحه:انتي هتقعدي معانا هنا علطول يالين
سيلين بابتسامه:اه بس انا اسمي سيلين مش لين
نور ببراءه:مس عرفه انطق اسمك فهقولك لين
مس تزعلي
سيلين بضحكه خفيفه:مش زعلانه حته اسم لين طالع منك زي السكر اسمك نور صح
نور بابتسامه:ايوه ممكن تحكيلي قصه قبل ماانام ولامس بتعرفي
سيلين بابتسامه:لابعرف عارفه انك بتفكريني بيوسف
نور:يوسف مين
سيلين بتنهد:ابن اخويا هو اكبر منك بشويه بس كان دايما يطلب مني احكيله قصه قبل ماينام عمتا يلا حكتلها قصه لحد مانامت وغطتها ونمت جنبها
بعد مرور تلت ايام مابين ان الكل مشغول في التجهيز جيه اليوم اللي كنت بحاول اهرب منه قطع شرودي دخوله كالعاده خير ياادهم فيه حاجه تاني
ادهم بجديه:خالك وبنت خالك جايين بعد شويه فياريت تجهزي
سيلين بفرحه:ايه ده انت هتسيبني امشي من هنا
ادهم بجمود:انا مقولتش كده لانك مهما حلمتي مش هتمشي ياسيلين بس كان خالك لازم يعرف فقولتله وقولتلها علي الحديث اللي دار بينا بس انتي حره لو فتحتي بوقك ياسيلين انتي عارفه العواقب كويس ورحت سبتها وقفلت الباب ورايا
سيلين بضيق:كنت قعده بعيط لحد مالقيت حد بيخبط فمسحت دموعي ادخل فلقتها ماما نهال
نهال بابتسامه:انا جبتلك الفستان علي ذوقي يارب يعجبك ولو معندكيش مانع اني انا اللي اجهزك انهارده لحفله
سيلين بابتسامه:اكيد مفيش مانع ديه حاجه تشرفني ياماما اخدت الفستان ودخلت الحمام خدت شاور وطلعت كان الفستان حلو ورقيق
أنت تقرأ
احببت عدوتي
Fiction généraleمااصعب ان ندرك حقيقه الامور وان نري الحقيقه التي مر اعوام ونحن نظن غيرها،ويمكن ان نظن ان صله القرابه او الدم هي من انقي العلاقات واخلصها ولكن عندما نكتشف العكس وان اقرب شخص الينا او مانعتبره كذلك هو مجرد خدعه يطعن الذي امامه في ظهره،وتختلف ايضا بعض...
