لارا بجديه:بس انا قصده كل كلمه بقولها انا مش تحت تاثير الصدمه زي مانت متخيل ممكن تعتبرها اني شوفت الحقيقه اللي كنت بنكرها انا عارفه اني اللي هقوله صعب انو انت تديني فرصه تانيه احاول فيها اصلح اللي عملته وهعمل اي حاجه عشان تسامحني علي اللي حصل
عمر بجديه:بمانك مصممه تفتحي الموضوع يالارا انتي شايفه نفسك ان فيه امل علاقتنا تتغير او انتي تتغيري مش بمجرد ماتفوقي من الصدمه ترجعي لطبيعتك تاني يالارا وجودي معاكي كل الفتره ديه مش عشان وعدي لعمي مصطفي لأ ده عشان انا بحبك بس انتي فضلتي تعامليني كانك بتعاقبيني اني حبيتك علي اساس ان كان الموضوع بايدي دايما بتعملي عكس اللي بقوله وعلي رغم كده فضلت محترم علاقتنا اللي انتي ولامره احترمتيها ولاقدرتيها حته
لارا بنبره حزينه:انا عارفه اني غلطانه وعملت حاجات كتير بس انا بجد تعبت من كل حاجه انا دمرت نفسي اليومين اللي فاتوا اكتشفت ان منصبي اللي خدته في شغلي معمليش حاجه بالعكس انا خسرت نفسي عمري ماكنت كده بس موت ماما خلاني اتغير وبعدت عن الناس كلها او بعدتهم عني ورغم اني خسارتي لبابا معذباني وحسه بالم محستوش ساعت موت ماما لاسف كان كلامك صح ياعمر انا فوقت بس متاخر اوي
................
سيلين بتعب:صحيت من النوم لاني كنت عطشانه ببص علي المايه اللي جانبي لقيتها خلصانه فخرجت من الاوضه واتجهت ناحيه المطبخ جبت مايه وكنت متجهه لغرفتي الاعلي بس قبل مااخلص درجات السلم حسيت بدوخه شديده وحسيت ان الدنيا كلها مش واضحه اختل توازني وكنت هقع لورا بس ادهم لحقني وشدني من ايدي وقبل مااتكلم لقيته حملني ادهم بتعمل ايه انا كويسه نزلني قبل مامتك
قطعني بجديه:ميهمنيش ياسيلين لوشافتنا وقبل مااصل لغرفه لقيت ماما في وجهي
نهال بصدمه:انت بتعمل ايه ياادهم انت اتجننت ابعد عنها حالا
سيلين بتعب:ادهم قولتلك نزلني انا كويسه
نهال بعصبيه:ممكن تقولي ايه اللي بيحصل هنا
ادهم بجديه:ماما من غير عصبيه سيلين تعبانه ومحتاجه ترتاح هوصلها لاوضتها وهرجع
نهال بانفعال:هي رجعت اثرت عليك تاني احب افكرك هي تبقي مين ياادهم وبعدين تعبانه ديه بتمثل حته لو تعبانه تموت وتريحني واخلص منها من ساعت مادخلت علي حياتك وهي غيرتك وخربت حياتنا كلها
ادهم:اتجهت لغرفه وقعدتها علي السرير بهدوء لقيتها جت ورايا
سيلين بقلق:ادهم عشان خاطري اقفل علي الموضوع
نهال بانفعال:انا مستحيل اسمحلك تغلط ومن بكره الصبح انا اللي هطردها بره البيت واللي في ايديها تعمله مش هخلي بنت وقحه ومن غير اخلاق زيها تفضل في البيت او قريبه منك حته
ادهم بعصبيه مفرطه:بس كفايه ياماما لحد هنا مش هسمح لحد تاني انو يتكلم كلمه عليها او يغلط في حقها او يقلل من احترامها ياريت نقفل علي الموضوع احسن ياما لو عايزه تكملي يبقي في اوضتي لقيتها مسكتني من زراعي ورجعتني تاني
نهال بعصبيه:عايز تكمل كلام في حته تانيه ليه خايف علي مشاعرها تجرح ياادهم بتتخانق معايا بسببها هي بتخدعك ولما هتاخد مصلحتها هتمشي وهي قالت ده بنفسها بمجرد ماتحقق اللي عايزاه هتسيب البيت هتفرق ايه عن اخوها هتبقي زيه حراميه وغداره
ادهم بعصبيه مفرطه:انا سكت كتير واتحملت كلامك ياماما بسبب سيلين بس مش هتحمله انهارده عايزه تعرفي الحقيقه انا بحب سيلين ياماما وعمري مافكرت انتقم منها رغم اني كنت عارف هي مين عارفه ليه عشان هي مختلفه بس انتي مقتنعه بالعكس وهي السبب في اني لسه موجود هنا انا كنت ناوي اسافر وابعد عن هنا وعن المشاكل وهي رفضت رغم ان ده كان هيبقي فيه راحه ليهاانا كنت هموت كذه مره وهي انقذتني جت علي نفسها كتير وانتي بتتمنلها الموت ليه فهميني اذيتك في ايه حبيتك واعتبرتك زي مامتها واكتر ورغم كل اللي حصل عمرها ماقالت كلمه وحشه عليكي
نهال بجديه:وايه اللي يعرفك انها مش مجرد تمثيل وانها بتخدعك ياادهم انا مش متخيله انك لسه بتحبها وبدافع عنها كمان فيه مليون بنت احسن منها يعني كل اللي عملته الفتره اللي فاتت كان تمثيل
قراري النهائي ياادهم ياطلقها دالوقتي ياتنسي وجودي في حياتك وانك ابني اصلا
ادهم بجمود:وانا خدت قراري كمان انا ليا حياتي الخاصه ومن حقي اني اعمل اللي انا عايزه ياماما انا مش مجرد لعبه في ايدك عشان تتحكمي في قرراتي ومشاعري كمان سيلين مراتي ومش هتخلي عنها وعلي الرغم من كلامك ياماما انا هفضل ابنك ومسؤلياتي كلها هقوم بيها واي حاجه تطلبيها هنفذها معادا اني اسيب سيلين ولوعايزاني اسيب البيت معنديش مشكله لما يطلع النهار هاخد سيلين وهمشي بس بتمني تعيدي تفكيرك تاني ياماما قبل ماتحكمي علي حد وتتمنيله الموت
نهال بجمود:وعلي ايه تستني الصبح لو حابب من دالوقتي عادي لكن انا مش هغير رأي
ادهم بابتسامه تخفي الكثير:تمام وانا هنفذلك طلبك روحت علي غرفتي عشان اجمع حاجتي
سيلين بجديه:ادهم اللي بتعمله ده غلط طنط مدايقه بس مش اكتر بلاش تخرب علاقتك بيها ياادهم
ادهم:انا حاولت كتير معملش كده بس لكل شخص قدره تحمل واللي عملته ده هو الصح انا واللي كان المفروض اعمله من فتره ومتعترضيش لاني مش هغير قراري ده ياسيلين
...............
لارا بتنهد:قومت علي حوالي الساعه3وطلعت من غرفتي فلقيته نام فدخلت جبت غطا وحطيته عليه بهدوء عشان ميصحهاش وسبته ودخلت اوضتي تاني شبه منمتش ولاجالي نوم فقومت دخلت المطبخ قولت احضر الفطار
عمر باستغراب وفي نفسه:لماصحيت لقيت الغطا لامش معقول تكون لارا بس مفيش غيرها قومت واتجهت ناحيه الصوت فكانت في المطبخ
لارا بابتسامه:صباح الخير عشر دقايق واكون جهزت الفطار وتحب تشرب قهوه
عمر بدهشه:انا عمري ماشوفتك بتعملي اكل اصلا يالارا فلومبتعرفيش بلاش عشان مش حابب اتسمم او الشقه تولع
لارا بعفويه:ومين قالك اني مبعرفش انا بعرف اطبخ ياعمر متقلقش بابا مكنش بيقدر الفتره الاخيره يعمل اكل فكنت انا اللي بعمله انا خلصت
عمر بتنهد:تمام هاتيهم احطهم علي السفره
لارا:لامتتعبش نفسك هروح انا اوديهم حطيت الحاجه وعملت القهوه وقعدت
عمر باستغراب:انتي مش هتاكلي يالارا
لارا بعفويه:لامليش مزاج لأكل انا عملت الاكل علشانك ياعمو اناهشرب القهوه بس
عمر بتنهد:بس انا مش هاكل غير لما تاكلي معايا يالارا وبعدين فيه حاجه تانيه هترجعي معايا علي البيت ولاهتفضلي هنا براحتك مش هجبرك علي حاجه
لارا بعفويه:وجودي هنا مش هيغير حاجه الشخص اللي كان سبب وجودي هنا معدش موجود معدش حاجه موجوده غير الذكريات وبس كان نفسي يفضل معايا فتره اطول علي الاقل ميسبنيش تايهه في نص الطريق مش عارفه اعمل ايه بس عمتا شوف هتمشي امتي وانا هجز حاجتي قومت علي اني اروح اوضتي فلقيته مسك ايدي وشدني عشان اقعد فيه حاجه
عمر بعفويه:مش قادر افهمك يالارا حاسس اني قاعد مع شخص تاني غير لارا اللي كنت اعرفها يعني استسلامك وهدوءك ده متعودتش عليه مش معني انك تتغيري يالارا ان تفقدي روحك
لارا بتنهد:انا فقدتها فعلا ياعمر وصعب انها ترجع صعب انك في خلال يومين حياتك كلها تتقلب هقولك حاجه مقولتهالكش قبل كده رغم اني كنت بعمل تصرفات كتير عشان تبعد عني بس انا عمري ماحبيت انك تبعد عني ياعمر واكتشفت انو مش انت اللي محتاجني لاطلع انا اللي كنت محتاجاك انا عارفه انك مضايق مني وده حقك
قطعني بنبره هادئه:انا مش مضايق منك يالارا كنت كده فعلا بس حاليا لأ كان المفروض عليا اننا نتكلم بهدوء مش اني اتخانق معاكي واسيب البيت انا برضو غلطت خلينا نبتدي صفحه جديده من انهارده مش عايز لارا تختفي كليا لوتصلح بعض الحاجات في حياتها هتبقي زي القمر
لارا بعفويه:لوقصدك علي الشغل فانا بفكر اسيبه
عمر بابتسامه:انا مقولتلكيش سيبي الشغل يالارا او اقضي علي حياتك واحلامك ده مش هيسعدني بالعكس هيضايقني كل اللي عايزه انك تنظمي حياتك وان الدنيا مش شغل بس او قعده في البيت علطول تمام
لارا بابتسامه:هحاول بس الفتره ديه صعب ارجع الشغل لمااحس نفسي احسن هرجع
..............
ملك بعفويه:متاخر عن معادك ساعه بحالها يااستاذ
ادم بضحك:معلش راحت عليا نومه خير انا جيت اهو فين المفاجئه بقي😅
ملك باستنكار:انت جاي عشان المفاجئه مش عشان تشوفني ياادم😕
ادم بتنهد:لاجاي عشان الاتنين مش ناوي اعرف هي ايه بقي
ملك بابتسامه:تمام استني اتجهت لغرفتي جبتها ورجعت تاني وخبتها ورايا قبل ماتشوفها تقولي رأيك بصراحه
ادم بعفويه:حاضر هاتي بقي جبتيلي فضول خدتها منها فلقتها رسماني
ملك بعفويه:مالك مصدوم كده ليه وحشه لدرجاتي😕
ادم باعجاب:بالعكس حلوه جدا انا اول مره اشوف رسمك وكمان كنت فاكر انك طنشتي كلامي اللي كان من فتره بس اشمعنا اخترتي ترسميني انا ياملك
ملك بعفويه:كويس انها عجبتك وطلعت مظبوطه حبيت اخلهالك مفاجئه قعدت ادور علي صوره ليك علي صفحتك علي فيس لحد مالقيت ورسمتها وبالنسبه ليه اخترتك فاعتبرها انك انت كنت الشخص اللي شجعتني ارجع ارسم تاني فحبيت تكون اول شخص ارسمه،انا بحاول ارجع زي ماكنت وانسي الماضي وكمان ابتديت اعرف امشي من غير عكاز خدت بالك
ادم بابتسامه:اه لاحظت عمتا انا سعيد انك بقيتي احسن وكمان رجعتي لعفويتك تاني
ملك بضحك:اه عقبالك لماالقيك بتضحك وتهزر زي زمان
ادم بجديه:غيرت الموضوع امال فين جهاز الاكسجين بتاعك
ملك بعفويه:بص بعد عذاب الدكتور وافق ان ممكن اشيله ولوحسيت بضيق تنفس اوتعبت احطه وده لفتره لحد مااتحسن خالص بس علفكره خدت بالي انك غيرت الموضوع وبتهرب
ادم بتنهد:طيب كويس ياريت متهمليش في صحتك بقي عشان تتحسني ومتحتجيش ليه تاني،وبعدين انا مش بتهرب ياملك بس انا فيا حاجه مخلياني مرجعش زي ماكنت ومعتقدش انك كنتي بتستحمليني وقتها اصلا
ملك بنبره خافته:لامش الموضوع كده ياادم مين قالك ان ده كان السبب وبعدين وقتها كان ليا تصرفات غبيه كتير وافكار اغبي انا غلطت كتير عمتا سيبك من الناس عمرها مابيعجبها حاجه طالما راضي عن نفسك وتصرفاتك خلاص طنش الناس وكلامهم وكل حاجه
ادم باعجاب:مش مصدق نفسي انك انتي اللي قعده بتقنعيني بالكلام ده ياملك بس شايف تغير حلو امكن كمان معدتيش محتاجه وجودي
قطعتني بالعفويه:لابالعكس محتاجه وجود صديقي جنبي مش معني اني اتحسنت يبقي ملكش وجود في حياتي يعني وبعدين فعلا من ايام مكنتش مقتنعه بكل حاجه حواليا بس معرفش ليه كلامك معايا اخر مره غير حاجه جوايا خلاني قررت اني ابتدي حياتي من الاول وكمان قريب هصلح كل حاجه ومحتاجه دعمك ليا اني اكمل امكن لومكنتش جيت بالصدفه كنت فضلت علي نفس حالتي وبقيت اسوء كمان فليه بتقلل من نفسك مفكرتش ليه انك كل شخص ساعدته وكان يائس وابتدي حياه جديده لومكنش لقي حد زيك يوريه الطريق الصح كان ممكن يحصلي حاجات كتير،انا الفتره اللي فاتت اكتشفت ان المشاكل النفسه والاكتئاب ممكن يدمر الانسان ويخليه ولاحاجه وانو اسوء من امراض الجسم حته وقليل من الناس اللي ممكن تخرج منه
ادم بضحك:متهيألي انك دالوقتي تاخدي مكاني وتبقي دكتوره احسن وتريحيني،بصي ياملك هقولك حاجه وحاولي تفهميني انتي كنتي تعبانه الفتره اللي فاتت بس اخواتك كانوا جمبك ودعموكي بس انا لما مريت بظروف مشابهه كنت لوحدي ومازلت لوحدي
ملك بعفويه:ومين قالك انك لوحدك امال انا بعمل ايه
واضح ان وجودي في حياتك مش فارق معاك
ادم بشرود وفي نفسه:لوتعرفي ان وجودك في حياتي ليه مكانه خاصه لدرجه اني بقي صعب يعدي يوم من غير مااشوفك وعدي عليا الايام اللي فاتت وانا حاسس انو فيه حاجه نقصاني بتمني اني مكونش ابتديت احبك ياملك
.................
ادهم بابتسامه:لقيتها وقفه في المطبخ بس شارده فجيت من وراها وحاوطت خصرها وطبعت قبه علي خدها صباح الخير
سيلين بابتسامه:صباح النور افتكرتك مش هتصحي دالوقتي
ادهم بعفويه:ملقتش اللي مجنناني جنبي فقلت لمااشوفها بتعمل ايه
سيلين باستنكار:انا اللي مجنناك برضو ياادهم انت اللي مجنني من ساعت ماعرفتك بتفاجئني بتصرفات كتير كنت فاكره انك اتغيرت بعدت عنه وكنت همشي فلقيته مسك ايدي
ادهم بتنهد:ليه مش عايزه تفهميني ياسيلين انا تعبت من حقي اعيش زي منا عايز حاولت كتير افهم ماما الحقيقه بس هي رفضه ده اضطريت اني ابعد عنك فتره عشان تعملي اللي انتي عايزاه وماما تكون هديت بس لأ هي مصممه تهينك وانها تخرجك من حياتي وانا مش هقبل ان الاتنين يحصلوا لو اضطريت هروح اقولها الحقيقه كلها واني انا اللي خطفتك في الاول واجبرتك تفضلي معايا ياسيلين لوده يريحك
سيلين بصدمه:..........
يكمل
أنت تقرأ
احببت عدوتي
Ficción Generalمااصعب ان ندرك حقيقه الامور وان نري الحقيقه التي مر اعوام ونحن نظن غيرها،ويمكن ان نظن ان صله القرابه او الدم هي من انقي العلاقات واخلصها ولكن عندما نكتشف العكس وان اقرب شخص الينا او مانعتبره كذلك هو مجرد خدعه يطعن الذي امامه في ظهره،وتختلف ايضا بعض...
