لارا:لقينا الرؤيه شبه انعدمت من كتره سقوط التلج بس لمحت ضوء عربيه كبيره متجه نحونا عمر حاسب ولم استطع تكمله الجمله لان العربيه اتقلبت وفقدت الوعي فوقت بعد فتره اه يادماغي ببص جنبي لقيت عمر لسه فاقد وعيه حاولت افوقه بس معرفتش قررت احاول اطلع من العربيه الاول الباب حاولت افتحه بس التلج منعه فرحت كسرت الشباك برجلي وحاولت لحد ماطلعت منها بس قطعه زجاج جرحت رجلي كنت هستنجد بحد بس لقيت نفسنا في مكان غريب وفاضي والجو بيزداد سوء الحمدلله انا لازم اطلعه بس ازاي جبت ازازه مايه كانت في العربيه ورميت شويه علي وجهه فابتدي يفوق عمر لازم تطلع من هنا قبل مالعربيه يجرالها حاجه ساعدته لحد ماخرج
عمر بتعب:احنا فين
لارا بالم:معرفش بس لازم نشوف اي مكان نفضل فيه لحد الصبح يكون الجو اتحسن ونقدر نلقي اي حد لان لوفضلنا هنا هنتجمد
................
ادهم بجديه:عايزه توصلي لايه ياسيلين ان ديه اسورتك ففعلا ده صح كنت ناوي ادهالك بس لما القي الوقت مناسب لده
سيلين بعصبيه:كل حاجه عندك لمايجي المناسب وياترا الوقت ده عندك امتي ياادهم عمتا مردتش علي سؤال الاسوره ديه وصلتلك ازاي مهو مفيش اجابه غير انك كنت الشخص اللي انقذني يومها ووصلني المستشفي واختفي صح ولالأ
ادهم بتنهد:صح انا كنت الشخص اللي انقذك يوميها ووصلتك المستشفي وبعد ماسبتك اكتشفت ان الاسوره بتاعتك علقت في كم الجاكيت ففضلت معايا من سعتها كده كويس
سيلين بتساؤل:حاولت ادور عليك كتير عشان اشكرك بس محدش كان يعرف عنك حاجه ولاانا شوفت وجهك بس كنت بتعمل ايه هناك ياادهم وقتها
ادهم بجديه:كان ورايا شغل مهم ولما لمحت ان هم بيطردوكي انقذتك وبس كده
سيلين بتنهد:عارف انا اعرفك من حوالي شهرين وانت بتكدب ياادهم شغل ايه اللي في المكان ده وايه اللي عرفك اني ممتش لمااتقلبت بيا العربيه وعرضت حياتك لخطر لمجرد انك تنقذ واحده متعرفهاش واول مره تشوفها
ادهم بنبره غريبه:قربت منها وحاصرتها علي الحائط مين قالك اني كنت اول مره اشوفك كانت من خمس سنين اوساعت ماخطفتك انا اعرفك من قبل كده ياسيلين ومش من مصلحتك تعرفي الحقيقه او تدوري عليها لانك هتكوني بتأذي نفسك
سيلين بعصبيه:بس انا معرفكش ياادهم ولاعمري شوفتك وتعرفني منين
ادهم بجديه:وانا مقولتش انك تعرفيني ياسيلين عمتا مش هنتكلم كتير حضري شنطتك لو ناويه تيجي معايا غير كده نامي طلعت من الاوضه لخارج البيت وقعدت في الحديقه فلقيت مازن متجه نحوي ايه ده جيت امتي
مازن بضحك:جيت من شويه بس بتعمل ايه في الجو ده بره متقوليش انك بتهرب من مراتك مثلا ادي اخره الجواز
ادهم بتنهد:اه فعلا بهرب لاني تعبت وهي مش قادره تفهمني
مازن بجديه:ادهم انت بتحبها او فيه مشاعر بتحسها ناحيتها وده مش من فتره وانت بتحاول تخفي ده وتنكره وده تعبك اكتر ليه متفكرش تحل اللي بينكم وتقولها الحقيقه
ادهم بجديه:الحقيقه مش هتحل حاجه يامازن بالعكس هتعقد الامور اكتر وكمان حته لوبحس بمشاعر نحيتها فزي ماقدرت اتحكم فيها واخفيها من فتره انا قادر اعمل ده دالوقتي هي مستحيل تتقبلني في حياتها اوتحبني حته انا بالنسبالها شخص دمرلها حياتها ده غير انها مبتؤمنش بالحب اصلا وده مش هقدر اغيره انا عارف ان علاقتنا محكوم عليها بالفشل وكذه مره كنت هسيبها تمشي بس الوعد اللي قطعته لشخص من اربع سنين منعني ده غير اني مش هقدر احميها في كل مره وهي بعيده عني
مازن:طيب ماتحاول تكسب قلبها ياادهم لان يوم ماهينتهي كل حاجه وهتسيبها تمشي من هنا انت اللي هتتجرح انا عارف الجرح ده كويس لاني مريت بيه فتره طويله ومش عايزك تمر باللي مريب بيه ياادهم
ادهم بتنهد:مينفعش تخلي شخص يحبك وهو بيكرهك يامازن علاقتك انت ودينا مختلفه اه خدت وقت بس انتوا بتحبوا بعض لكن انا وسيلين صعب نفضل مع بعض عمتا لمااقدر اخلص منه سعتها هديها حريتها فانها تمشي اولأ
.................
لارا بتعب:انا تعبت من كتر المشي مفيش اي حته توحد ربنا نفضل فيها فضلنا ماشيين لحد مالقينا بيت صغير علي بعد اخيرا اتجهنا نحوه وخبطت الباب بس مفيش رد
عمر:معتقدش اننا هنلقي حد هنا يالارا بعد ماكنا هنمشي لقينا ست كبيره وجوزها فتحوا الباب
الراجل:بتعملوا ايه هنا وفي الجو ده
لارا بابتسامه:الصراحه ياعمو احنا كان معانا عربيتنا بس عملنا حادثه صغيره واتقلبت العربيه فلو مش هندايقكم نفضل هنا لحد الصبح
الست الكبيره بابتسامه:اكيد طبعا ادخلوا بعد ماقفلت الباب معلش البيت صغير حبتين بس واضح ان جوزك تعبان فيه اوضه صغيره ممكن ترتاحوا فيها لصبح
لارا بابتسامه:انا في نفسي جوزي ههه،البيت حلو جدا شكرا انكم استضافتونا
الراجل:ولايهمك يابنتي وصلتلهم لاوضه علبه الاسعافات في الدرج وغطا اهو كمان لو احتجتم حاجه نادونا
عمر بتعب:لاشكرا جدا ياعمي بعد ماسبنا قعدت علي الكنبه جنبها
لارا بتعب:انا غلطانه اني فكرت اغير الروتين واروح في اي حته ورحت جبت علبه الاسعافات وعقمت الجرح اللي في وجهه والجرح اللي في رجلي لقيته قام قلع الجاكيت وبيفك ازرار قميصه انت بتعمل ايه
عمر بجديه:انتي شايفه ايه اكيد مش هقعد بهدومي عشان ابقي متكسر وعندي برد هسيب القميص ينشف عقبال الصبح
لارا بنفاذ صبر:قومت وقفت ده علي اساس اني مش متكسره وكمان انت مش قاعد لوحدك عشان تقلع القميص يااستاذ عمر وكمان متكونش صدقت انك جوزي مثلا جايه امشي رحت فقدت توازني وكنت هقع فخبطت فيه جامد فوقع ووقعت فوقيه ااه
عمر بالم:شردت في ملامحها لفتره اثر قربها الشديد مني بس فوقت علي حركتها حد قالك اني كنت عايز تكمله تكسير يعني وبعدين هما اللي افتكروا انك مراتي مش انا اللي قولتلهم
لارا بضطراب:انت السبب برضو قومت من الارض وساعدته يقوم جبت الغطا اتغطيت بيه وقعدت قدام الدفايه لاني كنت شبه بتجمد فلقيته قعد جنبي بعد ماقلع القميص ولبس الجاكت بعد تردد قربت منه واديته جزء من الغطا
عمر بابتسامه:شكرا يالارا بس لو هتدايقي
لارا بضحك:انا مش انانيه برضو عشان اسيبك تجمد يعني
...............
تاني يوم الصبح،سيلين بتنهد:كنت جهزت حاجتي وطلعنا من البيت الصبح بدري فضل فتره سايق العربيه وساكت بس شكله واضح انو تعبان بعد تردد كبير انت كويس ياادهم
ادهم بتعب:اه كويس فيه حاجه لقيتها حطت ايديها علي ايدي
سيلين بعفويه:شكلك تعبان فمش محتاجه كدب انا عارفه اني ممكن اكون السبب بس ده مش اتجاه المطار وايه البيت ده
ادهم بتنهد:بعد ماوقفنا ونزلنا من العربيه هنفضل هنا عشان مش هنسافر ياسيلين ماما مخلتنيش اسافر عشان الفرح اللي فاضله يومين فاقنعتها اني اروح اقعد في بيتي يومين بعيد عن اللي موجودين في البيت وعلي بليل هنروح لعمي سالم معزومين عنده عندك اي اعتراض هرجعك البيت
سيلين بنبره هادئه:لامعنديش اعتراض هو يوسف هيبقي هناك
ادهم بجديه:مش عارف ياسيلين بس لوحابه تشوفيه ممكن تبقي تروحي لدينا اكيد مش همنعك بس لسؤال الدقيق اول مره اشوف عمه بتسأل علي ابن اخوها يعني ومتعلقه بمراته كمان
سيلين بضحك:امال من منظورك العمه بتعمل ايه بس عارف لوشبهتني بعمتك هقتلك ياادهم
ادهم بعفويه:يعني غالبا مبتحبش ابن اخوها ولامراته يعني اي واحده غيرك هتبقي متحيزه لاخوها وهتعمل مشاكل لمرات اخوها بس انتي ساعدتيها تبتدي حياتها من تاني وكنت حابه انها تجوز مازن كمان فانتي مختلفه
سيلين بابتسامه:مش كل الناس زي بعضها ومينفعش اتحيز لاحمد وانا عارفه انو ميستهلهاش دينا بالنسبالي اختي الكبيره وصديقتي واي اخت هتدور علي مصلحه اختها هو عمره ماحبها ودايما كان بيهنها ويخونها في نفس البيت علاقتهم مدمره من زمان رغم ان مازن اخوك ياادهم بس هو مختلف عنك بكتير معتقدش ان فيه حد انسب ليها غيره ولاهتلقي حد يحبها اقده
ادهم باستنكار:منين مبنؤمنيش بالحب ومعترفه انو بيحبها ياسيلين
سيلين بعفويه:عشان انا مقولتش ان الحب مستحيل بس شبه مش موجود قليل لولقيت حد بيحبك جربت تحب حد قبل كده ياادهم
ادهم بابتسامه:اه حبيت بنت واحده ومازلت بحبها
سيلين باستنكار:ومش شايف انو انك كده اتخليت عنها بجوازك مني زمان قلبها مكسور
ادهم بعفويه:بس هي متعرفش ياسيلين عشان يتكسر قلبها
سيلين بعفويه:قولي مين هي وانا مستعده اقوم بالمهمه ديه واجمع بينكم ايه رأيك
ادهم باستنكار:اول مره اشوف واحده عايز تجوز جوزها ولاده عشان تخلصي مني مثلا
سيلين بتنهد:لامنا عرفت اني مش هخلص منك ياادهم وخلاص اتقبلت ان ده نصيبي وقدري المكتوب بس هضيع حبك عشان علاقه وهميه فده مش صح يعني مثلا لوعرفت انك بتحبها وان علاقتنا معرفش ايه سببها امكن تطلع بتحبك ايه اللي مخليك متاكد انها مش بتبادلك نفس المشاعر
ادهم:انا عارف ان علاقتنا وهميه ياسيلين وان مبيناش حاجه وكل ده بس الحقيقه انك مراتي ولوعملت اللي بتقولي عليه ده يبقي انا كده بخونك
سيلين باستغراب:بس انا معنديش مشكله لقيته حاوط خصري وقربني ليه وهمس بجانب اذني
ادهم بنبره خافته:انتي معندكيش مشكله بس انا عندي عارفه ليه ياسيلين لان مهما حاولنا اننا نتظاهر ان جوازنا مجرد تمثيليه فهو حقيقه بالنسبالي وانا معترف بيه عشان كده اعرفي كويس اني مستحيل اخونك او اعمل اي حاجه تسئ ليكي حته لوده ميهمكيش فهو مهم بالنسبالي
..............
لارا باضطراب:صحيت الصبح فلقيت نفسي نايمه في حضنه ومتغطين بالغطا فقومت وبعدت عنه شويه فهو صحي انا نمت ازاي كده
عمر بتنهد:لامن التعب امبارح شبه فقدتي وعيك وكان جسمك متلج وبتترعشي فكان الحل عشان تدفي اني انيمك في حضني بس كده
لارا بتوتر:احم تمام شكرا ياعمر بالمناسبه احنا لازم نمشي من هنا والجو متهيألي اتحسن انا عارفه اننا تقلنا عليكم بس بجد شكرا انكم استضفتونا امبارح
الست الكبيره:متقولوش كده احنا فرحنا جدا بوجودكم وياريت لوتفضلوا اكتر ونقدر نقوم بالواجب معاكم
لارا بابتسامه:خليها وقت تاني ووعد اننا هنيجي هنا بس احنا لازم نمشي ودعناهم واتجهنا لخارج وبعد فتره وصلنا لشارع ووقفنا عربيه اه واخيرا عدي امبارح علي خير رغم اننا اتكسرنا بس كانت مغامره حلوه
عمر بضحك:اه جدا ياريت متخديش اجازه تاني من شغلك يالارا عشان تحسي الموضوع منحوس احنا خلينا في الروتين احسن
لارا بغيظ:انا غلطانه اني خليتك تخرج فعلا المره الجايه هخرج لوحدي عشان متكسرش ياعمر
............
سالم باستنكار:تتحسدي يادينا جايه علي الوقت اللي حددتيه مش معقول مازن اثر عليكي
دينا بنعاس:واللهي ياعمو كنت نايمه بس نقول ايه بقي منه لله اللي فضل يرن لحد ماصحاني وجابني معاه
مازن باستنكار:بتدعي عليا ماشي يادينا مهو مفيش فايده فيكي معادنا كان سته نايمه لخمسه ونص ليه مره في حياتك مواعيدك تبقي مظبوطه
دينا بتنهد:ماشي يادكتور فهمنا انك بتكره المواعيد اللي مش مظبوطه بس يعني اكيد اتعودت علي مواعيدي لقيته سابني ودخل المطبخ
سالم بابتسامه:عارفه يادينا انتي الوحيده اللي قادره ترجعيلي مازن القديم مش اللي موجود دالوقتي
دينا بضيق:انا عارفه اني كنت السبب في اللي حصل
قطعني بجديه:لايادينا سبب تغير مازن مكنش انتي وبس كان فيه حاجات تانيه كمان
دينا بتنهد:تمام انا هدخل اساعده دخلت وراه المطبخ بتعمل ايه يامازن
مازن بتنهد:زي مانتي شايفه بكمل اللي كنت بعمله
دينا بابتسامه:متهيألي اني ممكن اساعد يعني
مازن باستخفاف:اخر مره فكرتي تساعدي في المطبخ حرقتيه ومتهيألي انك متغيرتيش.
دينا بغيظ:لااتغيرت شويه مبقتش بحرق المطبخ يعني حته اسأل يوسف يشهد بده
مازن بضحك:اه عارف الجرس بيرن هروح اشوف مين ممكن يكونوا سيلين وادهم روحت افتح لقيته عمر ولارا مال دراعك بعد مادخلوا وكنت فين امبارح
لارا بضحك:متقلقش ده مجرد شرخ بسيط في دراعه يعني متكسرش لسه
عمر باستنكار:حد يبعدها عني بدل ماارتكب جريمه قتل دالوقتي
لارا بضحك:خلي بالك اني ممكن ارفع عليك قضيه بانك بتحاول تقتلني
مازن بجديه:اهدوا انتوا الاتنين ايه اللي حصلك ياعمر
لارا بتنهد:عملنا حادثه امبارح بسبب الجو والعربيه اتقلبت بص هو كويس اهو
مازن بضحك:سلامتك ياعم تعيش وتاخد غيرها امال ادهم وسيلين فين الغريبه ان مواعيد ادهم مظبوطه
عمر بتنهد:تلقيهم ولعوا في بعض وهما جايين ماانت عارفهم
..............
سيلين بجديه:بمأن العربيه عطلت وانت مش عارف تصلحها وعايزه ميكانيكي والطريق فاضي والحمدلله هنعمل ايه بقي
ادهم بتنهد:معرفش المشكله اننا في نص الطريق يعني حته صعب نرجع البيت ومفيش شبكه عشان اتصل بحد فهنمشي لحد هناك او اننا نلقي عربيه
سيلين بنفاذ صبر:همشي بالكعب ده لحد هناك انا هفضل هنا اهون من اني امشي كل ده
ادهم بعدم اهتمام:براحتك اعملي اللي انتي عايزاه ياسيلين سبتها ومشيت شويه
سيلين:فعلا براحتي بعد مالقيته شويه انا هفضل استني هنا ايه يعني لقيت شابان متجهين نحوي وشكلهم مش في وعيهم
واحد منهم:الجميل واقف لوحده ليه احنا ممكن نساعدك وبيتنا قريب من هنا
سيلين بقلق:.......
يكمل
أنت تقرأ
احببت عدوتي
Ficción Generalمااصعب ان ندرك حقيقه الامور وان نري الحقيقه التي مر اعوام ونحن نظن غيرها،ويمكن ان نظن ان صله القرابه او الدم هي من انقي العلاقات واخلصها ولكن عندما نكتشف العكس وان اقرب شخص الينا او مانعتبره كذلك هو مجرد خدعه يطعن الذي امامه في ظهره،وتختلف ايضا بعض...
