وطلبت من ادهم يجي كنت عارف انو ممكن مفضلش عايش كتير ولاني بثق فيه سلمته مسئوليه انو يحمي بنتي سيلين بس من غير ماهي تعرف ده وفعلا اللي كنت خايف منه حصل واذي سيلين انا مش عارف اشكر ادهم ازاي انو انقذها من تحت ايده
انا كده لوجرالي حاجه هبقي مطمن عليها وبتمني ان عادل يسامحني علي اللي عملته واني كدبته لوقدرتي توصلي لورق د هت ياسيلين فاكيد انا معدتش موجود ممتنازليش عن حقك بس خلي بالك من نفسك"
سيلين بانهيار:انتهيت من قرأتها بس مقدرتش امسك دموعي يعني هو كان السبب ورا موت بابا كل ده عشان ايه مجرد فلوس واملاك كنت مستعده اتنازل عن كل ده بس مكنش ياخد مني بابا لاوكمان مكفهوش ده عايز يحرمني من اكتر شخص وقف معايا انا اخته ومن دمه اذيته في ايه عشان يعمل معايا كده اعتبرته كل حاجه في حياتي وهو عمل ايه اذاني وعمل اللي مفيش عدو يعمله مع عدوه جاوبيني ياميرا عملت ايه وحش في حياتي عشان يدمرلي حياتي كده وصلني لدرجه اني معدتش بثق في حد قلبي الابيض والبراءه اللي كنت فيها حولها لحقد وكره خد مني اكتر شخص قريب ليا وحرمني من اني اشوفه واسمع صوته ولما اضايق الجأ لحضنه
ميرا بنظره اسف وتماسك:خدتها في حضني سيلين اهدي صدقيني ضعفك وحالتك ديه مش هتفيد بحاجه اه خسرتي باباكي واللي مفيش اي حد هيعوض وجوده في حياتك بس هو سابلك شخص كان بيعزه وشبه هو اللي رباه اه مستحيل ادهم يقدر
ياخد مكانه بس اعتبري ان ربنا عوضك بوجوده جنبك،سيلين خلي مصدر قوتك الفتره ديه انك تنتقي لباباكي وتاخدي حقك بس من غير ماتاذي نفسك
عشان نفسك وعشان ادهم وابنك وكل اللي بيحبوكي ياسيلين اوعديني بده انك هتفضلي قويه لاخر ومش هتخلي اي حاجه تضعفك
سيلين بصوت خافت ودموع لم تستطع السيطره عليها:عندك حق انا مقدرتش احمي بابا بس مستحيل اخسر ادهم،كمان هو وصلني للي انا فيه دالوقتي مستحيل اسيبه يعيش من غير ماعاقبه علي اللي عمله مش هقتله بس هموته بالبطئ هخليه يخسر كل حاجه
................
دينا باستغراب:انت كويس
مازن بعدم فهم:اه انا كويس ليه فيه حاجه
دينا بضحك:اصلك مش متعود تيجي دالوقتي مبشوفكش غير وش الصبح فاستغربت بس كده هروح احضرلك الاكل لسه همشي لقيته شدني ليه وحاوطنني من ظهري
مازن بابتسامه:فكرت اخد اجازه يومين كده وبعدين انا مش جعان ياللي بتهربي موحشتكيش ولاايه
دينا بضحك:انت اكيد فيك حاجه مشوفتكش بتاخد اجازه قبل كده
مازن بابتسامه:اممم ومينلعش يعني اخد اجازه راقضي وقت مع مراتي حبيبتي اللي الفتره اللي فاتت مكنتش بشوفها كتير بسبب شغلي
دينا باستنكار:طيب كويس انك افتكرت شوف مين بقي اللي بيقضي وقته كله بره وبيرجع علي الصبح بقاله اسبوعين وفي الاخر تقولي بهرب
مازن بضحك:طيب افهم انا دالوقتي انك مضايقه من شغلي يادينا ورحت حاوطت خصرها لاقربها مني عمتا انا اسف اني كنت مشغول الفتره اللي فاتت بس اوعدك ان زي مامهتم بشغلي ومخصصله وقت ههتم بيكي وبيوسف واخصصلكم جزء من وقتي بس انا بجد اسف اني ممكن الفتره اللي فاتت اهملتك بس انا بقالي سنين شغلي هو محور حياتي عارف ان دالوقتي الوضع اتغير وليا التزامات تانيه
دينا بنبره وابتسامه خافته:اممم انا عارفه ان الشخص بيحتاج بعض الوقت عشان يغير حاجات كتير بس انا مش زعلانه ولامضايقه منم بس بطلب منك تقضي وقت معانا بس مش انك تاخد اجازه وتاثر في شغلك
مازن بابتسامه:بس انا مش هأثر في شغلي متقلقيش بس انا فعلا محتاج اخد اجازه يومين واي حاجه طارئه هروح وبعدين اكيد طلبك ده هيتحقق وامكن تزهقي من وجودي كمان
دينا بضحك:لامتقلقش مش هزهق من وجودك ولاعمري هزهق حته لوفضلت قدامي كل يوم وجودك جنبي هو كل اللي بتمناه وبيخليني سعيده وحسه ان كل حاجه حواليا كويسه حته لوهي مش كده
...............
تاني يوم الصبح،ملك بتنهد:كنت قاعده في الحديقه الخلفيه في البيت فشردت في بعض حاجات تخص الماضي بس فوقت علي صوت ادم
ادم بعفويه:ايه يابنتي بقالي سنه بنادي سرحانه في ايه
ملك بابتسامه:ولاحاجه عادي سرحت كنت مختفي فين امبارح
ادم بعفويه:روحت المستشفي شويه امبارح واصلا بفكر اخد اجازه فتره
ملك بتساؤل:ليه مش المفروض تكون مهتم بشغلك
ادم بتنهد:بصي ياملك الصراحه زهقت من روتين حياتي فلما استقر هنا واوضب كل حاجه هرجع اروح بس مقولتليش فكرتي في الموضوع اللي قولتهولك
ملك بعدم فهم:اللي هو ايه
ادم بابتسامه:انك ترجعي تكتبي تاني وكمان كنت اسمع ان رسمك حلو برضو بس لحد دالوقتي ولاشوفت ده ولاده مش هيجيلي فرصه اشوف ولاايه
ملك بتنهد:اه بس ده كان زمان ياادم
ادم باستنكار:مفيش حاجه اسمها زمان ياملك اوانك از أد ي نسيتي تبتدي،حاجه كمان سواء الرسم والكتابه هيطلعوكي من الحاله اللي انتي فيها لافضل
ملك بشرود:لاسف انا فقدت الشغف في اي حاجه حواليا
ادم بعفويه:امممم طيب ولوقولتلك اني حابب اجي اخدك بليل واوريكي حاجه حلوه اعتبريها مفاجئه ومتقلقيش ها تصرف مع مازن وزي ماهاجي اخدك هرجعك تاني
ملك بتنهد:بس هنروح فين
ادم بابتسامه:خليها مفاجئه بقي
..................
نهال بصدمه ممزوجه بحده:سيلين بتعملي ايه هنا اطلعي بره وايه الشنطه ديه كمان
سيلين بابتسامه:متقوليش كده تاني ياماما انتي نسيتي ان ده بيتي لان ادهم لسه جوزي
نهال بعصبيه:واذا كان ادهم مكنش عايزك وطردك من البيت وانتي بكل وقاحه جايه لهنا بعد ماطردك وكمان ادهم خلاص قرر ينساكي ويبتدي حياته وخطوبته بكره
سيلين بجمود:انا مليش دعوه بكل ده لان قانونا ده بيتي لاني انا وادهم مطلاقناش رسمي وبعدين متقلقيش مش هسمح لخطوبه تستمر كتير ومفيش حاجه هتقدر توقفني او حد يطردني لان وقتها هرفع قضيه عليكم وانتي عارفه ان في عائلتي كذه محامي فمش صعب عليا اعملها فياريت متضطرنيش لكده ياحماتي العزيزه عن اذنك لسه كنت همشي لقتها مسكتني من ايدي
نهال بحده:وكلها ايام وادهم يطلقك ويرميةي بره البيت
سيلين باستخفاف:الطلاق مش هيتم الابتوقيعي وده مش هعمله ولاايه يالارا غلطانه في حاجه
لارا بجديه:لأ كل اللي قولتيه صح
نهال بعصبيه:منا مستنيه ايه من اختين ملهمش كرامه لما ادهم يرجع ويطردك من البيت ويهينك ابقي خليكي سابته علي موقفك ده ورحت سبتها ومشيت
لارا بابتسامه:روحت حضنتها وحشتيني ياسيلين عامله ايه
سيلين بنبره خافته:كويسه متقلقيش
لارا بتساؤل:خدتها بعيد سيلين مكنش كلامك انك هتيجي وبعدين عرفتي منين موضوع ادهم
سيلين بابتسامه خبيثه:انا غيرت الخطه وهفضل هنا ومش همشي غير بمزاجي انا مش ضعيفه عشان اتخلي عن حقي وابعد عن الكل
لارا باستغراب:انتي كويسه ياسيلين
سيلين بنبره خافته:اه خليهم يحطوا شنطتي في اي اوضه وانا هروح اشوف نور عشان وحشتني لسه هدخل اوضتها لقيت مها في وشي ابعدي عن طريقي
مها باستنكار:بتعملي ايه هنا تاني ياسيلين متهيألي انك سمعتي بخطوبتي انا وادهم اللي معادها بكره يعني هو نسيكي وطردك من البيت وانتي برضو رجعتي لهنا معمدكيش اي احساس اوكرامه حته
سيلين بجمود:اه سمعت بخطوبتكم الف مبروك بس خديها حاجه كده ليكي ابقي قابليني لوبكره عدي علي خير
مها بجديه:ولاتقدري تعملي حاجه ياسيلين انتي اضعف من كده
سيلين بابتسامه:متثقيش في نفسك اوي كده يامها عمتا خليها مفاجاه وهوريكي حاجه عمرك ماشوفتيها ورحت زقتها ودخلت الاوضه وقفلت الباب في وجهها
...............
دينا بعفويه:هاا تختاري الفستان ده ولاده
ملك بابتسامه:مش محتاجه كل ده هلبس اي حاجه
دينا بجديه:لأ هتلبسي حاجه جديده بمانك وبعد فتره طويله هتخرجي هاابقي انهي واحد ولااقولك الفستان الكشمير ده هيبقي حلو عليكي جدا خديته وبعد فتره كانت خلصت طالعه زي القمر
ملك بضحك:ماشي يادينا شكرا وحلو ذوقك والفستان بجد شكرا انتي عاملتيني كويس رغم حاجات كتير حصلت في الماضي او اني كنت سبب في اني خربت حياتك يادينا
دينا بعفويه:مسكت ايديها بصي ياملك ديه مكنتش حياه اصلا وقراري اني انهيها ده عشان هي مكنتش موجوده اصلا عارفه عمري ماحسيت نفسي كويسه او مبسوطه كانت فيه حاجات ناقصه في حياتي بس فضلت اتغاضي عنها وديه كانت الغلطه الاكبر لاني مكنتش بأذي نفسي وبس وكمان كنت باذي يوسف،وبعدين ايه فايده الماضي واننا نفضل نفتكره وهو مابيعملش حاجه غير انو يأذينا وبعدين كل اللي حصل ده كان قدر ومكتوب ياملك
ملك بابتسامه:امممم بتمني لوااقدر اتناسي الماضي اللي بيأذيني بس لاسف انا معدش فيه حاجه كويسه في حياتي
دينا:وليه متقوليش ان ربنا نجاكي من الحادثه وكتابلك حاجه كويسه هتحصلك بس انتي لسه مشوفتهاش وبعدين فيه ناس كتير بتحبك حواليكي دول مش نافعين ولاايه لقيت حد بيخبط علي الباب الاوضه ففتحت فلقيته ادم ومعاه مازن
مازن بجديه:انا سمحت لملك انها تخرج معاك ياادم لاني بثق فيك بس خلي بالك منها
ملك بغيظ:خلاص يامازن هي كلها كام ساعه وارجع وبعدين انا مش صغيره يعني
مازن بنفاذ صبر:هو انا لازم اخاف عليكي عشان انتي صغيره امشي ياملك
ملك بابتسامه:تمام انا عارفه انك عشان بتحبني بتخاف عليا فبطمنك متقلقش،واتجهت مع ادم لعربيه مش ناوي تقولي هنروح فين بقي
ادم بضحك:لأ خليها مفاجئه وبعدين بقي بطلي فضول ياملك وتسمحيلي اقولك حاجه
ملك بضحك:ايه الرسميه ديه كلها من امتي ياادم،قول اللي انت عايزه
ادم بابتسامه:طالع شكلك حلو وبالضحكه اللي علي وجهك حاسس اني شايف ملك اللي كنت اعرفها وبتمني ترجع كليا قريب
ملك:معتقدش ان ده ممكن يحصل
ادم بجديه:بس انا واثق انك قريب هترجعي زي ماكنتي واحسن لان من حق نفسك وروحك تديها فرصه تانيه انها تعيش مش انك تحكمي عليها بالموت
ملك باستنكار:وايه اللي ماخليك واثق كده اذا كان انا مش واثقه من نفسي ان ده ممكن يحصل
ادم بعفويه:اممم مجرد احساس ودايما احساسي مبيغلطش عمتا احنا وصلنا نزلت من العربيه وساعدتها تنزل
ملك باستغراب:ايه المكان ده
ادم بعفويه:هاتي ايدك وهتشوفي مشيت معاها لحد المكان ايه رأيك فيه
ملك باعجاب:لقيتها بحيره وحواليها اشجار وورد في كل حته ومقعد قدامها حلو جدا بس انت عرفت المكان ده منين وانت بقالك كتير مسافر
ادم بعفويه:اه بقالي فتره مسافر بس عشت حياتي كلها هنا ولاايه قعدت جنبها المكان ده مميز وناس كتير متعرفهوش عشان كده هو مميز
ملك بابتسامه:اممم بس حلو جدا شكرا اني انا كنت من الناس القليله اللي عرفت المكان ده مفاجاه حلوه
بجد
ادم بعفويه:بس ديه مش المفاجاه كلها دقيقه وهرجع
ملك بدهشه:بعد مارجع لقيت معاه حاجه كبيره مغلفه ايه ده اكيد ديه مش ليا لانه مش عيد ميلادي
ادم بتنهد:لأليكي ومش لازم يبقي عيد ميلادك افتحيها
ملك باستغراب:فتحتها فلقيتها كراسه رسم واقلام ودفتر ايه ده
ادم بابتسامه:زي مانتي شايفه دول بيستخدموا لايه
ملك بجديه:شكرا لانك تعبت نفسك بس انا مش هقبل الهديه ديه
ادم بجديه:معتقدش انها حلوه انك تحرجيني بانك متقبلهاش وكمان انتي وافقتي اساعدك بس انتي مش مدياني فرصه
ملك باستنكار:وايه علاقه ده بمساعدتي
ادم بتنهد:اعتبريها بدايه قبل كل حاجه لازم الشخص يرجع لهويته الحقيقيه وهي هتساعده بالتدريج يتحسن من غير مايحس مينفعش تتحججي بانك نسيتي تعملي الحاجات ديه ازاي بسبب السنين اللي فاتت القليله مستحيل تمحي حياتك كلها وحاجه كمان مينفعش نخسر نفسنا بسبب شخص معدش ليه وجود الافي الماضي ياملك انا جبتك هنا عشان تغيري جو وكمان اعرف اتكلم معاكي عدل ماتضيعيش حياتك ونفسك في سبيل شخص هو مايستحقش ده كفايه كان السبب في انو ضاع اربع سنين من حياتك وهو عايش بسعاده ولاهمه ولما ربنا انقذك ورجعتي لحياه تاني رغم ان حالتك كان ميؤس منها عايزه كمان تضيعي بقيه حياتك تبصي لماضي وتعشيه تاني ليه حابه تعذبي نفسك عشان حد ميستحقش حته دمعه منك
ملك بدموع:انا بتمني اني كنت اموت في الحادثه اللي من اربع سنين وكنت ارتحت من العذاب ده وكمان انا اصلا في عيون الكل ميته انت مش قادر تفهمني ان بسببي دمرت حاجات كتير منها علاقه ادهم وسيلين هي بجد كويسه جدا بس بسبب الماضي بتاعي مش قادرين يبقوا مع بعض وكله بسبب ماما الكره خلي قلبها يتغير وعمي عينيها عن الحقيقه وان مستحيل سيلين تاذي ادهم وانها مستعده تعمل المستحيل عشانه حته لوعلي حساب نفسها
ادم بجديه:ملك انا فاهم انك في صراع نفسي بس مينفعش نحمل نفسنا فوق طاقتنا ربنا كتبلك عمر جديد فاكيد ده ليه سبب انتي متعرفهوش وبعدين فيه اخواتك كانوا اكتر ناس هتضايق لوجرالك حاجه دول مش كفايه وكمان بقي عندك الكل معاكي وجنبك مفكرتيش في نور انها تستاهل يبقي ليها ام تحس بوجودها جنبها علفكره انتي قادره تغيري حاجات كتير وممكن تقنعي مامتك كمان بس لازم قبلها تتحسني وترجعي زي ماكنتي وتبقي قويه وبعدين تمسكهم ببعض في الظروف اللي هما فيها هتخلي علاقتهم اقوي وصعب حد يكسرها ولايفرقهم وطلعت منديل من جيبي عشان كده من انهارده مش حابب اشوف دموعك ولايأسك ده تاني ياملك توعديني بده
ملك:......
يكمل
أنت تقرأ
احببت عدوتي
Сучасна прозаمااصعب ان ندرك حقيقه الامور وان نري الحقيقه التي مر اعوام ونحن نظن غيرها،ويمكن ان نظن ان صله القرابه او الدم هي من انقي العلاقات واخلصها ولكن عندما نكتشف العكس وان اقرب شخص الينا او مانعتبره كذلك هو مجرد خدعه يطعن الذي امامه في ظهره،وتختلف ايضا بعض...
