دينا بقلق:فيه ايه يامازن
مازن:ده كان يوسف مامتك تعبانه وهو حاول يتصل عليكي وموبيلك مغلق اتجهنا لخارج وبعد فتره كنا وصلنا هناك
دينا بقلق:ماما هتبقي كويسه
مازن بتنهد:اهدي يادينا ضغطها ارتفع شويه مع السكر فاغمي عليها انا اديتها ادويتها وعقبال الصبح هتبقي كويسه متقلقيش انتي دكتوره وعارفه انها ممكن تحصل لوحاجه دايقتها او انفعلت من حاجه
عمتا انا همشي واجي اطمن عليها الصبح
دينا بابتسامه:خليك الوقت اتاخر والجو وكمان مش حلو وده بيتك كمان ولاانت عندك رأي تاني انا عارفه انك ماكلتش من الصبح فهروح احضر اكل
مازن بضحك:لاشكرا بالذات انتي متحضريش اكل مش حابب اتسمم انهارده
دينا باستنكار:واللهي طيب يادكتور روح حضر لنفسك واه ابقي نام مع يوسف كنت همشي بس هومسك ايدي وشدني ليه
مازن بضحك:في ايه يادينا معني كده لما تيجي بيتي ونتخانق مثلا هتطرديني من الاوضه بزمتك يرضي مين ده
دينا بابتسامه:اممم علي حسب سعتها بس يوسف هيفرح لما تنام معاه سعتها خلاص متبصليش كده بهزر تصبح علي خير بقي
.............
سيلين:بعد مارحت بدلت هدومي ورجعت اكمل اللي كنت بعمله في المطبخ ادهم انا حابه ارجع شغلي قعدتي كده بضايقني شغلي ده حياتي الحاجه الوحيده اللي عملتها بارادتي وحققتها عشان نفسي انا عارفه انا مقدروش يمسكوا احمد بس انا اتعلمت اني موقفش حياتي علي حاجه واني اللي مكتوبلي هيحصل
ادهم بنبره خافته:لوشايفه نفسك كويسه ممكن ترجعي شغلك من بكره
سيلين بفرحه:بجد شكرا ورحت حضنته لما لاحظت اللي عملته فبعدت عنه احم انا هروح اشوف اللي في الفرن بدل مايتحرق لقيته شدني من خسري وقربني منه في ايه
ادهم بابتسامه:هسالك سؤال انتي فعلا بتثقي فيا ياسيلين وبطاتي تخافي مني
سيلين بنبره واثقه عكس الاضطرا الداخلي التي تشعر به:انا بثق فيك ياادهم لانك خلتني اغير رأي نوعا ما عن الثقه وده بسبب افعالك وكمان حد قالك اني من ساعت ماقابلتك كنت بخاف منك انت بالنسبالي كنت شخص معرفش انت هتأذيني ولالأ خفت مرتين من ساعت ماقابلتك لما هددتني بيوسف ولما كنت حاسه اني هموت قبل مااعتذر منك علي كلامي اللي متاكده انو جرحك نسيت كلام بابا ليا ان مينفعش احكم
ادهم بعفويه:علي حد من غير مااكون عارفه كويس ومش شرط اكون قعدت فتره طويله معاه عشان اعرفه ممكن اقدر افهمه من تصرفاته لان الشخص مهما حاول يخفي تصرفاته وطبعه ويزيفه فمش هيقدر يعمل ده لفتره طويله
سيلين بدهشه ممزوجه باستغراب:انت عارف الكلام ده منين ياادهم بابا فعلا كان بيقوله علطول ليا
ادهم بتماسك:عادي ممكن اي حد يكون عارف الموضوع ده يعني
سيلين بتنهد:مش عارفه ليه احيانا بحس كلامك اوبعض حاجات بتقولها شبه كلام بابا ممكن تكون مجرد صدف او يمكن هو وحشني بتمني لوالوقت يرجع واقدر اوصل بدري واعرف هو كان عايز يقولي ايه قبل مايموت
ادهم بنبره ذات مغزي:مش كل اللي بنتمناه ممكن يتحقق وسعات بنكون بنتمني حاجه رغم ان عارفين انها مستحيل تتحقق بس
...............
تاني يوم الصبح،ادهم بتنهد:اتجهت لغرفتها وقعدت علي كرسي بجانب سريرها ومسكت ايديها عارفه انك وحشتيني كتير بتمني علطول لوتبقي معانا وتشوفي احنا اتغيرنا ازاي وتتعرفي علي سيلين حاولت كتير اقاوم مشاعري نحيتها بس في الاخر استسلمت متاكد انك هتحبيها انا عارف انك حسه بوجودي وسمعاني واكيد لما يجي الوقت المناسب هجيبها هنا لقيته واقف عند الباب فقومت من مكاني واقتربت منها وطبعت قبله علي جبينها خرجت خارج الغرفه مفيش تحسن اوامل انها تفوق يادكتور
الدكتور"انت عارف يااستاذ ادهم اننا بنحاول بس بس هي زي ماهي في غيبوبه انا عارف انو ده صعب عليك بس انت عارف انو صعب تفوق محتاجه معجزه عشان يحصل ده
..............
سيلين باستغراب:لما صحيت الصبح ملقتهوش فقلت امكن راح شغله قومت غيرت هدومي وقررت اعمل كوبايه نسكافيه وبعدين اشف موضوع رجوعي لشغل بعد ماقعدت وشربت الكوبايه في الشرفه مسكت موبيلي وبعد فتره رد عليا ازيك يادكتور جون اخبارك ايه
جون بضحك:مش مصدق نفسي سيلين بذات نفسها ظهرت بعد غياب كنت بحاول اوصلك بس معرفتش رقمك كان مغلق وكمان سمعت انك اتجوزتي مبروك
سيلين بابتسامه:لاسف موبيلي ضاع فعشان كذه اسفه اني اختفيت الفتره ديه كلها الله يبارك فيك يادكتور هوانا مينفعش ارجع الشغل
جون بنبره هادئه:سيلين انتي عارفه انا بعزك اقد ايه وبعز باباكي فاعتبري المستشفي تحت تمرك لوحابه تيجي من بكره مفيش مشكله بس اتمني انك قبل ماتختفي تاني تقوليلي
سيلين بضحك:تمام شكرا يادكتور باي بعد ماقفلت قررت انزل اقعد تحت في الحديقه بس قبل مااطلع من البيت سمعت صوت في المطبخ فاتجهت لهناك فلقيت ادهم واقف ايه ده جيت امتي
ادهم بجديه:من شويه ولما لقيتك بتكلمي سبتك علي راحتك وقلت اجي اعمل حاجه بالمناسبه هنزجع بكره البيت عشان نور سايبها بقالي يومين وزمان الدنيا هناك هديت شويه وفيه حاجه لازم تعرفيها خاصه بالماضي بتاعي
سيلين بتنهد:بس ياادهم انت عارف ان كل واحد بيبقي عنده ماضي وانا مش حابه ادخل في حياتك
ادهم بجديه:روحي شوفي كنتي بتعملي ايه ياسيلين وعارفه لوحصل حاجه ورجعتي سألتي ليه مش هرد عليكي ومازن ودينا وعمر ولارا جايين بليل ويفضلوا لتاني يوم
سيلين بعفويه:ديه حاجه كويسه متخلينا هنا كلنا وبلاش نرجع عشان جدتك وقريبتها صعب حد يتحملهم او يقعد معاهم لاحظت اللي قولته فسكت
ادهم بضحك:عارفه ايه احلي حاجه فيكي ياسيلين مبتعرفيش تخبي مشاعرك مهما حاولتي الصراحه عندك عاليه بس عمتا انا مبحبهمش اصلا واتمني ان في اقرب وقت تاخد مها وتمشي قبل ماتحصل مصيبه وماادراكي مصيبهم عامله ازاي وخلي بالك من مها عمتا
سيلين بابتسامه:محدش بيغير طبيعته ولاايه ياادهم وانت اكتر واحد عارف ده
ادهم باستنكار:اقصدك ايه ياسيلين
سيلين بضحك:معقول مش شايف نفسك ده انت ممكن تعيش مع عصبيتك احسنلك
ادهم بغيظ:قربت منها معتقدش انك حابه تجربيها ياسيلين ورحت طلعت حاجه من جيبي لسه معايا من سعتها
سيلين بابتسامه:لفيت واديته ضهري وازحت شعري لجنب عشان يلبسهالي بعد شويه كان لبسهالي ديه كانت اخر هديه من بابا الله يرحمه عشان كده غاليه عليا
ادهم بابتسامه:حاجه حلوه لمايبقي فيه تذكار من حد بنحبه ومش معانا بس انتي دايما بتجيبي سيره باباكي ولامره جبتي سيره مامتك ولاانتي مكنتيش عايزاها تجوز وده اللي مضايقك منها
سيلين بضيق:واجيب سيرتها ليه مشكلتي معها مش انها ارتبطت بعد بابا هي حره في حياتها،مشكلتي معاها اكتر من كده لان مفيش ام تعمل اللي عملته معايا وياريت تفضل بعيد ومشفهاش تاني وياريت لومنجبش سيرتها احسن،كل واحد ليه ماضي ياادهم احيانا الكلام فيه بيبقي صعب بس الماضي بيفضل ماضي اه بيأثر علي حياتنا شويه بس مش كتير،ادهم انت شخص كويس ومقدرش انكر ده وساعدتني كتير بس انا قلبي اتكسر من زمان ومستحيل يقدر يحب تاني المشكله فيا مش فيك ياادهم
ادهم بجديه:مش معني ان علاقه في حياتنا تفشل نوقف حياتنا عليها ياسيلين
سيلين بسخريه ونبره يتضح فيها الالم:علاقه واحده قول علاقات انا اقرب الناس ليا خانتني ياريت كانت جت عليه وبس واننا انفصالنا انا بكره الخيانه والكدب لدرجه كبيره ممكن متقدرش تتصورها،واحنا علاقتنا مش مبنيه علي حب من طرفين ياادهم يعني ضعيفه ولوفكرت انك تعمل حاجه من الحاجتين دول اعرف ان لوفيه حاجه بتجمعنا فهي هتبقي انتهت فعلا ياادهم
.................
خديجه:جبتي معلومات عنها تنفعنا ولامعرفتيش
مها بابتسامه خبيثه:اكيد طبعا جبت انا مش قليله ومبسبش حقي بسهوله وادهم حقي انا ومستحيل اسمحلها تاخده مني وسمعت عمتي انهم جايين بكره
خديجه:انتي عارفه كويس اني هساعدك توقعي بينهم لاني مش بحبها ومش هتقبلها واستسلم لامر الواقع زي ماعملت مع ابني زمان بس قوليلي ايه اللي عرفتيه
مها بجديه:باباها متوفي وبعد وفاته مامتها اتجوزت وهي كانت بتحب شخص ومخطوبه ليه وانفصلوا بسبب انو خانها وكسر قلبها وفضلت فتره تتعالج نفسيا بسبب الموضوع ده والحاجه الاخيره مش هتصدقي هي مين
خديجه:قولي بسرعه يابت
مها بابتسامه:اخوها يبقي جوز ملك اللي اتخلي عنها وهو نفسه اللي خطفها يوم الفرح وكان عايز يقتلها وبينهم مشاكل عمتا هو مش بيطقها
خديجه بجديه:حلو جدا بس نخلي موضوع اخوها ده لوقت عوزه ونستغل ماضيها لان اكيد اللي اتكسر قلبه وثقته مره بتبقي المره التانيه ضعيفه واي حاجه ممكن تهز ثقتها وتدمر كل حاجه وده اللي هنشتغل عليه
...............
دينا:صحيت من النوم وهو كان لسه نايم ابتسامه غريبه ارتسمت علي شفتاي اثر شرودي في ملامحه فوقت من شرودي ورحت اتحركت بهدوء وفتحت الدرج كان فيه حاجه تبع يوسف وحطتها علي مازن مسكت ضحكتي بالعافيه وبصوت عالي نسبيا الحق يامازن فيه حاجه عليك لما اقام مخضوض بسبب صوتي ديه سحليه
مازن بخضه:فين ديه
دينا بتماسك:اهي وبمجرد ماشافها فطست من الضحك جنبه شكلك فظيع اوي اه مش قادره
مازن بعدم تصديق:انتي مجنونه يادينا فيه حد يعمل كده ناويه تموتيني بازمه قلبيه
دينا بضحك:اه انا موجوده يبقي فيه قومت ولسه كنت هتجه لحمام فلقيته حاصرني علي الحيطه بص هحاول امسك نفسي ومضحكش بس الموضوع صعب وفضلت اضحك
مازن باستنكار:وتفتكري اعمل فيكي ايه يادينا تعويضا علي اللي عملتيه
دينا بضحكه خفيفه:لامن غير حاجه انا قلت اقوم بالواجب معاك وقبل مااكمل قطع كلامي بقبله احسست باضطراب داخلي
مازن بابتسامه:قربت منها وهمست بجانب اذنها موضوعنا منتهاش كتعويض علي ازعاجك ليا الصبح هتعملي اللي عملته من شويه
دينا بتوتر:مستحيل روح نام واحلم بقي
مازن:اعتبريه تحدي بس واضح انك قبلتي الخساره من دالوقتي يادينا ولاول مره
.............
عمر:انا مش مرتحلك يالارا عارفه لوعملنا حادثه تاني مبلاش تسوقي ونجيب السواق احسن.
لارا بغيظ:ده علي اساس مين اللي كان بيسوق في المره اللي عملنا فيها حادثه ياعمر
عمر:انا بس انتي اللي كنتي قايلالي علي الطريق فاكره
لارا بنفاذ صبر:كلمه تانيه ومش هتموت في حادثه انا اللي هقتلك ياعمر اخرس شويه احنا هنوصل بخير لوسكت وبطلت تقول هنعمل حادثه وبعدين انا معايا شهاده سواقه
عمر بجديه:ده علي اساس انها ضمان مثلا مافي ناس معاها وبتعمل حوادث برضو
لارا بغضب مكتوم:صبرني يارب انا ايه اللي جابني معاك
عمر:جيتي معايا عشان متعرفيش الطريق لولا كده مش هتوصلي
لارا:مش هوصل ليه منا كنت ممكن اخد العنوان من سيلين او من اخوك واجي لوحدي عادي خالص وكنت هتبقي مع السواق اللي ضامن انو مش هيعمل حادثه،بعد فتره واخيرا وصلنا وادهم هو اللي فتح الباب سلمنا عليه ودخلنا
ادهم باستغراب:مالكم عاملين كده ليه انتوا اتخانقتوا وانتوا جايين
لارا بتنهد:ولاحاجه متشغلش بالك بس لوعايز اخوك يفضل عايش ياادهم خليه يبطل يستفزني
عمر باستنكار:انا مستفز يالارا بطلي كدب بقي انا كده ياادهم هاا رد عليها
ادهم بضحك:الصراحه لارا معاها حق احيانا بتبقي عايز الواحد يقتلك ويخلص
لارا بضحك:مش قادره جبهتك راحت ياعمر حته اخوك اعترف يبقي انا ليا حق
عمر بغيظ:بقي كده ماشي ياادهم انتي اللي هتنصفيني ياسيلين عشان دول ظالمه
سيلين بعفويه:ليه في ايه
عمر:هما الاتنين بيقولوا عني اني احيانا ببقي مستفز وبيبقوا عايزين يقتلوني يرضيكي كده
سيلين بعفويه:لاميرضنيش وبعدين اللي بيتريق عليك وبيضحك اكتر واحد مستفز واحيانا بيبقي محتاج يتخبط بحاجه وحبيبتي لارا مش اقل منه يعني
عمر بضحك:لامش قادر كان فينك من زمان ياسيلين عشان تاخدي حقي
لارا بغيظ:بتبعيني ياسيلين عشانه مكنش العشم مش مسامحه علفكره
سيلين بضحك:عادي مش حقيقه ولاايه سبتهم واتجهت لمطبخ كنت بجيب حاجه بس لقيت ادهم حاوط خصري انت بتعمل ايه
ادهم باستنكار:بقي انا مستفز وبتبقي عايزه تخبطيني بحاجه ياسيلين
سيلين بعفويه:عادي كنا بنهزر ياادهم متخدش كل حاجه كده لقيته بيقرب مني وبيميل ناحيه شفتاي
ادهم بابتسامه:مين قالك ان كنت جاي عشان الموضوع اللي حصل بره فيه حد وحشني فقلت لمااجي اشوفه وبعدين مش معقول اسيبك ومساعدكيش يعني
سيلين بتوتر:بس انا مش عايزه مساعده لقيته حرك ايدي فلمست ظهري وابعد خصلات شعري لجنب وقرب مني اكتر ادهم انت بتعمل ايه
ادهم:قربت منها اكتر وقفلتلها الفستان ورحت بعدت عنها شويه فستانك كان مش مقفول لاخر ياسيلين
سيلين بنبره متوتره:شكرا كنت لسه همشي من قدامه بس مسك ايدي وشدني فظهري اصتدم بصدره
ادهم بخبث:همست بجانب اذنها عارفه ان نيتك وحشه ياسيلين بس ميمنعش يعني ان لكل حاجه وقتها ولاايه
سيلين باضطراب:ممكن تبعد عني عشان اكمل اللي كنت بعمله قطع كلامي رنين هاتفي كان رقم ففصلته ورجع رن تاني
ادهم بابتسامه:ردي امكن حد يعرفك
سيلين بتنهد:رديت الو لما سمعت الصوت احتلت الصدم هت ملامحي ........
يكمل
أنت تقرأ
احببت عدوتي
General Fictionمااصعب ان ندرك حقيقه الامور وان نري الحقيقه التي مر اعوام ونحن نظن غيرها،ويمكن ان نظن ان صله القرابه او الدم هي من انقي العلاقات واخلصها ولكن عندما نكتشف العكس وان اقرب شخص الينا او مانعتبره كذلك هو مجرد خدعه يطعن الذي امامه في ظهره،وتختلف ايضا بعض...
