عمر بجديه:لامش هي السبب ياادهم هتلقيها لارا هي اللي اخرتهم لانها مسمعتش الكلام واصرت تروح شغلها انهارده لسه بلف لقيت عمتي نهال وقفه ورايا وشكلها سمعتنا
نهال بعصبيه:انت عارف ايه اللي بتقوله فيه واحده بتروح شغلها يوم خطوبتها اوووف انا حذرتك ياعمر منها كنت خلصت من سيلين عشان تطلعلي لارا كمان واضح ان بنات العيله ديه ناويين يقضوا علي سمعتنا علي الاخر فهمني نقول لناس ايه لما تسأل هي اتاخرت ليه ومجتش نقولهم معلش اصل شغلها كان اهم من حفله خطوبتها
ادهم بجديه:ممكن تهدي ياماما هما جايين في الطريق ملهاش لازمه العصبيه ديه كلها
نهال بانفعال:ماليك حق تقول كده ماهي قريبه مراتك ماشاء الله الاتنين شبه بعض وانتوا دخلتوهم البيت وقريب هيجبوه الارض هو وسمعتنا ورحت سيباهم وماشيه
مازن بجديه:اهدوا انتوا الاتنين العصبيه مش هتحل حاجه زمانهم في الطريق انا ماصدقت هديت عمي مصطفي وخليته يرتاح جوه شويه عشان تعب
ادهم بضيق:انا هروح اشوف نور وسبتهم ومشيت
..............
ميرا بعفويه:ممكن تهدوا انتوا الاتنين وكفايه خناق
سيلين بغضب مكتوم:ماهي مش حاسه باللي ممكن يحصل لما نروح بعد فتره كنا وصلنا وكانت الساعه8جينا بعد معادنا بساعه اول مانزلنا لقينا عمر وادهم في وشنا بصوا ممكن ناجل الخناق احسن عشان الفضايح
ادهم بعصبيه:ده علي اساس تأخيركم ده معملش فضايح اومشاكل
مازن:ياشباب اهدوا نخلص الحفله والناس تمشي وبعدها اعملوا اللي انتوا عايزينه يلا ياعمر ولارا الكل مستنيكم جوه
لارا بتنهد:لقيت عمر مديلي ايده بعد تردد مديت ايدي واتجهنا لداخل بين الكل بعد ماقعدنا فين بابا
ياعمر
عمر بجديه:تعب شويه فاقنعناه انو يدخل يريح جوه شويه عقبال مانتي تيجي ونبتدي الحفله
لارا بقلق:يعني بابا كويس
عمر:اه يالارا ريحي نفسك بس ياريت اللي حصل انهارده ميتكررش تاني يالارا
لارا بجديه:كان عندي شغل واجتماع ومكنشينفع مروحش زي مانت بتهتم بشغلك انا برضو ده شغلي وتعبت كتير عقبال ماوصلت لهنا وماعنديش استعداد ارجع لنقطه الصفر تاني عشان ارضي اللي حواليا
عمر بنفاذ صبر:انا مقولتلكيش سيبي شغلك او اهمليه كل اللي قلته بلاش انهارده بس ازاي تسمعي الكلام متبقيش لارا
لارا بتنهد:مش هرد عليك احسن لان مش عايزه اتخانق معاك،كان بعد شويه اتبادلنا الخواتم واتصورنا كلنا وانا وعمر مع بعض وقومنا عشان نرقص لسه هتكلم لقيته حاوط خصري بزراعه وماسك ايدي باايده التانيه وقربني ليه توتر غريب سيطر عليا
سيلين بعفويه:هتفضل مكشر كتير كده ياادهم مقولتلك مش ذنبي التأخير ده
ادهم بجديه:سيلين انتي مش حاسه ان المشاكل بتزيد من فتره وبدل ما ماما كانت بتحبك دالوقتي الموضوع اتغير و
قطعتني بابتسامه حزينه:بقت بتكرهني صح ده اللي انت عايز تقوله انا عارفه ان زمانها مدايقه مني دالوقتي بس انا مازلت بحاول اصلح علاقتي بيها لاني مش حابه اخسر احساس ان يبقي عندك ام مره تاني بس انا اللي مخوفني لوعرفت انا مين وقتها هبقي خسرت علي الاخر بعد شويه كانت خلصت الحفله وماتبقاش غيرنا في البيت فكنت واقفه مع دينا وبنتكلم قطع كلامنا صوت ماما خير ياماما وقبل مااكمل لقيتها مسكتني من زراعي جامد ورفعت صور في ايديها وادتهوملي فلقتهم صور بتجمعني انا واحمد وفيه صور بتجمعني انا وهو ودينا
نهال بعصبيه:ايه علاقتك بيه ياسيلين هااا ردي عليا
ايه اللي بيربطك باحمد
سيلين بصدمه ممزوجه بدموع:احمد يبقي اخويا من بابا بس لسه هكمل ولقيتها ضربتني كف علي وجهي اتي الكل علي صوته
ادهم بصدمه:في ايه ياماما ضربتي سيلين ليه
نهال بحده:اللي انت واقف معاها وبتحبها عارف هي مين تبقي اخت الشخص اللي دمر حياتنا وكان السبب في دمار وموت اختك ياادهم هي عدوتنا ورحت مسكتها من زراعها تاني عايزه ايه من عيلتي تاني مش كفايه اخوكي واللي عمله ايه سبب دخولك البيت ياسيلين لوفكره انك هتقدري تاخدي ابني مني تبقي غلطانه انتي اكيد جيتي عشان الفلوس صح انا مستعده اديكي اللي انتي عايزاه بس ابعدي عن عيلتي وابني
ادهم بجديه:ماما انتي فاهمه غلط ممكن نقعد ونتكلم بهدوء بدل الخناق انا منكرش اللي احمد عمله وهو فعلا عدونا ومسيرنا ناخد حقنا بس مش معني ان سيلين اخته تبقي زيه محدش بيختار عيلته ياماما ولو كانت نوايا سيلين زي مابتقولي مكنتش فضلت الفتره ديه كلها من غير ماتعمل حاجه انا بثق فيها
نهال بغضب مكتوم ممزوج بصدمه:يعني انت كنت عارف حقيقتها وبالرغم كده دخلتها البيت ياادهم معقول نسيت كل اللي حصل لملك عايزني افضل ساكته لحد مااخسرك انت كمان انت كسرت ثقتي ياادهم فيك وانا مستحيل اتقبلها بعد ماعرفت حقيقتها طلقها ياادهم وخرجها من البيت والأ انسي انك ابني واعصي كلامي ياادهم عشان بنت غلطت وحبيتها
عمر بجديه:كانت دخلت البيت فروحت وراها عمتي ايه اللي انتي بتقوليه بس انتي عارفه سيلين بالنسباله ايه ادهم هيدمر لونفذ اللي بتقوليه ده هي فعلا بتحب ادهم ليه نعقبها ونظلمها علي حاجه معملتهاش
نهال بجمود:انا قولت قراري ياعمر ادهم قدامه لصبح يقرر هو عايز ايه وسبته ودخلت اوضتي
سيلين بانهيار:خارت قواي ووقعت في الارض وكانت لارا و دينا قعدين جنبي بيحولوا يهدوني بس مقدرتش امنع دموعي فانفجرت في البكاء
لارا:سيلين عشان خاطري اهدي اكيد هنلقي حل احنا كلنا معاكي تعالي معايا ندخل جوه طيب وسندتها انا ودينا ودخلنا جوه
مازن:ناوي تعمل ايه دالوقتي ياادهم
ادهم بجمود:استني لصبح وهتعرف ايه اللي هايحصل
............
عمر بجديه:وصلنا تحت بيتك يالارا سرحانه في ايه
لارا بتنهد:قلقانه ومضايقه عشان سيلين هي متستاهلش كل ده وبعدين
قطعني بنبره خافته:سيبي الموضوع لصبح وادهم هيقدر يحل الموضوع انا واثق من ده
لارا بضيق:معتقدش ان ادهم هيقدر المرادي يسيطر علي الموضوع ياعمر يايختار مامته ياسيلين
عمر باستنكار:ليه واثقه من كلامك كده
لارا بابتسامه:عشان انا محاميه ياعمر وقبلت مشاكل كتير من النوع ده وبتنتهي انهم بيطلقوا عشان عايلته اومامته مفيش حب قادر انو يوقف مشاكل اللي حواليك انا عندي قلب زي كل الناس مش زي مانت فاكر اني معنديش احساس بس لما بضغط علي قلبي فعشان ميجيش يوم واخسر كل شخص بيبقي ليه اراء مختلفه عن التاني وانا مش من الناس اللي ممكن اتغير عشان ارضي اللي حواليا
عمر بعفويه:بس انتي وافقتي عشان ترضي باباكي يالارا
لارا بنبره ذات مغزي:مش معني اني وافقت اني اغير حاجه من نمط حياتي ياعمر عشان مثلا قدام ارضيك او ارضي عيلتي طالما انا راضيه عن نفسي فده كفايه اوي
عمر بجديه:ليه بتقولي الكلام ده دالوقتي
لارا بابتسامه:بقول كده عشان تعرف من دالوقتي ومترجعش تقولي اتغيرتي مع الوقت سلام
.........
تاني يوم الصبح،مها بجديه:تفتكري ياطنط ان ادهم هيعمل ايه هسيبها
نهال بضيق:ابني ضعيف ومستحيل يطلعها من البيت بس تفتكري هيفضلها عليا
مها:بصراحه هي مسيطره عليه بزياده ومخلياه مش شايف صح فمعتقدش انو هيقدر يخرجها من البيت بالسهوله ديه
نهال بتنهد:هو حر بس وقتها هيدفع ثمن قراره سمعت صوته العالي وهو بينادي عليا فطلعت من اوضتي فلقيته واقف وماسك سيلين من معصمها جامد في ايه
ادهم بعصبيه:مش كنتي مستنيه قراري الصبح ياماما انتي عارفه ان كلامك امبارح جرحني وضايقني انا عمري ماافكر اكسر ثقتك ولااخون روح ملك باني احب عدوتنا
نهال بنفاذ صبر:بجد ياادهم امال اسمي تصرفاتك الفتره اللي فاتت ديه وانك بدافع عنها ده مسموش حب انت فعلا كسرت ثقتي ولوكانت اختك لسه عايشه كانت عمرها ماافتخرت باللي انت عملته ده
ادهم بابتسامه ذات مغزي:ومين قالك ان كل اللي بنشوفه صح ياماما بس انتي اللي اتسرعتي في الحكم عليا مش معني اني دخلتها البيت وكنت بعاملها بحب يبقي ديه حقيقه
سيلين بصدمه ممزوجه بالم:اقصدك ايه بكلامك ده ياادهم لقيته ضغط علي رسغي اكثر اااه
ادهم بحده:قصدي انك واحده غبيه جدا ياسيلين لوكنتي فاكره اني بحبك تبقي غلطانه اذا كان اخوكي اللي من نفس دمك مقدرش يحبك وكان عايز يقتلك انا اللي اخوكي اذي عايلتي كتير وكان السبب في دمار اختي وضحك عليها هحبك بالعكس انا هكون السبب في دمارك كليا ياسيلين زي مااخوكي عمل انا بكرهك انتي وعيلتك وكل يوم قضتيه هنا معايا بكره نفسي اكتر انتي مستحيل حد يحبك او تفتكري ده حته بتمني اقتلك بايدي وانتقم بس كسرتك وضعفك هتحقق انتقامي
عمر بصدمه:ادهم انت اتجننت انت بتقول ايه ولابتعمل ايه انت اكيد مش في وعيك
ادهم بسخريه:مين قالك انا بقول ده وانا في وعي،انا كنت مستني الوقت المناسب عشان انفذ بقيت خطتي بس مش مشكله انها اتنفذت بدري شويه انتي ياسيلين ولاحاجه بالنسبالي
سيلين بصدمه وممزوجه بدموع:انت اكيد بتكدب ياادهم مستحيل تعمل فيا كده وتخدعني انت وعدتني انك عمرك ماهتتخلي عني
ادهم بجمود:انتي ليه مش عايزه تفهمي ان زي ماكان اللي بينا تمثيل وكدب كمان وعودي كانت مجرد كدبه عشان تصدقيني وتثقي فيا وبعدين اكسرك وانت غبيه وصدقتي ياسيلين ورحت جايب ورق من جوه شايفه الورق ده ورق طلاقنا بس عارفه مش هوقع عليه هخليكي مش محصله انك تخلصي مني وتكملي حياتك طبيعي ولاتقدري تنسي في يوم ان بسبب غبائك وصلك لهنا وكسرك
سيلين بعصبيه والدموع تتساقط علي خديها:ضربته كف علي وجهه انت اسوء انسان شوفته في حياتي انا بكرهك ياادهم وبندم علي اليوم اللي وثقت فيه فيك وحبيتك لان انت مستحيل تكون انسان مفرقتش حاجه عن اللي عمله احمد تفتكر كده هي اللي اختك هتفتخر بيك انك انتقمت مني كده انتوا ارتحت لقيته مسكني من زراعي وشدني معاه اوعي سيب ايدي لقيته مره واحده زقني فخرجت بره البيت
ادهم بجمود:مش عايز اشوف وشك هنا تاني ياسيلين ولاالمح خيالك حته قريب من البيت او من عايلتي لان وقتها هتشوفي ايام سوده وهدمرلك حياتك وقفلت الباب في وشها
عمر بعصبيه:انت اتجننت علي الاخر مكنتش اتصور ان ممكن تبقي بالقساوه ديه ياادهم انت كنت مثلي الاعلي بس انت دمرت كل حاجه ورحت سيبته عشان الحقها ملقتهاش كانها اختفت فاتصلت بلارا وقولتلها ان لووصلتلها تقولي
.................
لارا بقلق:اووف انتي فين ياسيلين واللهي مش هرحمك ياادهم لوجرالها حاجه فضلت لحد بليل بدور عليها وبحاول اكلمها ومفيش فايده لحد ماافتكرت مكان مروحتوش وهو بيت باباها فاتجهت ناحيه وانا بدعي القيها هناك بعد فتره قصيره وصلت ورنيت الجرس بعد فتره لقيتها فتحت فرحت اترميت في حضنها خضتيني عليكي ياسيلين انتي كويسه
سيلين بابتسامه ضعيفه:انا كويسه يالارا متقلقيش ادخلي وقفلت الباب واتجهت لداخل معاها وقعدت
لارا بضيق:مش هسامح ادهم علي اللي وصلك ليه ان مارفعت عليه قضيه وبهدلته قطع كلامي رنين الهاتف فلقيته عمر فكنسلت المكالمه من انهارده ملناش علاقه بعيلتهم تاني
سيلين بتنهد:بس ادهم اللي اذاني مش عمر وانا مش طبعي ان اظلم حد معمليش حاجه يالارا ردي عليه
لارا باستنكار:انتي بتقولي ايه بعد اللي ادهم عمله فيكي وطردك من البيت
سيلين بجديه:لارا مش عايزه افتح الموضوع تمام اذا كان عمر او مازن فملهمش علاقه نهائيا ومدخلهمش في اي حاجه بيني وبين ادهم ديه مشكلتي معاه وانا قادره اخد حقي علي اللي عمله فيا وسبتها واتجهت لداخل فلقيت موبيلي بيرن برقم معرفهوش سيبته وبعدين لما رن تاني رديت الو سمعت صوته وبعد فتره طويله عايز ايه او متصل ليه.........
...........
مازن بجديه:دخلت عليه مكتبه في الشركه فلقيته قاعد وساند راسه بين كفيه ادهم لازم نتكلم ضروري
ادهم بضيق:بس انا مش حابب اتكلم يامازن سيبني لوحدي وخد عمر معاك واخرج من المكتب
كازن بعصبيه:ادهم احنا سيبناك كام يوم تهدي بس لازم نتكلم ليه عملت كده مع سيلين انت مستحيل تكون اللي قولته صح
ادهم بنفاذ صبر:ليه مش قادرين تصدقوا ان ديه الحقيقه وان سيلين ولاحاجه بالنسبالي واني كنت مستني الوقت المناسب عشان اعمل كده
عمر بجديه:لانك اخونا واحنا عارفيين ان ده كله كدب ومستحيل تقدر تكدب علينا انت مخبي ايه ياادهم بتحاول تبين انك كويس بعد اللي حصل وده مش صح
مازن بتنهد:ادهم انت كده بدمر حياتك لوفيه حاجه صارحنا ممكن نقدر نساعدك
ادهم بجمود:ليه الموضوع شاغل دماغكم الموضوع ده كان هيحصل دالوقتي ولابعدين
عمر بعصبيه:ايه البرود اللي انت فيه ده انت عمرك ماكنت كده عايز تفهمنا انك عملت كده بارادتك ياادهم وان كل اللي كنا شايفينه بينكم ده كان مجرد كدب وتمثيل تفتكر لما ملك تعرف اللي انت عملته ده هتبقي مبسوطه زي ماعمتي متخيله ده غير المشاكل اللي بتزيد بقت عمتي مش طايقه دينا ولاعاجبها ارتباطي بلارا وحته لارا متخانقه معايا بسبب اللي انت عملته مع سيلين عايز توصلنا لايه تاني ماترد ياادهم
ادهم بعصبيه:قولي اعمل ايه انا كنت مجبر ان اعمل كده واطرد سيلين من البيت والأ..
مازن بجديه:والأايه ياادهم
ادهم:......
يكمل
أنت تقرأ
احببت عدوتي
General Fictionمااصعب ان ندرك حقيقه الامور وان نري الحقيقه التي مر اعوام ونحن نظن غيرها،ويمكن ان نظن ان صله القرابه او الدم هي من انقي العلاقات واخلصها ولكن عندما نكتشف العكس وان اقرب شخص الينا او مانعتبره كذلك هو مجرد خدعه يطعن الذي امامه في ظهره،وتختلف ايضا بعض...
