سيلين باستغراب:هي ايه ياادهم
ادهم بجديه:انا مكنتش في الشركه امبارح كنت وقبل مااكمل كلامي لقيت ماما دخلت الاوضه
سيلين بتوتر:ماما شديت ايدي من ادهم وبعدت عنه احم انا هروح اجهز
نهال بجديه:استني ياسيلين خدي الفستان ده البسيه وياريت انهارده متحرجنيش قدامهم وخلي بالك من اللي بتقوليه وتصرفاتك
سيلين:تمام خدت منها الفستان ودخلت الحمام
نهال:وياريت انت كمان تقوم بدل الكسل اللي بقيت فيه
ادهم بجديه:ايه لازمه الكلام اللي قولتهولها وتصرفك ياماما
نهال:تصرفي ده عادي ديه اوضه ابني في الاخر ومعتقدش انها عندها مشكله في ده حصلت حاجات كتير ومسألتش عنها ياادهم والكلام ده لان سيلين عفويه وعصبيه بزياده انا عرفت اللي عملته مع مها كان المفروض تتصرف بحكمه اكتر من كده مش تعمل اللي عملته
ادهم باستنكار:قومت من السرير وقفت قدامها بجد انتي سامعه اللي بتقوليه هي اللي غلطت وانتي شايفه ان تصرف سيلين كان غلط
نهال:اه كان غلط مها تبقي ضيفتنا واكيد اللي حصل فيه سوء تفاهم بس انت اللي دخلت مواضيع قديمه في جديده ياادهم
ادهم بجديه:بجد انتي اللي بتقولي كده مطلوب منها انها تدخل وتسمع كلامها وتشوفها في الاوضه وتتصرف بحكمه كمان لوكنتي مكانها كنتي هتتصرفي بهدوء وبعدين مش سيلين كانت حبيبتك من ساعت ماجت البيت هنا من اربع شهور ايه اللي اتغير ولاده بسببها ياماما
نهال بجديه:انا مقولتش اني بكرهها ياادهم بس فيه حاجات كتير اتغيرت في الفتره اللي فاتت ولوكنت مكانها ياادهم كنت هشك فيك انت لانك انت الراجل وان من طبعكم الخيانه معرفش ايه اللي حصل وقتها بس مكنتش هتصرف زي سيلين
ادهم بسخريه:اعتبر من كلامك انك بتشكي فيا وانك مصدقه مها واني كنت بحاول اتحرش بيها ومش مصدقه ابنك ياماما واني غلطت
نهال بجديه:اعتبرها زي مانت عايز ياادهم مهو لومكنتش غلطان مكنتش خدت الكلام علي نفسك
سيلين بجديه:سمعت كلامها الاخير بعد ماطلعت من الحمام،بس مش كل الرجاله زي بعضهم ياماما انا لواتعاد الموقف مره تانيه عمري ماافكر اشك في ادهم انا معرفهوش من فتره طويله اوي بس انا بثق فيه واللي عملته وقتها كان رد فعل بسيط وبعدين اكيد ياادهم مفيش ام بتشك في ابنها عمتا خمس دقايق واكون جاهزه ياماما
نهال باستخفاف:بس انت كنتي مرتبطه قبل ادهم ياسيلين وانفصلتوا لانه خانك وكنتي بتثقي فيه برضو
سيلين بتماسك ظاهري:كان ادهم هيتكلم فمسكت ايده،انا فعلا كنت مخطوبه بس ارتبطت بالشخص الغلط واكيد اني بعد تجربتي ديه هبقي عارفه مين الصادق ومين اللي بيكدب ياماما بعد مامشيت بعدت عنه ورحت اجفف شعري
ادهم بجديه:سيلين انا بجد اسف انا معرفش ماما مالها وليه بتكلم او بتتصرف كده
سيلين بابتسامه:ادهم عادي متشغلش بالك انا مش مضايقه بس كل اللي انا عايزاه ان انهارده يعدي علي خير من غير مايحصل حاجه لقيته قرب مني وحاوط خصري وشدني ليه
ادهم بابتسامه:كل حاجه هتبقي كويسه وعلي بليل كده نطلع نتمشي بره وممكن نتعشي حابب اتكلم معاكي في حاجه اونقضي وقت مع بعض من غير اي مشاكل
سيلين بابتسامه:اعتبر مثلا انك بتعزمني بطريقه مش مباشره
ادهم بضحك:اه اعتبريها كده
سيلين بعفويه:قبل مااتكلم لقيته احتضن شفتاي في قبله بعد تردد بادلته اياها متناسيه كل الخوف اللي بداخلي ولااعرف له سببا
...............
مازن بنبره خافته:مسكت ايديها اهدي يادينا انا مأجبرتكيش علي حاجه ولايهمني غير انك تبقي مرتاحه كل حاجه وليها وقتها يادينا قربت منها ومسحت دموعها لقيتها حضنتني
دينا بدموع:انا اسفه
مازن بتنهد:مسحت علي شعرها تمام ممكن تهدي بقي وبعدين يعني مش حابب اغرق بدموعك انهارده يادينا ويلاياكسوله عشان هتروحي معايا المستشفي
دينا باستنكار:انا مش كسوله علفكره بس بالنسبه ليوسف
مازن بعفويه:متقلقيش علي يوسف هيفضل هنا وبيلعب مع نور وفيه لورن هتهتم بيهم وبالنسبه لباقي فمش هياكلوه يعني
دينا بجديه:انت عارف كويس ان لو الباقي عرف الحقيقه مستحيل حد يتقبلني ولاانا ولايوسف يامازن
مازن بجديه:ليه بتفكري كده يادينا وبعدين محدش من مصلحته ان الباقي يعرفوا الحقيقه لان سعتها هتحصل مشاكل ملهاش اخر
دينا بتنهد:تمام يامازن انا هروح اجهز
.............
مصطفي بجديه:مش ناويه تقولي يالارا مجمعانا علي الصبح ليه وعماله تقولي موضوع مهم ومن ساعت ماقعدنا وانتي ساكته
محمد:طيب اتكلم انت ياسراج
لارا بجديه:بص ياعمي طبعا انت عارف انا بحترمك انت وبابا اقد ايه بس بصراحه احنا مش موافقين نرتبط ببعض اه احنا اتربينا مع بعض وبنقدر نفهم بعض بس احنا اخوات واصدقاء مش اكتر من كده ومستحيل علاقتنا تتغير عن كده كل واحد فينا ليه حياته المستقله مينفعش اننا ندمر حياه بعض،سراج بيحب بنت وانا بصفتي اني اخته وصديقته لازم اني ادعمه عشان ميضيعش حبه ده وانت يابابا وياعمي عارفين اننا مبنقدرش نتحكم في قلبنا لم بنحب
محمد بجديه:وليه مقاليش من الاول انه بيحب بنت تانيه
لارا بعفويه:لان ببساطه كان خايف انك متوفقش او ترفض بس مش اكتر
مصطفي بجديه:تمام لوفهمت كلامك يالارا وانك فعلا مبتحبيش سراج وهو بيحب بنت تانيه طيب وانتي ناويه تفضلي علي حالك ده لأمتي الحياه مش كلها شغل وانتي عارفه اني تعبان ومش هعشلك كتير ليه مش عايزه تريحيني مش عشان اخلص منك يالارا ولامن مسئوليتك بس انا حابب اطمن عليكي يابنتي مش حابب تفضلي لوحدك انك تعيشي وحيده ده صعب كل واحد هيتشغل في حياته وهتلقي نفسك مع الوقت بقيتي لوحدك والوقت مر بيكي من غير ماتحسي لذلك يالارا اي حد هيتقدملك وهشوفه مناسب وشخص كويس هتمم كل حاجه ومش هترفضي وقتها الألوانتي فيه شخص في حياتك سعتها هديكي وقت فيه ابن واحد صاحبي كان شافك ومعجب بيكي بس مردتش عليه خوفا من انك بتكوني بتحبي سراج فلو فيه حد في حياتك قولي مفيش هوافق علي عرضه
سراج بدون تفكير:ماتكلمي يالارا وتقولي انك معجبه بشخص بس مستنيه الوقت المناسب وكنتي تقولي ده
مصطفي بفرحه:بجد يالارا مين هو شخص اعرفه وبعدين من امتي بنخبي عن بعض ياحبيبتي
لارا بدهشه ممزوجه بنظره وعيد:اه معلش يابابا كنت محتاجه وقت اتاكد من مشاعري الاول فاديني فرصه لده
مصطفي بابتسامه:تمام يالارا هسيبك بس قوليلي مين هو علي الاقل
سراج بجديه:خلاص ياعمي مش وقته
لارا بتوتر خفي:اه يابابا هتستفيد ايه لما تعرف اسمه يعني
مصطفي بتنهد:لارا انتي بنتي وانا عارفك وانكم انتوا الاتنين بتكدبوا ولوفعلا بتكلمي بجد اثبتيلي وقوليلي هو مين وحابب اقابله بكره عشان مفضلش قلقان عليكي
لارا بصدمه:بكره،بعد فتره كان عمي مشي وانا روحت مع سراج لكافيه عشان اتكلم براحتي قولي اعمل ايه في الموقف اللي حطتني فيه ده طيب اقتلك ولااعمل فيك ايه ياسراج اجيب شخص انا ازاي بكره
سراج بجديه:حبيت اطلعك من الموقف اللي انتي فيه مكنتش اعرف ان عمي هيعمل كده
لارا بضيق:اوف طلعتني من موقف ولبستني في الحيط مش عارفه اشكرك ازاي
سراج بتفكير:طيب انا جاتلي فكره انتي كل مافيها عايزه شخص يقابل عمي بكره وهو هيديكي فرصه صح
لارا بتنهد:امممم صح وبعدين هجيبه منين وهومش موجود
سراج بتنهد:هاقول حل بس اسمعيه ومتتعصبيش ليه متكلميش عمر بمناسبه انو صديق مقرب ليكي وتخليه يروح بكره علي انه هو الشخص اللي كنتي بتكلمي عليه وهو اكيد هيساعدك ولاايه
لارا بضيق:انا وهو متخانقين مع بعض ومعرفش هيوافق يساعدني ولالأ انا مش عارفه اعمل ايه،طيب امري لله هجرب بس تيجي معايا
سراج بتنهد:بصي يالارا من الاحسن انك تكلميه لوحدك وكمان انا بحس انو مبيحبش وجودي وبعدين انا المفروض امشي عشان هروح اجيب ميرا من المطار
لارا: بعد مامشي ماشي ياسراج لبسني انت وامشي اوووف بعد تردد كبير ضغطت علي رقمه فضل يرن لما طول قلت خلاص هقفل بس لقيته رد
عمر:اخبارك ايه يالارا
لارا بتنهد:تمام عمر لوموركش حاجه مهمه انهارده بليل ممكن نتقابل في اي مكان تختاره
عمر بتنهد:موريش حاجه بس هبقي ابعتلك رساله بالمكان والوقت
..............
سيلين بتنهد:بعد مافطرنا وكلهم يعتبروا مشيوا روحت كملت بقيه التجهيزات بمساعده دينا لحد ماخلصنا ياه مش قدره اصدق خلصنا اخيرا
دينا بضحك:اه يامفتريه انا عملت معظم الحاجه
سيلين بابتسامه:مش مشكله بس تعبت برضو،عارفه لحد دالوقتي مش مصدقه اننا رغم انو بعدنا فتره رجعنا مع بعض تاني في نفس البيت
دينا بعفويه:اممم معاكي حق حاجات كتير بتحصل بسرعه ومن غير مانحس انا هروح اعمل عصير تشربي معايا
سيلين بتنهد:تمام انا هقعد بره بعد ماطلعت بفتره لقيتها جايه بالكوبايتين ميرسي ياحبيبتي
دينا بجديه:سيلين انا عارفه ان حاصل معاكي شويه مشاكل بسبب مواضيع كتيره خاصه بالماضي ولسه انهارده كمان فانتي كويسه
سيلين بتنهد:بصي يادينا احنا بنكدب علي نفسنا لما نعتبر الماضي مجرد ماضي وهنخلص منه بس انا مش فارق معايا كلام حد اه كلامهم بيجرحني شويه بس عادي كل اللي يفرق معايا هو ادهم اه اللي بيجمعنا علاقه غريبه شويه بس كل حاجه كويسه والعصير حلو ميرسي خلصت الكوبايه انا هدخل بقي اجهز نفسي عشان اتبهدلت وانا بعمل الحاجه
دينا بتنهد:روحت قعدت مع يوسف ونور حوالي نص ساعه ولما سمعت صوتهم بره عرفت انهم جم فقلت اروح اشوف سيلين لومحتاجه حاجه وقفت قدام الباب وخبطت كذه مره مفيش رد لما فتحت لقيتها علي السرير فقربت منها سيلين المفروض تنزلي
سيلين:امممم بس انا مش عايزه انزل ولااشوف حد قومت وقفت بس كنت دايخه جدا فكنت هقع فسندت علي حاجه انا كدبت عليكم كلكم لما قولت اني كلامهم ميفرقش معايا بس شاورت علي قلبي ده تعب كل ماحد يتكلم بفتكر كل حاجه كان ده حصل امبارح مش من اربع سنين
دينا بجديه:سيلين اهدي تحبي اجبلك حاجه لان معرفش مالك
سيلين بضحك هستيري ممزوج بدموع:انا كويسه جدا مش شايفه ده ولاايه
دينا بصدمه:سيلين انتي شاربه حاجه لقيتها بعد شويه قعده ترقص هتبقي مصيبه لوحد جيه لهنا اعمل ايه جت في دماغي اكلم ادهم بعد فتره رد
ادهم:عامله ايه يادينا خير فيه حاجه
دينا بقلق:كويسه بس سيلين معرفش مالها تصرفتها غريبه واصحاب طنط تحت وهتبقي مشكله لوشوفوها بالمنظر ده وانا مش عارفه اسيطر عليها
ادهم بجديه:تمام خليكي معاها يادينا ومتخلهاش تخرج من الاوضه مهما يحصل لحد مااجي قدامي ربع ساعه وابقي عندك
سيده منهم:امال فين كنتك يانهال ولاهي مش ناويه تنزل انهارده
نهال بجديه:لازمانها نازله يلاالعشاء جاهز،في نفسي:استني عليا بس ياسيلين لما يمشوا مها ممكن تناديلي سيلين من فوق وياريت لوتجبيها معاكي
مها بابتسامه خبيثه:بس كده ياطنط حاضر،واضح اننا هنستمتع باللي جاي ياعيني ياسيلين مكنش ليكي انك تلعبي معايا اتجهت لغرفتها ولما فتحت الباب لقيت دينا انتي بتعملي ايه هنا يادينا
دينا بجديه:ده بيتي وانا حره في المكان اللي افضل فيه انتي كنتي جايه ليه
مها:طنط قالتلي اجي اشوف سيلين وانها تنزل معايا بس هي فين يعني مش شايفاها
دينا بجديه:معرفش راحت فين بس غالبا ممكن تكون راحت لادهم لانه اتصل بيها عايزه حاجه تاني ولاخلصتي اسئله
مها بغيظ:ماشي يادينا وخرجت من الغرفه وانا بحاول اسيطر علي اعصابي عشان متفضحش
دينا بتنهد:اووف خلصت منها لقيت ادهم طالع من الحمام وساند سيلين جيت في الوقت المناسب الصراحه
ادهم بابتسامه:شكرا يادينا لولا انك كلمتيني مكنتش اعرف ممكن يحصل ايه
دينا بقلق:هي هتبقي كويسه
ادهم بجديه:متقلقيش هي بس مش في وعيها مش اكتر عقبال الصبح هيكون مفعول الدوا راح من جسمها
دينا بتنهد:تمام انا همشي وهقفل النور علي انكم مش موجودين
ادهم بابتسامه:ماشي بعد مامشيت وقفلت الباب حملت سيلين وحطتها علي السرير بهدوء
.............
عمر بعفويه:روحت المكان اللي اتفقنا عليه فلقتها قاعده فاتجهت لطربيزه اللي قعده عليها اتاخرت عليكي
لارا بابتسامه:لاانا اللي جيت بدري عامل ايه
عمر بابتسامه:تمام كويس بس ياترا ايه اللي فكرك بيا يعني افتكرتك مشغوله الفتره الاخيره في خطوبتك عالموم مبروك
لارا بعفويه:رفعت ايدي اللي المفروض يبقي فيها الدبله انا لغيت الخطوبه لاني انا وسراج اصلا مبنحبش بعض وبابا وعمي هما اللي كانوا عايزيين ده وحكتله علي اللي حصل كله انا عارفه انك معرفش ليه متعصب مني بس عمتا ده قرارك في الاخر انك تساعدني اولأ
عمر بتنهد:انا اسف علي اللي حصل اخر مره معرفش ايه اللي حصلي ونفترض اني وافقت اساعدك هتفضلي تكدبي لحد امته وتفتكري باباكي هيصدق
لارا بعفويه:مش عارفه نهايتها هتبقي ايه بس انا عارفه اني مش حابه ارتبط وخلاص وبابا مش عايز يفهم ده
عمر بجديه:بصي يالارا صدقيني هو خايف عليكي مش اكتر حابب يطمن عليكي مش كل الناس محظوظه ان يكون عندها حد يخاف عليها،هساعدك يالارا بس هتعملي ايه بعد فتره
لارا بتنهد:عادي هقول اننا اتخانقنا وسبنا بعض مش قصه يعني بس ياريت محدش يعرف يعني عشان الموضوع ميوسعش،قرارك ايه ياعمر في النهايه
عمر:.......
يكمل
أنت تقرأ
احببت عدوتي
Ficción Generalمااصعب ان ندرك حقيقه الامور وان نري الحقيقه التي مر اعوام ونحن نظن غيرها،ويمكن ان نظن ان صله القرابه او الدم هي من انقي العلاقات واخلصها ولكن عندما نكتشف العكس وان اقرب شخص الينا او مانعتبره كذلك هو مجرد خدعه يطعن الذي امامه في ظهره،وتختلف ايضا بعض...
