احببت عدوتي

الفصل الثالث عشر

سيلين بتنهد:رديت الو لما سمعت الصوت احتلت الصدمه ملامحي انتي
هايدي:تؤتؤ مش معقول ياسيلين لمااكلمك بعد الفتره ديه كلها ومترحبيش بيا ولاحته تعزميني ولاتقوليلي انك اتجوزتي بس ياترا مين متعوس الحظ اللي اتجوزك سمعت انو رجل اعمال بس قدرتي تخدعيه ازاي
سيلين بتماسك:لما لاحظت نظرات ادهم بعدت عنه عشان اعرف ارد عايزه ايه مني معتقدش اني افرق معاكي كتير ومن الاحسن انك تخليكي بعيده وفي حياتك
هايدي بضحك:ياه بقي ليكي لسان كمان ياسيلين بس متهيألي ان جوزك العزيز ميعرفش حقيقتك وماضيكي ولاايه ياسيلين
سيلين بعصبيه:عايزه ايه مني
هايدي:جوزك غني بمفيد الكفايه ولوادتيني جزء من املاك باباكي مش هيفرق معاكي كتير وبعدين انا امك في النهايه اكيد مش هتستخسري فيا
سيلين بسخريه ممزوجه بعصبيه:مفيش ام تعمل اللي عملتيه معايا انتي غدرتي بيا واتخليتي عني اتهمتيني بحاجات مش صح وجيتي علي كرامتي وهنتيني خلتيني قدام نفسي ولاحاجه تفتكري اني ممكن اتخلي عن ممتلكات بابا اللي تعب فيها وضيع عمره عليها عشانك تبقي بتحلمي ولوكنتي متصله تهدديني فمتقلقيش انا مغلطتش في حاجه عشان اخاف وياريت متكلمنيش تاني ورحت قفلت بلف لقيت لارا واقفه ورايا انتي هنا من امتي
لارا بتنهد:من شويه كنت جايه اشوفك ديه كانت عمتي صح فهزت راسها كانت عايزه ايه
سيلين بضيق:حكتلها الحديث اللي دار بينا انا تعبت عملت ايه في حياتي عشان اتعاقب بالمنظر ده عملتلهم ايه عشان يأذوني وحته مش سيبني في حالي انا لما سمعت صوتها افتكرت اللي حصل من اربع سنين تفهميني انا عايشه ليه ايه السبب اللي يخليني عايزه اعيش عشانه
لارا بنبره هادئه:السبب الناس اللي حواليكي وبيحبوكي ياسيلين اكيد مش عايزه تسبيهم وتمشي لاننا من غير وجودك هنحس بحاجه ناقصه جوانا وفي حياتنا قدامك تبتدي حياتك ياسيلين من تاني ادهم فعلا بيحبك مش مجرد كلام وده واضح من عينيه وتصرفاته ميستاهلش انك تنسي الماضي عشانه وانا عارفه انك ابتديتي تحبيه بس بتحاولي تنكري ده حطي في دماغك حاجه ياسيلين مش كل شخص زي التاني وامكن ربنا بيديكي فرصه تعيشي حياتك
سيلين:تمام حته لواابتديت احس بمشاعر ناحيته فمستحيل علاقتنا تستمر كتير وده لاسباب كتير فيه مليون شخص مش هيخلوا علاقتنا ديه تستمر كتير
لارا بجديه:سيلين عارفه ماما كانت بتقولي ايه دايما ان لو الطرفين بجد عايزين العلاقه تستمر فمفيش حد هيقدر يوقف ده اويمنعه مهما يحصل لانهم هيكونوا لبعض سند ودعم وقت اي مشكله الثقه بتجمعهم ومستحيل حد يعمل بينهم سوء تفاهم حته لوحصلت بينهم اي مشكله فهما قادرين يتفهموا ويحلوها لوحبهم حقيقي ومش حابين حد فيهم يخسر تاني،حاولي تفكري في كلامي ياسيلين لانك لوخسرتي ادهم هتندمي ويلانطلع نقعد معاهم مازن ودينا كمان جم
..............
عمر بمزاح:انتوا نمتوا انتوا الاتنين جوه حرام عليكم جوعت انت جايبني تعذبني هنا ياادهم
مازن بضحك:نقول ايه فيك همك كله علي بطنك مفجوع
لارا:قضينا وقت بين الضحك والكلام واكلنا وقعدت انا ودينا في اوضه والاوضه التانيه قعد فيها مازن وعمر بس كانت سيلين علي نفس شرودها حته انها معظم الوقت كانت ساكته كانها في عالم تاني سبتها تقعد لوحدها شويه واتجهت لغرفتي
ادهم بتنهد:كانت جالسه بالخارج فاتجهت ناحيتها ممكن اقعد
سيلين بتنهد:لاحابه اقعد لوحدي ياادهم،كاني مقولتش حاجه ولقيته قعد مكنش ليها لازمه بقي تسألني
ادهم بعفويه:امممم هعتبر نفسي مسمعتش اللي قولتيه بس مين اللي كان بيكلمك لدرجه انك من بعدها وانتي قعده وكانك في عالم تاني،ولومش عايزه تجاوبي مفيش مشكله مش هجبرك يعني بس حبيت اجي اشوف مالك مش اضايقك اكتر قومت من مكاني وكنت لسه همشي بس لقيتها مسكت ايدي
سيلين بتنهد:انا مش مضايقه ولامن سؤالك ولامن وجودك ياادهم بس الموضوع في حد ذاته او اني اجيب سيرتها بيضايقني لحد انهارده معنديش القدره اني انسي الماضي او انه مياثرش علي حياتي
ادهم بجديه:امكن انتي اصلا محاولتيش تنسي ياسيلين الماضي بيفضل ماضي احنا اللي في ايدينا يخليه ياثر علي حاضرنا ومستقبلنا كل واحد فينا بيمر بتجربه انا كنت خاطب من خمس سنين مها وبعد حوالي سنه انفصالنا تقريبا بعد حادثه ملك
سيلين بتنهد:مها نوعا مااختيار غريب بس اكيد كنت بتحبها عشان كده خطبتها
ادهم:لامكنتش بحبها ديه كانت علاقه مجبر عليها سعتها وبسبب مشاكل كتير وافقت واستنيت الوقت المناسب وانفصالنا
سيلين:معرفش ليه حسيت بسعاده غريبه وارتسمت ابتسامه علي شفتاي لماقال انو مبيحبهاش معقول اكون اتجننت
ادهم بابتسامه:وبعدين افرضي مثلا لوكنت اتجوزتها وقتها كنت هقابلك ازاي مكنتش هقدر اقابل احسن حاجه حصلتلي في حياتي
سيلين بضحك:قومت وقفت علفكره اتغيرت كتير لقيته شدني من ايدي فوقعت في حضنه جيت اقوم لقيته شدد علي خصري ادهم سيبني ممكن اي حد يجي
ادهم بابتسامه:ميهمنيش حته لوحد جيه لانك مراتي ياسيلين وحابب ارد عليكي واقولك اني متغيرتش بس انتي قدرتي ترجعيني للي كنت عليه قبل خمس سنين ببقي بطبيعتي معاكي ياسيلين مببقاش مضطر امثل اني شخص تاني معنديش قلب ولامشاعر انا عارف ان وجودك هنا لفتره وبعدها هتمشي وده طبعا حقك
سيلين بعفويه:ونفترض اني بفكر افضل ومرحش في حته
ادهم بعدم تصديق:بمعني
سيلين بضحك:هو كان كلامي صعب اوي كده انا كنت بتكلم بجد يوم مقولتلك اني هديك فرصه ياادهم واني احاول ابعد الماضي وتفكيري بس ديه محاول اتمني تنجح
..............
لارا باستغراب:مالك سرحانه في ايه يادينا هو ده حال المتجوزين انا عارفه متقوليش انك بتفكري في مازن بقي وكده
دينا بنفاذ صبر:ايه اللي رماكي عليا يالارا وبعدين هفكر ليه فيه دالوقتي مثلا انا بفكر ايه اللي هيحصل بكره لماسيلين ترجع البيت وهي شكلها مدايق اصلا
لارا بابتسامه:متقلقيش انتي لسه متعرفيش سيلين لوحد بس عملها حاجه ربنا معاه بقي
دينا بصدمه:ده بجد
لارا بضحك:اه يابنتي فيه في مره واحد سرق شنطتها وهي ببتمشي معايا فضلت تجري وراه لحد ماجبته وخدت الشنطه وضربته وهو اعتذارلها عشان تسيبه بس هي بلغت عنه فديه اخو واحده تفكري تقلقي عليها وبعدين مش شايفه التطوير اللي هي فيه
دينا بضحك:اقصدك علي تعاملها مع ادهم يعني
لارا بابتسامه:اممم بتمني انها تعترف لنفسها حته ان فيه مشاعر جواها ناحيته وابقي خالتوا من اي ناحيه والعب بكائن صغير قمور
دينا بضحك:وليه عندي حل احلي انتي تجوزي وترحمي دماغنا ونخلص منك
لارا بعفويه:قعده علي قلبكم ومش ناويه اتجوز انا ناقصه وجع دماغ مالها العيشه اللي انا فيها
.............
تاني يوم الصبح،خديجه:ياه اهلا بيكو مش بدري يااستاذ ادهم اللي اختفيت بعد الفرح واخوك التاني اللي معظم الوقت قاعد مع باباه والتالت مش لاقي حد يلمه
ادهم بجمود:واللي هو ايه يعني احنا كبار بمفيد الكفايه ومسئولين عن تصرفاتنا وكل واحد حر في اللي عايزه
نور بطفوله:خالوا ادهم امتي جيت لقيته حملني كده تسيبني لوحدي
خديجه بجديه:معلش بقي يانور هتضطري تتعودي علي ده من انهارده لان خالك بقي عنده حاجات تانيه تشغله عنك واهتمامته اتغيرت
ادهم:ممكن تروحي تلعبي شويه وانا هجيلك وخليت عمر راح معاها،ممكن تفهميني ايه لازمه الكلام ده قدامها انتي ناسيه انها مجرد طفله وبعدين انا اهتمامتي متغيرتش ومفيش حاجه هتشغلني عنها فياريت تخلي ده في بالك وبلاش الكلام ده،سبتها ومشيت مازن فيه مشوار عايزك فيه
مازن:تمام يلا ياادهم ودعت دينا وسبتها واتجهت لخارج معاه
سيلين بابتسامه:اخيرا هلقي حد يقعد معايا شويه عقبال مااظبط اموري وارجع المستشفي تاني
دينا:انا فرحانه انك قدرتي ترجعي لحياتك تاني وشغلك ياسيلين بس انا هتشل لوفضلت هنا كتير
سيلين بضحك:اه عشان تحسي بيا قعدنا نتكلم شويه ونضحك ومفيش حاجه ولقينها متجهه نحونا خير ياطنط
خديجه:في ايه بيتي واقعد مكان منا حابه مش لازم بسبب
سيلين بنفاذ صبر:قومي يادينا عشان مش حابه نتخناق وقبل ماامشي لقيتها مسكت ايدي
خديجه:لمي لسانك الطويل ده ياسيلين وبعدين كنت مستحمله واحده بالعافيه يبقوا اتنين كتير انتوا تعرفوا بعض من قبل كده كانت مرات اخوكي وضحكتوا علي اتنين من احفادي واتجوزتوهم مش عارفه نزلوا مستوي عيلتنا كده ازاي وارتبطوا بناس زيكم
سيلين بعصبيه:مش هسمحلك انك تقولي كلمه غلط في حقنا ولاتهنينا لان ببساطه انا مش حابه اطول لساني لانك اقد جدتي
خديجه:صوتك ميعلاش ياسيلين وانتي متقدريش اصلا تطولي لسانك لان اللي بقوله الحقيقه انتي ولاحاجه ومسير ادهم يسيبك زي ماسابك خطيبك وخانك مع واحده تانيه عارفه تلقيه سابك وعرف اقد ايه انو غلط ونزل من نفسه لماارتبط بيكي اويمكن عرف عنك حاجه خليته يتخلي عنك زي من ساعت ماجيتي هنا وانا مشفتش اهلك واضح انهم ماصدقوا خلصوا منك
دينا بعصبيه:بس كفايه مين اداكي الحق تكلمي عنها كده وانتي متعرفيش عنها حاجه لقيتها مسكت ايدي عشان اسكت
سيلين بالم داخلي عكس ماتظهره من تماسك:مش معني انو سابني واتخلي عني يبقي انا اللي كنت السبب انتي مش من حقك تكلمي في حياتي لان ديه تخصني ومش هسمح لاي حد يتكلم فيها او حته ارد عليه غير ادهم لان ده حقه وقبل ماتفكري تهنيني كده فكل واحد يفكر في حياته قبل مايغلط في غيره ومتخفيش انا اخر حاجه افكر فيها اني اشك في ادهم لاني بثق فيه اكتر من نفسي وهو مستحيل يعمل زيه او يتخلي عني
خديجه بسخريه:اممم ياريت ثقتك ديه متروحش قريب لان ادهم راجل وممكن يضعف في اي وقت ويخونك وتتكسر ثقتك ديه لمره التانيه
سيلين بجديه:لوانتي معتقده ان الرجاله كلهم خاينين فديه مشكلتك انتي مش انا وعمتا انا واثقه ان ادهم مستحيل يكسر ثقتي ديه عن اذنك يلايادينا
............
مازن:كنت عايزني في ايه بقي ياادهم
ادهم بتنهد:عارف انا روحتلها امبارح بس هي لسه زي ماهي نفسي اشوفها ترجع تاني
مازن:ادهم مر اربع سنين علي حالتها ديه واحنا عارفيين كويس ان صعب تتحسن انا دكتور وعارف انها صعب ترجع تاني مفيش تحسن في حالتها ولااي اشاره تدل ان فيه امل ده غير لوفاقت هتبقي تعبانه مش هترجع زي الاول ياادهم هي سيلين متعرفش بوجودها صح
ادهم:لامتعرفش ومش عايزها تعرف دالوقتي في الوقت المناسب هتعرف وكمان لمااخلص من المشاكل اللي في البيت واخلص من احمد دول اهم حاجه
مازن بتنهد:زمانها مولعه في البيت دالوقتي
ادهم بجديه:اممم بس متقلقش سيلين مش هتسكت لوقالت اي حاجه هتقدر تاخد حقها بس رغم اني اعرف عنها كل حاجه فيه حاجه مرتبطه بمامتها انا معرفهاش وهي مبتكلمش في الموضوع ده بس بمجرد لما تسمع اسمها بتتغير بطريقه غريبه انا مش قادر اوصل لايه السبب
مازن بتنهد:بص ياادهم زي مانت بالنسبالها فيه حاجات متعرفهاش عنك وامكن ده بيخليها تفكر في تصرفاتك وتسأل نفسك ميه سؤال ومستني الوقت اللي تقدر تصارحها فيه ببقيه الحقيقه هي كمان كذلك انت تعرف عنها كل حاجه معادا حاجه خاصه بماضيها هي اكيد لما تقدر هتقولك عليها بس متحاولش تضغط عليها
.............
دينا بقلق:سيلين انتي كويسه
سيلين:اه كويسه مالي يعني
دينا بتنهد:مش عارفه بس شكلك ميدلش انك كويسه اه انتي رديتي وخدتي حقك بس انا عارفه ان الكلام دايقك بس ممكن اسألك علي حاجه
سيلين بعفويه:لامعدش بيهمني يادينا،اسألي عايزه ايه
دينا:انتي الكلام اللي قولتيه من شويه وانك بتثقي في ادهم ده كان حقيقي ولالمجرد انك تسكتيها
سيلين بابتسامه:اعتبريها الاتنين انا قصدت كل كلمه قولتها ومكنتش الاالحقيقه يادينا عمتا مش حابه افضل في البيت فهروح المستشفي تحبي تيجي معايا ولاهتفضلي ولانظامك ايه
دينا بتنهد:لامروحه ماما بعتتلي رساله باني اروحلها بس فاهبقي اتصل بمازن اقوله بس خلي بالك من نفسك
سيلين بابتسامه:حاضر وانتي كمان برضو العربيه وصلتها لحد بيتها ودعتها وطلعت علي المستشفي وانا بفكر في كل كلمه قالتها انا كدبت علي دينا بان الكلام ماثرش عليا وجرحني
السائق"مدام سيلين احنا وصلنا المكان اللي كنتي عايزاه
سيلين بتنهد:فوقت من شرودي تمام شكرا نزلت من العربيه واتجهت لداخل روحت لمكتب الدكتور واتكلمت معاه وبعدين اتجهت لمكتبي اللي بقالي بتاع حوالي شهرين وشويه مجتهوش
ممرضه:دكتوره سيلين انا فرحانه انك رجعتي الشغل تاني وهنشوفك ياريت متختفيش تاني وكمان سمعت ان حضرتك اتجوزتي فالف مبروك
سيلين بابتسامه:الله يبارك فيكي من بعد كده هتلقيني هنا علطول بعد ماسبتني شردت فيه معرفش ليه بس قطع شرودي ده رنين هاتفي فكان هو كنت لسه هتصل بيك تاني لان رنيت عليك وموبيلك كان مغلق
ادهم بابتسامه:اه شوفت انك رنيتي كذه مره ومخدتش بالي انو مقفول انتي كويسه او كنتي عايزه حاجه
سيلين بنبره خافته:كنت هقولك اني روحت المستشفي عشان زهقت من البيت بس كده اخبارك ايه
ادهم باستغراب:لامش مصدق نفسي دكتوره سيلين بنفسها بتسألني عامل ايه عمتا انا كويس هتخلصي شغلك علي امتي وانا اعدي عليكي
سيلين بضحك:فيها ايه محسسني اني عملت معجزه ياادهم
ادهم بنبره غريبه:الصراحه هي تصرفاتك اليومين دول تعتبر معجزه فعلا لاني مش متعود عليكي تكلمي عادي وبهدوء كده ياسيلين فياترا ايه سبب تغيرك المفاجئ ده اليومين دول
سيلين بنبره هادئه:هو انا ابقي غريبه لما اتكلم معاك طبيعي مثلا بس عمتا مفيش سبب محدد اويمكن اكتشفت اني كنت ظالماك يعني بس ده سبب فرعي مش رئيسي هخلص علي 7لومش هتكون خلصت هعدي عليك انا واجي ازهقك عشان مش حابه اروح
ادهم بابتسامه:اعملي اللي تحبيه وبعدين متقلقيش هحب تزهقيك ليا خلي السواق يوصلك علي الشركه لماتخلصي يلااسيبك بقي عشان ورايا شغل سلام
سيلين بابتسامه:سلام مش عارفه ليه بقيت بحب اتكلم معاه واني اسمع صوته واشوف ابتسامته معقول فعلا اكون اتجننت وابتديت احبه مش عارفه اللي بحس بيه ده حب ولالأبس هي مشاعر حباها ومش قدره اوقفها اوامنعها فضلت شارده فتره بس فوقت علي دخول الممرضه بان فيه واحده عايزاني فقلتلها تدخلها بس لما شوفت وجهها تلاشت الابتسامه عن وجهي وتبدلت بصدمه وضيق انتي........
يكمل