ادهم بصدمه:دخلنا لقينا ملك موقعه كوبايه المايه واتكسرت فعرفت انها كانت بتحاول تمسكها بس معرفتش فرحت قعدت جنبها فين الممرضه ازاي تسيبها لوحدها فلقتها جت علي صوتي كنتي فين شغلك انك تفضلي معاها متسبهاش
الممرضه"انا اسفه يااستاذ انا سبتها خمس دقايق بس روحت الحمام اوعدك ان متكررش تاني
ادهم بعصبيه:روحي جيبي مايه وشيلي قطع الزجاج ديه من الارض يلا بعد شويه كانت جابت المايه وشربتها بهدوء ومسحت دموعها اهدي كلها فتره وتبقي احسن ياملك لقيتها بتبص ناحيتهم باستغراب اعرفك علي الفردين الجداد في عيلتنا سيلين مراتي ودينا تبقي مرات مازن
واحد من الامن"استاذ ادهم ممكن دقيقه فيه حاجه مهمه لازم تشوفها
ادهم بجديه:تمام سبتها معاهم وطلعت معاه في ايه لقيته بيوريني مقطع فيديو
نفس الشخص"الشخص ده دخل البيت في نفس الوقت اللي كاميرات وقفت يااستاذ
ادهم بعصبيه:عرفت انه احمد ودخل ازاي وانتوا كنتوا موجودين بتحرسوا المكان ولاانا جايبكم منظر
رجل الامن"مهو احنا والرجاله اكتشفنا ان الاتنين اللي كانوا بيحرسوا الباب الخلفي مضروبين ومتكتفين والممرضه هددوها بالسلاح ودخلوا
ادهم بمحاوله التحكم في اعصابه:انا عايز في خلال ساعتين عايز عربيه اسعاف تيجي هنا وسبته ودخلت جوه وطلبت من مازن وعمر يخرجوا بره هو وصل لهنا
عمر بصدمه:وهنعمل ايه دالوقتي
ادهم بجديه:هو عرف انها عايشه وقدر يوصلها ولوعرف انها فاقت من الغيبوبه هيبقي ده خطر علي حياتها انا طلبت عربيه اسعاف تنقلها من هنا
مازن بتساؤل:طيب هتوديها فين ياادهم انت عارف انو مش صعب يقدر يوصلها تاني
ادهم بجديه:هروح البيت القديم محدش هيتوقع اني هناك وماما واللي في البيت هيعرفوا اني مسافر كام يوم في شغل وسيلين لو هتيجي معايا يبقي هقول انها عند خالها هتقعد كام يوم وياريت لوحد فيكم يروح يوضب الشقه شويه عشان ملك
عمر بجديه:مازن ودينا يروحوا وانا هفضل معاها هنا
..............
سيلين بتنهد:فضلنا ساكتين طول الطريق لحد ماوصلنا البيت فلقيته اتجه لغرفتنا فروحت وراه بعد تفكير واني احاول اتكلم معاه واعتذرله لما دخلت الاوضه لقيته بيجمع هدوم ليه ويحطها في الشنطه انت بتعمل ايه ياادهم
ادهم بجمود:مسافر فتره فيه حاجه
سيلين باستنكار:بس انت مقولتليش انك هتسافر وبعدين فتره اقد ايه يعني،انا عارفه انك مضايق مني وانا اسفه بس علي الاقل رد عليا
ادهم بجديه:لحد مالامور تتحسن هرجع تمام كده ياسيلين ولو عايزه حاجه كلميني
سيلين بانفعال:لابجد وحد قالك اني هسيبك تمشي ومش هاجي معاك ياادهم
ادهم بنفاذ صبر:قربت منها وحاصرتها علي حائط عايزه ايه ياسيلين فهميني هتروحي مع شخص مبتثقيش فيه وبعدين انا مش مسافر هي محتاجه مراعيه لحد ماتتحسن وانا هفضل جنبها لحد ماتبقي احسن ومعتقدش انك هتقدري تعيشي هناك ياسيلين
سيلين بجديه:انا مقولتش اني مبثقش فيك ياادهم بس فيه حاجات كتير بتعملها مبفهمهاش انا عارفه اني تصرفي كان غلط وكنت المفروض اسمعك الاول بس انت غلطت لما كدبت عليا في موضوع زي ده
ادهم بنبره محذره:سيلين مش كل حاجه لازم تعرفيها ومن الاحسن متفتحيش ولاتدوري ورا مواضيع ليها علاقه بالماضي عشان لواتفتحت هتحصل مشاكل ملهاش اخر وده اعتبريه تحذير لمستقبل ياسيلين
سيلين بعفويه:ادهم انت بتتهمني اني مبثقش فيك بس انت نفسك بتثقش فيا وده واضح من انك بتفضل تخبي عني حاجات في حياتك وحاجات تانيه كتير
ادهم بجديه:ده مش عدم ثقه ياسيلين بس الماضي ده هيأذيكي كتير فمتتسرعيش انك تعرفيه احسن وثقي ياسيلين اني لومكنتش بثق فيكي مكنتيش هتدخلي البيت ولاتخطلتي بعيلتي وولاكنتي هتبقي مراتي ولاكنت هكشف حقيقه خفيتها من اربع سنين قدامك لكن بالعكس انتي لسه جواكي خوف وعدم ثقه عالموم مش هجبرك علي حاجه حابه تيجي معايا براحتك حابه تقعدي برضو براحتك
سيلين بتنهد:هحضر حاجتي وبعد شويه كنت جهزت شنطتي وهو قال لكل اانه هو مسافر عشان هو عنده شغل وهيوصلني عند خالوا بعد فتره خرجنا من البيت وفضلنا علي نفس سكوتنا سندت راسي علي زجاج السياره وغمضت جفوني فوقت علي اثر فرمله السياره وتوقفها في مكان غريب وبسيط بالنسبالي معظم اللي ساكنين فيه ناس من الطبقه المتوسطه ونزلت من العربيه وفضلت ماشيه معاه لحد ماوصلنا لبيت قديم شويه ولقيته رن الجرس فمازن فتحلنا الباب
ادهم بعفويه:كل حاجه اترتبت زي مااحنا كنا عايزين
مازن بجديه:اه محدش شافنا واحنا مدخلنها وضبنا اجزاء من الشقه والاوضه اللي هي فيها ناقص الباقي لو اشتغلنا كلنا هنخلصها انهارده
ادهم بجديه:لاكفايه اللي عملتوه روحوا انتوا عشان يوسف ونور واحنا هنصرف نفسنا
دينا بجديه:بس اللي فاضل كتير مش هتقدروا تكملوه
سيلين بابتسامه:متشغلوش بالكم وعشان كمان الجو بره مش حلو واحتمال كبير الشوارع تتقفل بسبب التلج فلو قعدتوا ممكن تتحبسوا هنا لحد الصبح
مازن بتنهد:تمام ياسيلين هنمشي وهنيجي الصبح
عمتا احنا جبنا اكل وسبناه في التلاته لان زمانكم ماكلتوش يلاسلام وخدت دينا وطلعنا من البيت
سيلين بتنهد:تحب تاكل وبعدين نبتدي توضيب ولاالعكس
ادهم بجديه:اعملي اللي انتي عايزاه ياسيلين انا هروح اطمن الاول علي ملك لسه كنت همشي لقيتها مسكت ايدي
سيلين بعفويه:انت لسه مضايق مني علي اللي حصل امبارح انا عارفه اني غلطت في تصرفي وانت غلطت برضو انك خبيت عليا ياادهم انا فضلت قلقانه عليك ورحت الشركه زي ماكنا متفقين وفي الاخر ملقتكش وعرفت انك مروحتش من الاصل حته عارف قلقت عليك وحاولت اتصل عليك اقد ايه انا مكنتش هسألك انت فين لورديت عليا عارفه انك كنت مشغول مع ملك
ادهم بانفعال:وتفتكري انها لما كانت تعبانه وبالمنظر ده بعد اربع سنين هبقي فاضي اني اكلمك ياسيلين مجاش في بالي نسيت مفتكرتش غير لما شوفت الموبيل قطعت كلامي بقبله
سيلين بابتسامه:بعدت عنه شويه انا اسفه لقيته شدني لحضنه ودفن وجهه في عنقي روحت رفعت ايدي ومسحت علي خصلات شعره انت كويس
ادهم بتنهد ومحاوله السيطره علي انفعالته:اه وانا آسف ياسيلين لاني اتعصبت عليكي انا عارف انك مش مضطريه تواجهي كل ده بس عايزك توعديني ياسيلين ان مهما يحصل اوتسمعي اي حاجه متفكريش تمشي وتسبيني وتديني فرصه اشرحلك
سيلين بعفويه:ادهم انا معرفش ايه اللي انت مخبيه تاني وقلقان منه انه يوثر علي علاقتنا قدام،اممم بس انا مينفعش اوعدك بحاجه وانا معرفش ايه اللي انت مخبيه لان ممكن لمااعرفه اقرر امشي ياادهم لقيت ملامحه اتغيرت فضحكت كنت بهزر ياادهم هسيبك واروح فين لاسف انا قدرك ولازم تتقبله
.............
عمر بتردد:يعني اتصلت بيا ياعمي وقلت انك عايزني فيه حاجه حضرتك كويس وبعدين فين لارا
مصطفي بجديه:لارا مش موجوده في البيت مسافره وهترجع بكره الصبح وانا كنت عايز اكلمك وهي مش موجوده
عمر باستغراب:خير ياعمي فيه حاجه لارا كويسه يعني ولافيها حاجه
مصطفي بابتسامه:هسألك سؤال وجاوبني بصراحه ياعمر
عمر:اسأل ياعمي زي مانت عايز
مصطفي بجديه:انت بتحب لارا ياعمر او بتحس بمشاعر نحيتها وجاوبني بصراحه
عمر بعفويه:عمي لازم تعرف انو
قطعني بجديه:انا عارف كويس ان لارا كانت بتكدب ساعت ماقالت انكم بتحبوا بعض وان ناويين ترتبطوا بس محتاجيين وقت لاني عارف بنتي كويس وتفكيرها ناحيه الارتباط بس انت بالنسبالك ايه
عمر بعفويه:انا معرفش ايه هو الحب بحد ذاته ومعرفش لارا غير من فتره قصيره بس قادر افهم انها مش حابه ترتبط لاسباب هي مقتنعه بيها وكانت مضايقه من ضغط حضرتك عليها مقدرش انكر ان فيه مشاعر بحسها نحيتها بس مهما يكن هي غلط لان انا وافقت اني اساعدها من باب اننا اصدقاء ومفيش حاجه تانيه من الافضل لوانك تسيبها ياعمي علي راحتها
مصطفي بضيق:انا لوسبتها علي راحتها هتفضل زي ماهي وانا مش هعيشلها العمر كله وبمجرد موتي هتبقي لوحدها مهما اللي كان اللي حواليها سيلين اوسراج معاها دالوقتي فكل واحد هينشغل في حياته غصب عنه وهي هتفضل لوحدها وانا مش حابب ده
عمر بابتسامه:ربنا يديك طول العمر ياعمي واكيد هي ممكن تغير رأيها بس اديها وقت
مصطفي بنبره حزينه:بس انا معنديش وقت ياعمر عمري ماحبيت اضغط عليها ولااجبرها علي حاجه لما بس لما كنت عايزها تتجوز سراج كان عشان بثق فيه انه هيقدر يقف جنبها وانهم يعرفوا بعض كويس وده هيساعدهم بس ده محصلش لما ماتت مامتها من سبع سنين كان الموضوع صعب عليها لان ماتت فاجئه وبعدين اهتميت بيها الفتره ديه كلها لارا لاسف متعلقه بيا بزياده بمجرد ماهسيبها هتتكسر
عمر بجديه:ليه حضرتك بتقول كده الاعمار بأيد ربنا
قطعني بجديه:انا عارف ده بس انا تعبان ومعنديش وقت طويل هي مجرد شهور بس انا اكتشفت من كام شهر اني عندي سرطان في الرئه وحالتي متاخره ومحدش يعرف غير اخويا كان المفروض اعمل علاج كيماوي بس مش هيفدني بحاجه ففضلت اني افضل في البيت مع ذكريات اللي ليا هنا مع مراتي واقضي الوقت اللي فاضلي مع لارا
.............
دينا بتردد:مازن انا اسفه علي اللي حصل امبارح لقيته وقف العربيه فاجئه ونزل من العربيه واتجه ناحيه مقعد وقعد عليه اتجهت ناحيته
مازن بعتاب:دينا انا بجد معدتش قادر افهم تصرفاتك ولااي حاجه بتعمليها انتي تعرفيني بقالك سنين طويله وقبل ماتكوني مراتي كنتي صديقتي المقربه وعارفه اني مستحيل اعمل اي حاجه من اللي جت في بالك اوحته افكر اخونك ده انا معملتهاش وانتي مش موجوده عشان اعملها دالوقتي يادينا هسألك سؤال وتردي عليا انتي حاسه انك اتسرعتي لما وافقتي نرتبط يادينا او كانت موافقتك كانت مجرد تعويض علي اللي حصل زمان فصعب اننا نكمل كده احنا كنا اصدقاء وكنا بنفهم بعض بس من ساعت ماتجوزنا وبقينا بنتخانق كتير يادينا لواستمرينا في العلاقه ديه بالشكل ده هنخسر بعض يادينا وده انا مش عايزه
دينا بصدمه:كلامه الجم لساني معرفتش اقول ايه بس يامازن اللي قولته مش صح
مازن بجديه:بصي يادينا انا عارف بقول كده ليه انا عشت طفولتي كلها في خناقات ومشاكل بين ماما وبابا واذتني كتير لدرجه انها بعدتني عن الكل وانا مش حابب اعيش ده تاني ولاحته يوسف يتاثر بده انا بديكي فرصه يادينا في انك تفكري في علاقتنا تاني ولوقررتي تنهيها ونرجع زي ماكنا مش همنعك
دينا بتنهد:فضلنا ساكتين طول الطريق لحد ماوصلنا لبيت هو اتجه لغرفتنا وانا روحت اطمنت علي يوسف ورجعت علي اوضتي فلقيته انه قفل النور واتغطي ونام اوعمل نفسه نايم اتجهت لحمام غيرت هدومي ورحت علي الناحيه التانيه من السرير عشان انام بس معرفتش كانت كلامته بتردد في عقلي بعد محاولات كتير معرفتش ففتحت النور مازن ملقتش رد قربت منه واحتضنته من ظهره انا عارفه انك مش نايم وانك بتمثل يامازن
مازن بنفاذ صبر:لفيتلها عايزه ايه يادينا المفروض تكوني نمتي
دينا بعفويه:معرفتش انام غير لمااتكلم معاك واقولك تفكيرك كله غلط يامازن انا وافقت علي جوازنا لاني بحبك وانك شخص مهم بالنسبالي اكتر من اي حد واني مش هقدر اعيش من غيرك واخسرك تاني وبالنسبه لمشاكل اللي حصلت بينا فاحنا ممكن نحلها سوا مش اننا نفكر ننفصل لان صعب نرجع اصدقاء بس زي ماكنا لقيته هيتكلم فحطيت ايدي علي فمه انا قاصده اللي قولته واسفه علي كل اللي حصل الفتره اللي فاتت ومش محتاجه وقت افكر لان قراري باني افضل معاك مش هيتغير يامازن
مازن بعفويه:بعدت ايديها وازحت خصلات شعرها ماشي يادينا بس ممكن انام عشان المفروض اصحي بدري واحنا دالوقتي بقينا الفجر يلاتصبحي علي خير
دينا بتنهد:بس انا مش جيلي نوم هتسيبني وتنام انت يامازن لقيته شدني لحضنه
...................
سيلين بتعب:مش مصدقه نفسي اخيرا خلصنا ورحت قعدت جنبه علي كنبه وسندت راسي علي كتفه،تحب تاكل
ادهم:انا مش جعان اوي لوعايزه كلي انتي لان شكلك تعبان انا عارف ان تعبتك معايا انهارده ياسيلين
سيلين بابتسامه:من غير ماتكلم عادي انا متعبتش ولاحاجه ومش هاكل غير لوكلت معايا
ادهم:تمام هروح اطمن علي ملك واجي وناكل مع بعض سبتها ورحت علي اوضتها فلقيتها نايمه فقربت منها وطبعت قبله علي جبينها،وفي نفسي:اوعدك ياملك اني انتقملك من الشخص اللي عمل فيكي كده واني احاول علي اقد مااقدر انك تتحسني وترجعي زي ماكنتي عارف انو صعب بس نور محتجالك وانا نفسي محتاجلك بتمني لوتتحسني في اسرع وقت غطتها كويس ورحت طلعت من الغرفه واتجهت لسيلين فلقيتها نامت وهي قاعده علي الكنبه فقربت منها وحملتها واتجهت بيها لغرفه نيمتها علي السرير ورحت غيرت هدومي وقفلت النور ونيمت جنبها
ملك بدموع وفي نفسها:انا عارفه انك مضايق علي حالتي ياادهم بس انا فعلا لازم اقدر اتكلم بسرعه قبل ماتحصل اي حاجه لازم احذرك من ان سيلين في خطر وعلاقتكم ببعض كمان بس مش عارفه اعمل ايه وانا في الحاله ديه بتمني ان ميحصلش اي حاجه اوانه يقدر ينفذ اللي كان عايزه او بيخططله........
يكمل
أنت تقرأ
احببت عدوتي
General Fictionمااصعب ان ندرك حقيقه الامور وان نري الحقيقه التي مر اعوام ونحن نظن غيرها،ويمكن ان نظن ان صله القرابه او الدم هي من انقي العلاقات واخلصها ولكن عندما نكتشف العكس وان اقرب شخص الينا او مانعتبره كذلك هو مجرد خدعه يطعن الذي امامه في ظهره،وتختلف ايضا بعض...
