نهال بجديه:ازاي محدش يقولي ان ادهم عمل حادثه وبعدين علي جثتي يادينا ان سيلين تيجي هنا او حته تشوف ادهم
عمر بجديه:بس ياعمتي مهما حصل فهي مراته لوجت مش هيحصل حاجه
نهال بعصبيه:ابني تعبان وعامل حادثه وعايزينه يشوف وشها عشان يتعب اكتر هو مش طردها من البيت ومن حياته هي مستحيل ترجع علي حياته تاني التصرف اللي عمله كان صح وانا موفقاه عليه
.............
سيلين بتعب:صباح الخير يالارا حضرتي الفطار ولااحضره انا
لارا باستنكار:فطار ايه بس ياسيلين احنا العصر انا حاولت اصحيكي الصبح مصحتيش
سيلين بتعب:مكنتش عارفه انام بليل مش عارفه ليه بس كان فيه احساس غريب جوايا فخدت مهدئ ونمت علي الصبح عمتا انا مليش نفس اكل اصلا انا كنت هعمل عشانك وعشان خالوا كنت قاعده فقومت فحسيت بدوخه فكنت هقع بس لحقت نفسي وسندت علي حاجه
لارا بقلق:سيلين انتي كويسه اقعدي وريحي نفسك ولويوم مش شايفه حالتك شكلك تعبان ومبتكليش عدل
سيلين بجديه:لأانا كويسه بس عشان بقالي فتره مبنمش كويس
لارا بتردد:سيلين كنت عايزه اقولك علي حاجه مش عارفه هتفرق معاكي ولالأ بس لازم تعرفيها
سيلين باستغراب:قولي يالارا وكان فيه كوبايه مايه فخدتها عشان اشرب
لارا بتردد:امبارح بليل بسبب الجو ادهم عمل حادثه والعربيه اتقلبت بيه ونقلوه علي المستشفي وحالته مش مستقره وكان في العنايه المشدده
سيلين بصدمه:ايه انتي بتقولي ايه يالارا عرفتي منين
لارا بجديه:دينا قالتلي الصبح وقالتلي كمان ان الدكتور قالهم انو ذكر اسمك كذه مره قبل مايفقد وعيه تاني قبل العمليه امبارح
سيلين بدموع وبعفويه:انا السبب مكنتش لازم اتكلم بالمنظر ده ولااخليه يمشي في الجو ده مكنتش فاكره ان ممكن يحصل حاجه زي كده انا كنت متعصبه وقولت كلام كتير من غير ماافكر انا عايزه اروح اشوفه مش هفضل هنا انا لازم اكون جنبه
لارا بجديه:استني ياسيلين انتي عارفه انو صعب تدخليله او تشوفيه حته طنط نهال هناك ومستحيل تخليكي تشوفيه اتصلي بعمر او مازن اطمني عليه
قطعتني بجديه:انا ميهمنيش كل ده انا لازم اشوفه باي طريقه مستعده اعمل اي حاجه ومحدش هيقدر يمنعني ولايقف في طريقي وانتي هتساعديني يالارا
لارا بابتسامه:الحمدلله انك رجعتي لوعيك ياسيلين انا مستعده اعمل اي حاجه انتي عايزاها ايه خطتك
سيلين:هقولك
..................
مازن بجديه:دكتور هو بقي كويس او احسن حته
نهال:طالما نقلتوه اوضه فممكن انا افضل معاه
الدكتور"ياجماعه اهدوا هو بقي احسن بس ممنوع الزياره لحد بكره عشان يرتاح مش اكتر ويامدام ارتاحي فيه ممرضه اتكلفت بانها تفضل معاه علطول فمفيش داعي تتعبوا نفسكم وبعدين اي جديد هبلغ دكتور مازن ياريت تروحوا البيت ترتاحوا شويه لان مفيش فايده من الاقعده هنا واحنا هنبلغكم باي مستجدات
عمر بتنهد:تمام بعد ماطلعنا بره غرفته مازن خد عمتي علي البيت وانا ورايا حاجه مهمه في الشركه وهرجع علي هنا
مازن:تمام خدت عمتي بعد عذاب لانها كانت رافضه واتجهنا لبيت وعمر اتجه لشركه
الدكتور بابتسامه:ممكن تيجي دالوقتي هما مشيوا
سيلين بابتسامه:شكرا يادكتور انك وافقت علي اللي انا عايزاه
الدكتور:علي ايه ديه حاجه بسيطه يادكتوره سيلين بس انك تاخدي دور ممرضه وتلبسي لبسها وتعملي كل ده مش كل حد ممكن يعمل كده عشان شخص بيحبه
سيلين بجديه:احيانا بنضطر نعمل حاجات مش بايدينا عشان الظروف والناس اللي بنحبهم طلعت من هناك وكانت لارا معايا روحي انتي وانا هفضل
لارا بتنهد:تمام ياسيلين لوحصل اي حاجه كلميني وسبتها ومشيت
سيلين بتردد:اتجهت لغرفته وبعد تردد فتحت الباب بهدوء فكان لسه نايم قفلت الباب واقتربت من السرير مسحت دموعي اللي تساقطت ومسكت ايده ،في نفسي:انا عارفه اني السبب في اللي حصلك ده وانا اسفه ياادهم لقيته ابتدي يفوق من المخدر حضرتك كويس يااستاذ ادهم
ادهم بنبره متعبه:انا فين وايه اللي حصل
سيلين بصوت مختلف:حضرتك عملت حادثه وانت دالوقتي في المستشفي ورحت اجيب العلاج وكوبايه مايه وادتهاله كان خدهم لقيته عايز يقعد بس مش عارف عشان زراعه فساعدته وعدلتله المخده اسيبك ترتاح وانا هقعد هناك
ادهم بنبره متعبه:سيلين
سيلين بتوتر خفي:سيلين مين يافندم انا اسمي ساره
ادهم باستخفاف:مهما حاولتي وتغيري صوتك وشكلك فانا اكيد هعرفك ياسيلين بتعملي ايه هنا مش معقول جيتي عشان تطمني عليا يعني
سيلين بعفويه:بمانك قدرت تعرفني فتفتكر انا هكون جايه ليه انا عارفه ان امبارح انا زودت في الكلام وكنت متعصبه ومضايقه منك بس مش لدرجه اني لما اعرف انك عامل حادثه وفي المستشفي ومجيش اطمن عليك ياادهم انا غيرت شكلي ولبست لبس ممرضه واتكلمت مع الدكتور عشان افضل معاك وماما متعرفش اني هنا
ادهم بجديه:متقلقيش وريحي نفسك انا كويس ياريت تمشي من هنا
سيلين بعند:مش ماشيه وهفضل ياادهم
ادهم باستنكار:وايه اللي يخليكي تفضلي مع شخص متعرفهوش وميفرقش حاجه عن اللي كانوا في حياتك وخدعوكي وكدبوا عليكي
سيلين بتنهد:لانك جوزي ياادهم انا كنت متعصبه وقتها ومعتقدش ان صحتك تسمح دالوقتي اننا نتكلم فرتاح ولينا كلام لما تتحسن بعد فتره كان نام وانا قعدت علي الكرسي جنبه فحسيت نفسي بنام فروحت جبت قهوه كانت حوالي 4الفجرواتاخرت شويه بس اتصدمت لما لقيت فيه شخص جوه الغرفه سبت اللي في ايدي مين انت وبتعمل ايه هنا ولسه كنت هشيل الشال اللي علي وشه وهشوفه فراح زقني ناحيه سرير ادهم بس قومت بسرعه علي اني الحقه بس اختفي مكنش ليه اثر لقيت ممرضه فسألتها انتي شوفتي شخص مر من هنا من شويه
الممرضه"لأالصراحه مشفتش حد دخل
سيلين بتعب:ياترا هو مين وكان ناوي علي ايه رجعت علي الاوضه تاني فلقيت ادهم محسش باللي حصل بسبب اني خد مهدئ ونام روحت قعدت جنبه ومسكت ايده ايا كان هنا وعايز يأذيك مش هرحمه وهيضطر يشوفني علي حقيقتي مستحيل اخلي حد يأذيك ياادهم كنت غلطانه لما بعدت عنك بس مضطره امثل قدام الكل انك معدتش ولاحاجه بالنسبالي عشان اقدر اوصل لحقيقه
شخص:الو يافندم لألأسف معرفتش انفذ المهمه انهارده بس قدرت اهرب واني متكشفش بس هنفذ المهمه حته لوكلفني ايه هدمرها
...............
تاني يوم الصبح،مازن بجديه:لارا خليني اشوف سيلين طيب او اتكلم معاها
لارا:ريح نفسك يامازن سيلين مش في البيت هي مسافره كام يوم عشان تريح اعصابها وكمان تبعد عن كل المشاكل اللي كان سببها اخوك
مازن بدهشه:مسافره ده حصل امتي ده
لارا بجديه:من يومين تقريبا وبعدين مش اخوك قطع علاقته بيها فعايزيين ايه منها تاني
عمر بعفويه:احنا كنا جايين نتكلم معها مش اكتر يالارا احنا بنعتبرها كاختنا مش مرات اخونا وكان ضروري نتكلم معها بس الواضح انها قطعت علاقتها بالكل مش اخونا بس اسفين علي الازعاج يلايامازن
وسبنا البيت وخرجنا
مازن باستنكار:ليه عملت كده ياعمر كنا ممكن نتفاهم ونحل الوضع ليه خدتها جد كده
عمر بتنهد:لان عارف اننا مش هنوصل لحاجه متنساش ان لارا محاميه وصعب انك تقدر تضحك عليها وتاخد منها كلام هي مش عايزه تقوله بس انا متاكد ان سيلين مسافرتش وانها لسه موجوده هنا اه مش في البيت بس ياترا هي فين، يلا ياعم خلينا نروح نشوف ادهم اتجهنا لمستشفي فلقينا مها وعمتي هناك
مازن بجديه:عامل ايه دالوقتي ياادهم
ادهم بتنهد:كويس بقيت احسن
مها بدلع:سلامتك يادومي متعرفش لما عرفت خوفت عليك اقد ايه
ادهم بجديه:الله يسلمك يامها انا كويس مفيش داعي لكل ده
نهال بجديه:انت بتقول ايه ياادهم ازاي منقلقش عليك وبعدين مها بتحبك ولما عرفت انك عملت حادثه مصبرتش وجت عشان تطمن عليك مش سيلين اللي كنت متجوزها الحمدلله خلصنا منها ولينا كلام لما تتحسن ياادهم
ادهم بابتسامه مزيفه:طيب ياماما وبصيت ناحيه سيلين اللي كانت قاعده بعيد
نهال بتنهد:خرجنا من الغرفه مازن مش ممكن يخرج انهارده ويرتاح في البيت احسن
مازن بجديه:لأياعمتي الاحسن يخليه تحت الرعايه هنا لحد مايتحسن شويه وبعدين متقلقيش عليه الدكتور قالي انو خلي ممرضه كويسه تفضل معاه اغلب الوقت
مها بابتسامه:هتوحشني يادومي لحد ماترجع البيت هفضل اجيلك اطمن عليك و
قطعتها بغيظ وبصوت متغير:معلش ياانسه بس الدكتور طلب ان استاذ ادهم يرتاح وانو ميتكلمش كتير وهو لازم ياخد ادويته ويريح شويه عشان يتحسن بسرعه
مها:طيب طالما ده لمصلحه دومي فاكيد هسيبه يرتاح يلاباي
سيلين بغضب مكتوم وبصوت منخفض:بعد مالكل خرج قال دومي ديه لوفضلت تيجي هنا هقتلها ومحدش هيعرف يوقفني
ادهم بضحكه خافته:اهدي ياسيلين بدل ماتولعي وانتي واقفه من الغيره
سيلين بغيظ:انا مش غيرانه وهغير ليه يعني انا كويسه
ادهم بابتسامه:واضح انك كويسه عالموم انا مش عارف اقولك ايه علي اللي ماما قالته وكمان مش عارف ايه اللي عايزه تتكلم فيه بعد مااتحسن
سيلين بجديه:لاعادي ياادهم متقولش حاجه انا عارفه ان كل حاجه متلغبطه الفتره ديه،تحب تعرف ايه اللي هتكلمك فيه ماما لما تتحسن
اده باستغراب:ده علي اساس انك عارفه يعني
سيلين بعفويه:اه عارفه هتقولك ايه هتقترح عليك تجوزك مها لانها بتحبك وهي كويسه وحاليا هي بتثق فيها وانك توقع ورق الطلاق وتبقي طلعتني من حياتك بالكامل
ادهم بجديه:سيلين انتي واعيه للي بتقوليه انا مستحيل اوافق علي ده واني ارتبط بمها واطلعك من حياتي
سيلين باستنكار:ده علي اساس اني انا هسمحلك بده لوحابب تموت انت وهي اعملها
ادهم بتحدي:مش هتقدري تعمليلي حاجه
سيلين بابتسامه:لوحابب تعرف هقدر ولالأ ابقي اعملها ياادهم
.................
يوسف بضيق:ماما بقالي اسبوع مشفتش نور ولاروحنالها وحشتني وكمان مش لاقي حد العب معاه احنا مشينا من هناك ليه
دينا بتنهد:ياحبيبي حصلت ظروف خلتنا نمشي وبعدين اوعدك لما الامور تتحسن تبقي تروح تلعب مع نور
يوسف:ظروف ايه ياماما حته عمتوا سيلين مجتش ولااتكلمت من اسبوع هو انا وحش عشان الكل يبعد عني
دينا بجديه:لايايوسف انت ياحبيبي مفيش زيك بس عمتك مشغوله اليومين دول ونور في اقرب وقت هخليك تشوفها يلانام بقي بعد فتره كان نام بس لمحت مازن واقف عند الباب وتقريبا سمع كلامنا خرجت من الاوضه وقفلت الاضاءه واتجهت لغرفتي جيت امتي يامازن
مازن بتنهد:من شويه جيت دينا انتي حقيقي متعرفيش حاجه عن سيلين
دينا بعفويه:لأيامازن معرفش عنها حاجه من ساعت المشكله اللي حصلت وحاولت اتصل بيها كذه مره موبيلها مغلق عمتا اخبار ادهم ايه دالوقتي وملك عرفت حاجه
مازن:كويس بقي احسن،لاملك متعرفش سألت عليه كذه مره وقولنالها انو مسافر بس هي غالبا مش مصدقه
دينا بجديه:هقول حاجه ومتضايقش يامازن
مازن بتنهد:قولي يادينا
دينا بتردد:متهيألي ان طنط نهال ممكن تهدي لما تعرف ان ملك عايشه وكمان هي دالوقتي ابتدت تتحسن فالدنيا هتهدي شويه
مازن بسخريه:مفيش حاجه هتهدي بالعكس الدنيا هتخرب اكتر وامكن تقلب ضد ادهم اكتر عشان خبي عليها بس بمجرد انها تتحسن فده هيحصل دالوقتي ولابعدين وياريت يادينا مهما يحصل بعد كده ده ميأثرش علي علاقتنا
.................
ادهم بجديه:سيلين انا المفروض اخرج بكره من المستشفي وصعب اقدر اتكلم معاكي
سيلين بعفويه:اه عارفه عايز تقول ايه ياادهم
ادهم بتعب:انا اسف ياسيلين علي كل حاجه حصلت الفتره اللي فاتت وقبل كده مكنتش بايدي،لما دخلتي حياتي كان تفكيري كله هو اني ازاي احميكي ومكسرش وعدي لباباكي في اليوم اللي كان المفروض فرحنا واختفيتي حسيت باحساس محستوش قبل كده وان كل اللي كنت بعمله مش عشان احافظ علي وعدي ياسيلين كان لاني حبيتك من غير مااحس لما شوفتك بالحاله اللي كنتي فيها واني مش قادر انقذك حسيت بالضعف لاول مره بعد حادثه ملك كنت حاسس ان قلبي هيقف لما لقيتك مبتنفسيش ولما فوقتي حسيت اني روحي رجعتلي من تاني انتي دخلتي الحب لحياتي والسعاده اللي امكن مدخلتش لحياتي بس انا مقدرتش احافظ علي اي حاجه واولهم علاقتنا،كل اللي كنت عايزه ان امحي الماضي واننا نعيش كلنا من غير مشاكل بس ده محصلش
سيلين بابتسامه:بس انا مش هسمح ان علاقتنا تدمر ياادهم عشان الظروف اللي حوالينا ولاهسيبك اه ممكن مش هنقدر نتواجد مع بعض علطول واه انا اضايقت عشان مقولتليش الحقيقه بس حبي ليك اكبر من اني انهي علاقتنا عشان حقيقه بقت ماضي ياادهم انا هفضل قعده علي قلبك وازهقك لحد اخر يوم في عمري وقبل مااكمل لقيته احتضن شفتاي في قبله فبادلته اياها
ادهم بابتسامه:بعدت عنها بعد شويه وسندت جبيني علي جبينها ومسحت علي خصلات شعرها بحبك يامجنونه متقوليش كده تاني لاني مستحيل اقدر اعيش من غيرك
عمر بصدمه تحتل جميع ملامحه:دخلت الاوضه علي اني كنت اتكلم معاه بخصوص حاجه واطمن عليه بس اتصدمت من اللي شوفته لما دخلت ادهم
ادهم بصدمه:........
يكمل
أنت تقرأ
احببت عدوتي
Ficción Generalمااصعب ان ندرك حقيقه الامور وان نري الحقيقه التي مر اعوام ونحن نظن غيرها،ويمكن ان نظن ان صله القرابه او الدم هي من انقي العلاقات واخلصها ولكن عندما نكتشف العكس وان اقرب شخص الينا او مانعتبره كذلك هو مجرد خدعه يطعن الذي امامه في ظهره،وتختلف ايضا بعض...
