ادهم بجديه:سمعت صوت فطلعت عليه فلقتها جت كنت لسه همشي من غير متاخد بالها بس معرفتش
خديجه:رايح فين ياادهم مش تيجي تسلم علي جدتك ولاقعدتك مع امك نستك ازاي تحترم الكبار
ادهم بضيق داخلي:ازيك ياتيته اخبارك ايه
خديجه:انا كويسه اومال فين الباقي وسمعت انك اتجوزت ففين مراتك
ادهم بجديه:عمر نايم ومازن زمانه في شغله
خديجة:مردتش عليا برضو فين مراتك مش ناويه تيجي تسلم ولامستنيه انا اروحلها لحد عندها مش كفايه انك اتجوزت بنت من ورايا منعرفش عنها حاجه
ادهم بتنهد:سيلين تعبانه شويه في نايمه ياتيته وانا كمان ورايا شغل ومضطر امشي
خديجه:هو انت مستني اني اجي عشان تروح شغلك يتاجل الشغل وكمان مراتك نايمه لحد دالوقتي ليه واضح انك مدلعها بزياده وان نهال خربت القواعد اللي موجوده في البيت هنا وكل حاجه
نهال:انا عملت ايه ياحماتي طيب
خديجه:انتي اصلا سر المصايب كلها من وراكي كفايه اني مكنتش راضيه بجوازك من ابني زمان ولأكمان روحتي جوزتي حفيدي علي مزاجك من غير ماتاخدي رأي من ساعت ما مات ابني وانتي ماصدقتي تسيطري علي كل حاجه وانا مش هسمح انو يتكرر نفس الموضوع مع حفيدي او اخسره زي ماخسرت ملك بسببك يانهال ماتت بنتك مقدرتيش تحافظي عليها
ادهم بعصبيه:ممكن كفايه بقي تفتيح مواضيع قديمه ملك ماتت في حادثه ومتهيألي انك مش هتزعلي عليها قدنا وماما مكنش ليها دخل في اللي حصل ده كان مجرد حادثه وبعدين تعرفي ايه عن حياتنا من بعد موت ابنك عشان تحكمي مين غلطان ولالأ
عمر بجديه:ادهم اهدي وتعال معايا زياده الكلام هيعمل مشاكل
ادهم بعصبيه مفرطه:اخر مره حد يتكلم في موضوع ملك تاني لان مش هيحصل خير لو اتفتح تاني
نور بدموع:اتجهت لغرفتها وقربت منها لين قومي معايا وقعدت اهزها
سيلين بتعب:في ايه يانور
نور:فيه خناقه كبيره بره وخالوا ادهم متعصب
سيلين بتنهد:وايه الجديد ماعلطول خالك متعصب يانور متقلقيش كل حاجه هتبقي كويسه سمعت صوتهم العالي فحسيت انها مش مجرد مشكله صغير استنيني دقيقه واجيلك غيرت هدومي وطلعتلها اهدي وانا هطلع اشوف في ايه واجي سبتها وطلعت من الغرفه الصراحه مكنتش عارفه فيه ايه ولاايه اللي حصل بس قررت انزل
خديجه بعصبيه:لامش معقول اميرتك صحيت وشرفتنا ونزلت واضح ان جوزك مدلعك بزياده وبسبب امه رفع صوته عليا بس بسيطه ياادهم ان ماربيتك من تاني مبقاش انا عاجبك اللي جوزك عمله
سيلين بعدم فهم:انا معرفش ايه اللي حصل بس هو اكيد مش هيتعصب ولاهيعمل كده غير بسبب قوي يعني بس المشاكل عمرها ماتتحل بالخناق اللي بتعملوه ده هيأثر علي نور وكمان هي خايفه ومتهيألي انها تهمك مصلحتها
خديجه باستنكار:انتي جايه تعلميني ايه الصح او الغلط واحده زيك مش هتيجي تعلمني دالوقتي بس اقول ايه مانتي مراته وكمان بتدافعي عنه يعني انا اللي غلطانه وبعمل مشاكل متهيألي انك محتاجه تفوقي لنفسك كنت لسه هضربها كف فمسكت ايدي
سيلين بجديه:مش معني اني سكت اني ضعيفه انا احترمت انك اكبر مني وكلامي مش اني بصحح عليكي لكن مستحيل اسمح انك تمدي ايدك عليا لاني مغلطتش حته لو غلطت فده مش من حقك
خديجه بحده:انتي ازاي تجرأي وتعملي كده سيبي ايدي
سيلين بجديه:سبت ايديها هعمل كده لوحاولتي تاني وحاجه تانيه سواء كنت مدلعه او لأ فده شئ يخصني انا وادهم وبس لقيتها راحت علي اوضتها بعصبيه وادهم خرج من البيت من غير مايتكلم وانا كنت متجهه لغرفتي بس عمر وقفني
عمر بابتسامه:الصراحه مش لقي كلمه اقولهالك ياسيلين بس انتي خالفتي كل توقعاتي وردك ليها كان صح لوقولتلك حاجه متدايقيش هزت راسها انتي شبه ادهم في بعض حاجات ياسيلين
سيلين بتنهد:معتقدش ان كلامك صح ياعمر احنا مختلفين جدا عن بعض بس انا من ساعت ماقابلت ادهم مشفتوش متعصب كده فايه السبب
عمر بجديه:عشان تيته جابت سيره ملك وادهم مبيحبش حد يفتح الموضوع ده
سيلين:مين ملك
عمر بتنهد:مامت نور واخت ادهم الكبيره ماتت بسبب حادثه من اربع سنين انا هروح اشوف نور سبتها واتجهت لاوضه
................
لارا بابتسامه:اخبارك ايه يادينا بعد ماحضنتها وسلمت عليه ايه بقي الموضوع الضروري اللي عايزاني فيه
دينا بتنهد:فين سيلين يالارا من حوالي اسبوعين وشويه معرفش عنها حاجه
لارا بابتسامه:ايه ده متعرفيش وحكتلها علي اللي حصل الصراحه مصدقتش نفسي بس فرحانه انها قدرت تتخطي اللي مرت بيه
دينا بتردد:انتي واثقه انها بتحب ادهم ولاهي موجوده هناك غصب عنها
لارا باستغراب:ليه بتقولي كده
دينا بتنهد:عشان فيه مشاكل بين ادهم واحمد بقالها بتاع خمس سنين والصراحه فيه في مره سمعت احمد وقولتلها اللي سمعته انا خايفه عليها انو يأذيها انا عارفه ان الاوان فات حاليا بس خوفي انو بيكون بينتقم من احمد في سيلين او هيستغلها عشان ينتقم ومفيش حد يتأذي غيرها لان احمد ولاتفرق معاه لو طال يقتلها عشان مصلحته هيعمل كده بعد مااختفت مافكرش يدور عليها كانه كان عايز يخلص منها
لارا بقلق:طيب اعمل ايه عشان اتاكد اتكلم مع سيلين
دينا بجديه:لو اللي بفكر فيه صح فاكيد مش هتقدر تكلم
لارا بتفكير:انا لقيت حل تاني
...............
عمر بتنهد:كنت قاعد مع نور شويه بس شردت في حاجه بس قطع شرودي صوت رساله فلقتها من لارا باننا نتقابل بعد ساعتين وحددت المكان جهزت نفسي واتجهت لمكان اللي قالت عليه وهي كانت حديقه صغيره بعد فتره كنت وصلت لما نزلت لقيتها هناك اسف اتاخرت عليكي يالارا
لارا بابتسامه:لاعادي ولايهمك
عمر بتساؤل:ايه الموضوع المهم اللي كنتي عايزاني فيه
لارا بجديه:اخوك عايز ايه من سيلين ياعمر
عمر بعدم فهم:يعني ايه ده سؤال مش فهمه هما بيحبوا بعض واتجوزوا ايه المشكله
لارا بحده:كان معايا سكينه وجهتها ناحيته بلاش كدب احسنلك ياعمر ادهم متجوز سيلين عشان ينتقم من احمد هي ديه الحقيقه صح
عمر بصدمه:اهدي يالارا وابعدي السكينه اللي في ايدك ديه ونتكلم زي الناس الطبيعيه احسن
لارا بعصبيه:اقصدك اني مش طبيعيه رد علي سؤالي ياعمر ادهم ناوي يعمل ايه لسيلين لو فاكر اني مش هعرف اعمل حاجه او انقذها تبقي غلطان اخوك عشان خايف من احمد جاي يستقوي علي سيلين
عمر بعصبيه:لحد كده وكفايه يالارا مش معني اني بكلمك بهدوء يبقي انا مضطر اسمع كلامك ده انتي متعرفيش ادهم اصلا عشان تتهميه بحاجه زي كده
لارا بعصبيه:مانت اخوه ولازم تدافع عنه حته لوغلطان
عمر بجديه ممزوجه بحده:مسكت شديت السكينه منها ولويت ايديها لورا مش انا اللي تعملي معاه كده تمام يالارا اه هو اخويا بس لو شايفه غلطان كنت غلطته هو مستحيل يأذي سيلين
لارا بحده:سيب ايدي اولا وبعدين سيلين اختفت فتره وبعدين ظهرت انها موجوده معاه معني كده انو خطفها
عمر بنبره مرتفعه نسبيا:سبت ايديها ومفكرتيش انو لو عايز يأذيها معملش كده ليه من ساعت ماخطفها او كان قتلها مثلا سيلين كانت هتموت كذه مره وادهم هو اللي انقذها فلو كان عايز ينتقم منها كان عملها من زمان ومكنش حد هيمنعه وبعدين لو انتي متخيله ان ادهم عايز ينتقم من احمد زي مازاه يبقي مكنتش سيلين هتفضل عايشه لنهارده يالارا
لارا بعدم استيعاب:يعني ايه هو مش اللي بينهم عداوه شغل
عمر بنبره غامضه:لأاللي بينهم اكبر بكتير لدرجه لو عرفتيه هتندمي علي كل كلمه قولتيها دالوقتي في حق ادهم ورحت سيبتها ومشيت
لارا بحيره:كان هناك اسئله كتير بس مش لقيالها اجابه اثر كلامه اللي زود من حيرتي ولو هو فعلا مش عايز يأذيها خطفها ليه وياترا الاجابه هلقيها فين اللي تخلص كل حيرتي ديه
.............
دينا بتنهد:رحت اجيب ورق وحاجات بس معرفش ليه حسيت بدوخه بسيطه اكيد ده بسبب الارهاق وصلت لغرفه بس الدوار زاد وبقت الرؤيه مشوشه بالنسبالي بس لقيت حد قفل الباب وصوت رجل متجهه نحوي مازن
ايمن بابتسامه:لأانا ايمن معقول متعرفنيش
دينا بتعب:بتعمل ايه هنا لقيته بيقرب مني حاولت ازقه بس معرفتش
ايمن بخبث:دايخه صح متقلقيش شويه وهيروح كل ده
دينا بخوف داخلي:يعني ايه
ايمن:يعني القهوه اللي شربتيها حطيت فيها مخدر قوي وشويه وتفقدي وعيك انا حاولت اتقرب منك وكنا هنقضي وقت حلو مع بعض واتكلم معاكي بهدوء بس انتي رفضتي حته تتعرفي عليا وانا مفيش بنت تعمل معايا كده او انها تعجبني واسيبها
دينا بدموع:سيبني امشي لقيته بيقرب مني عرفت ازقه بس حاولت اهرب ومعرفتش فلقيته شدني من البلوزه فاتمزقت حد يلحقني لقيته قرب مني وكتم فمي وابتدت قواي تضعف اثر المخدر اخر حاجه شوفتها قبل ماافقد الوعي ان حد جيه بس مقدرتش اشوف هو مين وبقت الدنيا قدامي سوده
مازن بعصبيه مفرطه:بعدته عنها انت ازاي تتجرأ وتعمل كده فضلت اضرب فيه لحد ماكان شبه هيفقد وعيه فسبته واتجهتلها دينا حاولت افوقها ومعرفتش جبت الجاكيت بتاعي لبستهولها وحملتها واتجهت بيها لخارج بعد فتره كنت وصلت بيتي اقرب حاجه لان المطره كانت شديده وقفلت معظم الطرق حملتها واتجهت بيها لداخل والحمدلله كان بابا مسافر نيمتها علي السرير جوه وغطتها كويس وجبت موبيلي واتصلت بمامتها طمنتها اننا هنفضل في المستشفي لحد بكره عشان الجو وان دينا نامت جبت غطا ومخدا ورحت انام علي الكنبه
................
سيلين:كنت سهرانه ومش جيلي نوم واحلي حاجه انو لسه مرجعش ياه علي الهدوء لما يبقي مش موجود قطع فرحتي لما لقيته داخل الاوضه وغرقان مايه وفيه جرح في وجهه وشكله تعبان قومت وقفت قدامه مامتك قالتلي اقولك ان سيبالك اكل في التلاجه علي التسخين مكملش حاجه ولقيته كان هيقع فسندته انت كويس
ادهم بتعب شديد:اه كويس ومعتقدش ان ده يهمك فابعدي عني ياسيلين مكملتش تاني وحسيت بدوخه جامده
سيلين بتنهد:بعد ماكنت هسيبه لقيته دايخ وكان هيقع فلحقته وسندته لسرير بالعافيه ادهم لازم تقوم تغير هدومك ديه هو تقريبا فقد وعيه كنت هسيبه وانام بس ضميري مسمحليش اني اسيبه كده اتحسست جبينه فلقيت حرارته عاليه روحت جبت منشفه جفتله شعره شويه وجبت علبه الاسعافات عشان اعقمله الجرح اللي في راسه رحت جبت مايه عشان اعمله كمادات بس لقيته ابتدي يترعش بعد تردد سيطر عليا لفتره قربت منه وابتديت بفك ازرار قميصه قلعتهوله ورحت مغطياه وجبت الكمادات قعدت اعمالهاله لحد ماعلي الصبح لقيت حرارته نزلت فنمت علي الطرف التاني من السرير
تاني يوم الصبح،ادهم بتعب:حسيت بوجع في راسي بس فتحت جفوني بتعب فلقيت جنبي فيه طبق فيه مايه ابتسامه غريبه ارتسمت علي وجهي وشردت في ملامحها الهادئه وهي نايمه كان فيه خصله علي وجههافبعدتها بهدوء لما لقيته بتتحرك رحت مغمض عيني تاني
سيلين بتنهد:صحيت من النوم فلقيته لسه نايم فتحسست جبينه فلقيت ان الحمدلله مفيش حراره بس لقيته فتح عينيه انت كنت صاحي
ادهم بعفويه:اه صحيت من شويه شكرا ياسيلين و
قطعتني بجديه:العفو بس علي ايه متنساش اني انا دكتوره وده واجبي اني حته اعالج الشخص اللي بكرهه وبينا مشاكل عمتا لازمك راحه عشان تتحسن
ياادهم
ادهم بضيق داخلي يظهر عكسه من جمود:فعلا عندك حق نسيت انك دكتوره وانكم اقسمتوا تساعدوا اي شخص او تعالجوه معلش تعبتك معايا يادكتوره سيلين تحبي تاخدي كام مقابل تعبك وسهرك امبارح جنبي
سيلين بجديه:مش عايزه منك حاجه ياادهم لاني اللي عايزاه انا متاكده انك مش هتعملهولي دخلت خدت شاور وغيرت هدومي بس لما طلعت ملقتهوش انا مش قولتله يفضل بلف لقيته واقف في الشرفه فاتجهت ناحيته هو انا مش قولت ترتاح في السرير
ادهم باستنكار:وحد قالك اني بسمع كلام الدكاتره انا كويس
سيلين بعصبيه:اه واضح كان لازم اصورك امبارح عشان لما تقولي كده اوريك كنت كويس ازاي
ادهم بجديه:انتي ايه اللي تعبك دالوقتي عايزه تفهميني ان كل حد كنتي بتعلجيه كنتي بتتصلي بيه تعرفي بينفذ تعليماتك ولالأ
سيلين بنفاذ صبر:لأ طبعا كل واحد ادري بمصلحته
ادهم بابتسامه:تمام يادكتوره وانا كبير بكفايه عشان اعرف مصلحتي
سيلين:بس انت مش عارف مصلحتك لان لوكنت عارف مكنتش مشيت تحت المطره بتاعت امبارح
ادهم بجديه:انا حر اعمل اللي انا عايزه تبقي مين عشان تلوميني انتي مجرد دكتوره
سيلين بعدم تفكير وعفويه:انا ابقي مراتك مش مجرد الدكتوره بتاعتك لاحظت اللي قولته فسكت
ادهم باستخفاف:سكتي ليه ماتكملي ياسيلين عارف صعب عليكي تتقبلي الحقيقه بس هتفضل برضو الحقيقه حته لو انكرتيها
سيلين بعصبيه وبدون تفكير:ومين قالك اني نكرت جوازنا الفكره اني مستحيل اتقبلك ياادهم كشخص في حياتي لاني بكرهك وهفضل كده لحد اخر يوم في حياتي تخيل اني مضطره اتقبلك في حياتي لانك جوزي وافضل عايشه هنا معاك بالاجبار
ادهم:..........
يكمل
أنت تقرأ
احببت عدوتي
Ficción Generalمااصعب ان ندرك حقيقه الامور وان نري الحقيقه التي مر اعوام ونحن نظن غيرها،ويمكن ان نظن ان صله القرابه او الدم هي من انقي العلاقات واخلصها ولكن عندما نكتشف العكس وان اقرب شخص الينا او مانعتبره كذلك هو مجرد خدعه يطعن الذي امامه في ظهره،وتختلف ايضا بعض...
