دينا بصدمه:ورقه تنازل عن كل حاجه ليا في البيت
قطعني بجمود:شرطي هو انك تتنازلي عن كل حاجه تخصك في البيت ده من فلوس او دهب حته وملكيش اي حاجه عندي ولالأبنك حته انا مش مسئول عنه غير كده لوموافقتيش هطردك بس من غير يوسف وهحرمك تشوفي شعره منه تختاري ايه وهتخرجي بالهدوم اللي عليكي يادينا انتي وابنك
دينا بعصبيه:مش عايزه اي حاجه منك يااحمد كل اللي عايزاه ابني مش اكتر وقعت الورق وخدت ورق الطلاق بس عارف انا بندم علي اليوم اللي قررت فيه ارتبط بيك انت مستحيل تكون انسان انت شيطان خربت حياتي كل ده عشان ايه الفلوس رميت اختك اللي من لحمك ودمك ولحد دالوقتي متعرفش هي فين ولاهي عايشه ولاميته بس اقول ايه انت عمرك ماعملتها كانها اختك اصلا هي كانت بتحبك وبتعتبرك اخوها الكبير بس لاسف انت مكنتش بتبادلها الحب ده بكره نفسي مليون مره اني اتخدعت وحبيت شخص زيك
احمد بجمود:خلصتي اللي عندك يادينا عارفه انتي اللي كنتي غبيه وساذجه لما فكرتي اني بحبك قدرت اخدعك بسهوله وبالنسبه لسيلين متقلقيش هي لسه عايشه بس وقعت في ايد اسوء اعدائي واللي ممكن يفكر ينتقم مني فيها وهيعذبها بس لاسف ميعرفش انها متهمنيش وانو كده بيريحني منها مش بياذيني
دينا بعدم تصديق ممزوج بدموع:انت ازاي كده معندكش قلب بس اكيد ربنا هيحميها امكن عدوك ميأذهاش قد ماانت هتاذيها او اذيتها قبل كده
احمد بجديه:ميهمنيش كل ده اطلعي بره بيتي ورحت نديت الامن ارموها بره البيت ومش عايز اشوف وشك تاني يادينا
دينا بعصبيه:انا هخرج لوحدي يااحمد مسكت ايد يوسف وصدقني انا اللي مش حابه اشوف وشك نهائيا ياااحمد وخرجت بره البيت
يوسف:ماما احنا هنروح فين دالوقتي انا تعبت من المشي وبعدين مانتي علطول بتتخانقي انتي وبابا بس هو ليه طردنا المرادي
دينا بابتسامه تخفي وراها الكثير:حبيبي ممكن متسالنيش عن اي حاجه تخص انها بس كل اللي حابه اقولهولك وبتمني تفهمه اننا مش هنرجع علي البيت هناك خالص واحنا هنروح لتيته تمام بس حاول انك تتحمل شويه لحد مانوصل ومن غير مااخد بالي خبطت في حد كان ماشي انا اسفه مخدتش بالي حته من غير مااشوف مين فوقت علي صوته معقول هو..
مازن بصدمه:دينا بتعملي ايه هنا دالوقتي
دينا بابتسامه:ولاحاجه حبيت اتمشي شويه عامل ايه يامازن انا سعيده اني شوفتك
مازن باستغراب:لمحت ان جسمها بيترعش بتتمشي في الجو ده مش غريبه وبعدين لبسك خفيف علي الجو ده وكمان لازم تروحي عشان هتمطر في اي وقت بس انتي متاكده انك كويسه
دينا بتعب:اه كويسه وبعدين انا مش بردانه والجو كويس لقيته قلع الجاكت ولبسهولي
مازن باستخفاف:فات ست سنين اه ومكنش بينا تواصل ولاشفتك بس قادر اعرف انك بتكدبي انا معايا العربيه تحبي اوصلك لفين
دينا بتنهد:بعد ماكنت هرفض وافقت عشان عارفه انو الطريق طويل ويوسف مش هيقدر يستحمل ركبت جنبه ويوسف قعد ورا فوقت من شرودي علي صوته
مازن بجديه:عنوان بيتك ايه
دينا بتنهد:وديني علي بيت ماما لومش هاخرك واتعبك يعني
مازن بجديه:لأمتشغليش بالك مفيش تعب ولاحاجه بعد فتره كنا وصلنا وهي كانت كلمت مامتها من تلفوني فيوسف نزلها
دينا بابتسامه:شكرا علي الجاكت وبتمني اشوفك تاني يامازن
مازن بجديه:خلي الجاكت معاكي ممكن سؤال قبل ماتمشي لومش بدخل يعني انتي متخانقه انتي واحمد لاني شكلك مش طبيعي
دينا بتنهد:انت اختفيت ست سنين رغم اني كنت محتجاك فيهم يامازن وجودك معايا كان هيفرق معايا كتير بس انت اختفيت معرفش ليه انت متعرفش الست سنين دول مروا عليا ازاي يامازن سلام
..................
ادهم بجديه:اقتربت من السرير ياه اخيرا صحيتي عامله ايه دالوقتي
سيلين بتعب:تحاملت علي نفسي وقعدت انا فين وبعدين انت السبب في اللي انا فيه وجاي تسألني عامله ايه
ادهم بنفاذ صبر:تعبانه وفيكي حيل تتخانقي برضو وبعدين انا مكنتش اعرف انك هتوصلي لحاله ديهوبعدين لومكنتيش بطلتي تاكلي لمده اسبوع مكنش جرالك حاجه
سيلين باستنكار:يعني انا دالوقتي اللي غلطانه مش انت يعني وبعدين ده مش مبرر جيت اقوم فدوخت وكنت هقع فهو لحقني ابعد عني ومتفكرش تلمسني تاني
ادهم بجمود:حد قالك اني حابب المسك اصلا ياسيلين انا غلطان اني لحقتك قبل ماتوقعي كنت سبتك توقعي افضل واقعدي بقي المفروض ترتاحي لانك تعبانه
سيلين:ده شئ ميخصكش وبعدين كنت سبتني مت احسن من اني اعيش كده وانا حته معرفش انا ليه هنا بس انت مش خايف ان لوحد دور عليا انت هتتسجن
ادهم بجديه:متخفيش انا واثق ان محدش هيدور عليكي ياسيلين
سيلين بضيق ممزوج بعصبيه:هو انت عشان عارف ده استغليته لوكانت اختك مكاني وحد عمل معاها كده كنت هترضي انا حته معرفش انت خاطفني وحابسني ليه وانا حته مشفتكش قبل كده عشان اكون اذيتك واكيد مش خاطفني عشان فلوس
ادهم بعصبيه:قربت منها وحاصرتها علي الحائط اولا متجبيش سيره اختي علي لسانك وثانيا انا لوحد لمس شعره من اختي مكنتش هسيبه مش عشان يتجرأ يخطفها فعلا وبعدين مش هتستفيدي بحاجه لما تعرفي انا خطفتك ليه مش لازم تعرفي السبب دالوقتي،انا مش ناوي اربطك تاني بس متحاوليش تهربي عشان نتيجه ده مش هتبقي حلوه بالنسبالك هعمل اسوء من اللي كنت عامله فخليكي عاقله يادكتوره
سيلين باستنكار:ليه ايه هو الاسوء هتضربني مثلا قطع كلامنا دخول شخص تاني
عمر بجديه:ادهم عايزك شويه انتوا مكنتوش بتتخانقوا صح
سيلين بجمود:ياريت تاخد صاحبك او ترجعني الاوضه الي كنت فيها احسن مااقعد معاه دقيقه واحده لاني مش طايقه اشوف وشه ولااسمع صوته حته وعرفه انو هيندم علي اللي عمله فيا
ادهم بعصبيه:لمي لسانك ياسيلين لان مش هفضل متحكم في اعصابي كتير والحاجه التانيه هتفضلي هنا ومش هتخرجي من اوضتي تصدقي وده عند فيكي ياسيلين وفكري مجرد تفكير تهربي يبقي انتي بتخاطري بحياتك
سيلين بحده:وافضل في اوضتك بمناسبه ايه ممكن تقولي
عمر بجديه:ادهم وياسيلين خلاص ممكن تهدوا وتعال معايا ياادهم
ادهم:اديني جيت معاك خير بقي
عمر بجديه:فيه خبر ليك وهو ان مرات عمي ونور جايين بعد يومين
ادهم بعدم فهم:طيب ايه المشكله يعني
عمر بتنهد:انت ناسي سيلين ناوي تقول لمامتك ايه انك خاطفها يعني
ادهم:فعلا ديه مشكله نجبلها حل ازاي
عمر بجديه:فيه حل ممكن تقول انها خطيبتك
ادهم بعدم تصديق:انت مجنون يابني حته لوقولت كده هي بتعمل ايه في بيتي
عمر بابتسامه:ملكش دعوه انت بالباقي بس المهم انها توافق علي ده مش عارف ازاي وهي بتعزك اوي الصراحه بس لازم تضمن انها متقولش الحقيقه ياادهم الصراحه انت دالوقتي في ورطه فعلا
....................
مريم:ادي يوسف نام يادينا ممكن تحكيلي ازاي قابلتي مازن وايه اللي خرجك في الوقت ده بالمنظر ده وانتيي رجعتي اتخانقتي انتي واحمد تاني
دينا بتنهد:لاانا وااحمد انفاصلنا وده ورق الطلاق هخلي لارا توثقه في المحكمه وتخلص الاجراءات الاخيره اما مازن قابلته صدفه مش اكتر
مريم بصدمه:انفصالتوا بس يادينا ويوسف هتعملي ايه معاه لوسألك
دينا بجديه:هقوله الحقيقه ياماما انا تعبت فعلا اه رغم اني اتنازلت عن حاجات وحكتلها اللي حصل انا مش هاممني اي حاجه غير انو يبعد عننا ويوسف لما يتربي من غير مشاكل هيبقي احسن ياماما
مريم بابتسامه:ولايهمك كل ده اهم حاجه انكم كويسين ومتشغليش بالك احنا مش محتاجين منه حاجه
دينا بابتسامه:انا هكمل دراستي وهعمل رساله ماجستير عشان اشتغل ومش عشان الفلوس بس انا حابه احقق حلمي اللي محققتوش
مريم بتنهد:ربنا يوفقك ياحبيبتي واي حاجه تحتاجيها انا معاكي
...............
سيلين:لقيته دخل الاوضه وقفل الباب ومعاه صنيه عليها اكل وحطها قدامي انا مش هاكل انا عايزه امشي من هنا
ادهم بجديه:ريحي نفسك مش هتمشي من هنا ولازم تاكلي عشان متتعبيش لاني مش جايبك هنا اعذبك بالبطئ
سيلين بحيره:امال خاطفني ليه بس انا حاسه اني شوفتك قبل كده بس معرفش فين
ادهم بتعب:مش هتلاقي اجابه علي اسألتك ياسيلين لما يجي الوقت المناسب هتعرفي لوقتها لازم تاكلي
سيلين:قعدت اكل لاني كنت جعانه وخلصت كنت لسه هتكلم بس لقيته اتكلم
ادهم بجمود:بمناسبه انك خلصتي فيه موضوع مهم وهو انك هتمثلي قدام الكل اننا بنحب بعض واننا هنتجوز قريب
سيلين بعصبيه:نعم ديه حاجه مستحيله انا احبك انت ده لوكنت اخر راجل علي الارض مش هحبك ولاهردي اكون مراتك وعلي اسمك حته لو تمثيليه
ادهم بحده:وحد قالك اني باخد رأيك فيا ده امر وهتنفذيه غصب عنك وجربي ان تقولي لحد اني خاطفك او علي اي حاجه او تهربي سعتها مش هيحصلك كويس ولاانتي ولاابن اخوكي العزيز
سيلين بخوف:قصدك ايه يعني هتعمل ايه
ادهم بنبره غريبه:قدامك خيارين ياتوافقي علي كلامي يامضمنلكيش ممكن اعمل ايه مع يوسف ده اسمه صح باشاره واحده مني ممكن اخليهم يختطفوه من الحضانه وسعتها بقي هقرر اعمل معاه ايه وده علي حسب مزاجي سعتها وهو ياعيني ولد صغير حته مش هيستحمل نص اللي استحملتيه وشوفي حالتك مابالك هو بقي ممكن يموت يعني وسعتها حته مش هسيبك ياسيلين
سيلين بدموع ممزوج بخوف:انت مجنون ده طفل ذنبه ايه
ادهم بجمود:ده شئ ميهمنيش ياسيلين قدامك لحد الصبح حياه يوسف في ايدك وانتي حره واحب اقولك السبب لبيخليني اعمل كده انا واخوكي بينا مشاكل قديمه وعداوه فاعتبريني بنتقم منه فيكي فيتختاري نفسك وحياتك ياحياه يوسف بعدت عنها ورحت نمت علي الكنبه تجاهلت سماعي لشهقات بكائها طول الليل شبه منمتش بليل صحيت الصبح خدت هدومي ودخلت اخد شاور واغير هدومي بعد ماطلعت لقتها واقفه قدامي حطيت ايدي في جيبي هاا قررتي
سيلين بنبره غريبه:اه قررت بس انا لقيت حاجه تانيه هترتاح بيها انت وتحقق انتقامك وانا كمان مش هضطر اختار
ادهم بعدم فهم:يعني ايه لقيت في ايديها سكينه سيلين ناويه علي ايه بلاش جنان جيت اقرب منها عشان اخدها راحت قطعت شرايين ايديها
سيلين بتعب:محستش بنفسي وفاجئه لقيت الدنيا سوده من حواليا وفقدت الوعي
...............
لارا بتنهد:كان يتساقط الثلج بكثره ومكنتش لقيه تاكسي وكنت بتكلم في الموبيل ايوه يابابا انا جايه في الطريق متقلقش حاضر هخلي بالي من نفسي كنت ماشيه بتكلم ومخدتش بالي من العربيه اللي متجهه نحوي انتبهت لما لقتها قربت مني جامد ومن كتر الخوف غمضت عيني بس في حد شدني بسرعه من خوفي مخدتش بالي اني قريبه منه جامد ومتمسكه بجاكيت بتاعه بس فوقت علي صوته فجيت ابعد لقيت السلسله اللي كنت لبساها شبكت في الجاكيت بتاعه فحاولت افكها
عمر بابتسامه:ساعدتها انها تفكها انتي كويسه
لارا بجديه:اه كويسه شكرا ليك جدا علي اللي عملته معرفش كان ممكن يحصلي ايه
عمر بتنهد:عادي ولايهمك بس بتعملي ايه هنا في الوقت والجو ده
لارا بابتسامه:راجعه من شغلي بقي اعمل ايه وبعدين انا بحب التلج جدا والجو ده الصراحه عمتا هسألك نفس السؤال انت برضو بتعمل ايه في الجو ده هنا
عمر:كان معايا العربيه بس فيه عجله نامت وكنت بدور علي ميكانيكي قريب هنا يغيرهالي
لارا بضحك:مش معقول مبتعرفش تغيرها بس انا ممكن اساعدك واغيرهالك واهو هوفر عليك انك تدور علي ميكانيكي
عمر بعدم تصديق:انتي بتكلمي بجد بتعرفي تغيريها وبعدين متضحكيش انا مش متعود اعمل الحاجات ديه
لارا بابتسامه وثقه:اممم واضح انك غني ومش متعود علي الحاجات ديه بس ايوه بعرف انا عندي عربيه بس بتتصلح واتعودت اني اغيرلها عجله اواصلحها عشان بيحصل معايا المواقف ديه كتيرلما وصلت لعربيه طلعت العجله البديله وجبت الادوات وكنت بعملها بعد شويه انا خلصت اهو
عمر بابتسامه:شكرا مش عارف
قطعتني بضحك:متقولش حاجه اعتبرها رد شكر مني علي مساعدتك ليا يلاباي
عمر بجديه:كانت هتمشي استني اوصلك لان مش هتلقي تاكسي في الوقت ده والجو مش حلو كمان
لارا بابتسامه:مفيش داعي انا هتصرف مش عايزه اعطلك
عمر بجديه:بس انا مصر علي اني اوصلك بعد ماوافقت ودالتني علي طريق بيتها كانت هتنزل اسمك ايه
لارا بضحك:اسمي لارا بس لو ناوي تعاكس مش هيحصلك خير لقيته بصلي باستغراب خلاص كنت بهزر مش اكتر متركزش وشكرا علي التوصيله باي
..................
ادهم بجديه:هي هتبقي كويسه ولاهنضطر ننقلها المستشفي
مازن بتنهد:هي كويسه اه نزفت شويه بس انت وقفت النزيف شويه باللي عملته وانا خيطلها الجرح فعقبال بكره هتبقي كويسه بس ايه الي حصل عشان تعمل كده
ادهم بضيق:اتخانقنا شويه بس مكنتش اتصور انها ممكن تعمل كده
مازن:بس ياادهم انت مش ابن خالي وبس انت اخويا عشان كده نصيحه سيبها تمشي
قطعني بجديه:مقدرش اعمل ده اللي خطتله هعمله مهما يحصل الوعد اللي قطعته من اربع سنين مستحيل اخلف بيه وبالنسبه للي حصل انهارده فانا ليا تصرف معاها بكره لما تفوق مش هتفكر حته تكررها تاني
مازن بنفاذ صبر:واضح ان مفيش فايده من الكلام معاك ياادهم انا داخل انام تصبح علي خير وياريت متجيش تصحيني بمصيبه تاني
ادهم بتنهد:وانت من اهلو دخلت الاوضه وجبت كرسي وقعدت جنبها لحد الصبح
سيلين بتعب:ابتديت افتح جفوني في بطئ غير مستوعبه للي حواليا انا عايشه ولامت خلاص
ادهم بجديه:لأعايشه ياسيلين هتروحي مني فين مش معقول اسيبك تروحي بالسهوله ديه
سيلين بارهاق:حرام عليك حته مستكتر عليا اني اموت وارتاح من اللي انا فيه ومنك
ادهم بجمود:طيب احب اعرفك عواقب اللي عملتيه كويس وانو لوكنتي موتي مكنتش هسيب يوسف زي مانتي متخيله يعني ميجيش في بالك تفكري تنتحري تاني عشان سعتها يوسف هو اللي هيدفع تمن غلطك ده فيه فستان محطوط علي الكرسي ياريت تغيري هدومك وقدامك عشر دقايق بس تخلصي وعقلك ميفكرش في اي حاجه تمام لوخايفه علي ابن اخوكي
سيلين بضيق ممزوج بتعب:بعد مامشي قومت من السرير واتجهت ناحيه الفستان كنت معتقده انو هيكون فستان قصير وكنت هتحجج بس لقيته فستان طوله مناسب بلون الروز وحملات رفيعه وعليه جاكيت جينز قصير باكمام دخلت الحمام واخدت شاور سريع وغيرت هدومي ولبسته وسيبت شعري وخرجت من الحمام اتفاجئت انو ادهم كان قاعد في الغرفه
ادهم بابتسامه:كويس جيه مقاسك وشكلك طالع حلو واضح انك عقلتي ياسيلين واخيرا
سيلين بجديه:اللي انت بتعمله مش صح انك تجبرني علي حاجه لمجرد انك تخرب حياتي عشان تحقق انتقامك ياادهم
ادهم بنبره ذات مغزى:اولا مش هتعرفيني الصح ايه وكمان حطي جمله في مخك وهو مش شرط اللي احنا بنشوفه يكون غلط ممكن يكون صح بس احنا مش شايفين ده بس متخديش الجمله ديه علينا
سيلين بوعيد:انا وافقت بالاجبار عشان يوسف بس لوفكرت انك تخلف بوعدك وتأذيه صدقني مش هتردد وهقتلك ياادهم
ادهم:......
يكمل
أنت تقرأ
احببت عدوتي
General Fictionمااصعب ان ندرك حقيقه الامور وان نري الحقيقه التي مر اعوام ونحن نظن غيرها،ويمكن ان نظن ان صله القرابه او الدم هي من انقي العلاقات واخلصها ولكن عندما نكتشف العكس وان اقرب شخص الينا او مانعتبره كذلك هو مجرد خدعه يطعن الذي امامه في ظهره،وتختلف ايضا بعض...
